الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: بحيرة ناصر في ( امتداد ناصر ) !! (Re: عماد الشبلي)
|
قالو ان البروف غندور كان قد وعدهم بتنجيل الميدان
وبالفعل تم احضار التراب ولنكن كان الخريف اسرع
وغمرت المياه الميدان فبل طرح التراب فيه و صنعت هذا المنظر المخضر الخلاب
وبا الميدان وكانة بحيرة صناعية تحفها جبال مخضرة
| |
|
|
|
|
|
|
Re: بحيرة ناصر في ( امتداد ناصر ) !! (Re: محمد مجيدو)
|
يا سلام عليك يا شبلي اولا حمدالله على السلامة احب ناصر واحب البراري حارة حارة زنقة زنقة هناك عشنا وترعرعنا ودرسنا وحبينا وحبونا!! هيجت الذاكرة يلا انكت الصور ... صورة بيتنا وشارع بيتنا ولا .. لا اقرب صورة لي محطة تسعة تجيبه سريع سريع اقرب صورة لي ناصر ناحية اوماك وانت ماشي على المنشية بي شارع الردمية جيبه سرييييع اما صور ودالمصطفى واحبابو فهي ترد الروح والشوق لي اهلنا في ناصر يلا واصل .. لمن يجوك اولاد ابوالعزائم
| |
|
|
|
|
|
|
Re: بحيرة ناصر في ( امتداد ناصر ) !! (Re: محمد مجيدو)
|
Quote: الاخ / عماد .. سيكرفي ...
لقطات جميله من عدسة .. جميل .. تعرف قطعة الارض( 300متر ) في المنطقه ال######انه دي ..ما اقل من 500 مليون ملطوش ...
تحياتي ,, |
مجيدو سلام
طبعا الارض في السودان بقت ماها هينة ولا لينة
فما بالك في امتداد ناصر الجميلة
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
Quote: يا سلام عليك يا شبلي اولا حمدالله على السلامة احب ناصر واحب البراري حارة حارة زنقة زنقة هناك عشنا وترعرعنا ودرسنا وحبينا وحبونا!! هيجت الذاكرة |
خالد العبيد الله يسلمك
بس لوك الصبر
فصة الطريق الي بيتكم جايا برفقة محمد المصطفي واخرين
وود المصطفي فال ليك زي ما انت اتصورت جنب باب بيتو
هو اتصور جنب باب بيتكم وبالزيادة كمان
قايتو الزول دا اتسد فيك
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
Quote: او يترك هكذا مع تطوير الفكره الي بحبرة دائمة بمياه نظيفة جارية
ليكون حديقة مائية زات ممرات للمشاه والمتنزهيين
وشكرا للصدفة والخريف الذي صنع هذا الالهام |
حمدا لله على السلامة يا شبلي
دي فكرة كويسة انو يكون متنزه بمناظر خلابة وسط بنايات الاسمنت التي غزت امتداد ناصر..
ويمشوا بتاعين الكورة يشوفوا ليهم ميدان تاني .. هو السودان ناقص لعيبة .. ؟ ..
العصريات الميادين دي كلها شغالة دافوري لكن النتيجة مافي اي تطور في الكرة السودانية ..
مريت عليكم قبل يومين .. عرفت انو ابو كرار في اجازة ..
تحياتي
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
Quote: يا سلام عليك يا شبلي اولا حمدالله على السلامة احب ناصر واحب البراري حارة حارة زنقة زنقة هناك عشنا وترعرعنا ودرسنا وحبينا وحبونا!! هيجت الذاكرة يلا انكت الصور ...
|
عماد الشبلي هل ما زال الكنوز يجلسون في ركن بيت عمك ازرق . هل ما زال عمك حسين لديه شيء من الخراف. هل ما زال اولاد الحلة يتجمعون في ظل بيت ناس تفاحة ينتظرون بدء التمرين.
وعمك جمعة أزرق هل ما زال يحكم المباريات في الرابطة ومحمود ازرق هل ما زال على قيد الحياء. سمعت إن اخوهم (برجاس) يرحمه الله قد توفي ، لا حولا ولا قوة إلا بالله.
