|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: ود الباوقة)
|
قباني يا جميل
فكرة البوست حلوة وجميلة زي صاحبا تماماً
وانا عايز اطلب طلب خاص جداً لاني بطني طامة طووولت
من بوست فتحتو انت نفسك ايها الانيق وكان عن عن صولة
العازف البارع مجدي العاقب في اغنية الطير المهاجر
المهم جات مني سيرة اغنية نادر خضر (اشتقت ليك)
فاذا بالزميلة العزيزة سلمى الشيخ سلامة تقتنصني ظلماً
من نافذة الفيس بوك وتطلعني مسطح سااااكت بدعوى ان الاغنية
للفنان محمد ميرغني مع اني ادركت تماماً انها قد تشابهت لها
اسماء الاغاني لانو محمد ميرغني عندو غنية اسمها اشتقت ليك ونفس
الشي المرحوم نادر خضر عندو اشتقت ليك والمشكلة اني جبت الاغنية
ورفعت البوست كم مرة على امل انك انت والزميلة سلمى تعتذروا عن اتهامي
بالتسطيح لانك وافقتها في الرأي ولكن لم يحدث هذا والمشكلة انها عايزة تشكيني لي الله كمان
ومنذ ذلك الوقت انا بطني طامة لاني حسيت انكم اخطأتم في حقي واستكترتم الاعتراف بالخطأ والاعتذار
وعشان كدا يا قباني يا حبيب انا بطلب اغنية المرحوم نادر خضر
مشاركة الاداء في برنامج اغاني واغاني طه سليمان وشوف يا قباني
اداء طه هنا مليئ بالاحساس كيف.
بهديها من على البعد الى اختنا الجميلة سلمى سلامة
ودمتم بخير
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: Haytham Ghaly)
|
Quote: قباني يا جميل
فكرة البوست حلوة وجميلة زي صاحبا تماماً وانا عايز اطلب طلب خاص جداً لاني بطني طامة طووولت |
الطمام كميات من بوستات العنصرية الفجة وس خ فها وبوستات النفاق
المهم الطمام خف شوية بقلة البوستات دي الان , وخف بفوز الاحمر الوهاج بكاس السودان بثلاثية بعد زنقة عالية وواحده من اجمل مباريات الديربي
فكرة البوست واحة مميزة تحياتي يا مبدع,,
ولان المزاج رايق اهديك باغالي وضيوفك , قصيدتي هذه وكذا الاسود زئيرك جولة واذا عزمت فانت ذو عزمات
وكذا الاسود عرينك منعة تساندك صفوة بكل ثبات
وكذا الاسود قدلتك متعة ويحب خطوك يا رائع الخطوات
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: يحي قباني)
|
Quote: حقك علينا و ليمونك علينا كمان ...
لكن و الله انا في البوست نفسه وضحت القصة و ماني زول تجني يا ( غالي ) ...
و لو ما عندك الرابط ... ( أخوان البنات ) بجيبوهوا ليك قبل ان يرتد اليك طرفك ...
لكن برضوا سامحني غلطان بتعذر ...
و هاك الشفيف الراحل المقيم نادر خدر ...و اشتقت ليك ...
علها تزيل آثار الطُمام القديم ...:)
|
الانيق قباني
ياخي مشكوووور على الفيديو والاغنية جميلة وبها اشجان واشجان
تعرف يا قباني ان تطييب الخواطر دا اجمل ما في هذه الدنيا
يزيل الكثير عن كاهل الناس ويذكر الانسان انه انسان
اعتذارك مقبوووول بالتأكيد لكن برضو ما بحلك من
كم ليمونة كدا على زوقك لانو البورد ما شاءالله تبارك الله
عناصر الطمام فيو اكثر من اللازم وهاك عنوان البوست دا عشان تعرف
Quote: اختفاء ظاهرة تزويج الآباء لبناتهم بعد تفشي دعاوى حرية المرأة والانفتاح كانت وبالاً على المجتمع |
شوف التفكير الظلامي دا كيف
لك كل التحايا ويدوم الود
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: قصي محمد عبدالله)
|
Quote: قباني سلام، أنا الأغاني دي ، وبوم بيم طخ طاخ كو ري رو دن دن ، مالي بيها شغلة، حدي كلمات القصيدة، الباقي بالنسبة لي ضجيج وإزعاج.
|
ياخ معقول
الموسيقى ازعاج !!!!!!!!!!!
