بورتسودان المدينه التى احببت .. بوست ذكريات واشواااااق مدفقه !1

Quote: حسين عوضاي يازول ياجميل سلام يغشاك شكلك كدة ما بعيد مننا في وسط المدينة,, كل الاساتذة اللي انت ذكرتهم درسونا في (كورس مدرسة الاولاد)ياسلااااااام على ذكريات بورسودان الحنينة انا ميسون الجيلي اخت (احمد الجيلي) ,, شكلهم ناس احمد ودياب سيد احمد ومحمد ابراهيم والشباب ديل دفعتك؟؟ ولا انا غلطانة!! احمد الجيلي مهندس --مشغوووووول-- في رياض السعودية حارسل ليهو رابط البوست وبجيك صادة

Quote: جدت هذا العنوان في بوست على سودانيز أون لاين هي أيضاً حبيبة إلى نفسي تلك المدينة تحياتي إليك من أعلى ربوة تشرف على المدينة.... من سلالاب التحيات ابراهيم عبد الله هارون الدفاع الجوي الإبتدائية...1983 الأميرية المتوسطة...1986 الحكومية...1989

Quote: الحمد لله ... والشكر لله عملي في التدريس لم يذهب هباء الحمدلله ... والشكر لله أن ارى كوكبة من تلاميذي الأعزاء التي قمت بتدريسهم وهم في ارفع الدرجات العلمية والعملية شكراً أخي وتلميذي عوضاي لقد أثلجت صدري بهذه المشاركات

Quote: عوضاي يا ود مدرستنا سلام يغشاك بورسودان والذكريات الجميلة,,, تكتب عن شنو وعن منو؟؟ والله لولا المشغولية بوستك دة استلمو براااااااي واقعد احكي ,,,,,,,,,,,,,,,,,,, مدرسة وسط المدينة اول خطوات العلم من استاذاتنا ما انسى المرحومة الاستاذة بتول حسين كانت مديرة المدرسة ,, وزعلنا على نقلها مننا ونحن في سنة خامسة ,, وقمنا بتنظيم مظاهرة احتجاجية من المدرسة والى (مكتب التعليم) -لأول تجربة لممارسة الديمقراطية في حياتنا - وكان عقاب جماعي محترم شاركت فيهو حتى المحتفى بها ,, لأنو معلماتنا واعضاء مكتب التعليم اعتبروا دي فوضى,, غايتو بس اكلناها وسكتنا !! استاذتنا المفضلة شهرزاد انور محمد المهدي ,, كانت امنا واختنا واستاذتنا ,, حاااازمة وحنيييينة كيف ماعارفة!!!ز استاذة محاسن فؤاد,, سلوى شيلة,, حواء مصطفى,, علوية شلاخ, سعاد ونوال صالح صابر ,, نفيسة اوهاج (وافخر بانو درستني وهي اول معلمة من البجا-- حاليا عضو بالبرلمان) ربنا يديها العافية ,, وزينب الحارث واول من علمني حرفا في سنة اولى (ست مبروكة) للاسف ماعارفة الاسم كامل وكانت استاذة صفية طمبل الاستاذة بكلية المعلمات بورسودان كثيرة التردد علينا خاصة في فترة ثورة ابريل ,, اتعلمنا منها واستاذة شهرزاد التمثيل والموسيقى والغناء ,, وكانت مشاركات الاحتفالات الوطنية (غايتو اتعلمنا الغناء في شعب بورسودان --اعفوا لينا عليكم الله :)--)0 مما اتذكره في الفترة ديك ميول بعض الزميلات السياسية المبكرة والمكتسبة من الأسرة غالبا ,, مثلا زميلتنا وجارتنا (الدكتورة حاليا) حياة اسامة الفيل البت المثقفة ابنة الأسرة الشيوعية المحترمة ووالدتها الاستاذة نعمات مكرنجة ,, واللي في بيتهم شفنا الاستاذة فاطمة احمد ابراهيم عيانا بيانا لأول مرة,, و(مناكفات) لانهائية مع صديقتها اللدودة هند النميري ,,( الترابي ونقد.. والترابي ونقد ) ونحن نتفرج ونتعلم .............. واتعلمنا ياما زميلات عزيزات ونجمات المدرسة والمجتمع الصغير من دفعات مختلفة,, وتفوق اكاديمي واجتماعي ميسون مصطفى الفضل, مودة الجميل, عبير عبدو, صفية حسن اباذر, مروة بشير, منال عثمان فقراي, فاطمة ادريس المصري, , فريدة حمدان , ديبة ابراهيم, تماضر الضوي, مي النميري, فدوى كمال, مي السيد الحسيني, عائشة ابراهيم, لوسي خليل والهام, مي الاحمدي, سناء سنجابي , زينب محمود الضوي, , زينب موسى ضرار,, رحاب صديق, ايمان عمر الحمودي, سامية وسوزان وفاطمة ابومحمد ابو امنة,, ابتسام حسن سيدون,, مها مصطفى حنفي,, اكرام كنة,, مها ومي عبداللطيف اجب,, هالة شنان,, نجلاء دفع الله,, والقائمة تطوووول .............. ياربي وين الناس ديل حاليا؟؟ وسنة سادسة و(كورس مدرسة الاولاد ),, وحكاااااوي ومنافسة اكاديمية حامية ا########س ,, كل الاساتذة المذكورين عندك في البوست درسونا في الفترة دي,, واظنك نسيت استاذ (هاشم شطة),, والزملاء هيثم سوكراب ,, حاتم طه كنة,, طارق رضا, حسام محمد حامد,, طارق الجميل,, أيمن عمر الحمودي,, انمار,,,,,,,,, حارجع ليك تاني بي حكاوي بورسودان ,, والأميرية المتوسطة ومااااااااااا ادراك ما المتوسطة,, دي الفترة اللي الزول حس فيها انو كبر ,, انا واحدة من الناس شدة ما كنت فرحانة باللبس البني كنت لمن ارجع من المدرسة وامي ترسلني مشوار كنت بمشي بهدوم المدرسة ,, ومدرسة سعدابي ,, والدورات المدرسية و......و......0 بجيك صادة