الف تحية لي ناصر وكل أهل ناصر،،،
| |
|
|
|
|
|
|
Re: بحيرة ناصر في ( امتداد ناصر ) !! (Re: خالد العبيد)
|
حلتنا .!!
بالمناسبة هناك اعتراض قوي علي تنجيل الميدان من شباب الحي وذلك بعد مقارنة الفوائد والاضرار المترتبة علي التنجيل .. اولا البيوت قريبة جدا من الميدان والتنجيل والمياه ستودي الي كثرة الباعوض والناموس وانتشار الحميات في المنطقة خاصة فترة الخريف لان الميدان تتجمع فيه مياه الامطار ويعتبر المنفذ الوحيد للمياه من البيوت حوله ... ثانيا لا يوجد جدول لتصريف مياه الامطار بالقرب من الميدان ..والجدول الوحيد الموجود صغير وقد اتردم بالتراب ..شباب الحي يريدون حل مشكلة تصريف المياه قبل البدء في التنجيل ولكن للمحلية راي اخر وهو الضرب باراء شباب الحي عرض الحائط وعمل النجيلة بدون اي تجهيزات مسبقة للتصريف . طبعا الميدان دا دا ياما شهد سداسيات صباح الجمعة وشقاوة طفولتنا ومراهقتنا وتمارين فريق الثوار الذي لعب فيه اثنين من اخواني انا فريقي كان الهدف ^_^ شكرا يا عماد والتحايا النواضر لعبد الحميد الشبلي وفرقة الوان الطيف من مدرسة ناصر 2 للبنات ورعي الله تلك الايام
يا عماد موضوع فرقة الوان الطيف وعبد الحميد الشبلي محتاجين نوثق ليهم في المنبر دا دا تاريخ جميل
| |
|
|
|
|
|
|
Re: بحيرة ناصر في ( امتداد ناصر ) !! (Re: اساسي)
|
Quote: مريت عليكم قبل يومين .. عرفت انو ابو كرار في اجازة .. |
الودود عادل ابراهيم
شكرا علي مرورك علينا في الوطن
وشكرا علي مرورك في البوست
انت شغال في المرور ولا شنو
الرياضة مهمة للشباب
والمتنزهات مهمة
والمعادلة صعبة يا عادل
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
Quote: حزنت جدا لخبر وفاة برجاس واتمنى ان لا يكون صحيحا فقد كانو ثلاثة اخوة من اعلام ناصر القابهم : برجاس نقراش دودوا ولهذه الاسماء قصة طريفة وشهيرة وعلى ذكر احبابنا الكنوز ... وين الهادي الجالوا واحد من احرف اللاعبين في بري |
خالد العبيد ياخ انت شارع الردمية دا انا عندي فيه ذكريات جميلة، أنا درست الابتدائي في ناصر (3) يعني جيران الردمية درسنا تقريبا تاني دفعة في المدرسة دي ما كان فيها الا فصل واحد ومكتب نحن جلسنا سنة اولى في صالون بيت جمب المدرسة ولد ناس ود نميري البيتم في الشارع خلف المدرسة مباشرة درس معانا. شهادة لله فطور المدرسين كان بطلع منهم يوماتي طيلة السنة الدراسية. والبيت الناصية كان اول الفصل ياسر وكان في ياسر مختار الحلبي من الرياض و ولد ناس برنجي.
