|
|
 جريمة قتل بشعة فى حق طفلة بمستشفى هيلث كير التخصصي ،،
|
بسم الله الرحمن الرحيم
السلام عليكم ياصريحات ومهمومات وحبيبات آخواتنا في السراء والضراء
حسبي الله ونعم الوكيل ولاحولا ولاقوة الا بالله العلي العظيم
الجريمة: قتل الطفلة ((أبرار)) حديثة ولادة.
القاتل:دكتور:أمير يحي جمال الملقب بي أمير ((أبو أضان)) صاحب عيادة بشارع الحرية
مكان وقوع الجريمة:مستشفي هيلث كير بمحطة حجازي جوار جامعة السودان والسوق الشعبي الخرطوم
ياصريحات تعالو اتجمعو ونادو بعض كبار وصغار شاركونا وجعة قلبنا وحرقة كبدة أم حبلي 9 أشهر تنتظر مولود ينير دنيتها وحياتها تعالو ادعو ربنا يخفف وطاة الصدمة على الام والأب والاهل تعالو خدو العظة والعبرة وانشرو للتوعية ولحماية أطفالنا وعلشان روح أبرار ماتروح هباء والجاني المذنب عديم الضميريعرف انه اصبح مكشوف ومفضوح ..
القصة زوجة اخوي انا وشقيقتي معانا في القروب سمر المعز Samar Al'moez
ياصريحات وحبيبات ابتدت بي دخول الام الحامل لغرفة الولادة الساعة 9 صباحآ يوم الخميس 11\12 بعد ماودعت اهلها وزوجها واحبابها الكانو متوزعين بين غرفة الاستقبال والانتظار وقدام باب المستشفي مع الاكف المرفوعة لله عز وجل انه يحلها بالسلامة وامها ماسكة السبحة وتسبح ربي يحفظك ويخليك لى اولادك ولي ولابوكي يابنتي وترجعي بالسلامة ،،مرت ساعة وانا وأخوي ابو الطفلة قدام باب غرفة العمليات ننتظر سماع صوت صرخة الطفل وطال انتظارنا واتوتر الاب ونزل الشارع مع الاهل وطلع تاني وانا فى مكاني انتظر بعد مرور اكتر من ساعة فتح باب المصعد ودخلت اخصائية الاطفال تركض لغرفة العمليات وبعد دقائق تخرج ممرضة سألتها بلهفة خير اتاخرتو ليه؟ ماسمعنا صرخة البيبي العملية اتعملت؟ الحاصل شنو؟؟ ردت ببرود انا ماكنتا جوة غرفة العمليات كنتا فى الاي سي يو غرفة العناية المكثفة لكن هم لسة فى جوة فى غرفة العملية ماطلعو...!!! وجرت نازلة السلم وهي بتتكلم ؛؛ جا طالع دكتور لابس عادي سألتو خير لو سمحتا فى شنو الناس دي ماطلعو وابو الطفلة طالع السلام وهو لسانو متحرك بالدعاء وعيونو مليئة بالقلق واعصابو مشدودة دي ما اول ولادة قيصرية لزوجته والتأخير مامريح ردا على الشاب انا المدير الطبي ماكنتا فى غرفة العمليات هم لسة جوة يا استاذة وجري نزل السلم،،، هنا تاكد لي انه في شئ ماطبيعي بس اخوي جمبي وبسالني ماطلع زول غيرهم قبل ما ارد عليه طلع اخصائي النساء والولادة بيسأل وين ابو الطفلة تعال ياسيد ناداهو ومسكو من يدو وشداهو لجوة غرفة العمليات قاليه حمدالله ع السلامة ياسيد العملية نجحت ودخلو جوة معاه انا انتبهتا لانو قاليهو العملية نجحت بس ماقاليهو مبروك المولود؟؟ أختفي الأب جوة فتحتا باب غرفة العمليات وسرقتا النظر لى جوة لقيت باب مكتب فاتح واخوي ايدينو ماسك طرف الكرسي والدكتور جالس ورا المكتب وبيتكلم واتنين واقفين جوة المكتب شكلهم مضطرب قفلتا الباب وجسمي مشي عرق وابتديت ارجف من الخوف والقلق انفتح الباب وجا طالع ابو ابرار عيونو زي قطعة الدم ورجلينو مابين ماشي وعايز يقع قلتا ليهو حصل شنوووو؟؟ قالي الدكتور قال البت بطلعو فيها اتشرقت وماقدرو يشطفو ليها وسلفت وانفجر بي عبرة حااااااارة بس مسكتو وحضنتو وبكينا وانا بقوليه لا ماممكن تتشرق كيف يعني ماتت ماتت كيف سلفت لا اله ا لا الله لا اله الا الله لا اله الا الله يا يا اخوي وامها كيف بكينا وهو بيقولي انا عايز اثبت عشان امها عشان هى ماعارفة وقالو تعبانة لسة فى الثييتر انزلي بلغي امها وابوها والاهل تحت عشان امها تجي معاي لمن نكلمها ... نزلت درجة واحدة بالسلام وبركتا قعدتا فى نص الدرج ابكي قالي قومي اتماسكي اثبتي معاي نادي امها نزلتا آآآآآآه يا اخواتي ابلغ امها كيف اكلم الناس كيف ياخبر الشؤم انا لله وانا اليه راجعون الناس منتظرين الكل مشدودة اعصابه دخلتا بلغتا الام وانفجرت تنوح وتبكي بتي فرحانة بتي شافت فى النوم قالت ليه ولد بار ولا ابرار قالو ليها ابرار اااه يابتي الله أغفر لي احححححي من وجعتك يابتي،،،طلبتا منها تتمساك ونحن طالعين فوق رجعونا قالو البت تعبانة واحد من المساعدين الطبيبن اتكلم قدامها وسمعتو لانو البنج نصفي وصرخت ونفو ليها الخبر بعد داك وحسي مصدومة ،،،جات الداية شايلا الطفلة ملفوفة ودخلتها فى الغرفة الحضانة وعلى الفوطة أثر دم اعتقدنا انه من الام او البيبي عادي طلبتا اشوفها وفتحتها ياجمالك يابت اخوي ربنا يجعلك شفيعة ليهم يوم الحشر جات اختي وابو الطفلة اشوفوها الاب فتحا وبدا يهبش فيها ومسك راسها بايده وهنا كانت المفاجىة الكارثة الجريمة ياصريحات راس ابرار مفتوح بالطول من النافوخ بي طول 5_6 سم ولون الطفلة ابيض على أصفر زي الدبلان دمها اتصفي هنا خارت قواهو وبرك فى الارض قال سيبوني براي معاها وعلا صوت نحيبو وبكاه وما اصعب دموع وبكاء الرجال قهرآ وحزنآ..
