|
|
 Re: الى كل الميادين يا أنصار الله اخرجوا في كل مكان لإسقاط النظام (Re: محمد إبراهيم علي)
|
يلا يا انصار
رب ضارة نافعة
نسمع عمنا الحاج ود عجبنا
والمذلة ياها المذلة
ونقول يلا يا انصار
الميتة ولا عيشة الذل
Quote: عمنا الحاج ود عجبنا..
في الفريق ياهو الركيزة..
هو البيشيل حمل الرباعة..
وعندو كلمة علي الجماعة..
في الفريق باقيلنا تايه..
وكل طيب ليهو غاية..
للضعيف تلقاهو ساند..
ويقهر الكعب المعاند..
وللضيوف ديوانو فاتح..
ديل يقومو.. وديلا ينزلو..
ياولد.. جيبو الرتاين..
وجييهو الديوان فراشو..
وافرشو الفرشة الكبيرة..
والاباريق والتباريق..
واضبحو الحمل المدوعل..
عمنا الحاج ود عجبنا..
من سنين ايام جهلتو..
ديمه في دعوات صلاتو..
بسأل المولي السلامة..
وسترة الحال والكرامة..
عمنا الحاج ود عجبنا..
في ليلة من زات الليالي..
في زمن حظر التجول..
جاهو ضيف فوق راس حداشر..
رحب الحاج بيهو جدا..
فرشولو ونزلولو..
وكاسو للعشا ماتلقالو..
مالرغيف ممحوق مقصر..
والبلد في حال مِعسر..
وعمنا الحاج في مبادؤو..
وجية الضيف زي فريضة..
وهسي ضاقت بي العريضة..
ضيفو كيف يترك عشاهو..
ومن دي زايد إختشاهو..
وجاتو فكرة!!
يمشي للفرن المجاور..
ولي لجان العيش يشاور..
بس عشا الضيف ياجماعة..
ضيفي نازل ليهو ساعة..
شاكلوهو ونهروهو..
ودفروهو..
وجاتو دورية الطواري..
وأمسي بايت في الحراسة..
وناسو جنو..
للصباح ماعرفو حاجة..
وين ده روح..
وجاهن الخبر المؤكد..
ود عجبنا في الحراسة..
وماشي محكمة الطواري..
ناسو.. اولادو.. وبناتو..
عرفو حالو وبدري فاتو..
راحو محكمة الطواري..
فيها في نص الخلايق..
شافو حالاً ماهو لايق..
عمنا الحاج بي جلالو..
فوقو حس السوط مولول..
فوق قفاهو وفوق زنودو..
وفوق رجولو..
ومرة فوق فججاً حشايم..
اصلو ماقايل بهونن..
حتي كان نزلن هجايم..
إلا لكن الليالي..
يوم بترخص كل غالي..
حاكمو الولد المنصب..
كتفو بالدبور مقصب..
إنت ياحاج يامخالف..
زول مخرف وعقلو تالف..
إنت يازول ماك داري..
زلة الناس في الطواري..
غرموهو..وأجلدوهو..
ونفذو الحكم البيهينو..
شان يفتح تاني عينو..
تسمع السوط ليهو خاوية..
وفوق قفا الحاج صيحتو داوية..
كل جلدة جبل مزلة..
في ضمير الحاج وقلبو..
كل كرباج الف علة..
وفجأة رفع الحاج عيونو..
شاف بنات ولدو وبناتو..
كلهن واقفات يعاينن..
دمعتن في العين ترقرق..
وجعتن في الجوف تحرق..
والحزن ليهن مغرق..
ده النجوم الفي سماهن..
ده الزمان الكان حماهن..
كل سوط نازل عليه..
من شعاع الضو عماهن..
عمك الحاج دمعو زرف..
وسيلو قوق اشنابو سرف..
وتم حكمو وراح بيوتو ..
نفسو مكسورة وذليلة..
وكيف ملاقاة الحليلة..
وصحوة الروح العليلة..
وفي البيوت الجوة غادي..
عمك الحاج ما اعتيادي..
فوقو متلمين جماعتو..
والسكيلي ضرب حزايني..
قالو ناداهو المنادي..
وفارق الدنيا المهينة..
يقطع الذلة وسنينا..
فوق فراش حاج ود عجبنا..
بسمع الزول البيوصي..
اقفلو الحوش ياجماعة..
وأطفو انوار الرتاين..
داك حرس حظر التجول..
من بعيد ليكن بيعاين..
يازمن حظرالتجول.. |
|
|
 
|
|
|
|
|
| العنوان |
الكاتب |
Date |
 الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 02:22 PM |
| Re: الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 02:24 PM |
| Re: الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 02:24 PM |
| Re: الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 02:32 PM |
| Re: الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 02:37 PM |
| Re: الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 02:42 PM |
| Re: الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 02:44 PM |
| Re: الى كل الميادين يا أنصار الله اخرجوا في كل مكان لإسقاط النظام | بدري الياس | 05-14-14, 02:49 PM |
| Re: الى كل الميادين يا أنصار الله اخرجوا في كل مكان لإسقاط النظام | حسن ادم محمد العالم | 05-14-14, 02:49 PM |
| Re: الى كل الميادين يا أنصار الله اخرجوا في كل مكان لإسقاط النظام | خالد عبد الله محمود | 05-14-14, 03:18 PM |
| Re: الى كل الميادين يا أنصار الله اخرجوا في كل مكان لإسقاط النظام | عمر عبد الله فضل المولى | 05-14-14, 03:27 PM |
| Re: الى كل الميادين يا أنصار الله اخرجوا في كل مكان لإسقاط النظام | محمد إبراهيم علي | 05-14-14, 03:33 PM |
| Re: الى كل الميادين يا أنصار الله اخرجوا في كل مكان لإسقاط النظام | Mirghani Taitawi | 05-14-14, 03:50 PM |
| Re: الى كل الميادين يا أنصار الله اخرجوا في كل مكان لإسقاط النظام | Elfatih Abuelhia | 05-14-14, 06:06 PM |
| Re: الى كل الميادين يا أنصار الله اخرجوا في كل مكان لإسقاط النظام | الجنيد حمد | 05-14-14, 03:54 PM |
| Re: الى كل الميادين يا أنصار الله اخرجوا في كل مكان لإسقاط النظام | الهادي ابوبكر | 05-14-14, 04:06 PM |
| Re: الى كل الميادين يا أنصار الله اخرجوا في كل مكان لإسقاط النظام | باسط المكي | 05-14-14, 04:42 PM |
| Re: الى كل الميادين يا أنصار الله اخرجوا في كل مكان لإسقاط النظام | Amani Sabir | 05-14-14, 05:32 PM |
| Re: الى كل الميادين يا أنصار الله اخرجوا في كل مكان لإسقاط النظام | عبداللطيف خليل محمد على | 05-14-14, 05:40 PM |
| Re: الى كل الميادين يا أنصار الله اخرجوا في كل مكان لإسقاط النظام | مني عمسيب | 05-14-14, 08:01 PM |
| Re: الى كل الميادين يا أنصار الله اخرجوا في كل مكان لإسقاط النظام | قسم السيد الحاردلو | 05-14-14, 08:09 PM |
|
| |
الجنيد حمد
فيس بوك
تويتر
انستقرام
يوتيوب
بنتيريست