|
Re: أغاني وأغاني 2015 أفضل المرشحين للإنضمام إن إستمر البرنامج (توجد قائمة وفيديوهات) (Re: mohmed khalail)
|
Quote: إنفضاض بالجملة تربيع... ثلاثة حلقات فقط ما زدتهم و إتضح لي تماماً أنه البرنامج إمتحان صعب جداً فقد راهنت على عمر جعفر ولكن خزله البرنامج و و اضح أنه ده ما البلاتفورم بتاعه و خصم الكثير من رصيده رحم الله نادر خضر و محمود عبد العزيز... و أوفقك الرأي تماماً بخصوص طه سليمان و باقي المجموعة |
الاخت العزيزة د فردوس,,
التحايا النواضر,, نعم يا فردوس اضاع البرنامج الموهوب عمر جعفر كما فعل من قبل مع معتز صباحي وفر كل من المرحوم محمود وسميرة دنيا بجلديهما بعد دورة واحدة وأخذ القدر الفنان الجميل نادر خضر فانطبق المثل البقول اليد الواحد ما بتصفق على طه سليمان.. البرنامج محتاج لتجديد في الافكار والوجوه وكل حاجة حتي يعيد سيرته الاولى.
لك كل التقدير,,
| |
|
|
|
|
|
|
Re: أغاني وأغاني 2015 أفضل المرشحين للإنضمام إن إستمر البرنامج (توجد قائمة وفيديوهات) (Re: mohmed khalail)
|
الاستاذ محمد خليل سلامات، وكل سنة انت والاسرة تنعمون بخير وعافية..
البرنامج بالجد بقى ممل للغاية ودمو بقري :) وما عارف ليه مصرين على نفس الوجوه برغم إنوا السودان زاخر بأصوات ندية ومترعة بالجمال! أتفق معاك بأنوا الفنان الوحيد المبلوع والممكن يستمر هو المبدع طه سليمان، أما الباقين ديل يأخي عملوا لينا وجع وش
أولاً برشح الفنان الجميل صاحب الصوت الرائع الزميل: أبوبكر سيد أحمد فشتان يأخي مابين نداوة وجمال صوته والجماعة المملين ديل :) شوفوا أدائه لأصعب أغنية حقيبة وهي رائعة ودالرضي "تـيه وإتاكا"
وهنا في سوقني معاك ياحمام (حميد):
صباحية (أظنها لمدني النخلي):
ثانياً أرشح الفنان الجميل المبدع نميري حسين والذي يكاد أن يؤدي أي أغنية أفضل من صاحبها والله صحي :) "ولى المساء" رائعة الراحل سيد خليفة:
"نظرة يا السمحة أم عجن":
وكل سنة والجميع طيبين..
| |
|
|
|
|
|
|
Re: أغاني وأغاني 2015 أفضل المرشحين للإنضمام إن إستمر البرنامج (توجد قائمة وفيديوهات) (Re: Ahmed Alim)
|
أستاذ أحمد كل سنة وانت طيب كمان
Quote: البرنامج بالجد بقى ممل للغاية ودمو بقري :) وما عارف ليه مصرين على نفس الوجوه برغم إنوا السودان زاخر بأصوات ندية ومترعة بالجمال! أتفق معاك بأنوا الفنان الوحيد المبلوع والممكن يستمر هو المبدع طه سليمان، أما الباقين ديل يأخي عملوا لينا وجع وش
أولاً برشح الفنان الجميل صاحب الصوت الرائع الزميل: أبوبكر سيد أحمد فشتان يأخي مابين نداوة وجمال صوته والجماعة المملين ديل :)
|
يا سلام عليك وعلى ابوبكر سيد أحمد..بالرغم من الظهور المتأخر إلا ان ابوبكر تربع على القمة على طول ويكفي اندهاش الراحل المقيم وردي عندما سمعوا لاول مرة فقال ليهو (إنت كنت وين؟؟) انا كنت جاي عليهو بالراحة كده لكن مشكور انت ما قصرت. اما بخصوص نميري حسين فهذا المبدع المظلوم هو من سيكون سيد الساحة لو خلى الكسل شوية واتحرك نحو الاعمال الخاصة..لانو حرام خامة صوتية بالامكانيات دي تزوي في صمت.
