|
Re: اى زول بشهد ان لا اله الا الله مؤتمر وطنى (Re: اخلاص عبدالرحمن المشرف)
|
Quote: انتهت فترة البيات الشتوي لعباس وقد حضر كشلو كشلو كشلو استعدوا السلام عليكم ي عباس |
سلام يا بت المشرف اخبارك والاسرة الكريمة الزول دا ما خلي لينا فرقة عشان نحمل الشهادة والعمل الصالح الناس ديل بجيبوهم من وين زول تحفة عديل قال معتمد ... اعتمادنا علي الله افكنا من الشربكة الحاصله لينا مع البجم وسلامة صحافة المشروع الحضاري
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: الهادي ابوبكر)
|
يا عباس الدسيس حبيت أحييك و أسلم عليك و أقول ليك والله ليك وحشة و لكتاباتك الطريفة رجاء خاص لا تنقطع عن هذا المنبر. هذه الأيام يحتاجكم أكثر من أي وقت مضى أتمنى على كل الإخوة الذين كانت تضئ حروفهم صفحات هذا المنبر و أنقطعوا أن يعادوا الكتابة نفتقدهم بشدة. ما عايشين في السودان ففضل لينا ريحته في البورد دا و ما عايزين نفقد حتى دا أتمنى على الأخ بكري أن يقوم بمراجعة و حملة كبرى يعيد بها الكتاب المخضرمين
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: Omer Abdalla Omer)
|
المعتمد التحفه رجعنا لي ايام داعش السودانية زمن ريحة المسك والحور العين بتاعين الترابي بلدنا غايتو ماشة بي المقلوب وبركة المساكين الفاتحين خشومهم اعاينو لي رقيص الريس ودقي يا مزيقة اها حور الترابي قالو واحد من الدبابين بعد انفجرت فيهو دبابة وطلعت ريحة المسك جري علي الجنة عدل اول ما وصل Reception سأل الملايكه ... أهو إحنا وصلنا وين الحور العين؟؟؟؟ قالو ليهو يا جنا الترابي ابشر وصلت تمشي تاني لفة يمين لما الشارع اقفل معاك اجباري تاخذ يسار تلقي صف اقيف فيهو الدباب مشي حسب الوصف لقي صف وقف فيهو ... وطال الانتظار ... واخونا واقف وقت زهج سال القدامو: يا اخ العرب احنا طولنا الحور نقابلهم متين الراجل رد ليهو: يا خوي الظاهر الترابي دقسكم أنا الواقف قدامك دا من ناس غزوة أحد المعتمد الظاهر عليهو ماشي بالشنقيطي ركب بالنص الجماعه ديل بعملو حاجات غريبه الراجل احتمال من الفترة السابقة سقوهو مشروب خلاهو مغيب وصحوهو حسي يا زول ما تشوف ليك كم قطعة ارض البعها قوام قبل ما إلحقوك الشهادة الناس لعبها وخططها اتغيرت خليك مع الزمن يا معتمد ما تقعد بعدين تقول أنا كنت واضع في جماعتي الثقة وخانوها ضربو قطع الاراضي برضو دي بقت قديمة خت الكوره بالواطه والعب بي الكعب
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: عباس الدسيس)
|
Quote: الاخ عباس الدسيس
سلام
بالله الزمن ده كله انا مؤتمر وطني وما عارف نفسي!!!!!!!!!!!! ههههههههههههههههههههههههههههههههههههههههههههه يا سبحان الله... كان يقولوا لينا كدا من زمان... انا مسكين مشرد نفسي ساي ربع قرن...
|
عبدالعزيز سلام يا حبيبنا مع دوشة الانتخابات واحتمالية مظاهرات الراجل الظاهر قالو ليهو قول من دخل دار المؤتمر الوطني فهو أمن قال نتمها شهادة راسا عديل والراجل إسألني وناس الجرايد كان ما جابوها الويل لهم سوف نهدر دمهم تحياتي وتقديري
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: عباس الدسيس)
|
Quote: تحياتي عباس واخلاص بعد ان جعلوا انفسهم اوصياء وساوا انفسهم بالصحابة حذو النعل بالنعل جعلوا الاسلام هو المؤتمر الوطني .. او ان اردت دقة التعبير صار المؤتمر الوطني هو الاسلام وبي كدة كل من لم يكن مؤتمر وطني فهو كافر |
شيخ العرب ودابوسن مشتاقون ... اخبارك والاسرة الكريمة وناس كوستي منو العوض وليهو العوض خلاس جابو اجلها تصدق وتأمن بالله أي واحد مجنون اسأل منو واخبارو شنو اقول لي يا عملوهو والي او معتمد ((لا حولا ولا قوة الي بالله ... دا اسمو شنو!!!)) البلد راحت تحياتي وتقديري
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: عباس الدسيس)
|
Quote: وانا اقول ياربي يدي دي بقت خفيفة كده مالا ياعبس متبرع ليك بـ فيلا |
الوجيه حيدر سلام يا حبيبنا حكاية يدك وخفتها كرامات الانقاذ انت اتعديت مرحلة الشهادة ما تقول لي الفيلا جمب المطار الجديد بتاع ناس ود الباوقه البترول وصل 40 دولار للبرميل واقولو ليك البنك الصيني وقع معانا قرض لتمويل المطار الجديد جابو ليهم بت من بتاعات الفيكس البتلقاهم في السوق العربي وقالو مدير البنك الصيني كلو عشان ادقسو المساكين اشترو الاراضي والحكاية تبقي زي اراضي المغتربين الراحت شمار في مرقه يا الاخو انا عايز كافوري كان فضل فيها شيء
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: عباس الدسيس)
|
Quote: عبدالعزيز سلام يا حبيبنا مع دوشة الانتخابات واحتمالية مظاهرات الراجل الظاهر قالو ليهو قول من دخل دار المؤتمر الوطني فهو أمن قال نتمها شهادة راسا عديل والراجل إسألني وناس الجرايد كان ما جابوها الويل لهم سوف نهدر دمهم تحياتي وتقديري |
الاخ العزيز عباس الدسيس
خلاص مع الشهادة دي تاني اي زول يصوت لغير المؤتمر الوطني بيكون كافر وخارج عن الملة....!!
