|
جلسرين وفيكس ودخان من الخشم
|
وكتين مشينا ندرس الجامعة في مصر... اها بعد الانتفاضة الصادق المهدي كان مكاتل المصريين... والخرابين ابو يقبلونا علي بعد حراق روح... مشينا العلاقات الثقافية وشلنا جوابات التحويل ديك.. اها امي رحمها الله قالتلي الصعيد دة يا ولدي قالوا بارد دحين نزلتك من الطيارة تشتريلك فنلة ألت برد انا علي حس البرد دة شلت بطانيتي الحمرا ديك ووهطتها نص الشنطة.. واصلو ما عندي هدوما قدر ديل.. ولفيتلي فتيلين ألات جلسرين بي كيس وباقي دلقانة من التُكل وغتستهن في نص الشنطة... وسويتلي فيكس في جيب الشنطة... وقدر ما حكيت راسي قلت اشيلي برطمان أليل كركار فشان كنت بشوف أمي قبل تنوم في البرد البينوني في الشبابيك داك فوووووووووووو وو فوووووووووو اها تمسح يدينها وكرعينا وتجر البطانية فوقها قبل تدعي: امسينا بي الله واتوكلنا علي الله يا ربي تزيد اللجور.. أها انا قايل كركار الجن دة يدفي الزول ويشيل القشروب أليل البرد داك اليحميك تضحك... وضحكتك تبقى متل العتوت الرابطنلو الخشبايي ديك فشان ما يرضع أمه... عندي جزيمي علي الزول الصايده البرونبوفي ليها حمبكات بالجنبات كدي.. طلعت علي النيمايي ألتنا انتظر (مكندشة ابو الرفارف) بتاع الورونيش البيجي من العشش داك وليهو صندوق ساويلو فيهو فريد ويكشكش فيهو: وررررررنش يا...وررررررررنش يا... ربكم رب الخير جاء واديتو الجزيمي وقلتلو يخيتها داير ما يدور باقي ماني عارف بلد المصرييين دي كيفنها وهناك مافي عم اسحق يقطعلي تموت تخلي.. اتورنشت زي العجب وشلتها ختيتها في الشباب ضومة ضومة... أها يوم السفر دة مسكت قريشاتي صريتن في اللباس واديتن تنيتين فشان ابوي رحمها الله قالي المصريين عندهم نشالين يسرقوا الكحل من العين.. أها مع الحزام القروش سولهن كورضومة كدي وبقت لازي قدامي متل الزول الما قطعولوا صورته كويس وقامت حمبكت لي قدام متل فنيسة الجدادي.. لقلت كدي ودعت أهلي ومشينا علي مطار الخرطوم لابي شنطتي ومرة مرة اهبش القروش الصاريهن في اللباس... وزنا العفش انا ومحمد ود عمي وقعدنا ننتظر لامن ذاعوا الطيارة الماشة علي القاهرة وطلعنا الطيارة وقالت كدي اتوهطت في نص المدرج علي سمكاية البلطي في نص الصاج.. ووكتين بقت تجري وتكورك انا اصلي كنكشت في الكرسي القدامي ومرة مرة اتبن قروشي في محسني ووكتين قالت كدي صنقعت راسها بقيت اضغت في سنوني كررررررررر كررررررر واسوي في: وووب علي يا بت ابو دية... القرايي العلي شنو مالي ان بقيت كملت الطُلبة لامن بقيت اسطى... ربكم رب الخير اتعدلت وجات ويحيدي مطرطشة احمر شلاليف لازالا كارو قدامها فيهو اكل وشيتا يشربو... ختتلنا انا ومحمد ود عمي اللكل وشيتا كدي ميه ميه كدي ولحمايي حايمي وسطه علي دينمو العربيي.. لا بصلا اخدر الزول يقرشو لا فجل وكتين تاكله وبطنك تكوفر وتتنبل... أكلا قاطع اللهجي وماهو مسبك في الحلة المكرتبي ألت بت ابو دية رحمها الله... شويتين قالولنا اربطوا الحزام وصلنا مطار القاهرة... قالت كدي الطيارة تميل من هني لا هني متل الحديي الدايري تختفلها سوسيوة... وقالت كدي نزلت رجلينها في الواطة واخدتلها جريا ووقفت.. اها فتحولنا الباب... طلعت رويسي كدي من الطيارة البرد ضربني ولقيت نفسي الدخان يطلع من خشمي.. تاني قلت كدي شلت نفسي ونفخته والدخان دة جاء مارق وليهو لواية... قلت في نفسي هيييييع يا ود جبرين بقيت زي الخواويج أليلين نشرة تسعة في التلفزيون.... أماني يا الجلسرين ما جاك مسيح ههههههههههههههههههههههههههههههههههه.. وأصلي يوم عرفت العنب البناتي داك آآآبيتحكي ضومة ضومة هههههههههههههههههههههههههههههههههههههههههههههه
