|
Re: إيدو مبارا ألينا أليكون (Re: عبدالحفيظ ابوسن)
|
للهوسا والفلاتة في الاضحي قديما .. عادة جميلة بعملوا اعواد برة في الشارع .. وبولولعو النار .. ويعلقوا الخروف كلو في النار .. بختو كم سكين وكم صحن .. والاكل لكل من اراد .. بسموها مندا تراجعت هذه العادة وصار الخروف يوضع داخل الحيشان . ضاقت الشوارع وكثرت البيوت ثم تراجعت حتي كادت ان تنتهي إلا قليلا
| |
|
|
|
|
|
|
Re: إيدو مبارا ألينا أليكون (Re: عبدالحفيظ ابوسن)
|
يا العيد الكبير البفتحولو البيت عيد الضحية هو العيد الكبير ما عارف ليه مفروض العيد الكبير يكون عيد رمضان ما علينا عيد الضحية الناس بتفتح بيوتها للمعايدة دون اذن ودون طرق باب .. تجي منكمد بس ..تووووشمك حدك المطبخ .. دون حرج صحبي صيدلي بكري ابوضراع .. رحل الخرطوم للتحضير .. عيد عيد واحد هناك .. وتاني بقا يجي يعيد في كوستي قال لي يوم العيد صليت وسقت ولدي للجيران .. الابواب مغلقة .. دقيت كم بيت زول فتح لي مافي ..
| |
|
|
|
|
|
|
Re: إيدو مبارا ألينا أليكون (Re: عبدالحفيظ ابوسن)
|
يوم العيد تنعدم الرقابة الاسرية يتلمو الاولاد براهم .. والبنات براهن .. الاطفال .. ويتحركو سوا .. وكل حين يكبر تجمعهم .. من الصلاة ولي بيوت الحلة .. بيت بيت .. ويصدف واحد ماشي لي خالتو او عمو بعيد تباريهو كل المجموعة خارج الحي والعيدية .. غير البلح والحلاوي . القروش من اقرب الاهلط
| |
|
|
|
|
|
|
Re: إيدو مبارا ألينا أليكون (Re: عبدالحفيظ ابوسن)
|
ابو سن يا دفعه ... وضيوفك الكرام
كل عام وانتم بخير ... وربنا يحقق الاماني ونتمنى من الله ان يصبح السودان في مصافي الدول الكبرى ...
تصدق انا لي سنين طويلة ما عيدت في السودان وفي كل عيد ينتابني حزن عميق وانا بعيد عن الاهل والاصحاب ..
ربنا يرد غربتنا ونحن سالمين ومعافين ... ونلقاكم طيبين وزينين ..
تحياتي ,,
| |
|
|
|
|
|
|
|