|
|
 بالله الفيس بوك و الواتساب اصبحوا هم مصدر بوستات سودانيز اونلاين !!!
|
مش المفروض العكس ؟
______________________
و الناس تشييل و تغرف من هناك ...
صاح ... غلط ... ما مهم ...
الأهم منو البجيبو اول ...
واهو ... كلها مواضيع !!!
_________________________________________
مرة فنان من البكاسي الجديدة سألوهوا ليه ما بتغني غنا حقك ...
قال ليه ( اتعب و افكر ) ... ما الرواد خلو لينا غنا يكفينا لي جنا جنانا ...
و اهو الواتساب ملان كلام فارغ يكفينا لي جنا جنانا
نتعب و نفكر لي شنو ؟
|
|
  
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: يحي قباني)
|
صباح الخير يا صاحب
الواتس قدرته التفاعلية اكبر . ولا يحتاج لتنميق اللغة .. فهو لغة الشارع
اضف الي ان بعض اخبار الواتس تأتي في حينها من المشاهد .
ف مالو
يجيبو من الواتس .. لكن ما يخمو من طرف زي الزول البشتر في شدرة لالوب يدلي الني والنجيض
و
برضو الحكومة مستغلة الواتس في نشر الاخبار .. وقياس رد الفعل الجماهيري وللتأكيد لي الليلة تم نشر قرابة الاربعة قوائم للولاة الجدد واختيار الاسماء ومواقعها يدلل علي نفس الحكومة
جيبو من الواتس لكن المفيد مش المنقول
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: عبدالحفيظ ابوسن)
|
Quote: صباح الخير يا صاحب
الواتس قدرته التفاعلية اكبر . ولا يحتاج لتنميق اللغة .. فهو لغة الشارع
اضف الي ان بعض اخبار الواتس تأتي في حينها من المشاهد .
ف مالو
يجيبو من الواتس .. لكن ما يخمو من طرف زي الزول البشتر في شدرة لالوب يدلي الني والنجيض |
لكن يا صاحبي كده ما المنبر ببقى بس ( خبارات ) ...
كان صاح كان غلط ...
طيب و الداير يقرا حاجه يستفيد منها و في نفس الوقت يتفاعل مع الناس فوقها .... يقبل وين ؟
يعني نمشي لي سودانيز دوت شنو يا حفيظ ؟ ...
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: يحي قباني)
|
الأخ الفاضل/ يحيى
هو إنت في الغرف من الفيس والواتساب ولا في عضوية سودانيزاونلاين ذاتها بقت لو ما دخلت معاهم في قروب الواتساب إنت غير بوردابي ويعملوا مناسابات بإسم بورداب المنطقة اللي إنت فيها من غير ما يعلنوا ليها مقدماً وبعد ما تنتهي يجوا يقول ليكم البوزرداب عملوا مناسبة وين يا جماعة يقولوا ليك التنسيق والإعلان كان من الواتساب !
والشكلة لسه مدورة في هذا الموضوع ومين يقنع الواتسابي إنه المنبر هذا هو أصل البورداب !
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: يحي قباني)
|
Quote: الأخ الفاضل/ يحيى
هو إنت في الغرف من الفيس والواتساب ولا في عضوية سودانيزاونلاين ذاتها بقت لو ما دخلت معاهم في قروب الواتساب إنت غير بوردابي ويعملوا مناسابات بإسم بورداب المنطقة اللي إنت فيها من غير ما يعلنوا ليها مقدماً وبعد ما تنتهي يجوا يقول ليكم البوزرداب عملوا مناسبة وين يا جماعة يقولوا ليك التنسيق والإعلان كان من الواتساب !
والشكلة لسه مدورة في هذا الموضوع ومين يقنع الواتسابي إنه المنبر هذا هو أصل البورداب !
|
و لسة يا عاصم ...
مدرسة الترابي و ملائيه ... فرّق تسُد ...
باكر يفرقونا اكتر ...
كراع تمشي يمين و التانية تحرن تقول الا شمال ...
حلوها عاد ...
