أضواء على فعاليات في اليابان( توجد صور)

Quote: الاخ العزيز الفاتح فتح الله عليك في كل صباح من خيره الكتير ووفير والله يا خوي بعد كلام القامة السامقة استاذ عبد المنعم خليفة الرجل الوقور وملان فهم وعلم يعجز اللسان والبنان عن خط حرف واحد وشهادة استاذ عبد المنعم دي شدة ما عجبتني ليك يعلم الله عويناتي رقرقن ياخوي ات الله بريدك ساااااااااااي ومميزك من عباده تحمد سيدك ربي يزيدك يا خوي و يعليك في المابيك ويطرح البركة فيك ويحفظك ويغطيك قول آ ميــــــــــن التحية والتقدير والاعزاز للاستاذ الشاعر عبد المنعم خليفة واذكر هنا تعبير بليغ يا استاذ عبد المنعم سمعته من اخي وزميلي العماني مدير المبيعات في الخطوط القطرية الاخ حمود النعماني الله يطراه بالخير حين ذهبت له يوما وكنت اذكر انه في مشكلة حجز لك او لآحد الابناء لا اذكر تحديدا وطلبت منه تأكيد الحجز .. واكد لي ان يفعل وكررتها عدة مرات في الاخيرة رفع راسه وقال لي يا مدام الحجز ده ما لي مسافر عادي استاذ خليفة ده رجل محترم محترم محترم وخلوق جدااااااا ومثال للسوداني الاصيل انا احترمه جدا والله حقيقي الكلام ده ملاني فرحة وملاني سعادة حسيتها في حشاي وفعلا انت كذلك واكثر بكثيرا ربنا يخليك ويجعل البركة فيك و في اولادك ان شاء الله وتفرح بيهم جميعا لك التحية مثنى وثلاث ورباع والى ما لا نهاية والقومة ليك يا استاذ