|
Re: أهـل ( الصُفَّـة ) بين جِداد المُتـعافي ، وقعـونج حِميضــة .. (Re: محمد فضل الله المكى)
|
مره جايين من غرب الإستوائية ماشين جوبا ، يا زول ضربتنا مطره معاها زيفه ، راكبين لاندروفر بمشمع لم يحمينا من البلل ، وقدام في عايله مع السواق ، يا زول وصلنا حِته إسمها سلطان جامبو ، وعديل على بيت السلطان ، باقي راجل كريم بلحيل ، يازول ونحن نرجف من البرِد ، جابو لينا عصيده حااااااره ، ومعاها مُلاح طااااااعِم ، يا زول واحِد من الأخوان أبا ياكُل ، يا زول مالك قال بطني واجعاني .. وصلنا جوبا اليوم التاني قال لينا عارفين الملاح الأكلتو امبارح دا مُلاح شِنو؟ قُلنا ليهو كمان شرموط الصيد بيغبانا .... قال لينا علي اليمين الشي ملاح قِرِد ، وأنا سألت ود السُلطان كلمني وإتغاتت عليكم . حاولنا نطلِّع الأكلناهو امبارح لكن أصبح في مخرج تاني.
أعلاه .... مداخلة لي استدعيتها من بوست للأخ معاوية المدير بعنوان ( أبيخ الملحات ) والسبب الذي دعاني لذلك هو خوفي من التقاط سعادة البروف حميضة الخبير في تغذية الفقراء للخبر، فيطرح القرود في برنامجه البروتيني وهو لا يعلم ان صيد القرد أصعب من صيد الجاموس ، فيزيد من معاناة الفقراء في لهثهم خلف القرود من شِدره لي شِدره !! ذلك سبب أول . أما السبب الثاني فهو خوفي من إباحة دمي بواسطة ( أهل ود مدني ) لأن قرود غابة ام بارونا لن تصمد اكثر من اسبوع امام هجمات الفقراء الباحثين عن الطعام .. بينما هي مشروع سياحي يعلق عليه ناس مدني آمالاً عِراض !! لأنني السبب في الترويج لتقلية لحم القِرِد !!
|
|
|
|
|
|
|
العنوان |
الكاتب |
Date |
أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-18-14, 04:39 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-18-14, 04:50 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | نعمات عماد | 08-18-14, 05:15 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-18-14, 07:56 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-18-14, 11:01 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-19-14, 04:43 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | عبيد الطيب | 08-19-14, 08:02 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-19-14, 08:54 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-20-14, 05:03 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-21-14, 05:33 PM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-22-14, 05:27 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-23-14, 05:13 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-24-14, 06:25 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | فيصل محمد خليل | 08-24-14, 07:26 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-24-14, 09:51 AM |
Re: أهـل ( الصُفَّـة ) بين جِداد المُتـعافي ، وقعـونج حِميضــة .. | محمد فضل الله المكى | 08-26-14, 07:35 AM |
|
|
|