|
|
  
|
|
|
|
|
|
|
 Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
نادوهو لان أم ابرار مطلعنها من غرفة العمليات لي غرفتها ومحتاجننا كلنا وجات دكتورة الاطفال وسالناها الحصل شنو قالتلي بي كل اضطاراب انه الطفلة اتشرقت ودكتورة ايمان مابتعاين لي في وشي وهي بترد علينا وابتدت تحكي قصة حاولنا نشفط ليها قلتا ليها انتي ماعندك ضمير مابتخافي الله وعلت اصواتنا كلنا في دقايق كانت الاسرة كلها من جانب الام والاب واصحاب الاب فوق قدام الحضانة وظهر الطبيب بيتكلم انه دكتورة الاطفال توريكم الحصل أختي صرخت دي جريمة تحكو شنو انتا المسؤل تتخيلو كان سؤال الطبيب المجرم شنو؟؟ انتو طبيبات قلنا ليهو بي صوت واحد كلنا فى وزارة الصحة وكوادر طبية اختي قالت ليهو ماطبيبة لكن شغالة مع مأمون حميدة اخليهو حسي يجي يقفل ليكم مستشفاكم دي وانتا تتحاسب وقبل ماتكلم كلامها كان شال تلفونو وجرا على السلم وهرب من مكان الناس ومننا تحت حماية افراد النظام العام الى انا استغربتا تواجدهم قبل اننا نكتشف حقيقة الجريمة والمدير الاداري مرافقه فرد من الأمن لحراسته وهنا أبو ابرار كان بيحاول يفوق ام ابرار وهي تفتح عيونا وبتبكي فى حالة هستيرية بتي ماتت صح؟ بتي ماتت انا سمعتهم وتروح في نوبة بتاعت تشنج ورجفة عالية وغطيناها الكل بيسال وين الطبيب وينو الدكتور هرب !!! قالت الممرضة عنده عملية ولادة مشي لاحقها...ابو ابرار طلع وقال للكل انا ما حأشتكي انا احتسبتا امري عندي الله روح بتي وصحة مرتي عايز اشوفا تبقي كويسة خاطر اولادنا مافي زول يتصرف غير كدا خلونا نشوف مايكون عامل في الام شئ وام ابرار مابتتخيلو كمية الدم النزيف النازل منها والقطن والمشمع والسرير ونازل بي طرف السرير لى الارض ومافي غير طبيبة صغيرة حديث تخرج وممرضة اتصلو بيهو قالو ليهو بتنزف وتعبانة بترجف قاليهم ادوها مهدئ((مع العلم انه مهدئ بعد بنج حيقضي على حياتها )) أختي صرخت فى الدكتورة مهدئ عشان تلحق بنتها؟ بعد البنج بتاخد مسكن قالت ليها صحي والله الدكتور دا غايتو!!! اخصائية الاطفال بين دموعنا واصواتنا المهددة بالبلاغ والشرطة ووزير الصحة كتبت تقرير فى شهادة الوفاة انه بعد الفحص على الطفلة حديثة الولادة لا يوجد نبض ولا تنفس ولون الطفلة شاحب جدآ ويوجد شق فى النافوخ بطول 5سم تحول للتشريح لمعرفة سبب الوفاة...ابو ابرار وقع فى نفس الشهادة انى بكامل ارادتي لا ارغب فى تحويل الجثة للتشريح ...قاليهم ادوني بتي اكفنها وادفنها وخليتكم لي الله الله في ..ابلغو امها بالخبر وقالو ليها حيدفنوها قالت عايزة تشوفا زحو الاكسجين من فم الام وشافت طفلتها وودعتها مابقدر اوصف ليكم دموعنا كانت دم دموع الرجال والعبرة لمنظر ام محتضنة طفلة جثة هامدة كانت بتفرفر قبل ساعتين جوة بطنى كانت بتتحرك جواى هسي ماتت ومن انه الدكتور ما اعتذر وكذب على ابو ابرار والجميع واصرا على كبرياء الكذب ومشي فارق موقع الجريمة بدون اعتذار لابو الطفلة الميتة كفناها وشالوها للمقابر جوار جدتها ام ابوها اندفنت بمقابر فاروق،،،فتحت الام قالت كنتا سمعتهو بيقول لي المعاهو ماتطلعوها ليهم كدا امسحو الدم بالشاش قالو ليهو استخدمنا لفتين شاش قاليهم جيبو واحدة تالتة وماتطلعوها بي دمها نضفوها شديد واتصل بي زوجته اخصائية نساء جات جارية لحقتو جوة غرفة العمليات بي هيلث كير عصابة بس ما اطباء ما مستشفي لانو وهو بيفتح قطع وريد عند ألأم وفتح نافوخ الطفلة زوجته شافتها ام ابرار بالرغم من الستارة الفاصلة عرقااانة وبتخيط في ام ابرار والكل بيجري داخل غرفة العمليات ولمن عاينت للدكتور وانتبهت ليهو وقالت ليهو البيبي صرخ مرتين صرخة غريبة وتاني سكت ليه قاليهم ادوها كاس نوموها ختو ليها الكاس بدون ضمير خلوها غابت عن الوعي وقاليهم دي نزفت شديد جيبو قزازتين دم ركبوهم ليها ركبو ليها دم ونوموها...