|
zain sudan زين عالم شين
|
زين عالم شين للمرة العشرين عامل فيها شاطر وعملت شريحةللنت بس . وللأسف ما سمعت نصايح الناس انو اريبا افضل .. لكن العشق كتال .. الشريحة بتدي اشعار رصيد ماحقيقي . بقيت زي الزول الساعتو مؤخرة ولا مقدمة كل مرة يشوف الزمن كم ويخصم ولا يزيد ومرات ينسي . اها كزبون مطيع اتصلت بيهم بدل المرة اكتر من مرة وشكرا لاتصالك بزين وبنرسل ليك رسالة متابعة .. اياهو الحل عندهم التهذيب الاجوف دون انجاز . عاملين فيها بهتموا بالعميل .. العميل ما داير منكم تلك اللغة المتزلفة المداهنة والسخيفة . داير تحلو مشكلتو والشبكة ياها زاتا سيئة . ف شنو حقو ابقا عاقل وامشي اريبا
|
|
|
|
|
|
|
|
Re: zain sudan زين عالم شين (Re: عبدالحفيظ ابوسن)
|
Quote: زين عالم شين للمرة العشرين عامل فيها شاطر وعملت شريحةللنت بس . وللأسف ما سمعت نصايح الناس انو اريبا افضل .. لكن العشق كتال .. الشريحة بتدي اشعار رصيد ماحقيقي . بقيت زي الزول الساعتو مؤخرة ولا مقدمة كل مرة يشوف الزمن كم ويخصم ولا يزيد ومرات ينسي . اها كزبون مطيع اتصلت بيهم بدل المرة اكتر من مرة وشكرا لاتصالك بزين وبنرسل ليك رسالة متابعة .. اياهو الحل عندهم التهذيب الاجوف دون انجاز . عاملين فيها بهتموا بالعميل .. العميل ما داير منكم تلك اللغة المتزلفة المداهنة والسخيفة . داير تحلو مشكلتو والشبكة ياها زاتا سيئة .
|
الاخ الجميل عبد الحفيظ ابوسن
والله العظيم كلامك في محلو تماما..عالم شين وخدماتهم تعبانة جدا. عندي تجربة مريرة معهم...قالوا عندهم النت السريع الاشتراك الشهري ب 69 جنيه..اخوك عليك امانة الله اشترك للاستمتاع بالنت في فترة اجازتي في السودان. بتصل عليهم يوميا اكثر من خمسة مرات ..النت ضعيف يا شركه زين ..كل اتصال بقولو شكرا لاتصالك بشركة زين وبنرسل ليك رسالة..اخيرا زهجت منهم وكسرت الشريحة
تحياتي مع الود
حسين عمر
| |
|
|
|
|
|
|
Re: zain sudan زين عالم شين (Re: حسين عمر الفكي)
|
مرحب حسين عمر الله يكرمك تعرف موجعاني حكاية يا استاذ ... وواضح ليك ؟ واضح ليك كأنو بشرحو ليك وانت تلميذ لو ما واضح نوضح ليك تاني والتكرار بعلم الحمار يا استاذ تقال كأنه تملق لاحترامك والاهم مافي نتيجة .. يحرقوا دمك بي كلام مكرور وترديد لبدهيات بعرفها كل من يمتلك موبايل ولا حركة دخلت ليك شريحة تاني قبل كدة في ايحاء انو الشركات التانية هي البتكون لخبتت كيان الجهاز وهم ما بتحصل منهم زين دي خازوق كببر والمضحك قالوا دخلوا الفور جي ... ياخ اقدروا اول علي الجي اس ام قلت ليك كسرت الشريحة ... ههههه يعني هسة لو كسبت عربية يضربوا يلقوا مقفول
| |
|
|
|
|
|
|
Re: zain sudan زين عالم شين (Re: حسين عمر الفكي)
|
مرحب حسين عمر الله يكرمك تعرف موجعاني حكاية يا استاذ ... وواضح ليك ؟ واضح ليك كأنو بشرحو ليك وانت تلميذ لو ما واضح نوضح ليك تاني والتكرار بعلم الحمار يا استاذ تقال كأنه تملق لاحترامك والاهم مافي نتيجة .. يحرقوا دمك بي كلام مكرور وترديد لبدهيات بعرفها كل من يمتلك موبايل ولا حركة دخلت ليك شريحة تاني قبل كدة في ايحاء انو الشركات التانية هي البتكون لخبتت كيان الجهاز وهم ما بتحصل منهم زين دي خازوق كببر والمضحك قالوا دخلوا الفور جي ... ياخ اقدروا اول علي الجي اس ام قلت ليك كسرت الشريحة ... ههههه يعني هسة لو كسبت عربية يضربوا يلقوا مقفول
| |
|
|
|
|
|
|
Re: zain sudan زين عالم شين (Re: عبدالحفيظ ابوسن)
|
اتصلت بي شابة مهذبة من زين وسألتني وحكيت وتستفسر وانا احكي بإستفاضة وشكرتني تاني يوم برضو اتصلت بي شابة مهذبة تسأل عن نفس اسئلة امبارح انفعلت يا بتي ما ترجعو لي تسجيلاتكم بقت علي قصة الزول الخطفو التمساح اريتو كان شريحتي حرقت زاتو
| |
|
|
|
|
|
|
|