Quote: عزيزى الأستاذ حسين ما أجمل الذكريات وخاصة تلك المرحلة المهمة من حياتنا حينما كنا نتلمس العلم ومعرفة الحياة. أخوك أحمد عبدالمنعم حسن القاضى دفعة سنة كم وسبعين لما وسط المدينة كانت مساق واحد يمتد من الشرق للغرب ويتوسطه مكتب الناظر جريس. تخرجت من وسط المدينة سنة 1976 وكنت تانى المدرسة وسابع مديرية البحر الأحمر.. وأذكر من دفعتنا الأخوان ربنا يطراهم بالخير: أول الدفعة أحمد مهدى , و امير زروق الفاتح الياس, بدر مبارك الجاك, خليفة بابور, وواحد كان لقبه كراع الجمل صراحة ما متذكر اسمو, أشرف سيداحمد الحسين (الكاردينال , عصام عبدالحميد, وليد مبارك الجاك. بتذكر الأيام ديك كانت قمة المتعة وكان معظم الأخوان كذلك بيلعبو فى فريقين كانت المنافسة بينهم رهيبة وهم أشبال سانتوس و التذكار من بيوت 14. وأولاد التذكار ديل كان عندهم لاعب دايما بيكون السبب فى هزيمة سانتوس على ما اذكر كان لقبه جوكر.. طبعا كان فى وسط المدينة نظام صارم للتدريس يشرف عليه الناظر جريس. برضو كان معانا هشام جريس ود الناظر. لكن الناظر نفسه كان بيعتبر الجميع اولاده وما بفرق فى العقاب . بعدما امتحنا كانت احلامنا الألتحاق بالمدرسة الأميرية وذلك ما كان. برجع ليكم تانى بذكريات حوش المدرسة ودرس العصر والسباحة فى الهاوية فى الكبرى القديم والجلد فى طابور الصباح وتوزيع الحليب والساردين والتونا على الطلبة. لنا عودة لاكمال الونسة.. وشكرا اخى حسين على هذا البوست الجميل المفيد. أحمد عبدالمنعم حسن قطر