مجرم يا اخواتي مجرم فى تفاصيل كتيرة تانية مؤلمة مرينا بيها وطبعآ بالليل جاعشان اشوف الام قاليها ما كان بايدك تعملي شئ القدر اراد كدا بدون اعتذار ومرق بسرعة والام ماردت عليهو نظرت ليهو بعين الام الثكلي ،،صورة أبرار حانزلا ليكم وياصريحات في اضافات حأكتبها فى الكومنت علشان ماسحة الكتابة طويلة أنشرو حفاظآ على اراواح اطفال تانين وحسبي الله ونعم الوكيل حتقيف قدامك يا أمير ابو اضان روح ابرار وتسالك باي حق قتلتني وحرمتني صرخة الحياة وانا لله وانا اليه راجعون.. والله على ما اقول شهيد كتير حيسألو عن سبب رفض الاب احاسب الطبيب زوجته كانت بتموت وبتنزف وسجد لربنا اوكلتا امري اليك يالله خليتو ليك المجرم دا اشوف عافية فى زوجتى واطفالي يالله ياكريم وللحديث بقية آخواتي ربنا مايضوقكم مرار الموت لحبيب وظلم واجرام زي دا وحسبنا الله ونعم الوكيل
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
سلام يا هشام
جريمة قتل و بشعة كمان اعتقد أنو ده ما توصيف مناسب لما حدث.
و حكاية التنابذ بالالقاب زي ابو اضان و ام شنو ما عارف برضو مسألة تفتقر للياقة.
هذا اولا.
ثانيا و اخيرا الحل الوحيد هو الاحتفاظ بجثة المولودة و تسليم الأمر للمجلس الطبي و للقضاء بحيث يمكننا
معرفة الحقيقة لأنو كلام الأخت دي قصة من جانب واحد و لا نعرف ما هي اهدافها بالتحديد.
للعملية القيصرية مخاطر محتملة على الأم و على المولود من ضمنها التعرض للإصابة injury و لابد من عرض
الموضوع على خبراء لمعرفة ما حدث و هل هو يقع ضمن المتوقع و المقبول ام هو نتيجة للاهمال و سؤ المعالجة.
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: سيف النصر محي الدين)
|
الدكتور أسمة أمير يحيى جمال
الملقب بابو اضان لة سجل طويل. فى الأخطاء الطبية حسب ما ورد فى التعليقات. وانا هنا انقل ما تم تداولة
كتبت الأخت / ن ا قام هذا الطبيب بعملية اجهاض لعروس بمدينة واد مدنى بجنين عمر 4 شهور
وأثناء عملية الإجهاض قام بشق رحم العروس مما اضطرهم. لإزالة رحمها لصعوبة ترميمة وتمت محاكمتة
وسجنة لمدة عامين بل وفى حادثة اخرى اجرى عملية قيصرية وايضاً قام بشق. راس الطفلة وقد تم
اللحاق بها وأسعافها ولكنها اصيبت بإعاقة مزمنة وتتم معالجتها دون اى تقدم يذكر
وعندما أراد والد الطفلة تسجيل. محضر وسمى فى البوليس. استعان الدكتور. بالاجاويد
وعرض على الوالد علاج الطفلة على. نفقته الخاصة مقابل. عدم. اقحام البوليس فى الموضوع وأعفاهم
من رسوم عملية الولادة
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
تعليق اخر. بعد البحث والسؤال عن الدكتور
قاموا بسؤال. كل مو كان يعرفة او يدرس معه
وتم التوصل الى انة درس بالإسكندرية. وأكد بعض زملاءه
فى تلك الفترة انهم لم يعرفوا متى تخصص او اين تخصص
فى. أمراض النساء ،،،،،،
واُخرى. قالت تدعى ف قالت. انة. اختها ولدت فى نفس المستشفى
وبعملية. وقد تم شج راس المولود. بمشرط العملية. وتمت خياطة الجرح غرزتين
ولكن لا تعرف مت هو الطبيب الذى قام بالعملية لكنها نفس مستشفى. هيلث كير
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
المستشفيات في السودان بقت ساحة للمجازر والاخطاء ومعاناة لا حدود لها وفوق هذا كله استنزاف للجيوب دون علاج
ماتت اكلينيكيا وكل من يبحث علاج لا حل له سوى التوجه للخارج ومع ضيق ذات اليد فهذا الخيار غير متاح
اللهم ارنا في الكيزان عجائب قدرتك بقدر ما اذاقوا الشعب السوداني من معاناة ورهق وويلات
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
الأخ هشام أمين...البركة فيكم وأحسن الله عزاءكم...نسأل الله أن يسكنها الفردوس الأعلى
مع يقيني التام بالانهيار التام في الخدمات الصحية بالسودان في حقبة الإنقاذ السوداء
ومع يقيني التام بأن المستشفيات الخاصة في السودان (تعبد) المال عبادة وسلامة المرضى آخر اهتماماتها
ولكن:
-من المستحيل أن نحكم في هذه القضية استنادا إلى رواية الأخت فقط، أهم قواعد العدل الاستماع إلى الطرف الآخر (الطبيب والمستشفى).
