|
|
 وأميرة الجزولي الظليلة
|
أميرة الجزولي الطويلة ومستقيمة متل مرق الراكوبة التي تظِل جمع نساء إلا قليلا
وهن كخلية نحل يعددن طعام الفرح أو البكاء، الراكوبة التي تجمع نساء الحلة في ونسة ضهرية
يغمزن أو يجهرن، الراكوبة التي يحكي تحتها ابن لأمه عن قصص الغربة
الراكوبة التي تحرس أولاد الروضة، تآنس المزارع في جروفه أو مسافر في هجيره
أميرة الجزولي هذه التي مثل مرق الراكوبة تلك عاليه..
من يحكي لنا عنها؟
فأنا لم أعرف تفاصيلها بما يكفي لأكتب شيئا أزيد مما أكتبه الآن
أي: هي ضل محجوب ومحجوب ضلها في هجيرة مسيرتهم هم (مريم ومي).
تلاتة لقاءات لا أكثر اتنين في بيتهم في الثورة وأهي كما قلنا واقفة طويلة تخشى أن تجلس مع الضيوف
كما خشي الصحابي أن يأكل مع أمه في طبق واحد
واللقاء التالت هناااك في مكان بعيييد وغرييب وين ما عارف في ألمانيا، تقريبا على بعد ساعتين بالقطار من برلين
"يا زول ماف داعي تصلو لغاية هنا، نحن حتتنا دي مقطوعة والقطر بي زمن....(يا زول بتبالغ!) .. أديكم أميرة توصف ليكم"
أهلا يا أميرة، أديك أحمد طه.. أمفريب تتذكريه؟ لأنو أنا ما بعرف البلد دي.
ثم جهجهناها ليك في وصف السكة من المحطة للبيت،
الشوارع متشابهة، خمسه دقايق نمشي جنوب وعشره نرجع ورا "أنا زاتي في اللّول كنت كده"
وتوصف -مرق الراكوبة- من شباك وتحكي وتعتذر، إلى أن صعدنا إلى الشقة.
ومن قال إنه انتظرنا حتى نصعد!
المهم هي هي نفسها في الواحد والعشرين أو ضواحي برلين، فقط فرق الراكوبة من الأمبريللا.
ونحن راجعين في نص الطريق إلى محطة القطار نظرت خلفي إلى المجمع..
قلت لي أمفريب -وكانت مريم محجوب في سفرة للمغرب- "هسي محجوب وأميرة ديل قاعدين برااهم في الصقيعة دي
والدنيا كلها في السودان قايمه وقاعده فاقداهم!"
فعلا مكان هناااك غريب وبعيد ويغري بكتابة قصتها معه، فاكتبوا عنها،،، يعيش معدنها.
يعيش معدنك يا أميرة.
|
|
 
|
|
|
|
|
| العنوان |
الكاتب |
Date |
| وأميرة الجزولي الظليلة | معاوية الزبير | 04-05-14, 09:44 AM |
| Re: وأميرة الجزولي الظليلة | معاوية الزبير | 04-06-14, 01:30 AM |
| Re: وأميرة الجزولي الظليلة | معاوية عبيد الصائم | 04-06-14, 01:35 AM |
| Re: وأميرة الجزولي الظليلة | محمد حيدر المشرف | 04-06-14, 02:06 AM |
| Re: وأميرة الجزولي الظليلة | معاوية الزبير | 04-06-14, 03:39 AM |
| Re: وأميرة الجزولي الظليلة | حبيب نورة | 04-07-14, 05:06 PM |
| Re: وأميرة الجزولي الظليلة | محمد فضل الله المكى | 04-07-14, 05:15 PM |
| Re: وأميرة الجزولي الظليلة | باسط المكي | 04-07-14, 06:47 PM |
| Re: وأميرة الجزولي الظليلة | معاوية الزبير | 04-07-14, 07:48 PM |
| Re: وأميرة الجزولي الظليلة | معاوية الزبير | 04-07-14, 10:13 PM |
| Re: وأميرة الجزولي الظليلة | محمد فضل الله المكى | 04-08-14, 06:50 AM |
| Re: وأميرة الجزولي الظليلة | DKEEN | 04-08-14, 07:10 AM |
| Re: وأميرة الجزولي الظليلة | معاوية الزبير | 04-08-14, 06:19 PM |
| Re: وأميرة الجزولي الظليلة | معاوية الزبير | 04-10-14, 02:32 AM |
| Re: وأميرة الجزولي الظليلة | عبدالحفيظ ابوسن | 04-10-14, 06:04 AM |
| Re: وأميرة الجزولي الظليلة | Almokashfi | 04-10-14, 09:59 PM |
| Re: وأميرة الجزولي الظليلة | فرح الطاهر ابو روضة | 04-11-14, 07:14 PM |
| Re: وأميرة الجزولي الظليلة | محمد فضل الله المكى | 04-15-14, 05:58 AM |
|
| |
معاوية الزبير
فيس بوك
تويتر
انستقرام
يوتيوب
بنتيريست