ياخوي الجماعة ديل قالوا فاتحين خط ساخن مع الله (تنزه الخالق جل جلاله) بعد الشطحة دي فكل شئ وارد.. ومع اقتراب مواعيد الانتخابات ربما نسمع الكثير المثير.. مثل أيام أعراس الشهداء وكرامات حرب الجنوب..
مودتي
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: Abdlaziz Eisa)
|
ود ميكي اتعب ابوه تعب السنين يوم حنة ويوم كبرتة ويوم بياتة برة البيت قام قفلوا في اوضة وحشر ليهو كتب وشرايط اسلامية بتحت الباب عشان يتوب ويبقى راجل بعد اسبوع جا مارق متحجب ولابس عباية دحين الناس ديل مهما الزمن طال بيهم وعتَقم ... تلقاهم لسه في ضلالم القديم هسع الوالي نمر ده كان غاتس وين وطلع لينا بالمحن دي
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: عباس الدسيس)
|
** عباس (المارقاص) ** سلام..
##اها هسه أنا وضعى شنو بقول لا الله إلا الله وأنا محمداً رسول الله ,,, ومامؤتمر زفتى .. تصنيفى ماعارفو شنو مع الوكلاء البوزعو فى الصكوك ديل .... من :-
المُهاجرين ,, الأنصار ,, اللاحسين ,, الحراميه ,, الموالين ,, الهُبل ,, المساطيل ,, (اللهم أنقذنا مِمن أتوا لإنقاذنا)
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: عباس الدسيس)
|
Quote: سلام يا عباس، المؤتمر الوطني حزب سوداني يدين أعضاءه بالإسلام ويسعى الحزب للوصول للتطبيق المثالي لكتاب الله وسنة نبيه على الأرض.
الذي لا يؤمن بهذه الخطوط العريضة، يستحق إعتذار من صاحب المقولة عنوان البوست. |
الشفيف ابوبكر عباس سلام يا حبيبنا انت الشأن السوداني خلاس بقيت بعيد منو ما ليك غير تجادعنا بالكلمات زمان كنت قريب مننا في دبي ومغترب حسي بقيت من المهاجرين خليتونا في عز الهجير ومشيتو امريكا اخبارك يا حبيبنا اشتقنا لي مجادعاتك الساخرة تحياتي وتقديري
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: Abdlaziz Eisa)
|
Quote: * عباس (المارقاص) ** سلام..
##اها هسه أنا وضعى شنو بقول لا الله إلا الله وأنا محمداً رسول الله ,,, ومامؤتمر زفتى .. تصنيفى ماعارفو شنو مع الوكلاء البوزعو فى الصكوك ديل .... من :-
المُهاجرين ,, الأنصار ,, اللاحسين ,, الحراميه ,, الموالين ,, الهُبل ,, المساطيل ,, (اللهم أنقذنا مِمن أتوا لإنقاذنا) |
عبدالكريم يا حبيبنا سلام رايك شنو في المؤلفة قلوبهم !!! ايام التمكين شالونا الصالح العام بخطاب قدر الليلة وبكره وحسي دخلونا المؤتمر الوطني بالشهادة الكلام معناهو كان سجلت للتصويت و ل ما سجلته للتصويت انت صوتك في الصندوق خلاس تم اعتماد الشهادة من سيادة المعتمد والاعمال بالنيات
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: فرح الطاهر ابو روضة)
|
يا عباس الدسيس كيف حالك ياخ والشوق حاصل والله
خلاص كرهوا الناس في والسودان عايزين يمرقوهم من امة محمد
الوجيه ابوروضة سلام يا حبيبنا مشتاقين وين الغيبه لا حس لا خبر الجماعة ديل شغالين طرد يا اطردوك من البلد وتزازي بالدول أو اطردوك من الدين عشان تخش معاهم جهنم لو كلو ما لفق اخبتوك بالانتنوف والفوك بطرد للاخرة شغلة الطرود ماشة معاهم زي الحلاوة
| |
|
|
|
|
|
|
Re: اى زول بشهد ان لا اله الا الله مؤتمر وطنى (Re: Saifelyazal Elmaki)
|
Quote: عباس الدسيس سلامات يااااااخ اشهد ان لا إله إلا الله واشهد أن محمد رسول الله خلاص كده اصبحت مؤتمر وطني يلا قطعة الارض وعمارة كافوري بدوني ليها متين ؟؟؟؟ |
سيف اليزل سلام يا حبيبنا ما سمعته بي حكاية امام المسجد البصلي في الركعه الاولي وكانت السورة طويله سلبه والناس واقفين في الصف اتململو واثناء الركوع جاء واحد خشه معاهم في الصلاة بعد انتهت الصلاة جارو الكان مع الناس البتململو وزهجان عاين ليهو وقال ليهو خاشي مع الركوع لقيتها بااااااااااارده يالاخو. انت حسي عايز قطعة الارض بالشهادة وكمان عماره أول خلي نجربك مع المؤلفه قلوبهم نديك كم شوال سكر نجربك بيهم كان ركزته وقلته سيدي الرئيس هع كع كرع.. بنشوف ليك اراضي الصالحه العافية درجات
| |
|
|
|
|
|
|
|