هودنا عشرين سنة وانت بتمص في دمنا لبن الصغار والناس جعانة ممحنة ويبقى السؤال ما شبعت يا جنا خلينا من كمبلا وكل البلا والرمة والحراس في حينا ما انت قبال العدد بتشد وتركب وتسوي في بيت الهنا ويبقى السؤال ماشبعت ياجنا عايز شنو ورينا بس ايه الفضل نان عندنا ما بعنا كل البجيب حبة خضار وباقي لحمة معفنه ولسع مصر برضو تاخد مننا مالو الاديب قاليك ارحل يا ثقيل في الدنيا اتفسحت واتمتعت بي مالنا القليل جبناه بي عرق الجبين شلتوه غصبا عننا وعشرين سنة وزيادة خمسة ولسة برضك تاني طمعان يا جنة خمسين سنة ما حتعمل غير تزيد في همنا هودنا وريني بس خايف تفوت من نعمة ما بتدوم باكر تزول وينكشف ضهرا كان موشح بالسنا واصبح مضلم وكلما يصباح صباح يزداد ضلام والدوة لي رب الصباح مفتوحة من مظلوم عمره ما ضاق الهنا خسة فوق الخمسة في العشرين سنه ولسة ما شبعت ياجنا؟ فاضل شنو؟ اتسمت زي المرارة وبلدنا عادت ما بلدنا والمكان ماذدا المكان والنيل رحل من حمبنا ارحل خلاص خلي العصافير الفي القفص تمرق تغرد عندنا خلي الطيور الهاجرت ترجع تعمر عندنا عقدين وكمين سنة وانت بتمص في دمنا ما شبعت يا جنا؟
وبلدنا عادت ما بلدنا والمكان ماذدا المكان والنيل رحل من حمبنا ارحل خلاص خلي العصافير الفي القفص تمرق تغرد عندنا خلي الطيور الهاجرت ترجع تعمر عندنا عقدين وكمين سنة وانت بتمص في دمنا ما شبعت يا جنا؟ سلام و تحية و أمنيات بدوام الصحة و السعادة و الإبداع .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
نعمات عماد
فيس بوك
تويتر
انستقرام
يوتيوب
بنتيريست