-هناك أمور طبية و(متخصصة) ليس من حق أي أحد التحدث فيها إلا أصحاب الشأن (الأطباء).
-المجلس الطبي هو الجهة الوحيدة صاحبة الحق في الحكم في هذه القضية
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: أحمد عمر)
|
ربنا ان شاء الله يجعلها شفيعه لاهلها.
هذا الطبيب كما ذكر لديها سوابق بارتكاب اخطاء طبيه فادحة ولديكم خلفيه عنه، لدرجة ان لقبه ابو اضان ، لماذا جازفتم ببنتكم ،الانسان عندما يريد اجراء عمليه قيصرية او اي عملية بتحرى من الدكتور ووضع المستشفى قبل الدخول للعملية ، و لماذا ترك هذا الجزار يمارس المهنة ولم يتم سحب الترخيص منه ، وكما ذكرت انه يساعد في عمليات الاجهاض وغيرها من العمليات اللاخلاقية ، هذا الطبيب يزكرني بدكتور عبد الهادي ابراهيم الذي تم سجنه بسبب مساعدته للفتيات باجهاض، ما بداخل احشائهم من الثمرات الحرام.
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: عثمان الأمام)
|
تحية تقدير وإحترام للجميع
نسأل لله أن يخفف الحزن والألم الذي أصاب أهل هذه الأسرة المكلومة وأن يجعل أبرار شفيعاً لكل أهلها يوم لا ينفع مال ولا بنون
في تقديري وحسب متابعتي الدقيقة لكل ما ورد هنا ، أرى أن جرم بشع أرتكب بحق الطفلة المسكينة وأسرتها المفجوعة
وأشتغربت تشكيك البعض وعدم تصديقهم للرواية دون الرجوع للطرف الاخر
الا يكفي ما ورد هنا من مقتطفات من التقرير الطبي الذي اشار لوجود شق في النافوخ بطول 5 سم
ألا يكفي هذا لإدانة هذا الطبيب ، حتى نطالب بسماع الطرف الأخر !!!!!
الا يكفي ما أورده الأخ هشام أمين من معلومات مذهلة كفيلة بوضع حد لرحلة هذا الطبيب مع مهنة الطب
ما ذكر هنا أشار لإسم الطبيب دون مواربة ، فلو أنه تضرر من هذه الملعومات فله الحق في مقاضاة من الحقوا الضرر بسمعته المهنية
Quote:
أخصائية الاطفال بين دموعنا واصواتنا المهددة بالبلاغ والشرطة ووزير الصحة كتبت تقرير فى شهادة الوفاة انه بعد الفحص على الطفلة حديثة الولادة لا يوجد نبض ولا تنفس ولون الطفلة شاحب جدآ ويوجد شق فى النافوخ بطول 5سم تحول للتشريح لمعرفة سبب الوفاة.
|
Quote:
الدكتور أسمة أمير يحيى جمال
الملقب بابو اضان لة سجل طويل. فى الأخطاء الطبية حسب ما ورد فى التعليقات. وانا هنا انقل ما تم تداولة
كتبت الأخت / ن ا قام هذا الطبيب بعملية اجهاض لعروس بمدينة واد مدنى بجنين عمر 4 شهور
وأثناء عملية الإجهاض قام بشق رحم العروس مما اضطرهم. لإزالة رحمها لصعوبة ترميمة وتمت محاكمتة
وسجنة لمدة عامين بل وفى حادثة اخرى اجرى عملية قيصرية وايضاً قام بشق. راس الطفلة وقد تم
اللحاق بها وأسعافها ولكنها اصيبت بإعاقة مزمنة وتتم معالجتها دون اى تقدم يذكر
وعندما أراد والد الطفلة تسجيل. محضر وسمى فى البوليس. استعان الدكتور. بالاجاويد
وعرض على الوالد علاج الطفلة على. نفقته الخاصة مقابل. عدم. اقحام البوليس فى الموضوع وأعفاهم
من رسوم عملية الولادة
|
Quote: تعليق اخر. بعد البحث والسؤال عن الدكتور
قاموا بسؤال. كل مو كان يعرفة او يدرس معه
وتم التوصل الى انة درس بالإسكندرية. وأكد بعض زملاءه
فى تلك الفترة انهم لم يعرفوا متى تخصص او اين تخصص
فى. أمراض النساء ،،،،،،
واُخرى. قالت تدعى ف قالت. انة. اختها ولدت فى نفس المستشفى
وبعملية. وقد تم شج راس المولود. بمشرط العملية. وتمت خياطة الجرح غرزتين
ولكن لا تعرف مت هو الطبيب الذى قام بالعملية لكنها نفس مستشفى. هيلث كير
|
وأكرر
ما أورده الأخ هشام أمين من معلومات مذهلة كفيلة بوضع حد لرحلة هذا الطبيب مع مهنة الطب
ما ذكر هنا أشار لإسم الطبيب دون مواربة ، فلو أنه تضرر من هذه الملعومات فله الحق في مقاضاة من الحقوا الضرر بسمعته المهنية
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: محمد علي البصير)
|
Quote: الا يكفي ما ورد هنا من مقتطفات من التقرير الطبي الذي اشار لوجود شق في النافوخ بطول 5 سم
ألا يكفي هذا لإدانة هذا الطبيب ، حتى نطالب بسماع الطرف الأخر !!!!!
