الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
كيف تحبين زوجك .... حتى يصبح طوع بنانك
|
08:09 AM Apr, 30 2015 سودانيز اون لاين د.محمد حسن- مكتبتى فى سودانيزاونلاين
اول حاجة حاذاري يا قول المذيع بتاع الكورة انك تتصلي عليه نص النهار وتقولي ليه الغاز قطع
لانو العبارة بتهز الجبال وبتزلزل الكيان طيب تعملي شنو
تتصلي عليه وبنغمة حلوة تقولي ليه : محمد كيفك حيرد عليك : كويس مالك في شنو ؟ تقولي ليه : لا مافي حاجة بس كنت بفرج في اسامة الشيف ولقيته بعمل في اكلة انت بتحبها قلت اعملها ليك محمد : تسلم ايديك يا غالية انت : تلسم لي يا عمري بس والله خايفة الغاز يقطع لانه الشعلة بقت ضعيفة محمد : ولا يهمك نص ساعة وبكون معاك ا
|
|
|
|
|
|
|
|
Re: كيف تحبين زوجك .... حتى يصبح طوع بنانك (Re: د.محمد حسن)
|
نكتة منتشرة في الاسافير : ---------------------------------------------------------------- قالو واحد معرس اتنين سودانية ومصرية بعامل السودانية كعب شديد وعسل مع المصرية قامت السودانية سالت المصرية قالت ليها يختي انتي بتسوي ليه شنو قالت ليها اول مايدخل بشيلو من على الارض شيل واحطه عالسرير واغسل رجليه بميه سخنة وملح وااكله وانيمه وبصحا فل الفل .. .. تاني يوم الراجل خش للسودانية لقاها واقفة ليه جمب الباب قال ليها مالك واقفة لي كده قالت ليه مادايرة اشيلك يشيلك الشال ابوي
| |
|
|
|
|
|
|
Re: كيف تحبين زوجك .... حتى يصبح طوع بنانك (Re: مازن فيصل هلال)
|
قبل ما نرد على اخونا مازن ندي النسوان ديل معلومة مهمة جدا زوجك ده طفل كبير وطبيعة الاطفال الذكور مرتبطة بالشارع الشافع مما يفقعوه بجري الشارع عشان كده ختي المعلومة دي في راسك اي راجل سوداني الماني هندي مصري صيني الخ بحب الشارع ما تضيقي عليه وما تضايقي وماتفكري تحبسي لو حبستيه حيفقد اهم خواصه الذكورية وببقى بايخ
| |
|
|
|
|
|
|
Re: كيف تحبين زوجك .... حتى يصبح طوع بنانك (Re: أحمد الشايقي)
|
اخونا زوزو من ناس تحت
Quote: قال أيه !! تسلمي يا غالية ... ونص ساعة بكون معاك... هذا ديدن أصحاب الرايات البيضاء من أمثالك .. أما الرجال (الضروس)، فسيكون ردهم .. بلا شيف أسامة بلا كلام فاضي .. باقي الشعلة خليهو وسخنى بيهو باقي الأكل اللي في التلاجة .. هسي عايزاني أطلع من الشغل في حر زي دا عشان تعملي طبق الشيف مين ولا أبلة نظيرة .. ماعارف !
لك الود |
يابتاع الرايات السوداء
شكلك لسة في البر
اسعدني مرورك :)
| |
|
|
|
|
|
|
Re: كيف تحبين زوجك .... حتى يصبح طوع بنانك (Re: ابو جهينة)
|
الله عليك يا ابوجهينة .. سكتش ظريف جدا
Quote: البيت كان مكونا من حجرتين. و مكث عبد الكريم خمسة و أربعين يوما ( يباصنّو التلاتة بيناتن زى خرطوش الشيشة ) لم يجد فرصة حتى يشيل الفاتحات التي تنتظره أو تسجيل قطعة الأرض التي إشتراها ، كالمعسكر المقفول ، كل ما فعله هو زيارة والديه و إخوته برفقة الزوجة الكبيرة لزوم المراقبة اللصيقة. و عندما إنتهت الإجازة ، كان عبد الكريم في حالة ( تحنن العدو ) |
| |
|
|
|
|
|
|
|