|
|
 Re: المليشيات تحكم السودان (Re: عبدالعظيم عثمان)
|
نقعد نقوم علي كيفنا نحن الذخريتنا مدورة فوق راس اي زول بخالفنا ولا بقول بغم فينا والبمجمج يقابلنا في الخلاء او نجيهو في بيتو !!!!!
هو الصادق المهدي كان راجل ما كان يمشي يحارب المرتزقة ديل .
ولد مرا بخوفنا مافي.
كلموهم بدري قالو ليهم الناس ديل يوم بقبلو عليكم ما سمعو اها اليخمو ويصرو .
لو لواء قائد منطقة بعربيتو وفيها الحرس مسلح بوقفو بضربو في الكتف نظام سلام ومعاها يا دفعة والتعليمات العربية توصلم مكان ما يعجبم بلواءها وحراستو دا من قبل اكتر من عشرة سنة حاصل والجيش السوداني عارف الكلام دا قاعد يحصل مع منسوبيهم في دارفور ضباط وصف ضباط وجنود ( عربيات الدفع الرباعي بالدوشكا هي عربات السيرة للمناسبات تخصهم اي المليشيات داخل المدن الكبيرة في دارفور الله يقدد عيوني ويغطس حجرم وما يشوفو نهائي تاني لو ما شافن دا ولا بكذب) سيرة بعربية وفيها دوشكا يا مفترين
طيب لو عسكري شرطة باليونيفورم والسلاح بوقفوه وبسالوه انت شغال شنو ويستلمو منو السلاح ويمشي معاهم بالقوة لغاية وحدتو ولمن يتاكدو انو المبروك عسكري مسجل ومقيد في سجلات الشرطة يسوقوهو معاهم تاني من داخل القسم وقدام الضباط مسافة اكتر من سبعه كيلو خارج المدينة في نص الليل عشان يمشي برجلينو وشوف يا تلتلة لغاية ما الصباح كل دورية توقفو وتسالو وتجهج فيهو لغاية الصباح .
الكلام دا فيه تب ما جبنا سيرة مواطن ولا قرية ولا يحزنون كلو ضد ناس الحكومة نفسها عساكرها مؤسساتها جيشها عرباتها سلاحها الخ
دا اللعب الكان بحصل في دارفور لمن الشغلة فيها بترول وميزانية ومرتبات واستخلاف وووووو بتشيلو طيارة من الخرطوم وتنزلو هناك اسع اللعب اتغير مافي طيارة زي زمان ومافي بترول زي زمان وماف وماف والمليشيات تعرف وين راس الفيل ولا زي ما بقولو مكان الرئيس بنوم كذاب لو في زول بصدق انهم مليشيات لحماية دولة ولا دين ولا مشروع حضاري ولا يحزنون مجموعات تعاني الجهل زايد الفقر والفرصة صفر كبير يتم استقطابا للموت من دون وجود خيارات للاختيار .
وفي خشمهم مليانة نحن حكومة تعليماتنا من علي عثمان مباشرة اكيد طبعا يتم توارثم طالما مدنم بدعة اسمها الاستخلاف وحرية نهب كل مخلفات الحرب كذبا يسمونها غنائم وسلطة لا محدودة في فعل اي شي البمنع شنو ولا البشجع شنو عشان يوقفو. اصلا دارفور كلها تنقصها خدمات التعليم والصحة والحياة المستقرة الممكن تلعب دور في ايقاف هذا الهزل وهم اي المليشات كما يقول حمدتي ذات نفسو ليست باجانب سودانينين غارقين في حياة الضنك والفرصةصفر مقابل استقطاب السياسة لاستخدامهم في الة القتل هي اصلا معاهم ما فارقة البموت شهيد والحي يستفيد يعني لو وقفو من البسوفيهو دا هم ذاتم حيموتو.
اها يا ناس قدام ودارصباح والخرطوم جاكم الغول الاصلا الموت ما فارق معاهو دا يحاربو بشنو حكامة تعبي ليها عشرة فد منهم العاصمة بخلوها هنا كانت عاصمة البلاد والداير يعرف دا اليمشي زيارة لدارفور.
يا الناس تفكر جادة في الحل الشامل او الطوفان التطاول علي الصادق المهدي وفي الفديو شوفتو كيف حتي عن احمد هرون مولاهم بتكلم كيف .
لك الود وعصير القونقليز
|
|
 
|
|
|
|
|
| العنوان |
الكاتب |
Date |
| المليشيات تحكم السودان | عبدالعظيم عثمان | 05-20-14, 11:17 AM |
| Re: المليشيات تحكم السودان | مهدي صلاح | 05-20-14, 11:27 AM |
| Re: المليشيات تحكم السودان | عبدالعظيم عثمان | 05-20-14, 11:59 AM |
| Re: المليشيات تحكم السودان | مني عمسيب | 05-20-14, 11:27 AM |
| Re: المليشيات تحكم السودان | عبدالعظيم عثمان | 05-20-14, 12:02 PM |
| Re: المليشيات تحكم السودان | عبدالعظيم عثمان | 05-20-14, 11:33 AM |
| Re: المليشيات تحكم السودان | عبدالعظيم عثمان | 05-20-14, 11:55 AM |
| Re: المليشيات تحكم السودان | عبدالعظيم عثمان | 05-20-14, 12:11 PM |
| Re: المليشيات تحكم السودان | عبدالعظيم عثمان | 05-20-14, 12:30 PM |
| Re: المليشيات تحكم السودان | حامد عبدالله | 05-20-14, 01:08 PM |
| Re: المليشيات تحكم السودان | عبدالعظيم عثمان | 05-20-14, 05:36 PM |
| Re: المليشيات تحكم السودان | عبدالعظيم عثمان | 05-22-14, 07:45 AM |
| Re: المليشيات تحكم السودان | عبدالعظيم عثمان | 05-22-14, 01:47 PM |
|
| |
حامد عبدالله
فيس بوك
تويتر
انستقرام
يوتيوب
بنتيريست