الاسئلة المشروعة لابراهيم الشيخ رئيس حزب المؤتمر السودانى

Quote: خفت سلعتك تبور ؟! ما تستعجل علي رزقك؟ بس عشان اجيك بسراع...قول لي ؟ انت ناس الانقاذ ديل..مشغلين ابراهيم الشيخ دا وفاتحين ليهو (ابواب الرزق) ..(دي طبعا بوكالة الهية حصرية) ليييييييييييييييييييييييييييييييييييييييييييييييه؟ هل هو من منسوبيهم ونحنا الربينا معاهو ما عارفين؟ لو ما كان منهم عندو شنو ..يقدمو ليهم تمن للخدمة دي؟ او في الباقي ليك قدم ليهم شنو هسع؟ بعدين انت وكتين حريص كدي علي مسائل الفساد دي جيب لينا خبر الوالي..والصافي جعفر .. المتعافي ...زعيط ..معيط.. نطاط الحيط..وكل العجر والبجر الذين تطاولوا في البنيان ما بين ليلة وضحاها رغم انو ابراهيم ولا نحنا ندعي انه ورث مالا... رغم ان والده لم يكن فقيرا..لو لصقناها في حق ابوهو الما عارية..ما في ود مقنعة حيقول لينا لا..والله ابراهيم دا ابوه كان فارش طايووق..او عندو حمار ببيع بيهو الجاز.. ولا ابوه كان بحلب بقر فلان..ودي مهن ما بتعيب اصحابها ابدااااااااااااااااااا..لكنها ما بتفتح باب ثراء لوليداتهم...دت دت وابراهيم بصراحة ما ورث ابوه... ولا لحق يتهنى بابوته ..يد المنون كانت اسرع.. وتعال شوف يا كدرس.. ميلاد رجل كان اسمه ابراهيم الشيخ...وليدن صغير.. علا نجيضن مو ني... شال الشيلا.. شال فوق الدبر..امو ..وزوجة ابيه..اخوته من ابيه وشقيقاته.. أخته وعيال اخته المات عنهم ابوهم..شال فوق الدبر ..(ان شالله تكون بتعرف الشيل فوق الدبر) وزي ما ابراهيم واضح في ثرائه وسبل كسبه لكل المحيطين به..هو كان واضحا في شقائه ومعاناته لكل من عرفوه.. يوم ان كان نادلا في قصر الشباب والاطفال.. ويوم ان كان موظفا بالهيئة... ويوم ان طرد من الهيئة ويوم ان حورب في العطاءت.. الي البيع بالاقساط هو والدكتور صابر عابدين..الدكتور محمد المبارك..وعبد القيوم ..( ديل شركاء ابراهيم في بداياته ...يعني اي زول عارفهم ما عايزة ليها اسئلة غبية تستبطن التجريم) والناس المذكورين ديل ما جبهة ديل ناس المؤتمر السوداني ووكتها كان اسمو (المؤتمر الوطني)...وكل من عرفوه ايضا كانوا مع بداياته في السجانة.. كان صغيرا لا تأبه له الانقاذ ولعب في ملعب انصار السنة( مواد البنا)... وكتها انتو يا عترة الجوع..كنتم مشغولين بالدولار ، الاراضي ، السكر ...البترول....تبلعووووووووووووووووووووووووووووا ساااااااااااااااااااكت .. وابراهيم يكبر ويكبر ..وما كان بعني ليكم شئ وكتها لم يكن له موقعا حزبيا مرموقا...ولم يكن حزبه لاعبا بارزا في ميدان المعارضة..اضافة انكم لم تلتفتوا لمواد البنا..غفلتم عنه الي ان جاءته الفرصة ..فرصة العمر فانتهزها..( ودي حنجي ليها) .. وكتها اصبح رقما سياسيا.. هددتموه ..قلتم له ..انحنا ما شايفنك شغال وما سألناك.. قال ليكم كان علي القروش دي شيلوها وارجع فقير تاني.. علي الطلاق انا قبل عشرة سنة كنت افقر راجل في الخرطوم!!!!!!!!!!! دعوات والدته..الايتام الذين كفلهم ( انا وكافل اليتيم كهاتين). ذوي الحاجات... صدقه ، استقامته، نقائه ..ذكائه وشجاعته ..هي اسباب نجاحه وحمايته..ولانكم اغبياء ..هزمكم ابراهيم الشيخ ..لانه بحس السياسي كان يدرك انكم يوما ستهجمون عليه وفعلتم..الا ان اعماله في السودان اصبحت لا تعني شيئا.. فثقل ابو الشيخ الآن في الجنوب ، الامارات ، ماليزيا ( دي يمكن تكونوا عايز تعرفوها...اها اديتكم ليها استفيدو منها.. ولو عايزين دكان السجانة ومصنع الحديد ..المعاصر..الحاجات الصغيرة صغيرة.برضي اديتكم ليهم.).. ولمن جاء يعمل الاسواق اتعارضتو ليهو في سكتو .. لمن ما قدرتو فرضتو عليهو شراكتكم.. واوشك ان يترك لكم الامر ..الا اننا قلنا له امضي فيها..ابقى ليهم شوكة حوت.. انحنا في المؤتمر السوداني كبارنا وصغارنا عارفين ابراهيم بعمل في شنو وبكسب شنو وكيف وبتعامل مع منو وهو لا يخفي عنا شيئا ..يعني لو حملتكم التشكيكية دي قاصدين بيها ناس المؤتمر السوداني ارتاحو زولنا عارفنو وخابزنو.. وحتى لو حرامي فاسد ..جايب قروشو من الانقاذ من (تحت الفروة... دي اكيد ماك عارفها) ما عندنا معاهو مشكلة ...طالما انو معانا من اجل اسقاط النظام.. متقدم مظاهراتنا.. بمشي يتفقد لينا معسكرات النازحين...ببني لينا مدارس، مستشفيات، ابار باسمنا ..ان شالله يمشي يقعد مع ود الصادق المهدي في القصر...وبعدين هو اصلا فترته الرئاسية علي وشك ( دي طبعا جديدة عليكم) وان شالله الجاي بعده حيكون اخطر من ابراهيم ..لذلك وفروا حملتكم للرئيس الجاي... بعدين لو قاصدين الجماهير التي يتواصل معها ابراهيم...عارفين ان ابراهيم ببني المدارس، بحفر الآبار، ببني الشفخانات( دي يعني وحدات صحية ريفية بالقديم وكدة)...وببني وحدات غسيل الكلى..وبتكفل بالايتام والارامل وطلاب العلم والماشين بيت الله.. قول ليهم دا فاسد وحرامي حتلقوا لسان حالهم( فاسد السرور .. وحرامي السرور)..ولسه جايييييييييييييييييييك..بس في النهاية انت مكلف بقضية خاسرة ..وخاسرة جدددددددددددددددددددا.. الغباء وحده يجعكلكم تثيرونها ..ما بطال معانا نلمع زولنا!!!! اكتر مما هو لامع!!!!!!!