رغم مريخيتى : ما يحدث فى الهلال جريمة يجب التصدى لها وهاكم الاسباب

Quote: رغم مريخيتي الهلال كان على الدوام هو الافضل من زمن قودوين اشعر بما يشبه التخطيط او اكاد اتعرف على الخطط التي يلعب بها الهلال في مبارياته يعني بنفهم حاجة لكن المريخ كضاب لو تقول بتفهم شئ دربكة و قلع و فرفرة و جري عكس و عك بحق و حقيقي المريخ رغم انه كان و في كثير من الاحيان يستطيع الوصول الى المحترفين الا انه لم يكون فريق متكامل و منضبط طيلة العشر سنوات السابقة او اكثر كل لاعب بيلعب براااهو زي مكنة تركتر ربطوها في رقشة محترفين من كل حدب و صوب و لا يوجد اي فن او مدرسة او طريقة لعب واضحة زي التقول المريخ ده معمول بي قروش حرام و الله المريخ ده لو جابو ليهو اليكس فيرجسون و لعبو فيهو ناس نايمار و كريستيانو و غارث بيل اكاد اقسم لن يكون هنالك لعب ممتع لم استمتع يوما بمباراة للمريخ منذ عشر سنوات ولا حتى باص حلو احترافي و لا ون تو جميل ما عارف كيف لا زال يطلق الناس على ناس المريخ كلمة فريق ؟؟ الهلال ليس بالفريق المخيف و الوقار الذي يشع من عينيه موروث منذ زمن كليتشي و قودوين و لكن كثير من الفرق الاخرى تضع له اعتبار و الف حساب و عموما انا لا اعتقد بأنو من الممكن ان يقدم هذا الجيل اي سمعة طيبة للسودان لا على مستوى الاندية و لا المنتخب الوطني بكري مدينة شنو و كلام فاضي شنو ده شغل بزنس و تماسيح و خبث اداري و لن يضيف اي سطر في مسيرة المريخ التي هي في الاصل صفر كبير اللاعب الذي يعجبني في السودان هو كاريكا الذي كان يمكن ان يكون لاعب حقيقي لو كان خارج السودان انا الان لا اشجع اي فريق فقط للتعريف بنفسي اردد باني مريخابي لكن لا اعتقد بان هناك شئ يربطني بالمريح و لا بالكرة في السودان لانها جنازة بحر و معركة في غير معترك