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: يحي قباني)
|
مرحبا يحي وعاصم
والادهي والامر
انو قروبات الواتس يفترض فيها الخصوصية . والمنشور في الواتس يظل داخل الواتس
اها بقا الزول يجيب كلام ودليلو من الواتس . ف ياخ دي ونسة خاصة داخل غرفة مغلقة .. ف شنو خلوها في اوضتها .. وما كويس كدة والله
والنزيدك علم انا برضو خاشي في قروب بوردابي .. لكن بي فهم محدد . انو القروب ما هو البورد ولا بديل ليهو .. ولا اكتب بوستاتي من القروب ولا انضم لتكتلات من القروب فتلك اسمها مؤامرات وليس حلبة للحوار والوعي
قروبات البورداب جيدة ان لم تتجاوز التواصل الاجتماعي وخلق حميمية المعرفة ومعرفة الآخرين
مثلا
انا بتونس هناك بي راحتي لاحساسي اننا قاعدين في صالون صاحبنا وبنتونس بي راحتنا .. اها لمتنا دي لو زول نشر كلامها ببقا انو تجاوز القيم الاخلاقية في الحفاظ علي خصوصية العلاقة
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: عبدالحفيظ ابوسن)
|
Quote:
مرحبا يحي وعاصم
والادهي والامر
انو قروبات الواتس يفترض فيها الخصوصية . والمنشور في الواتس يظل داخل الواتس
اها بقا الزول يجيب كلام ودليلو من الواتس . ف ياخ دي ونسة خاصة داخل غرفة مغلقة .. ف شنو خلوها في اوضتها .. وما كويس كدة والله
والنزيدك علم انا برضو خاشي في قروب بوردابي .. لكن بي فهم محدد . انو القروب ما هو البورد ولا بديل ليهو .. ولا اكتب بوستاتي من القروب ولا انضم لتكتلات من القروب فتلك اسمها مؤامرات وليس حلبة للحوار والوعي
قروبات البورداب جيدة ان لم تتجاوز التواصل الاجتماعي وخلق حميمية المعرفة ومعرفة الآخرين
مثلا
انا بتونس هناك بي راحتي لاحساسي اننا قاعدين في صالون صاحبنا وبنتونس بي راحتنا .. اها لمتنا دي لو زول نشر كلامها ببقا انو تجاوز القيم الاخلاقية في الحفاظ علي خصوصية العلاقة |
سلام مربع يا ود أب سن
كلامك هذا أتفق معه مية في المية
ولا أعتقد هنالك من يستطيع أن ينتقده سلباً
ولحد أمبارح القريبة دي كنت بتناقش مع واحد من زملانا هنا في الموضوع دا وبنفس الفهم وبقول ليهو القروب خلوه للعلاقات بتاعت الصحوبية لكن ما تخلوه بديل للماعون الكبير
ومارسوا فيهو إجتماعياتكم الشايفنها خاصة بمجموعة منسجمة كان سماية ولا غيرها وزي ما قلت ساخراً في نفس البوست المعني بالموضوع (إنشاء الله تسوا قعدة بتاعت دق شلوفة) ما خصانا
المهم تكونوا مع الجماعة في الحوش الكبير للمناسابات الكبيرة واللي هي بتهم الجميع سواء كانت وطنية خالصة للوطن الكبير أو تكريمية مثل تلك التي كشفت الستار
لكن يا ود أب سن كأني بأذن في الفاتيكان
أها قلنا نجيب أحدب نوتردام يتوسط ويمكن يحل المسألة باقي لي المسألة بقت عاوزة ليها شخصية خرفاية أو شيخ طريقة يجر ليها سبحة
تسلموا وشكراً على هذا البوست الهام جداً
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: Asim Fageary)
|
| Quote: قروبات البورداب جيدة ان لم تتجاوز التواصل الاجتماعي وخلق حميمية المعرفة ومعرفة الآخرين |
تعرف وين المشكلة يا حفيظ ...
الناس بتفتكر انها كونت صداقات كتيرة هنا ...
رغم انو في عدد كبير من الناس يظهر هنا بصورة مخالفة لحقيقته ... لسبب يعلمه الله ...