تتحكم الموسيقى الى حد كبير في وجدان الانسان
احياناً تسمع مقطوعة موسيقية فتحزن حتى تبكي
واحياناً اخرى تسمع مقطوعة اخرى فتبتهج حتى ترقص
وايضاً هناك موسيقى تجعلك ثائراً ومتحمساً لدرجة الهياج
فكيف بالله عليك يكون كل هذا مجرد ازعاج؟؟؟؟
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: قصي محمد عبدالله)
|
Quote: ياخ معقول!!!!!!!!!!! وماذا تقول الموسيقى؟ |
الموسيقى بتقول كلام كتييير يا قصي
وعشان الانسان يفهم مغذى الكلام دا ويتفاعل معاو
محتاج لي بعض الاشياء منها
محتاج الى تصالح مع النفس لا حرباً معها
والى حباً في الناس لا بغضاً وكراهية فيهم
والى عقل مشرق غير منغلق يعيش في عصور ظلامية
الموسيقى يا قصي تحتاج لانسان يمتلك وجدان الانسان واحاسيسه
لا ان يكون مثل الصخرة لا وجدان له ولا تحركه المشاعر
كيف لا وقد صارت ذات اهمية قصوى في العلاج النفسي
ويا قصي بكل المقاييس
الموسيقى جميلة جميلة
ومن كانت نفسه بغير جمال
لا يرى في الوجود شيئاً جميلا
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: Haytham Ghaly)
|
Quote: الموسيقى بتقول كلام كتييير يا قصي
وعشان الانسان يفهم مغذى الكلام دا ويتفاعل معاو
محتاج لي بعض الاشياء منها
محتاج الى تصالح مع النفس لا حرباً معها
والى حباً في الناس لا بغضاً وكراهية فيهم
والى عقل مشرق غير منغلق يعيش في عصور ظلامية
الموسيقى يا قصي تحتاج لانسان يمتلك وجدان الانسان واحاسيسه
لا ان يكون مثل الصخرة لا وجدان له ولا تحركه المشاعر
كيف لا وقد صارت ذات اهمية قصوى في العلاج النفسي
ويا قصي بكل المقاييس
الموسيقى جميلة جميلة
|
شكرا لهذا الكلام المفصل، وشكرا للزمن الذي قضيته في الشرح والتوضيح، وتركيزا على هذه العبارة وربطها بالكلام الفوق.
Quote: """الموسيقى جميلة جميلة ومن كانت نفسه بغير جمال لا يرى في الوجود شيئاً جميلا "" |
الموسيقى عامل خارجي و ليس من مكونات النفس، وأثرها في ترقية خلافات نفس الإنسان أكثر من أثرها في المساهمة في التصالح معه. وحب الناس والتعامل معهم يحتاج في الأول لاحترام المخلوق كبني آدم ، يتدرج التقرب منه أوالبعد عنه بحسب كثرة وقوة الأفكار والمعتقدات والأفعال و الخصائص المشتركة ، أوقلتها وضعفها. نفس التدرج في العلاقات من معرفهة ورفيق ومن ثم صديق ، أو ينعكس الحال بسبب أو آخر من صديق ورفيق إلى معرفة ، وفي حالات نادرة إلى عدو.
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: يحي قباني)
|
الاخ / قباني
سلام
وسع الماعون شوية خليهو برضو يشمل اهداء لاصحاب بوستات الكويسة و كمان تشمل الاهداءات المدائح و الاناشيد الدينية و برضو لو في طرقة اغاني من جنة الاطفال عشان الواحد كمان يدي الناس حقها ، و كان جيت و لقيت المنبر واقف كلو الف احمر طوال نديك القفة بتاعت عمنا الحلفاوي الفي الحج و من هنا نهدي اغنية الكاشف / لاخونا معتز القريش ، ( ان ما بقطف زهورك ) لبوستيهو بتاع الضفر و لاخونا ود الباقة غنية وروني العدو و اقيفو فراجا لبوستيهو الاخير بتاع صمام الامان
و تقبل مرورنا
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: معاوية الزبير)
|
سلام ود المدير
Quote: قباني يا أخوي الكتابة في المنبر دا زي الإدمان حالتك دي عندها دواء وااااحد معوية سلام، تاخد صنة كم اسبوع كدا، وتساعد نفسك بالعصاير في الفترة دي وتتحمل الأضرار الجانبية وفي الأثناء تدي المنبر طلة بين حين وآخر ولما تقنع إنو مافيش فايدة.. تتخذ القرار المناسب انت قاليك الناس الخلّوا المنبر خلوهو بالساهلة بين يوم وليلة !
|
عشان تخلي المنبر لازم تخلي متابعة الأخبار، ودي إلا واحد معصور في الشغل. بمعنى آخر: أكبر اسفير - بحسب مروري على العديد منها - يجمع الأخبار العامة والخاصة و النقاش حولها هو هذا الإسفير. ممكن تترك المشاركة والتعقيب، ولكن عند متابعة أخبار البلد والعالمبة ستجد نفسك مار بشارع sudaneseonline.com. هذا الموقع يمثل صحيفة جامعة لأخبار البلد ، مدنه ، أحائه ، أسواقه وشوارعه ، يأتي بها أناس مستقلون تماما عن الإعلام الرسمي.