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
Quote: عماد الشبلي هل ما زال الكنوز يجلسون في ركن بيت عمك ازرق . هل ما زال عمك حسين لديه شيء من الخراف. هل ما زال اولاد الحلة يتجمعون في ظل بيت ناس تفاحة ينتظرون بدء التمرين. |
اخونا الهادي سلام
مازال ناصر هو ناصر
وكل شي كما هو
لم اتمكن من المرور علي الجميع
لانشغال الشديد اسريا
التحية ليك ولناصر
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
Quote: بالمناسبة هناك اعتراض قوي علي تنجيل الميدان من شباب الحي وذلك بعد مقارنة الفوائد والاضرار المترتبة علي التنجيل .. اولا البيوت قريبة جدا من الميدان والتنجيل والمياه ستودي الي كثرة الباعوض والناموس وانتشار الحميات في المنطقة خاصة فترة الخريف لان الميدان تتجمع فيه مياه الامطار ويعتبر المنفذ الوحيد للمياه من البيوت حوله ... ثانيا لا يوجد جدول لتصريف مياه الامطار بالقرب من الميدان ..والجدول الوحيد الموجود صغير وقد اتردم بالتراب ..شباب الحي يريدون حل مشكلة تصريف المياه قبل البدء في التنجيل ولكن للمحلية راي اخر وهو الضرب باراء شباب الحي عرض الحائط وعمل النجيلة بدون اي تجهيزات مسبقة للتصريف . طبعا الميدان دا دا ياما شهد سداسيات صباح الجمعة وشقاوة طفولتنا ومراهقتنا وتمارين فريق الثوار الذي لعب فيه اثنين من اخواني انا فريقي كان الهدف ^_^ شكرا يا عماد والتحايا النواضر لعبد الحميد الشبلي وفرقة الوان الطيف من مدرسة ناصر 2 للبنات ورعي الله تلك الايام |
اساسي سلام
وانا بتكلم مع شباب فريق الثوار
شعرت ان هناك مشكلة زي دي
عبد الحميد الشبلي بخير وكنا سويا في السودان
اوعدك نعمل توثيق لفرقة الوان الطيف قريبا
بالتنسيق مع عبد الحميد واخرين في امتداد ناصر
وشكرا للمشاركة
| |
|
|
|
|
|
|
Re: بحيرة ناصر في ( امتداد ناصر ) !! (Re: الطيب شيقوق)
|
Quote: ود الشبلي
سلالالالالالالالالالالالالام
ياخ هذا رزق ساقه الله اليهم
انت من ديك وعيييييييييييك يا العشاء اب لبن ؟ |
الشيقوق
سلام
انا من ديك مشيت السودان
وحضرنا عزاء الاستاذ المرحوم محمود السيد
الناس هناك بيشكرو كتير فيكم لوقفة اهل السلطنة حتي وصول الجتمان للخرطوم
كان يوم صعب عليهم
رحمه الله
| |
|
|
|
|
|
|
Re: بحيرة ناصر في ( امتداد ناصر ) !! (Re: خالد العبيد)
|
Quote: اخونا الهادي سلام
مازال ناصر هو ناصر
وكل شي كما هو
لم اتمكن من المرور علي الجميع
لانشغال الشديد اسريا
التحية ليك ولناصر |
بس التطور باين على ميدان الرابطة، نحن زمنا كان بقايا الكوش والزرايب الله يكرمك والسامعين ، ههههههههها
قديم مش
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
والله يا عماد عملت فيني عمايل ! هسه انا اعمل شنو ؟ امشي المطار .. اركب اول طيارة .. ولا كيف؟ محمد المصطفى وعماد الشبلي وصلاح العبيد ومحمد اميري ... قدام بيتنا لا لا لا الكلام دخل الحوش نور بيتنا وشارع بيتنا
| |
|
|
|
|
|
|
Re: بحيرة ناصر في ( امتداد ناصر ) !! (Re: خالد العبيد)
|
. أبـو الأشـبال سـلام
لا شك أن سعادة والينا ود الخضر يرمي إلى أن يصبح في كل حي من أحياء عاصمته الحضارية ، مستنقعات تتخللها الحشائش والنباتات الطفيلية ، كجزء من مشروع ( الخرطوم عاصمة السياحة العربية )، و سيقوم صندوق التمويل الأصغر بمنح قروض لسكان الحي لإقامة بوتيكات و أكشاك للشيشة، و أخرى لبائعات الطعام وستات الشاي ، وهذا المشروع الطموح يهدف لدعم سكان الحي المستهدف اقتصادياً .. أما المرحلة الثانية من المشروع فتهدف للإقامة كورنيش حول كل مستنقع ، وستكون هنالك فرصة لشركات الفندقة العالمية لإقامة فنادق خمسة نجوم في منطقة المستنقع .