ما كلها ظاهرة انها كويسة و هي في الأصل رديئة ...
المصيبة انو في ناس في الأصل كويسين ... و هنا لابسين وش الكلب ... برضو لسبب يعلمه الله ...
اها تتلم معاهم ( غصباً ) عنك مرات ... و انت بعضهم ما بتعرف حقيقته ...
من كلمه لي كلمه لي نقد ... تتسرب الأشياء ...
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: عبد العزيز محمد عمر)
|
سلام قبانى والمتداخلين وطبعا ( قراء)
الحوش أعضاء وغير أعضاء
الموضوع يتعلق ب( الاداة ) وليس بكيف
استخدامها ، من قبل أطراف التواصل .
وما ذكر الأخ قبانى والمتداخلين هو سؤال
ليس لة اجابة محددة الا محاولة اعادة
التفكير على المستوى الشخصى (البحت )
حول عملية (التواصل ) نفسها مع الذات او
مع الاخر وحتى مع (الاداة ) نفسها.
وعن قناعة شخصية وليس من مصدر
معرفة يقين ان اخونا الريس (بكرى ) مهموم
بالاجابة علية ، كما يبدو ناس ( جوة ) ( برة) وتحديدا الحكومة والمعارضة مهمومة به .
لان السؤال تحول من ( حرية التعبير )
سو على المستوى الفردى او الجمعى
الى ( حرية الحصول على المعلومة ) التى
اساس ( التعبير ) والذى هو العمود
الفقرى ( للتواصل والاتصال ) .
باختصار ومن غير نقة الكورة فى ملعب
الأخ بكرى وليس فى ملعب أعضاء
هذا الوطن الافتراضي سواء أعضاء
مؤسسين او ناشطين او جدد او منتظرين .
وهمسة لسيد الحوش ( اسأل مجرب ولا تسال خبير كمبيوتر ).
وبين ناس الشتات مافى ملامة
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: هاشم احمد ادم)
|
صدقت والله يا قبانى
حتى عبارات الواتس آب والفيس بوك بقت تتكتب هنا ..
يعنى عادى ممكن واحد يخش ليك فى البوست ده ويكتب ليك Like
مع العلم ..
عبارات سودانيز أثرت حتى فى الصحافة والكتابة الروائية والناس بقت تكتب عادى فى الجرايد بطريقتنا هنا !!
وزمان كانوا بيغرفوا غرف من هنا ...
الأخبار والأسرار وغيرها من جميع أنحاء العالم ..
سودانيز كانت مرجعية ثقافية ورياضية وإجتماعية وترفيهية وكانت منبر بجد !
وكانت ميدان للمارسة الديمقراطية الحرة ..
فأختلف الكيزان مع الشيوعيين والشماليون مع الجنوبيين والهلالاب مع المريخاب
والعساكر مع الملكية ... بدون جراح وبدون إصابات ودماء
أعداء على الأسافير ..
أحباب وأخوان فى الواقع !
زى ما قال هاشم الموضوع يتعلق بالأداة وليس بكيفية إستخدامها
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: صلاح أبودية)
|
زمان يا قبانى مع ظهور الأجهزة الذكية بكرى نزل أبليكيشن للمنبر وطلب من الناس يساعدوهو فى تطويره ..
وبتذكر أنا قلت ليهو وقتها ..
الأبليكيشن عشان ينجح لازم يكون فعال ومتفاعل مع حركة المنبر والبوستات ..
مثلا..
أنا لمن أكتب بوست لازم تجينى نوتيفيكشن فى الجهاز بتاعى لأى مداخلة تحصل !!
وبرضك لو زول كتب بوست تجينى برضو نوتيفيكيشن بالبوستات الجديدة !!
ويكون عندى قائمة مثلا بتاعة فيفرتس .. يعنى أعمل فولو لى قبانى ولى حركته فى المنبر عشان أنا معجب بيهو مثلا !
أو أقفل النوتيفيكشن بتاعت هبانى عشان أنا ما بريدو مثلا يعنى !!
عشان ما أجبر على قراءة كل المنبر !