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: يحي قباني)
|
في ذكري اكتوبر، يقصف النظام في الخرطوم المدنيين في هيبان ... فيقتل منهم من يقتل بما في ذلك سته اطفال ... ... وفي 21 اكتوب والسودانييون يحتفلون بالاثوره التي يكرم الفاشي شعراءها وهم يقبلون التكريم ...يقصف الفاشي مزيدا من المدنيين .. ومتعلمي السودان وصفوتهم يصابون بالطمام لمن يفسد عليهم انيق ذكرياتهم ... من يشوش علي ناديهم الراقي المحتفي بالكلمات الانيقه ... اسمحي لي سادتي بمشاركتكم الطمام ... فمايجري مثيرا للتقزز !
.
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: Khalid Kodi)
|
Quote: الاخ / قباني
سلام
وسع الماعون شوية خليهو برضو يشمل اهداء لاصحاب بوستات الكويسة و كمان تشمل الاهداءات المدائح و الاناشيد الدينية و برضو لو في طرقة اغاني من جنة الاطفال عشان الواحد كمان يدي الناس حقها ، و كان جيت و لقيت المنبر واقف كلو الف احمر طوال نديك القفة بتاعت عمنا الحلفاوي الفي الحج و من هنا نهدي اغنية الكاشف / لاخونا معتز القريش ، ( ان ما بقطف زهورك ) لبوستيهو بتاع الضفر و لاخونا ود الباقة غنية وروني العدو و اقيفو فراجا لبوستيهو الاخير بتاع صمام الامان
و تقبل مرورنا |
الماعون انشاء الله واسع يا جعفر يا حبيب ...
و انشائ الله كلو يكون علي خاطرك ...
اصلوا البوست ده للناس النفسها طيبه و خاليه من البغض و المكائد ... :)
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: يحي قباني)
|
Quote: قبة يا هندسة يا حبيبنا Quote: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
قرأت عنوان ان البوست أكثر من خمسة مرات وفي كل مرة أقرؤه
البوست الموحّد ( للطُماطمْ ) ... ما يطلبه ( الطامعين ) .. يوجد ليمون ..
أقوم أقول يا ربي يحيى دا ح يجيب الخيار والجرجير متين عشان ( السلطة ) تكتمل ؟؟ أكون مالي ؟؟ وتكون بطنى طامة من شنو ؟؟ |
عاطف عمر يا صديق الزمن الجميل ...
رايحة ليك دكوة ولا شنو ؟ ههه
ياخي الما بطمم البطن شنو ..
شكل و هبالة ... وعنصرية ... و تشدد رأي ... و شوفوني
و الله السودانيين بقوا يحيروا يا حبيبنا ...
الله غالب بس ...
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: يحي قباني)
|
Quote: قباني يا أخوي الكتابة في المنبر دا زي الإدمان حالتك دي عندها دواء وااااحد تاخد صنة كم اسبوع كدا، وتساعد نفسك بالعصاير في الفترة دي وتتحمل الأضرار الجانبية وفي الأثناء تدي المنبر طلة بين حين وآخر ولما تقنع إنو مافيش فايدة.. تتخذ القرار المناسب انت قاليك الناس الخلّوا المنبر خلوهو بالساهلة بين يوم وليلة !
بمناسبة جادات وهباني هسي انت صحيت ولّ داير تنوم ؟ |
انا ما بنوم يا ود الزبير ...
النوم و انا اصلوا ما اصحاب ...
و حياتك عارف الحل ... لكن بي سجمو و رمادو ده
المحله الوحيده البتربطنا بالواقع و اخبار البقعة ...
نعمل شنو ... نموت كمد بي بعادنا ده ...
اديك سر ؟ ....
كل ما ازهج امش اسمع عمك سيف الدسوقي بقول الكلام العجيب ده ...
ازيد طيني بلّه ... و تسح الدموع من جواي ... لانو دمعتي البرانية عصيّه ...
امدرمان ... كلما زاد العمر بنا ... نتمسك اكثر و نشتاق ...
| |
|
|
|
|
|
|
Re: البوست الموحّد ( للطُمامْ ) ... ما يطلبه ( الطامين ) .. يوجد ليمون .. (Re: صديق الموج)
|
يا قصى
سلام
Quote:
الموسيقى عامل خارجي و ليس من مكونات النفس، وأثرها في ترقية خلافات نفس الإنسان أكثر من أثرها في المساهمة في التصالح معه. وحب الناس والتعامل معهم يحتاج في الأول لاحترام المخلوق كبني آدم ، يتدرج التقرب منه أوالبعد عنه بحسب كثرة وقوة الأفكار والمعتقدات والأفعال و الخصائص المشتركة ، أوقلتها وضعفها. نفس التدرج في العلاقات من معرفهة ورفيق ومن ثم صديق ، أو ينعكس الحال بسبب أو آخر من صديق ورفيق إلى معرفة ، وفي حالات نادرة إلى عدو. |
جبت الكلام ده من وين؟ هل هو كلام من عندك؟ او من كتاب علمى؟ او من حديث لاحد شيوخكم؟
يا يحيى حسه كلام قصى ده ما بطمم البطن وفى بوست الطمام كمان...هههههههه
اسرع ياخ جيب لينا غصن الرياض المايد بصوت ود حلتنا الراحل محمود عبد العزيز
| |
|
|
|
|
|
|
|