Quote: من استاذاتنا ما انسى المرحومة الاستاذة بتول حسين كانت مديرة المدرسة ,, وزعلنا على نقلها مننا ونحن في سنة خامسة ,, وقمنا بتنظيم مظاهرة احتجاجية من المدرسة والى (مكتب التعليم) -لأول تجربة لممارسة الديمقراطية في حياتنا - وكان عقاب جماعي محترم شاركت فيهو حتى المحتفى بها ,, لأنو معلماتنا واعضاء مكتب التعليم اعتبروا دي فوضى,, غايتو بس اكلناها وسكتنا !!

Quote: الاخ حسين الجميل في الامر ان بعض زملاء الابتدائي مازالو داخل شبكة التواصل والجميل ايضا انهم مازالو يعيشون حتي الان في بورسودان مدينة الميلاد والنشأة والنضوج وثغر الامل والجمال البعض رافقتي من الابتدائي الي الجامعة ومنهم د. علي خضر والمهندس خالد عبد القيوم وخالد علي عبد الله ( خالد لبن ) في الاميرية المتوسطة قابلت الهاشمين هشام كمال وهاشم ادريس . وكبرت الشلة باحمد علي عبد الرحيم ودياب سيد احمد ولطفي سعد وعمر صالح صابر واحمد الجيلي وضياء باجسير ثم توسعنا وضممنا الينا اصدقاء من المدارس المجاور . كانت هذه مرحلة التمرد فقد عادينا كل مدرسينا فقط لنثبت استقلالنا ورجولتنا رغم ان معظم افراد الشلة كانو من المتفوقين كنا وقتها نرابط يوميا في المحكمة ( محاكم العدالة الناجزة ) لمشاهدة تنفيذ احكام الجلد علي المحكومين . وكنا نطارد عمنا العمودي صاحب المكتبة المتحركة علي سيارته احيانا يبيعنا واحيانا يهدينا في تلك الفترة بدأ اخونا هشام كمال يبرز موهبته الغنائية وانا ادّعي الان بكل ثقة بان تلك الشلة كانت اول من استمتعت بصوته الصداح ياما جلسنا علي السطوح في بيته نشرب الشاي ونستمع الي دندناته هاشم ادريس كان بيته يطل علي البحر تماما ( قرب مصنع التلج القديم ) توسعت الشلة عند التحاقنا بالثانوية مدرسة البحر الاحمر . وفيها وجدنا شخصيات عجيبة جدا . اولا كان فيها استاذ مجنون او شبه مجنون اسمه نصر الطين بتاع جغرافيا . وانا بطبعي احب المجانين والمساطيل حتي يومنا هذا حاولت التقرب من هذا الاستاذ نصر الدين وكنت كلما اقابله امد يدي مصافحا له . وكان يصافحني مبتسما في الاول ثم بدون تعابير بعد كم اسبوع وعندما شعر ان مصافحاتي الكثيرة فيها قدر كبير من الاستهبال . بدا يقابلني بالعبوس الي ان انفجر غاضبا يوما وحزرني علي الملأ انه ممنوع منعا باتا ان اصافحه يدا بيد واقترح علي ان اسلم عليه من بعيد رافعا يدي فقط دون مصافحة الصول الذي قابلنا في اليوم الاول بالمدرسة في معية حبيبنا شدو سألني عن اسمي فقلت له اسمي عادل امام فانفجر ايضا غاضبا ( انت بتهظر معاي يا ولد ) ولم يسعني الوقت للدفاع عن نفسي فاذا بعصا غليظة ترفع ثم تنزل علي ظهري . طبعا صول قدر الدنيا وشنباته يقيف الغراب عليها شخصية غريبة اخري كانت في هذه المدرسة سميناه اب رِدا كان مسئولا عن معامل الفيزياء والكيمياء يحفظ ادواتها وينظفها ويحضر الادوات اللازمة للتجارب حسب برنامج المدرسة سبحان الله هذه المعامل بتجهيزاتها تضاهي المعامل الموجودة اليوم بالجامعات بل افضل منها ايضا ارجو ان يسامحنا اب رِدا واسمه الحقيقي بلال فقد كنت معجبا بالترمومترات والمناشير الزجاجية الخاصة بالمعمل وتمكنت ان اسطو علي كم حبة منها . الاستاذ عثمان الرفاعي بتاع رياضيات تخصص رجل لا ننساه شفتو ليكم استاذ يعمل كورس خصوصي وبعدين يرفض استلام القروش دا هو عثمان الرفاعي الاستاذ خوجلي رياضيات برضو والله نعم الاساتذة ايامنا . الاستاذ امين الجاك الله يرحمه انعم الله علينا وقتها بمعلمين فعلا . المعلم زمان كان مالي هدومه مش زي اليومين ديل الواحد فيهم ( معلم الله )