الا يكفي ما أورده الأخ هشام أمين من معلومات مذهلة كفيلة بوضع حد لرحلة هذا الطبيب مع مهنة الطب
|
نعم لا يكفي لأن أخصائية الأطفال نفسها طلبت التحويل للمشرحة لمعرفة سبب الوفاة!!
ما أورده الأخ هشام كلام ساي لا يستند على دليل !!
طريق الإدانة واااضح جدا" عبارة عن تقرير التشريح وما السبب الرئيسي الذي أدى للوفاة.
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
إنا لله و إنا اليه راجعون .
أسأل الله أن يجعل أبرار شفيعة لوالديها و أن يصبٌرهم و يعوضهم ذرية صالحة .
اذا قررت الأسرة مقاضاة المستشفى و الطبيب فأن طرح الموضوع هنا بعد صدور الحكم سيكون
أكثر فائدة و تنويرا للناس بمحاذير العلاج فى المستشفيات الخاصة و الحكومية و تنبيها لهم بحقوقهم
التى يكفلها القانون بعد التضرر من الأخطاء الطبية .
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: نعمات عماد)
|
Quote: أمير يحي جمال هو ذات الطبيب الذي كاد أن يتسبب في ازهاق روح زوجتي قبل عدة اعوام وشكوته
وقتها للمجلس الطبي وتم شطب الشكوى ثم اردفتها باستئناف تم شطبه ايضا ..!!
التفاصيل موجودة في بوست بمكتبتي في هذا المنبر ... |
شهادة جديدة
الإخوة المطالبين بتشريح وما أدارك ما تشريح
هل ننتظر تقرير يدين زميلهم
أهو دا حال البلد
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: محمد علي البصير)
|
Quote: جريمة قتل و بشعة كمان اعتقد أنو ده ما توصيف مناسب لما حدث.
و حكاية التنابذ بالالقاب زي ابو اضان و ام شنو ما عارف برضو مسألة تفتقر للياقة.
هذا اولا.
ثانيا و اخيرا الحل الوحيد هو الاحتفاظ بجثة المولودة و تسليم الأمر للمجلس الطبي و للقضاء بحيث يمكننا
معرفة الحقيقة لأنو كلام الأخت دي قصة من جانب واحد و لا نعرف ما هي اهدافها بالتحديد.
للعملية القيصرية مخاطر محتملة على الأم و على المولود من ضمنها التعرض للإصابة injury و لابد من عرض
الموضوع على خبراء لمعرفة ما حدث و هل هو يقع ضمن المتوقع و المقبول ام هو نتيجة للاهمال و سؤ المعالجة |
كما يجب سماع الطرف التاني
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
قصة محزنة جداً .. ربنا يصبر والديها و يجعلها شفيعة لهم
بين الكلام دا | Quote: اختي قالت ليهو ماطبيبة لكن شغالة مع مأمون حميدة اخليهو حسي يجي يقفل ليكم مستشفاكم دي |
و الكلام دا | Quote: ابو ابرار وقع فى نفس الشهادة انى بكامل ارادتي لا ارغب فى تحويل الجثة للتشريح ...قاليهم ادوني بتي اكفنها وادفنها وخليتكم لي الله الله في |
تضيع حياة الكثيرين و تصبح قصص للتعاطف فقط.. و تظل الأخطاء الطبية مادة للتراشق عبر الصحف و المنتديات و تضيع الحقوق القانونية و يستمر الحال كما هو دون أدنى تغيير .. لا يتطور قانون و لا تتطور ممارسة طبية
و الملفت لنظريهنا هو هذه النزعة لإتباع طرق غير قانونية و لو على سبيل التهديد (إمكانية إحضار مامون حميدة ليقفل المستشفى) و الزهد التام في إتباع سبيل قانوني بحرز الأدلة و تقديمها لجهة الإختصاص (دفن جثة المتوفية من غير تشريح).. مثل السلوكين العجيبات ديل منتشرات جداً عندنا و هما اساس البلاء
أتفق مع من سبقوني في أن المجلس الطبي هو الجهة الوحيدة المؤهلة قانونياً و فنياً للحكم في هذه القضية
و الفيصل في تحديد المسؤولية الطبية هو قيام الطبيب او عدم قيامه بتقديم العناية الكافية التي تتفق مع اصول المهنة و إتباعه او عدم إتباعه لافضل الممارسات المبنية على الدليل العلمي.. فالطبيب محاسب على افعاله و ليس على النتائج المترتبة على افعاله.. و بالتالي لا يمكن لجهة ما أن تحكم على مسؤلية الطبيب ما لم تكون ملمة بتفاصيل الممارسات الطبية الصحيحة و بتفاصيل القضية المطروحة للحكم
هل يكفي التعاطف فقط؟
أعتقد أن افضل ما يمكن أن يقدمه هذا المنبر هو الدعوة لتكوين جمعيات لمساعدة المرضى في الإهتمام بحقوقهم القانونية و نشر ثقافة التقاضي و تعريف المرضى بحقوقهم
هنالك الكثير من الأعمال الخيرية التي بدأت بذرتها هنا في هذا المنبر.. أتمنى أن يكون هذا أحدها
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hafiz Bashir)
|
غايتو المسكينة دي لو ولدها جزار كان بكون افضل ليها من ابو اضان دا
حكاية تردي اوضاع و الحنك العاضي دا دي ما حجة عشان تبرئ اهمال ابو اضان دا
و لا حجة عشان تقلل من جريمتو دي
زول عندو سوابق و غلطان الوالد لم اتنازل
و مفروض يتم التشهير بيه بي كل الوسائل المتاحة
علشان الناس تأمن شرو ....