بس !!
| |
|
|
|
|
|
|
|
|
 Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: صلاح أبودية)
|
سلام للجميع
العيب ليس في الاعضاء العيب و بي كل صراحة في سوء ادارة بكري و اتباعة اسلوب الشليليه و اعطاء الامنجية و صبيان الانتباهة و غلمان الجبهة الاسلاميه عدد غير مجدود من المداخلات و قام بكري العامل فيها انو ضد نظام الجبهة بي تحديد مداخلات كل من يدعو لاسقاط النظام علنا
عندي مداخلة او 2 في اليوم انزل بوست لا اقدر ارد عليه و ارفعة لانو بي تجيني رسالة تقول لي سوري تعال بكرة طبعا سوف اذهي و ابحث عن مكان اخر
مثلا انا لدي قروبات سياسيه يفوق عدد اغضاء 2 قروبي منها 40 الف عضو وهي تدغو لاسقاط النظام يعني ما محتاج اكتب هنا
لازم بكري ينضف الحوش من وسخ الامنجية و من يقبضون تمن ما يكتبون هنا من جهاز الامن والا فعلي المنبر السلام
بكري اصحي و النظام ساقط و كل ما تفعلة من محاربة مداخلات لمن يدعون لاسقاط النظام محسوب عليك
و صدقزني لو لم ينتبه بكري سوف يصبح المنبر مرتع للكيزان و الامنجية و شلل الانس و عندها سوف يخصر بكري ماديا و ادبيا و معنويا
اسف ما ح اقدر ارجع ارد عليكم لانني ممنوع من كتابة بوستات او ردود لانيي ادعو لاسقاط نظام مافيا الكيزان
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: صلاح أبودية)
|
Quote: ويكون عندى قائمة مثلا بتاعة فيفرتس .. يعنى أعمل فولو لى قبانى ولى حركته فى المنبر عشان أنا معجب بيهو مثلا !
أو أقفل النوتيفيكشن بتاعت هبانى عشان أنا ما بريدو مثلا يعنى !!
عشان ما أجبر على قراءة كل المنبر ! |
ههههههههههه
انا بي امانة متمني القي طريقة ( أقيّف ) الصفحة الاولي دى بحيث تستبعد أسماء كتيرة ...
عشان اقرا و استمتع بالمفيد بس ...
أي كلام فارغ تاني يكون عندي ( خور ) اوتوماتيكي تنجدع فيهوا براها ......
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: صلاح أبودية)
|
Quote: صدقت والله يا قبانى
حتى عبارات الواتس آب والفيس بوك بقت تتكتب هنا ..
يعنى عادى ممكن واحد يخش ليك فى البوست ده ويكتب ليك Like
مع العلم ..
عبارات سودانيز أثرت حتى فى الصحافة والكتابة الروائية والناس بقت تكتب عادى فى الجرايد بطريقتنا هنا !!
وزمان كانوا بيغرفوا غرف من هنا ...
الأخبار والأسرار وغيرها من جميع أنحاء العالم ..
سودانيز كانت مرجعية ثقافية ورياضية وإجتماعية وترفيهية وكانت منبر بجد !
وكانت ميدان للمارسة الديمقراطية الحرة ..
فأختلف الكيزان مع الشيوعيين والشماليون مع الجنوبيين والهلالاب مع المريخاب
والعساكر مع الملكية ... بدون جراح وبدون إصابات ودماء
أعداء على الأسافير ..
أحباب وأخوان فى الواقع !
|
الست كوكب الشرق يا ابودية بتقول :
و عاوزنا نرجع زي زمان ... قول للزمان إرجع يا زمان ...
_____________________________________
اما قصة الاختلاف ... و الكراهية و الأحقاد ...
بصراحة أصبحت صفة و سمة ... ما كانت عند اهل السودان ...
حاجة زي ما تقول مستحدثة كده ...
جابوها من وين ... الله اعلم ...
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: هاشم احمد ادم)
|
Quote: باختصار ومن غير نقة الكورة فى ملعب
الأخ بكرى وليس فى ملعب أعضاء
هذا الوطن الافتراضي سواء أعضاء
مؤسسين او ناشطين او جدد او منتظرين .
