|
Re: مبروك السودان الثامن عشر عربيا من حيث سعا� (Re: Asim Fageary)
|
Quote: يا عبس إزيك ياخي
سعادة مواطنيه .. دا رتبة فريق في الأمن ولا شنو
لأنه البريفكس بتاعة (سعادة) دا في السودان ما نسمع بيه إلا في الرتب والمناصب !
|
عصام سلامات يا حبيبنا الاطرف والاجمل والامثل في الخبر الدول العربية كلها 22 دولة قول الطيش الصومال وبعدها جيبوتي وثالث الطيش ليبيا الاتقلبت خرابه حظنا حنا بعدهم طوالي شوفتا السعادة دي كيف وجرايدنا فرحانه بالترتيب وسير سير يا بشير تحياتي وتقديري
| |
|
|
|
|
|
|
Re: مبروك السودان الثامن عشر عربيا من حيث سعا� (Re: عباس الدسيس)
|
Quote: تحياتي عبس وعاصم ودحلتنا جا الثالث في مسابقة للغناء وللذين لا يعرفون كان عدد المتسابقين تلاتة ف جا الطمنطاشر من كم |
ودابوسن اخبارك يا حبيبنا بقت علينا حكاية الولد الدخل البيت هدومو وسخانه ونفسو مقطوع امو سألتو يا ولد مالك؟؟؟ قال ليها كنا زافين طيش الفصل ... قالت ليهو وانت جيت الكم؟؟؟ قال ليها ثاني الطيش !!! برضو من اجل السلام والتنمية....
| |
|
|
|
|
|
|
Re: مبروك السودان الثامن عشر عربيا من حيث سعا� (Re: عباس الدسيس)
|
Quote: هههههههههههههه والله حنك الكيزان ده خطر ...
طيب يعني رابع الطيش ... بحسبان عدد الدول العربية 22 دولة اذا طلعنا سوريا، ليبيا، اليمن، الصومال ياهو الطيش لولا ظروف معينة في الدول الاربعة دي |
ناصر سلام يا حبيبنا كمان ما تنسي زمان في نشيد بتاع الكيزان بقول .... ليبيا والعراق واليمن بتاع في حماك ربنا شنو ما عارف يعين لو قلنا دولك القلتها ونعمل ترتيب تاني .. الصومال سوريا اليمن العراق ليبيا خمسة دول ناقص 22 بساوي 17 اذن الترتيب غلط
| |
|
|
|
|
|
|
Re: مبروك السودان الثامن عشر عربيا من حيث سعا� (Re: عباس الدسيس)
|
Quote: دائما لذيذ يا عبس عاين لي جاي قاليك الشافع يوم النتائج جاء داخل البيت قريب العصر ابوهو قاليهو جيت الكم ؟ قاليهو الخمسة وخمسين والفصل فوقو كم ؟ قاليهو ستة وخمسين وطيب الزمن دا كلو وين بعد ادوكم النتائج ؟ كنا بنسير في الطيش . . وين يا |
ود البوش شيخ العرب غايتو توارد خواطر غريب في النكته العقول ليها شواهد اخبارك يا حبيبنا والله مشتاقين موجود والله جاري مع الرقم الوطني والجواز بتاع الدولة رقم 18 والسعادة كتلتنا خلينا نفضي ترقب مننا زيارة
| |
|
|
|
|
|
|
Re: مبروك السودان الثامن عشر عربيا من حيث سعا� (Re: osama elkhawad)
|
الأخ العزيز عباس الدسيس
للأسف الصحافة عندنا تعاني من انعدام الاحترافية والمهنية والمصداقية وأضف إلى ذلك أن معظم من يعمل بالصحافة غير مؤهل وغير مطلع بالمرة والدليل على ذلك أن السودان تم تصنيفه مؤخراً أتعس دولة في العالم بناء على تقرير أعدته مؤسسة غالوب
علينا أن نستيقظ من سباتنا ونستنشق القهوة زي ما بيقولوا. أين نحن وأين جيبوتي؟
جيبوتي بالنسبة لنا دولة عظمى. معدلات تنمية عالية - استقرار سياسي - علاقات وشراطات دولية قوية - ميناء عالمي يعد من ضمن الأكبر في أفريقي - موقع استراتيجي في القرن الأفريقي يربط بين أفريقيا والشرق الأوسط وأوروبا - قواعد عسكرية أمريكية وفرنسية تضمن الأمن
أدناه رابط التقرير مع الجدول الكامل لمعدلات السعادة لكل دولة والذي يتذيله السودان بجدارة
http://goo.gl/K9o516http://goo.gl/K9o516
| |
|
|
|
|
|
|
|