سلام اخونا هشام
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: سيف النصر محي الدين)
|
يا حليمة الدكتور أمير ده أبوه دكتور يحي جمال أبوسيف كان طبيب لمعظم البنوك الحكومية...وعيادته في شارع الهرية....ولده أمير ده كان دايما مع أبوه في العيادة وعنده عيب خلقي في أذنه....الطريف أنه دكتور يحي كان بكتب لي كل زول نفس الدواء....كان عنده كتيب صغير بيفتح ويكتب الأدوية منه...ودايما لما نمشي الصيدلية كان بيقولوا لينا الأدوية دي توقف انتاجها من سنين طويلة ...ودايما الصيدلي بيقول أدوية دكتور يحي دي من التركية السابقة
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: سيف النصر محي الدين)
|
| Quote: مجلس طبي و قضاء، و زي ما قالوا ما ضاع حق وراءه مطالب. |
ربنا يصبر الأسرة دي على مصابهم ويعوضهم الذرية الصالحة..
يا دوك برغم إتفاقي معك لكن في مشكلة في الحتة دي ذاتها!!
المجلس الطبي بتستعين بيهوا المحاكم في السودان كبيت خبرة لإثبات أو نفي الخطأ أو
الإهمال الوقع على المريض من قبل الدكتور أو طاقمه الطبي، يعني مصير شكواك للمحكمة
تاني بكون مربوط بتقرير المجلس الطبي مع التقارير الأخرى مثل المشرحة وخلافه!! وللأسف
المجلس الطبي دا، حسب تجارب كتيرة، دائماً موقفه سلبي ومن النادر جداً تلقاهوا بقيف مع
المريض المتضرر!!
فطالما الإكتفاء بالشكوى للمجلس الطبي وحتى اللجوء للمحاكم ماقاعد يجيب نتيجة في أغلب
الشكاوى القدمت في تجاوزات زي دي مثلما حصل مع ناس كتار ومنهم بعض من أقاربي!
ييقى نشر الشكاوى دي أمر مطلوب برغم إنه ممكن يكون ظالم خاصة قبل صدور قرار من محكمة
أو جهة مختصة .... لانوا بنور الناس وحيخليهم على الأقل يتعاملوا بحذر مع مستوصفات أو دكاترة
بعينهم! على شرط إنوا النشر دا ما يكون بإسلوب تهكمي متهافت يقلل من مصداقية الشكوى نفسها!
تحياتي لك يا سيف ولصاحب البوست وضيوفه..
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Ahmed Alim)
|
| Quote: يا حليمة الدكتور أمير ده أبوه دكتور يحي جمال أبوسيف كان طبيب لمعظم البنوك الحكومية...وعيادته في شارع الهرية....ولده أمير ده كان دايما مع أبوه في العيادة وعنده عيب خلقي في أذنه....الطريف أنه دكتور يحي كان بكتب لي كل زول نفس الدواء....كان عنده كتيب صغير بيفتح ويكتب الأدوية منه...ودايما لما نمشي الصيدلية كان بيقولوا لينا الأدوية دي توقف انتاجها من سنين طويلة ...ودايما الصيدلي بيقول أدوية دكتور يحي دي من التركية السابقة |
يا هو ذااااتو يا عفراء الطبيب الذي يتم بنات اخوي ورمله وترك في معيته ثلاث بنات كبراهن اكملت العام العام الثامن يوم رفع الفراش والثالثة لم يتجاوز عمرها الستة شهور.. وقصة وفاة زوجة اخي على يدي هذا الطبيب الجزار سردتها في بوست افتتحه الاخ انور الطيب.. يا ريت انور يشوف كلامي ده ويجيب رابط بوسته
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: Hisham Amin)
|
هشام
القاتل:دكتور:أمير يحي جمال الملقب بي أمير ((أبو أضان)) صاحب عيادة بشارع الحرية
راس ابرار مفتوح بالطول من النافوخ بي طول 5_6 سم
ناذر
أمير يحي جمال هو ذات الطبيب الذي كاد أن يتسبب في ازهاق روح زوجتي قبل عدة اعوام وشكوته
حليمة
اذا الدكتور ده اسمه امير جمال يحي ابو سيف وفعلا عندو مشكله في واحدة من اذنيه وعيادته كانت بشارع الحرية وكان بيدرس في الاسلامية وشغال في فترة التسعيننات في مستشىفى دار الشفا، فهو قاتل زوجة اخي سنة 19922.
ارجو ممن يعرفه ان يؤكد لي انه اسمه ينتهي بابي سيف.
