|
سلام أستاذ ملهم هو فعلا سودانى أصيل ، يشبه الكثير من السودانيين الذين وصفهم الشاعراسماعيل حسن ( رحمه الله ) فى قصيدته بلادى أنا . هذا الخلق الرفيع صادف قوما كرام قدروه فكرموه .تمنياتنا ل د.برعى بدوام التوفيق و النجاح .
للشاعر اسماعيل حسن بلادي أنـــــــــــا
بلادي يابلادي اهلا يا بلادي
الف تحية ليكي من الفؤادي
بلادي بلادي اهلا يا بلادي
صدورنا حماية ليكي من الاعادي
بلادي انا بلاد ناسا مواريثم في اول شي كتاب الله
وخيل مشدود وسيف مسلول حداهو درع
تقاقيبن تسد الليل مع الحيران وشيخا في الخلاوي ورع
والله كم نخلاتا تهبهب في جروفا الساق
بقرة حلوبة تتضرع وليها ضرع
وساقية تصحي الليل مع الفجراوي
يبكي الليل ويدلق في جداولو دمع
يخدر في بلادي سلام
خدرة شاربة موية النيل
تزغرد في البوادي زرع
بلادي سهول بلادي حقول
بلادي الجنة للشافوها او للبرّة بيها سمع
بلاد ناسا تكرم الضيف
حتى الطير يجيها جعان ومن اطراف تكيها شبع
تشيل الناس وكل الناس وسع بي خيرو لينا يسع
وتدفق مياه النيل على الخيران
بياض الفضة في وهج الهجير بيشع
بلادي الصفقة والطنبور
داراتا تنح باليل
بنوتا تحاكي الخيل
تشابن زي جدي الريل
وشبالا مكنتل في الطريفو ودع
بلادي بلاد من التاريخ
من تيرهاقا لا عن ميسنا
حتى ان جاي خيرو تروع
بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبر كل الدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل ديل فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي Quote:
|
|
|
|
|
|
|
العنوان |
الكاتب |
Date |
تكريم طبيب سودانى تفانى فى خدمة قرية سعودية | نعمات عماد | 11-01-14, 08:59 AM |
Re: تكريم طبيب سودانى تفانى فى خدمة قرية سعودية | عبدالعزيز عثمان | 11-01-14, 09:24 AM |
Re: تكريم طبيب سودانى تفانى فى خدمة قرية سعودية | عبد الحميد البرنس | 11-04-14, 10:34 PM |
Re: تكريم طبيب سودانى تفانى فى خدمة قرية سعودية | محمد إبراهيم علي | 11-05-14, 06:37 AM |
Re: تكريم طبيب سودانى تفانى فى خدمة قرية سعودية | نعمات عماد | 11-05-14, 12:57 PM |
Re: تكريم طبيب سودانى تفانى فى خدمة قرية سعودية | حسين يوسف مكى | 11-05-14, 01:06 PM |
Re: تكريم طبيب سودانى تفانى فى خدمة قرية سعودية | نعمات عماد | 11-05-14, 06:23 PM |
Re: تكريم طبيب سودانى تفانى فى خدمة قرية سعودية | محمد حمزة الحسين | 11-05-14, 08:05 PM |
Re: تكريم طبيب سودانى تفانى فى خدمة قرية سعودية | صالح عبده | 11-08-14, 10:14 AM |
Re: تكريم طبيب سودانى تفانى فى خدمة قرية سعودية | نعمات عماد | 11-05-14, 08:27 PM |
Re: تكريم طبيب سودانى تفانى فى خدمة قرية سعودية | ملهم كردفان | 11-05-14, 11:02 PM |
Re: تكريم طبيب سودانى تفانى فى خدمة قرية سعودية | نادر الفضلى | 11-06-14, 07:50 AM |
Re: تكريم طبيب سودانى تفانى فى خدمة قرية سعودية | قصي محمد عبدالله | 11-06-14, 07:56 AM |
Re: تكريم طبيب سودانى تفانى فى خدمة قرية سعودية | محمد العامري | 11-06-14, 10:40 AM |
Re: تكريم طبيب سودانى تفانى فى خدمة قرية سعودية | محمد العامري | 11-06-14, 10:42 AM |
Re: تكريم طبيب سودانى تفانى فى خدمة قرية سعودية | نعمات عماد | 11-06-14, 11:03 AM |
Re: تكريم طبيب سودانى تفانى فى خدمة قرية سعودية | Abdlaziz Eisa | 11-06-14, 11:16 AM |
Re: تكريم طبيب سودانى تفانى فى خدمة قرية سعودية | مجدي عبدالرحيم فضل | 11-06-14, 12:56 PM |
Re: تكريم طبيب سودانى تفانى فى خدمة قرية سعودية | walid taha | 11-06-14, 01:23 PM |
Re: تكريم طبيب سودانى تفانى فى خدمة قرية سعودية | نعمات عماد | 11-06-14, 01:44 PM |
Re: تكريم طبيب سودانى تفانى فى خدمة قرية سعودية | Mandingoo | 11-06-14, 04:25 PM |
Re: تكريم طبيب سودانى تفانى فى خدمة قرية سعودية | نعمات عماد | 11-06-14, 05:53 PM |
Re: تكريم طبيب سودانى تفانى فى خدمة قرية سعودية | نعمات عماد | 11-07-14, 02:35 PM |
Re: تكريم طبيب سودانى تفانى فى خدمة قرية سعودية | نعمات عماد | 11-07-14, 03:07 PM |
Re: تكريم طبيب سودانى تفانى فى خدمة قرية سعودية | نعمات عماد | 11-08-14, 09:33 AM |
Re: تكريم طبيب سودانى تفانى فى خدمة قرية سعودية | نعمات عماد | 11-09-14, 07:44 PM |
|
|
|