|
Re: الجنوبي يهيمُ شــــــــــــوقا, ودمـعُ العين ينهمِل (نداء لدينق مع صورة) (Re: وائل حمزه الزبير)
|
الكوز وائل حمزه الزبير
هذا انا أعتبره تحرك مواطنين سودانين داخل السودان الكبير، فمن قبلهم نزح عدد كبير من أبناء النوبة والنيل الأزرق الى جنوب السودان والأن يقيمون هناك في معسكرات تابعة للأمم المتحدة.
فهل رأيتني فتحت بوستات أتباهى بذلك ! أكيد لا، لأنه بالنسبة لهم ولنا أيضا هو نزوج داخل السودان الكبير.
فهمت كلامي ده ولا داير شرح ؟
بعدين شايفك متهم بجرائم قتل، وهنالك بوستات مفتوحة وتوجد بها أدلة !
الحاصل أيه؟
| |
|
|
|
|
|
|
Re: الجنوبي يهيمُ شــــــــــــوقا, ودمـعُ العين ينهمِل (نداء لدينق مع صورة) (Re: Deng)
|
Quote: هذا انا أعتبره تحرك مواطنين سودانين داخل السودان الكبير، فمن قبلهم نزح عدد كبير من أبناء النوبة والنيل الأزرق الى جنوب السودان والأن يقيمون هناك في معسكرات تابعة للأمم المتحدة. |
ده كلام راقي جداً يادينق ـ ـ أرجو ان يكون من يتبناه كثيرين. يمين الناس ديل لو وصلونا في الفاضلاب نقسم معاهن النبقة. انا مش قلت لك إنت زول حبوب؟ وسوداني أصيل.
| |
|
|
|
|
|
|
Re: الجنوبي يهيمُ شــــــــــــوقا, ودمـعُ العين ينهمِل (نداء لدينق مع صورة) (Re: Zakaria Joseph)
|
ياعزام ووهبة ــ ـ الكلام الـ كتبتوه ده غلط ومحرم بنص القرآن وحتي لو فرضنا دينق غِلِط فيكم ده مابديكم الحق تشتموا بلد بي حالها ـ ـ وواضح من كلامكن المكتوب تحت ده إنكم زعلانين من تصويت الجنوبين للانفصال , بدليل الشماتة في ماجري لهم فإذا علمنا إنو زي كلامكم ده كان موجود قبل الإنفصال فما الذي يجعلهم لايصوتون للإنفصال وما الذي يجعلكم تتوقعون غير ذلك؟ يقول الله تعالى في محكم كتابه: (يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ ) المائدة آية(8)
| |
|
|
|
|
|
|
|