وهمسة لسيد الحوش ( اسأل مجرب ولا تسال خبير كمبيوتر ).
وبين ناس الشتات مافى ملامة |
بكري يعمل شنو يا هشام يعني ؟
عليك الله بكري خلي علي جنبة كده ...
انا في الناس القاعدة و ما عندها موضوع دي ... تمشي و تجيب في اخبار الواتسآب بدون تعقل او تفكير ...
كأنو الناس لغت تفكيرها و عقلها ... و بقت تفكر بي اصابعينها ...
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: عبد العزيز محمد عمر)
|
Quote: الأغرب زمان الأخبار بتقول : ورد في موقع سودانيز اونلاين كذا وكذا وكذا
هسع الكلام دا مافي.. |
هي لكن يا عبد العزيز سودانيز اونلاين لاقي فرقه من زحمة الاخبار الغلط ...
المصداقية تجي من وين يعني ؟
يازول 2014 دي فيها كم زول ( نعوهوا ) وهو حي يرزق ...!!!
مرات بعض الناس المختفية من هنا ... بتحاول تلقى ليها موضوع ( حار ) ترجع بيهو ...
يعني فنان كبير مات ... سياسي انتحر ...
و للأسف بعضهم بقع في ( فخ ) الواتساب و اكاذيبه ...
المزعج حقيقة التسابق علي نشر ( الخبارات ) ...
ياخي و الله ما كنا ( خبّارين ) كده ... الحصل شنو ؟
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: أحمد الطيب بدرالدين)
|
Quote: Hafiz Elemam Mohieldin · Calgary, Alberta
أخونا يحيي قباني سلام
لا أعتقد أن الإستعانه بالفيس بووك أو الواتساب كمرجع أو فكره لموضوع فيه مشكله طالما الموضوع عنده قيمه ثقافيه أو إجتماعيه أو دينيه أو حتى سياسيه, فليس كل شئ في الفيس بووك أو الواتساب سئ, خذ مثال عندك اللنك ده |
سلامات حافظ ...
المشكله مافي المواضيع ذات القيمة ...
المشكلة في ( الخبارات ) ...
أصلا القصة دي دخيله علينا ... ما بعرف جاتنا من وين !!!
الواحد داير يلفح اول ( خبر ) صاح غلط ما مهم ... المهم يجي طاير اول زول ...
و كأنوا الزول حيدوهوا جايزه !!!
او كما قيل في الأثر ... (حيرقوهوا و يدوهوا شريط ) ...
تحياتي يا جميل ...
| |
|
|
|
|
|
|
|
|
|
Re: بالله الفيس بوك و الواتساب اصبحوا هم مصدر بوستات سودانيز اونلاين !!! (Re: يحي قباني)
|
Quote: and#65193;and#65267;and#65246; and#65191;and#65194;and#65261;and#65193;and#65241; and#65231;and#65268;and#65198; and#65193;and#65165;and#65227;and#65266; and#65261;and#65183;and#65254; ..... and#65193;and#65267;and#65246; and#65227;and#65268;and#65262;and#65255;and#65242; and#65231;and#65268;and#65198; and#65203;and#65170;and#65258; and#65247;and#65184;and#65254;
and#65193;and#65267;and#65246; and#65193;and#65251;and#65262;and#65227;and#65242; and#65251;and#65254; and#65255;and#65224;and#65198;and#65171; سجن ..... and#65193;and#65257; and#65193;and#65275;and#65245; and#65165;and#65267;and#65258; and#65193;and#65257; and#65193;and#65275;and#65245; and#65251;and#65228;and#65184;and#65254;
|
سلامات يا مهدي ...
و مازال الواتسآب مستمراً...
| |
|
|
|
|
|
|
| |
يحي قباني
عبدالحفيظ ابوسن
Asim Fageary
هاشم احمد ادم
صلاح أبودية
Mustafa Mahmoud
مهدي صلاح
معاوية الزبير
فيس بوك
تويتر
انستقرام
يوتيوب
بنتيريست