ترشيحك صادف أهله شكرا يا صديق.
| |
|
|
|
|
|
|
Re: أغاني وأغاني 2015 أفضل المرشحين للإنضمام إن إستمر البرنامج (توجد قائمة وفيديوهات) (Re: mohmed khalail)
|
العزيز محمد خليل ،، كيفك مع رمضان ... كل عام وأنت بخير ،،
السر قدور هرم مافي شك ،، تاريخ ، و ممثل لجيل رائع .. راجل لذيذ ياخي ! له وافر محبتنا ... لكن لابد من إعادة نظر في هذا البرنامج المهم الذي أصبح ملك لكل السودانيين .. فهو يحمل هم غناهم الأصيل وتراثهم الخالد ! ... ولا يجوز أبداً احتكاره لمجموعة صغيرة من الفنانين ولسنوات طوال .. والله حرام ! أول الحاجة مفروض المطربين ينتبهوا لى حاجة مهمة وهي قاعدة جماهيرية لها علاقة بالذوق والتذوق : كترة الطلة بتمسخ خلق الله !
أقترح :
حيدر بورتسودان محمد النصري نبوية الملاك صلاح فالولة ياسر مبيوع عافية حسن
وهنالك الكثيرون والكثيرات
تحياتي
| |
|
|
|
|
|
|
Re: أغاني وأغاني 2015 أفضل المرشحين للإنضمام إن إستمر البرنامج (توجد قائمة وفيديوهات) (Re: mohmed khalail)
|
Quote: 1- عادل مسلم... فنان مميز جداً صاحب صوت متفرد و أداء جميل يختار أغانيه الخاصة بعناية و دقة ... أغنياته مليانة كلمات و مليانة ألحان طروبة و مترعة بالجمال... يؤدي أغاني الغير بنكهته الخاصة ,,,شوف أنّة المجروح أدناه , خرج من عباءة أبوداؤود و أداها بطريقته المميزة ليس كما يفعل الغالبية من تقمص و نسخ و مسخ.
بس مغمور لا أدري لما!!! |
حبابك فردوس وعيدية مباركة..
عادل مسلم راجل غناي بدا بتقليد محمد الامين بإجادة تامة لكن سرعان ما اوجد لونيتو الغنائية المتفردة وكان اغنيتو الوطنية الجميلة (بلدنا نعلي شانه يا ناس سودانا نادانا ) على كل لسانا ..لكن لا ادري سبب قلة اطلالته على الساحة..اختيار موفق للقائمة .. دومي بخير
| |
|
|
|
|
|
|
Re: أغاني وأغاني 2015 أفضل المرشحين للإنضمام إن إستمر البرنامج (توجد قائمة وفيديوهات) (Re: mohmed khalail)
|
Quote: ان لي وجهة نظر في البرنامج ككل ولو تقصد التغيير من ناحية المطربين فقط فان وجهة نظري الخاصه ان يتم الاحتفاظ بطه سليمان وانصاف فتحي وتغيير الباقين ومع اضافة ابوبكر سيد احمد وشذي عبد الله واستاذنا موصلي يقنع لينا عافيه حسن بالاشتراك |
استاذنا الفاضل طارق كل سنة وانت طيب وعيد سعيد,
تغيير المطربين مفروض يكون هو خطوة في الميل فكما عايشت اصبح البرنامج طارد ولذلك انا من انصار الغربلة الشاملة.. طه عليه اجماع اما انصاف فالبرغم من إني كنت من اشد المعجبين بها الا ان اغاني واغاني لحقها معتز صباحي اتمنى ان تتجاوز هذا الظهور الباهت ووتعيد صورة انصاف تلك المميزة كذلك ابوبكر سيد احمد لا جدل حوله مبدع بمعنى الكلمة..عافية حسن والله كلنا نتمنى عودتها فهي صوت طروب حرام ان يختفى بهذه السرعة..
| |
|
|
|
|
|
|
Re: أغاني وأغاني 2015 أفضل المرشحين للإنضمام إن إستمر البرنامج (توجد قائمة وفيديوهات) (Re: صلاح أبو زيد)
|
الاخ محمد بابكر من الفيس بوك كل سنة وانت طيب وعيد سعيد ومعذرة على التأخير في الرد لظروف العيد..
Quote: حقيقة البرنامج فقد عدد مقدر من المتابعين بسبب تكرر الوجوه المملله ارشح الابقاء علي كه سليمان من القديمين واضافة خالد الصحافه وصلاح الامين وابوبكر سيد احمد نميري حسين اسرار بابكر منار الصديق والفنان المبدع سامي المغربي |
شكرا على المشاركة القيمة اسراء وابوبكر ونميري حسين عليهم شبه إجماع ن المشاركين في هذا الخيط اتمنى ان نراهم في الموسم القادم ضمن الكوكبة. لك فائق التقدير
| |
|
|
|
|
|
|
|