Quote: يا ناس كسلا هوي غايتو بشهد ليكم بى حاجه واحده لا حاجتين عشان اكون صادق الكستليته من كسلا فنتاستك فود ايام عزها وجبنة ام الحفر التحيه لابناء كسلا الافاضل عمنا جرنوس وموسى محمد على وجعفرهمد ويس جعفر وعواض عبدالله عواض والصديق الحبيب صديق حسن يعقوب واخيه ميسره حسن يعقوب وهاشم هنقاق الرجل الكلس وعمنا الاستاذ خير السيد واستاذنا هاشم عبدالله والغالى عبدالرحيم محمد دين وجنابو سامى السر والصديق العزيز عبدالله دقنه والمبشر ودكتورنا الحبوب جبر الدار عيييييييييك وناس باشاب .. عكام وغيره من ابناء كسلا الاحبه

Quote: ذكريات من الكوتش عباس عبيد عباس ( الكوتش ) لنادى الرفاق الثوره تحايا لاداره ولاعبى الزمن الجميل بنادي الرفاق واخص بالتحيه الاعزاء محمود ابو طالب ومحمد الحسن بابكر ومحمد على الحسن طه يوسف دنقل وعابدين محمد على واخوانه صلاح بقاري واخوانه وابراهيم الزومه والاخوان برعي والسر الجقير عباس عبيد عباس ( الكوتش ) مدرب واداري بنادي الرفاق من 1977 الي 1982 وزاملت المرحوم حسن الطويل مسئول الشباب انذاك شكري لك اخي عوضاي للذكريات الحبيبه

Quote: يا خي ما لك علينا وليه بتهيج أشجانا وليه بترفع التراب عن ذكرياتنا المطمورة بحب هذه المدينة ، لست أدري كيف أبدأ هل من محطتي بالشيخ عمر ( بالقرية 6 حلفا الجديدة)أم بمحطة تقاطع خشم القربة أم بكسلا أو أروما أو دلاي أو هداليا أم متاتيب أم أمجويتري أم أريباب أم لآمادام أم دروديب أم هيا أم تهاميم فصمت فسنكات وهذي (جبيت) وقد بدت في فتنة متجانسة ، وأديت وكمبسانها أم أتوقف في السلوم أستعداداً للجديدة وها نحن في بورتسودان المحطة .