و القسم ؟ و الضمير ؟ و الخوف من الله بعد القتل ؟
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: بدر المعارف محمد المساعد)
|
الاخوة الاعزاء
لابد من سماع الطرف الاخر قبل اطلاق الاحكام هذا اولا
ثانيا اخوانكم الاطباء هنا و انتم اعلم بحال البلد يعانون ايما معناة من اجل علاج المرضى بصورة لائقة
ثالثا و حسب افادة احد الزملاء لى تلفونيا وهو استشارى نساء ولادة فان الرواية ليست كما ذكرت اعلاه بالكامل فيها الصحيح و فيها الخطأ
فنرجو ان تثمنوا كفاح اخوانكم القابضين على الجمر بالداخل
ولكم الشكر
| |
|
|
|
|
|
|
|
|
 Re: جريمة قتل بشعة فى حق طفلة بمستشفى هيلث كير التخصصي ،، (Re: شرفى عبدالقادر)
|
Quote: الاخوة الاعزاء
لابد من سماع الطرف الاخر قبل اطلاق الاحكام هذا اولا
ثانيا اخوانكم الاطباء هنا و انتم اعلم بحال البلد يعانون ايما معناة من اجل علاج المرضى بصورة لائقة
ثالثا و حسب افادة احد الزملاء لى تلفونيا وهو استشارى نساء ولادة فان الرواية ليست كما ذكرت اعلاه بالكامل فيها الصحيح و فيها الخطأ
فنرجو ان تثمنوا كفاح اخوانكم القابضين على الجمر بالداخل
ولكم الشكر |
معليش يا دكتور قبل ما نرد على الكذب في مداخلتك الأولى جيتنا بي كذبة أكبر
فوق الأخ ناذر جاب صورة لي شهادة الوفاة من نفس المستشفى و مكتوب فيها وجود جرح مقطعي في النافوخ
يعني لو كنت كلفت نفسك بي قراءة التقرير ما كنت محتاج للكذب في الحتة دي
Quote: ارسل لي احد الاخوة صورة المولودة وليس برأسها اي شئ و لم تكن تنزف
هذا ما تم افادتي بة |
يعني حا نكذب تقرير المستشفى نفسه و نصدقك إنت .....؟؟؟؟؟؟
إستشاري النساء و الولادة دا خلي يكتب ليك الكلام الصحيح في كلام عمة الطفلة اللي كانت موجودة ساعة الجريمة في المستشفى
و يقول لينا شنو في كلامها الما صحيح و نحن علينا نجيب رد أهلها هنا على كل كذب صاحبك إستشاري النساء و الولادة
و اللي أتوقع ما ينزل إسمو هنا عشان ما يتورط زي زميلكم اللي عايزين تدافعوا عنوا بالباطل
الكلام الني دا ما بحل زميلكم من الجريمة البشعة اللي قام بيها و اللي كانت آخر جريمة من جرائم كتيرة قام بيها
و البوست حا يستمر لغاية ما كل الناس تقتنع بالحقيقة كاااااااااااااااااااااملة
و أنا شفت صورة و ظاهر فيها الجرح .......
.
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: ABUHUSSEIN)
|
Quote: [عليش يا دكتور قبل ما نرد على الكذب في مداخلتك الأولى جيتنا بي كذبة أكبر
فوق الأخ ناذر جاب صورة لي شهادة الوفاة من نفس المستشفى و مكتوب فيها وجود جرح مقطعي في النافوخ
يعني لو كنت كلفت نفسك بي قراءة التقرير ما كنت محتاج للكذب في الحتة دي
. |
الاخ ابو الحسين
تحية و احترام
مافى داعي للكلام ده
ونرجو احسان الظن بالناس
وشكرا
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: شرفى عبدالقادر)
|
Quote: الاخ ابو الحسين
تحية و احترام
مافى داعي للكلام ده
ونرجو احسان الظن بالناس
وشكرا |
تحية طيبة يا دكتور
ما عارف احسان الظن بالناس كيف يكون
و نحن امام جرائم عديدة كانت على يد ابو اضان
اختنا حلبمة قالت حادثة سنة 1992
و اخونا ناذر حادثة 2009
حكاية تردي الخدمات و الامكانيات دي تشتيت كورة
لانو مستشفى خاص و المريض بدفع دم قلبو
و المريض بدفع اولا ثم يتعالج
عمة البنت حكت الحاصل امامها
و كذلك الام حكت ما سمعت قبل ان يتم تخديرها بعد العملية
التستر على الجريمة يعتبر جريمة
الام ذنبها شنو بعد 9 شهور حمل و معاناة حمل و معاناة ولادة ..؟؟
الاب ذنبو شنو بعد ما صبر 9 شهور و دفع دم قلبو لسلامة زوجتو و بنتو ..؟؟؟
اهلها ذنبهم شنو و هم كلهم في المستشفى علشان يفرحو بي سلامة بنتهم و مولودها...
ابو اضان سرق الفرحة من كل اهلها بالاهمال ....
دي جريمة يا دكتور حسن الظن ما بنفع فيها ....