أما البروف حميضة فقد دعم خطة الوالي وصرح بأن المطاعم حول المستنقع سيتوفر لها القعونج عالي البروتين ، دون أن تبذل أي جهد أو مال ( من الموية للصاج ) ، فِرِش لذيذ ومغذي .
بالهنا والشفا
| |
|
|
|
|
|
|
Re: بحيرة ناصر في ( امتداد ناصر ) !! (Re: محمد فضل الله المكى)
|
Quote: والله يا عماد عملت فيني عمايل ! هسه انا اعمل شنو ؟ امشي المطار .. اركب اول طيارة .. ولا كيف؟ محمد المصطفى وعماد الشبلي وصلاح العبيد ومحمد اميري ... قدام بيتنا لا لا لا الكلام دخل الحوش نور بيتنا وشارع بيتنا |
العبيد
الجرسة ما بتنفع شوف ليك اول قطر بيوصلك بسرغة
وعشان تاني ما تشاغل ود المصطفي السنمائي مخرج فلم ( الطريق الي بيت العبيد )
محمد المصطفي فال داير حقو في الفلم بالعملة الاسترالية ..
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
Quote: و سيقوم صندوق التمويل الأصغر بمنح قروض لسكان الحي لإقامة بوتيكات و أكشاك للشيشة، و أخرى لبائعات الطعام وستات الشاي ، وهذا المشروع الطموح يهدف لدعم سكان الحي المستهدف اقتصادياً .. أما المرحلة الثانية من المشروع فتهدف للإقامة كورنيش حول |
جنابو ود المكي
مشكلة الخريف في السودان هي مشكلة كل الحكومات السابقة والاحقة
لا امل في حل يلوح في الافق
فكرتك جيدة وسوف نعرضعا علي الحكومة القادمة انشاء الله
تحياتي للاسرة الكريمة
| |
|
|
|
|
|
|
Re: بحيرة ناصر في ( امتداد ناصر ) !! (Re: عماد الشبلي)
|
بالجد يا عمدة الجرسة حاصلة والشوق لي ناصر كيمان كيمان قطر ما بنفع معاي وانت عارف انا مسجون بين اربعة محيطات الطيارة من سيدني لي دبي ورحلة واحدة دون توقف 18 ساعة !! اما صديقي اللدود ود المصطفى فلن انسى له انه دمر موهبتي في اعتلاء خشبة المسرح بعد ان نصحني يوما ان لا اعتب مرة اخرى واطلع للتمثيل وقال لي : يا تتفرج بي ادب او ما تدخل مسرح تاني ... مفهوم ؟!!
| |
|
|
|
|
|
|
Re: بحيرة ناصر في ( امتداد ناصر ) !! (Re: خالد العبيد)
|
خالد العبيد
كيفنك .. الصورة قدام بيتكم ناقصة مبارك العبيد بعدين كمان يمشى شويه على الظلط وبقاله (الطيب عبد الله) وراهخا بيت ناس (بت العبيد) ادام الله لها الصحه والعافية حيث بيت صديقى وزميل دراستى ورفيق الدرب (ياسر عمر)
تحياتى لصلاح وللاسره
| |
|
|
|
|
|
|
Re: بحيرة ناصر في ( امتداد ناصر ) !! (Re: خالد العبيد)
|
امتداد ناصر سميت على جمال عبدالناصر بعد زيارته الشهيرة للخرطوم في اوائل سبعينات القرن الماضي وكانت هنالك لجنة لهذه التسمية اعرف منها شخصين شقيقي محمد العبيد ومحمد عبدالمجيد سعيد وهو مقيم في الامارات من زمنا بدري وهو شقيق نورالدين محمد سعيد " نوري " وهو دفعة مبارك شقيقي وجنابو عطا محمد عبدالله
------------------------- بحاول انزل صورة الوان الطيف لكنها معصلجة معاي
| |
|
|
|
|
|
|
|