المدعو محمد الازهرى كضاااب ولا علاقة لك ب اسرة مريم

Quote: البنيه الطبيبه دي من عويناتها السمحات ديل عيون حبش او اثيوبين

انت يا تراجي مالك حاقرة بعيون السودانيات

الموضوع دة لا زوق سليم ولاحس سليم ولا يحزنون
وقصة الاثيوبيات والحركات بتاعة الغير مسؤلين من البشر سوي كانو سودانيين او خلافو
ما اظنها دي مشكلة جديدة علي الواطة وما اظنها حا تنتهي لي قيام الساعة
وما اظن عندها علاقة بهكــــــــــــــــــذا قضية
زي ما الناس الآن بتتظاهر بي انها متعاطفة مع انسانة مظلومة ومقهورة بواسطة قوانين جايرة وقيم خربانة
واي زول شايل دلوكتو و حايم بالصاريهو وعاجبو
وفي قمة العلالة القايمة في ملجة الدنيا الظالم اهلها دي
اي زول بتحدر للتاني وبحمي في روحو حتي علي حساب اقرب الجنبو والمفروض انو يهمو امرو
لو كان في ضمير او اخلاق بتحكم مفاهيمنا
يا ام حازم وسند القضية دي قبل ما تكون قضية رأي عام زي ما بصوروا فيها اصحاب الاجندات
هي قضية اسرة فقدت بتها علي حين قفلة من الزمان
شعورك يا ام حازم بكون شنو لمن سند انكرك حطب لا اراك الله بأسا منه وجعهلم غرة عين لك عيالك
كونك تكوني واعية وتحترمي خيارتوا
ابدا ما تقبلي منو مهما كانت خيارتوا عالية ومفيدة ليهو انو اتنكر ليك
ليه الناس دايما بشوفو البخصهم
ويفتشو في كباش فداء يهللوا لها ويصنعوا لها الاعياد
قصة مريم قبل ما تكون قصة ردة وما ادراك ما بتيخ
قصة اسرة مكلومة فقدت بتها ولقتها مختلفة عن ما كانت عليه وفي نفس الوقت ناكرة لمعرقتها بهم
يا تراجي حقوا الناس ما تكون بالسزاجة الحاصلة في التناول الاعلامي السياسي
القضاء حتي لمن كان قبل حبوة ونسيني
ما بتعامل مع الحس والزوق والشبه والناس كانو بيلدو في الزقاقات
ديل ناس وقفوا قدام محكمة
وجابو شهودم
وقالو يا ناس البت دي بتنا اسمها فلانة
وقرت مختبرات
وديل اخوانها بشهدو
وديل خيلانها واعمامها وجيرانها بثبتوا انها فلانة
ودي المكان القرت فيه
وما قرت طب قرت معامل لمن كانت عندنا
وهي لو اسمها مريم :
ابوها منو ؟
و واين موقعه ؟
واثباتات انو ابوها
وامها الحبشية دي منو وبت منو ؟
وقرت طب كيف و وين ومع منو ؟
يا تراجي الامور ما بالسهولة البي تثار دي

وبجيك تاني كان الله هون