تحياتي و احترامي
| |
|
|
|
|
|
|
|
|
|
Re: جريمة قتل بشعة فى حق طفلة بمستشفى هيلث كير التخصصي ،، (Re: أيمن محمود)
|
Quote: Nabeel Ali
الشكوي للمجلس الطبي ؟؟؟؟؟؟؟؟؟؟؟؟؟؟؟؟؟؟؟ انتا جادي يا دكتور عوض محمد احمد !!!!!!!!!! كدي بالله ورينا شكوي واااااااحدة مقدمة لهذا المجلس التعيس تم معالجتها وحلها او تعويض الشاكي المتضرر في اي قضية بتاعت اخطاء طبية ؟؟؟؟؟ وانت قايل المستشفيات في السودان بقت تستعين بي بتاعين رجال الامن والحراسة ليه شنو ؟؟؟
15 ديسمبر في 12:35 مساءً
Awad Mohamed Ahmed
امثلة كثيرة لكن اديك مثال وقف فيه الاطباء شهودا ضد زميلهم و تم اعدامه في قضية مشهورة قبل قرابة ال 40… مشاهدة المزيد
15 ديسمبر في 04:35 مساءً · أعجبني
Suliman Raffai
الموت يحدث في كل الاحوال للصغار والكبار للمرضى والأصحاء..السودانيون درجوا على النظر الى مثل هذه الحوادث بأعتبارها "أجل تم" ، أعرف شخصا كانت زوجته تعالج في أحد المستشفيات الخاصة من عارض بسيط جدا "جراجة لإخراج حصوة في الحالب" وعند إخراجها من المستشفى مباشرة وقبل أن تصل الى البيت ظهرت عليها أعراض غريبة...مما اضطره الى إرجاعها مرة أخرى للمستشفى حيث تطورت حالتها الى تسمم في الدم كاد أن يودي بها...ودفع أضعاف ما دفع مقابل العملية الاولى....هذا إهمال بدون شك من المستشفى والطبيب المعالج ودليل واضح أن المرضى لا يجدون أي إهتمام....على أن إتهام طبيب "بالقتل" شيء غير كويس...
الأربعاء في 12:34 مساءً · أعجبني
Nabeel Ali
يا اخ عوض انتا تتحدث في قضية قبل اربعين سنة يعني سنة 1974 نهايات الزمن الجميل _ فعل المجلس الطبي الحالي… مشاهدة المزيد
15 ديسمبر في 06:18 مساءً
Awad Mohamed Ahmed
hاخ نبيل لا يمكن اجابة سؤالك الا بالرجوع لسجلات لجنة الشكاوي في المجلس الطبي
دعك من التعويض هناك من شطب تسجيلهم و بالتالي ممنوعون من ممارسة المهنة في السودان
الذي اعرفه بحكم المهنة ان هناك احكام تعويض صدرت و تصدر و لكني لا يمكن ان اجلبها هنا الا اذا جلبها الشاكي او المجلس
لجنة الشكاوي تجتمع كل اسبوعين و اكيد ان هناك احكام ادانات تصدر و حكم الادانة يتبعه بالتالي تعويض الشاكي او ان راى يمسك الحكم و يمشي بيهو النيابة
16 ديسمبر في 08:07 مساءً · أعجبني
Munir Saad
و تم اعدامه في قضية مشهورة قبل قرابة ال 40 عاما عندما
صاح قبل قرلبة 40 عاماً. لكن قبل قرابة ال 25 عاماً… مشاهدة المزيد
16 ديسمبر في 06:23 مساءً
Suliman Raffai
القاتل:دكتور:أمير يحي جمال الملقب بي أمير ((أبو أضان)) صاحب عيادة بشارع الحرية!!!!!!
---------------… مشاهدة المزيد
الأربعاء في 12:28 مساءً
Nagi Hassanin
الواقع الطبي في السودان محبط ومقلق ، بدليل أفواج المسافرين يومياً للعلاج في الخارج وبتكلفة باهظة
الخميس في 10:45 صباحاً
Eltaghi Ahmed
ربنا يعوضكم ويخلف عليكم
إذا لم نستفيد من هذه الأخطاء ونقف لها بالمرصاد فإنها بلا شك ستتكرر كثيراً .. الوقفة الأولى عن طريق القانون (المجلس الطبي/المحكمة) .. والوقفة الثانية عن طريق تنوير الناس وتحذيرهم من المستشفيات التي لا تهتم بالجودة ولا تحترم الانسان وذلك حتى لا يمروا بنفس تجاربهم .. مثل هذه الحادثة تؤلمني كثيراً وما يؤلم أكثر ردود الأفعال الضعيفة من قبل المواطنين (ما في زول مهتم) .. من جهتي وكمساهمة مني في التنوير والتحذير أنشأت موقع "السودان يستحق الأفضل":
http://www.sudanreviews.com/http://www.sudanreviews.com/
وهدفه الأساسي هو تقييم أداء المؤسسات الخدمية (الكعب نقول ده كعب والسمح نقول ده سمح) عشان اللي بعدنا يستفيد من تجاربنا .. ويمشي للسمح دربو عدييييييييييييل ..لكن زي ما قلت ليكم ما في حد مهتم .. !!!!!!!!!!!!!!!
الأمس في 07:06 صباحاً |
| |
|
|
|
|
|
|
| |
Hisham Amin
مني عمسيب
azhary taha
سيف النصر محي الدين
مهدي صلاح
بدر المعارف محمد المساعد
محمد علي البصير
ناذر محمد الخليفة
نعمات عماد
جمال الباقر
Hafiz Bashir
ABUHUSSEIN
حليمة محمد عبد الرحمن
Afraa Sanad
Ahmed Alim
لؤى
وضاحة
شرفى عبدالقادر
أيمن محمود
فيس بوك
تويتر
انستقرام
يوتيوب
بنتيريست