|
|
|
|
|
|
|
العنوان |
الكاتب |
Date |
جلسرين وفيكس ودخان من الخشم | طارق جبريل | 11-12-14, 10:28 AM |
Re: جلسرين وفيكس ودخان من الخشم | ismeil abbas | 11-12-14, 10:59 AM |
Re: جلسرين وفيكس ودخان من الخشم | طارق جبريل | 11-12-14, 01:52 PM |
Re: جلسرين وفيكس ودخان من الخشم | طارق جبريل | 11-12-14, 01:54 PM |
Re: جلسرين وفيكس ودخان من الخشم | حيدر حسن ميرغني | 11-12-14, 02:04 PM |
Re: جلسرين وفيكس ودخان من الخشم | عبدالحليم حامد النعيم | 11-12-14, 02:15 PM |
Re: جلسرين وفيكس ودخان من الخشم | طارق جبريل | 11-13-14, 11:17 AM |
Re: جلسرين وفيكس ودخان من الخشم | طارق جبريل | 11-12-14, 10:28 PM |
Re: جلسرين وفيكس ودخان من الخشم | علي عبدالوهاب عثمان | 11-13-14, 09:09 AM |
Re: جلسرين وفيكس ودخان من الخشم | طارق جبريل | 11-13-14, 11:25 AM |
Re: جلسرين وفيكس ودخان من الخشم | طارق جبريل | 11-13-14, 11:26 AM |
Re: جلسرين وفيكس ودخان من الخشم | معتز زيزي | 11-13-14, 10:20 AM |
Re: جلسرين وفيكس ودخان من الخشم | طارق جبريل | 11-14-14, 02:18 PM |
Re: جلسرين وفيكس ودخان من الخشم | معاوية الزبير | 11-14-14, 03:19 PM |
Re: جلسرين وفيكس ودخان من الخشم | معاوية الزبير | 11-14-14, 03:28 PM |
Re: جلسرين وفيكس ودخان من الخشم | طارق جبريل | 11-16-14, 08:16 PM |
Re: جلسرين وفيكس ودخان من الخشم | طارق جبريل | 11-16-14, 09:29 PM |
Re: جلسرين وفيكس ودخان من الخشم | معاوية المدير | 11-16-14, 10:03 PM |
Re: جلسرين وفيكس ودخان من الخشم | قسم الفضيل مضوي محمد | 11-16-14, 10:31 PM |
Re: جلسرين وفيكس ودخان من الخشم | مني عمسيب | 11-16-14, 10:47 PM |
Re: جلسرين وفيكس ودخان من الخشم | طارق جبريل | 11-17-14, 11:02 AM |
Re: جلسرين وفيكس ودخان من الخشم | طارق جبريل | 11-17-14, 10:53 AM |
Re: جلسرين وفيكس ودخان من الخشم | طارق جبريل | 11-17-14, 10:47 AM |
Re: جلسرين وفيكس ودخان من الخشم | بدرالدين بابكر مصطفى | 11-17-14, 11:52 AM |
Re: جلسرين وفيكس ودخان من الخشم | جلال الدين القرشي أحمد محمد | 11-17-14, 06:17 PM |
Re: جلسرين وفيكس ودخان من الخشم | طارق جبريل | 11-19-14, 10:39 PM |
Re: جلسرين وفيكس ودخان من الخشم | طارق جبريل | 11-19-14, 05:04 PM |
Re: جلسرين وفيكس ودخان من الخشم | Abdlaziz Eisa | 11-19-14, 06:13 PM |
Re: جلسرين وفيكس ودخان من الخشم | طارق جبريل | 11-19-14, 10:40 PM |
Re: جلسرين وفيكس ودخان من الخشم | محمد عبدالقادر ضرار | 11-19-14, 08:24 PM |
Re: جلسرين وفيكس ودخان من الخشم | الطيب شيقوق | 11-20-14, 06:42 AM |
Re: جلسرين وفيكس ودخان من الخشم | طارق جبريل | 11-22-14, 01:41 PM |
Re: جلسرين وفيكس ودخان من الخشم | عواطف ادريس اسماعيل | 11-22-14, 02:15 PM |
|
|
|