جريمة بشعة في أمدرمان..!!

Quote: كان في عرس في كنيسة المخلص في حي الملازمين في امدرمان يوم 22 يونيو 2014. بعد الحفلة , مجموعة من الشابات مشو شارع النيل جمب الملازمين عشان يكملوا الاحتفالية. اتعرضوا ليهم 3 عساكر شرطة (واحد لابس ملكي) و قالوا ليهم منو الما متزوجات منكم , وكدا خلو 3 بنات يقعدوا و التانين خلوهم يمشو من المكان. في بتين قدروا انهم يهربوا من المكان و فضلت "ج ه" شابة ,26 سنة . ج .ه. اتعرضت لحاجة فظيعة اليوم داك , اتعرضت لاغتصاب جماعي من الثلاثة عساكر ديل و في الزمن دا , البتين الهربوا نادوا الشباب الكانوا معاهم في العرس. وحصل مشادات و ضرب بين الشباب و العساكر لمن عرفوا انو صديقتهم حصل ليها اغتصاب. بعد داك , تم اعتقال 40 شاب و شابة و اتعرضوا للضرب شديد و اساءات عنصرية لانهم من جبال النوبة , الاعتقالات شملت ضحية الاغتصاب و على الاقل 14 تحت سن ال18 سنة كمان. في القسم , تم تهديد الشابات بالاغتصاب و اتنبذوا بالفاظ نابية و اتعرضوا للضرب كمان. و مجموعة من البنات قالوا اتسرقت موبيلاتهم و قروشهم. اليوم التالي , 4 شباب و شابتين اتحولوا للمحكمة و اتحاكموا تحت المادة 69 ( الازعاج العام) . ...