Quote: وانا لي الكثير من الاهل في بورسودان وكنت ازورها كثيرا وحتي ايام غربتي في المملكة فقد اتربط بها عملي وسفري كثيرا وقبل ان ادلف الي ابناء كسلا ومنهم الحبايب في سلك الشرطة ادريس ليمان ومصطفي اكد وعبدالرحيم محمد دين وعباس اكد والكثير منهم الا اني احب ان ازكر اصدقاء اعزاء عرفتهم في كسلا وبورسودان معا وقضينا اياما طيبة وهم من ابناء ترانسيت الاحبة مجدي وخالد بريمة وخالد السر ... للمزيد من السرد لي عودة

Quote: اختنا ميسون شقيقه النابغه الجيلى احمد الجيلى سلام وتحايا لك وللاسره الكريمه وتحايا مثنى وثلاث للخلوق الجيلى .. لا يا ميسون انا الوراهم معاى من جيرانكم حسام بشرى و مجدى كان جيرانكم بس نسيت مجدى منو والله يخايل لى اتنقلوا عطبره بعد الابتدائى .. الجميل فى وسط المدينه انو بتعرف الدفعات القدامك والوراك والكل هناك العلاقه بينهم كانت جميله وتسودها الفه ومحبه ..ز

Quote: إنت وعشان أكون صادق جدا جدا جدا ،، قبل الدفعة دي بخمس سنوات كده والمدة دي طبعا علشان ما أكبرك زياده عن اللزوم

Quote: الالسلام عليكم أخونا عوضاي كل أمر ببوست بورتسودان المدينة التي أحببت أجد المزيد من أسماء أبناء الدفعة و قد فرقتنا أحوال الدنيا أتذكر من الدفاع الجوي الإبتدائية الأخ جعفر خاطر لا أدري أين هو الأن و الدكتورة نازك بت كوريا فقد المدرسة مختلطة وقتها و دفعتي في الأميرية المتوسطة المهندس أحمد الجيلي و المهندس عبد الله عيسى محاضر بجامعة البحر الأحمر و إبراهيم سيد أحمد ولد هدل و هشام السيد و الطاهر إبراهيم بضرائب الخرطوم و الأخ محمد إبراهيم النعيم و دكتور الأشعة مصطفى جعفر و محمد أبو آمنة و عادل إبراهيم معلم من كوريا و في الثانوية تزاملت في الحكومية مع أحمد الجيلي و الطاهر ابراهيم و أحمد حيدر و نصر الدين جماع و الأخ عبد العزيز التجاني ديم المدينة الآن بأمريكا و الأخ زكي حاج علي و المصرفي البورتسوداني حازم حمزة و دكتور علي خضر و ياسر جعفر و الأخ حسن الأحيمر دلدوم بلبنان و محمد خليل سانيو عبد الله ميرغني بمصفاة بورتسودان سابقاو المهندس عبد الناصر أبو فاطمة بورتسودان هي حبيبة إلى قلبي و ستظل المدينة التي أعرفها و أنتمي إليها برغم مولدي في دارفور ولكن بورتسودان هي وطني مقبل أن أكمل عامي الأول ولي ذكريات مع حلايب أيضاً حيث أقمت بها بعض الوقت ومنها دفعتنا في الثانوية عثمان محمد عثمان والده كان مساعدا طبياً على ما أذكر و هو أبناء تلك المدينة الوديعة...بالمناسبة هي من حيث إطلالتها على البحر أجمل كثيرا من بورتسودان و إلى رسالة أخرى ابراهيم عبد الله هارون الخرطوم حالياً

Quote: و2011 للزواج و 10 يونيو 2012م القادم إنشاء الله موعد جديد . . هاتفته في ذلك النهار القائظ والرطب . . "يا سيدي أنا أحلم بالذهاب لبورتسودان" . . تناول مني أسمي ورقم هاتفي . . ووضعني في قائمة إنتظار . . إستغرق الأمر عدة دقائق . . لكنه لم يعرف الشوق الذي إعتراني . .

Quote: سقــا طراى قبأنا لتقاليو هيابى

Quote: المهم انا لا ادري بما يجول في ذهنك من معتقد، وهل وصف - البنايات بشكل صندوق البسكويت ، والنيل ثعبان عجوز، وحاجه عائشة - فيه ما يسيء لك؟