هل الجنوبيون مواطنون درجة ثالثة (الآن) في السودان ؟؟؟؟

Quote: حبابك يا شول طبعآ في رأيي أن كل من يختار الإنفصال ليس عنده وطنية..إنت قايل الوطنية دي كيف؟؟؟؟ أمشي شوف المصريين عايشين كيف..خوف شديد..إحتقار..عدم إحترام ...مداهمات...جوع...فقر؟ ما في زول فكر ينفصل , في رأيي كمان لو أمريكا ما عايزة إنفصال ما حاتقيف مع الجنوبيين ولن يحدث الإنفصال..وصدقني يا شول ودي نصيحة أخوية: لو ما كان الغرب عايز تدمير السودان ما كان سمح للإنفصال أبدآ , لكن مع الأسف نحنا ما عندنا وطنية بتعريفة... الأسوأ من كده يا شول إنو الجاب لينا المشاكل دي كلها هو البترول (لعنة الله عليه دنيا وآخرة)... بعدين يا شول الحاجة المستغرب ليها إنك قريب ده ما كنت عايز إنفصال..الحصل شنو؟؟؟ تعرف أنا فاتح البوست ده عشان أعرف كل الآراء وأستفيد منها , ولو لقيت الناس دي كلها عايزة إنفصال...يلا إنشاء الله السودان يتحرق وتاني شفوني لو سألت للبحصل للسودان. أصلوا الحاجة الوحيدة الأنا عارفها إنو كل زول فينا عنه إقامة قصيرة ومؤقتة في هذه الدنيا عشان كده حتي لو السودان إتدمر إمكن أنا ما أتأثر كتير لكن الأجيال التانية ممكن تحس بيه. لو عايزين تجوطوها جوطوها , أنا شايف ناس كتيرين جدآ في هذا المنبر وبالذات من الشماليين هم الزايدين الطيب بلة, كلما تحنس الواحد ولا تقول ليه وطنية وما عايزين الجنوب ينفصل يقعد يقول ليك وليه ما ينفصلوا وهم مهمشين وهم...ألخ , طيب ياخ عشان أنا ما أقعد أحنس واحد واحد (وأعذروني يا شباب ترا أنا في رمضان دمي فاير ما عارف ليه) إنتوا هاتوا من الآخر , وزي ما واحد فتح بوست قال الغرب حا ينفصل رد عليه واحد بعبارة جميلة: لو شاعر إنكم مهمشين وما قادرين تعيشوا مع الباقيين طالبوا بالإنفصال علي طول ياخ والله أنا مرات قلبي بياكلني بقول لي لو أنا عايش في مدينة واحدة تكفي ما بحتاج اطلع منها وخلي البلد تتحرق , ويجوك ناس يحبطوك يقولوا ليك إنت فاتح بوست لأنك كوز وبتدافع عن النظام ! طيب مش أنا فاتح البوست ده بدافع عن النظام والنظام ما داير إنفصال وأنا بروج لبضاعته؟؟ طيب أها أنا معاكم في الإنفصال...تاني واحد يجي يقول لي نظام وأنا صائم..لو ما رشيتوا؟؟