تبا لكم !!!(ناس الضهاري) خرطومنا من غيركم الايام دي ولا باريس

Quote: تبا لكم

Quote: الشباب شباب نضيف ومهزب اولاد وبنات مافي قلة ادب نهائي

Quote: لو ناس الضهاري ديل تموت من الجوع يا صاحب الرآيات الاربعة السرية الخرطوم ما حقت زول اي سوداني عندو فيه حق

Quote: قال لي اسمع ياعمك بالله اخلص لي الكرة الارضية دي

Quote: الخرطوم ما حقت زول اي سوداني عندو فيه حق

Quote: دونما تعليق بالتأكيد ولكن في النفس شيء من حتى يا توفيق .. الحاصل في السودان ده عجيب جدا .. أعتقد أن 60% الى 70% من الشعب السوداني يعيش في الخرطوم .. وده بالتأكيد نتيجة لسياسات خاطئة ولخلل مريع في معادلة توزيع الثروة "والسلطة كذلك" .. التحية والتقدير لأهل الضهاري حيثما كانوا واينما حلوا !!

Quote: ليتحسس ( سودانيته ) كل من لا يجد لنفسه ( أصلاً ) أو ( جذوراً ) في ( الضهاري ) فـ الخرطوم مدينة مصنوعة يرجع تاريخ إنشائها للعام 1821....... فقط

(عدل بواسطة معتصم سليمان on 10-08-2014, 07:36 AM)

Quote: كلام صحيح أعتقد أن صاحب البوست بيمزح لكنه يصراحة مزاح خشن

Quote: زي كلامك القلتو للزول ده ياعاطف ده ماعندو ماعون يستوعبوا لأنو تعرف الناس البنادوا بمثل هكذا أفكار ديل مشكلتهم غالياً بتكون أكبر وأنكأ مما بنادون به ...والمسألة لاتعدو كونها إسقاطات تعويضية والزي ديل غالباً لو فلفلتهم لن تجد لهم متكأ يستندون عليه إلا قليلاً منهم

Quote: فـ الخرطوم مدينة مصنوعة يرجع تاريخ إنشائها للعام 1821.......

Quote: مع رفضي التام للغة الزميل توفيق عيسى مع أهلنا في الأقاليم وقناعتي الكاملة بأن السودان يسع الجميع، إلا أن مقولة أن الخرطوم مدينة مصنوعة غير صحيح وتاريخ إنشائها 1821 غير صحيح، متى تم تأسيس هذه المناطق: بري، توتي، الجريفات ، الكلاكلات، اللاماب، جبل أولياء، الحاج يوسف ، مناطق شرق النيل، حلة حمد ، شمبات ، الحلفايا، الكدرو ، الإزيرقاب، منطقة الجيلي، الفتيحاب، مناطق شمال أم درمان في مناطق داخل الخرطوم أقدم من مدن سودانية كبيرة زي كوستي مثلا، فيجب تحري الدقة لأن الفهم السائد أنو الخرطوم بلد سائبة وما ليها أهل ودا ما صحيح، وحتى المناطق القامت جديدة زي الصافية مثلاً كانت مراعي وحواكير لأهل المناطق القديمة زي شمبات ، وفي مناطق زي توتي وبري ليها أكتر من 500 سنة .

Quote: كاتب الخيط نفسه .. وبنفس زواياه المبنعجة والمنعرجة .. وطرحه صارخ العناوين .. تم (حرف) بوست سابق له .. في وقت ليس بالقريب .. في مكان ما من (جخانين) النت ..( إن لم تخني الذاكرة ) ووصل الخيط الى مرحلة فذلكة تاريخيه .. عن نشأة وتكوين الخرطوم كمدينة .. وتدحرج الخيط القهقري .. حتى بلغ المتحاورين فيه العبدلاب .. وحتى عجيب المانجلك .. وصراعه مع أخيه .. والخيل تجقلب والشكر لي حماد .. والشيخ أرباب العقائد .. وهجرته من توتي الى الخرطوم .. عام 1691 م مشكلاً نواة نشأة الخرطوم كقرية بين النيلين .. وهجرات المحس لمنطقة ملتقى النيلين ... والحماداب .. والجموعية الفتيحاب .. وعبورهم لمنطقة بين النيلين .. ومساهمتهم مع المحس في تكوين المنطقة .. وشكلوا نواتها الأولى .. وحتى تاريخ الخرطوم في التركية وما قبلها .. ومابعدها .. وقرى و( حلال ) حول الخرطوم .. كــ ( الحلفايا) و ( سوبا ) .. و(بري ) و(الجريفات ) .. و(الكلاكلة ) و ( الحماداب ) و( ودعجيب ) .. ( الرميله والقوز ) .. ( اللاماب ) .. والكثير من مناطق بحر أبيض .. سبقت الخرطوم نشأة وتكوين .. لارتباطها بتاريخ ممالك كانت منذ أمد بعيد.. وكذا هجرات بعض قبائل غرب أفريقيا .. في طريقها للحجاز لأداء فريضة الحج .. وسكناهم في منطقة المقرن .. وترحيلهم لمنطقة الخرطوم (2) .. حتى وصولهم للعشش حديثاً .. والانقاذ في مرحلة أحدث .. ( يعني مافي زول يجي يقول الفلاتة جو قريب ) كل ذلك لا ينفي أن الخرطوم ونواة تكوينها في عهد التركية السابقة .. كمدينة وعاصمة .. تعتبر مدينة ( مصنوعة ) .. إن جاز لنا هذا الوصف .. ومن الجائز جداً أن يدعّي البعض .. أن بدايتها كمدينة كانت .. في عهد عثمان بك جركس البرنجي عام 1823 م.. ومن ثم حراكها ديمغرافياً وعمرانياً لتلبغ ما بلغت بعد ذلكـ .. وفعلاً والله ياعاطف أخوي دي ما ( عجاجه ) .. يناقشوا فيها نشأة الخرطوم تاريخياً .. ويا توفيق خلي سواقة الخلا دي .. مرامي طرحك أراها جيدة .. لكن ساعدنا بالأسلوب عليكـ الله .. وتباً لكـ إتــــــــــا ده ياخ ... ناس الضهاري ناس طاعمين .......

Quote: بري

Quote: خلينا فى الاولى راجع كتاب Harold B. Barclay

Quote: يعني دي الحرقتك .. ( حكاية ما عندك أصل دي ) .. أها ومشيت تثبتها بي وين أصوليتك دي ؟؟ .. بالضهاري برضو !!.. والله إتـا زول لذيذ .. يعني سويت شنو ؟ لفيت لفيت ورجعت تااني للضهاري ..