تعريفات مُستحدثة لبعض المصطلحات المستخدمة في الأسافير السودانية سودانيز اونلاين مثالاً

Quote: العزيز عبدالله، معاناة الشمالي الاقتصادية اولا ترف مقارنة بمعاناة غير الشمالي الادميتو زاتو منتقصة! الاتنين ماواحد اطلاقا! الشمالي بالله لو شحاد، مقارنة بي عالم ذرة من الهامش، يظل اولا بشر، بينما عالم الذرة الغير شمالي ومهما طالت عمامته، يظل دون، بل ما مواطن زاتو لانو "سيدا" عديل كده اي البلد هم امثال بشاشا حصرا، فقط لانو شمالي، ام غيرو فهم قطعا من تشاد او من ارتريا! لاحظ امثال بشاشا قالو جدهم العباس او بالتالي جو من برا، ولكن بعد ده فهم اهل البلد بالجد، لانو القلم في يدهم! لاحظ حتي امثال غازي صلاح الدين المعروفين جو من وين او متين مقارنة بامثال فيليب غبوش كمثال، يظلون مواطنين من الدرجة الاولي! مع انو نموذج فيلب غبوش بمثل تاريخيا ادم زاتو ابو البشرية كلها، وهو نبت من هذه الارض او ما جا من مكان اخر زي غازي صلاح الدين او ناس جعلي "حر"!! مافي اي مجموعة في السودان كلو قدمت للسودان وعبر الالاف السنين ما قدمو نموذج مجموعة فييلب غبوش ورغم ذلك ومنذ عهد مملكة سنار اهلنا في الجبال معذبين! جيش سنار الكان بغير علي اهلنا في الجبال نهاية اليوم كانو بجو يلقو قداحة العشا العملوها اهلنا في الجبال في انتظارم! تامل نبل هؤلاء او قارنو بي مصيرم في المقابل! في الكون ده زي الاتعرضو ليهو اهلنا في الجبال مافي مجموعة اخري تعرضت ليهو، وجل هذا علي ايدي امثال بشاشا! ربنا بس يغفر لينا!

(عدل بواسطة عبد الله شم on 04-03-2014, 06:19 PM)