|
أضاحي على الضمان ربيانة في صقيعة الله الطبيعية واسعار خاصة لبورداب صقيعة سلامة
|
الكمية محدودة ويسهل بيعها في سوق الله واكبر ولكني فضلت بان تكون هدية لناس الحلول الجنبنا منها تشوفي حلتنا ومنها نكرمكم بضحية ممتازة تيزة جد واسعار خاصة لبورداب التكلة الفكي حامد وسرحان الشيخ تاي الله اللما النفيدية راس في طاقية واتا مشي لحدي بورداب صقيعة سلامة التسليم في الخلا ذاتو التلفون على البروفايل ويمكن البيع بالعملات الاجنبية وكل عام وانتم بخير مقدما
|
|
|
|
|
|
|
|
Re: أضاحي على الضمان ربيانة في صقيعة الله الطبيعية واسعار خاصة لبورداب صقيعة سلامة (Re: مني عمسيب)
|
العزيزة بت عمسيب تحياتي
Quote: يا ود البوش لو ما في زول اشتراهم منك عليك وديهم الخرتوم وبضمن ليك بيهم كلهم والله صحي . |
نحن وسعيتنا مكجنين المدن وشارع الزلط عشان كونو بزلط اضالفين السعية واعمل ليها نفسيلت وايضا كذلك الرعو . . خرفانا دي نحن اولاد البوش معروفة في المنطقة وبشتروها من الشهر إهِل واسع الباقي من هللانو اسبوع وقلت نكرم بيها احبابنا بورداب المنطقة ومن قبيل التلفونات تتطاقش وفي واحد قال بشتريها كلها وهي تقريبا 350 خروف ولكننا لانفضل البيع جملة لاسباب تجارية واجتماعية فمافي مشكلة في بيعها ابدا بل ما بتحوق ذاتو تحياتي وتقديري
| |
|
|
|
|
|
|
Re: أضاحي على الضمان ربيانة في صقيعة الله الطبيعية واسعار خاصة لبورداب صقيعة سلامة (Re: يوسف أبو صالح)
|
Quote: كدى جيب عينة خلى الناس تتفرج على البضاعة |
مراحب شيخ يوسف أبو صالح لا اخفي عليك بان كلمة البضاعة دي حرقتني في قلبي تعرف من شدة اربتباطنا ببهائمنا ديل نحسهن مننا وفينا والواحدة كان مرضت نمرض معاها اقوليك قولة مرة التهجة بت خالي البلولة قالت لنعجتا المرضانة تواسي فيها قالت ليها ان شا ءالله يا يما يومي سابق يومك وحرم تبكي معاها . . اما الصور فان المشرف العام للرواعية الاخ احمد بوش مانع التصوير بتاتا بتتن وعندو تصوير الرزق حرام سُخُت وخروفك الفي الصورة دا انا حاسي بنفسو مقطوع من حيطة الاسمنت دي سعية جوة حوش بلوك دي سجن مؤبد حرم نحن خروفنا اتكو فيهو للضبح والبلب هييييييييييييييييييع
| |
|
|
|
|
|
|
Re: أضاحي على الضمان ربيانة في صقيعة الله الطبيعية واسعار خاصة لبورداب صقيعة سلامة (Re: عمر السلمة)
|
Quote: ياخوي انت قاصد ضهرة السلمة وللا سلامةً تانية ؟؟؟
|
اووووووووو الحبيب ابن الكرام عمر السلمة دي الصقيعة الورا سرحان ابوي الشيخ تاي الله اب زينب وفعلا بتكون جيت ماش فيها فللي بباظ الهدى الخرطوم الزمان البمش بورا . .
Quote: ود البصير - الفوار - كبري ام بوشة - يمينك الريداب - العتامنة - |
ومالك نسيت ود جروب
اصلو كنت بتبيع رغيف جايبو من المحيريبا ؟ ههههههههههههه . . يعني الضحية من المراح ما شا ء الله .... وبيع الراعي للراعي مافيهو كَدَة كلو كلو شكرا لمرورك الكريم مع اجمل التحايا
| |
|
|
|
|
|
|
Re: أضاحي على الضمان ربيانة في صقيعة الله الطبيعية واسعار خاصة لبورداب صقيعة سلامة (Re: معتصم سليمان)
|
Quote: يا أخي قبل مايعرفوا أي حاجة الجماعة ديل ضبحوا ...ياسلاااااااااااااااااااااااااااام |
ياخي ديل كان ما خليتهم ضبحو حرم ادقوك اتا بتعلب ول شنو ؟ يا سلاااااااااااااااااااااااام يا معتصم تعرف العيس دا عمي لزم ابوهو عباس ود العيس خال ابوي وصاحبك دا اسمو عباس العيس عباس محمد العيس يا زول اتا مشيت لناس وقسما اكرم ناس في الدنيا كلها وارجلهم واطيبهم لكن اتا معناها بلبل صغير ما دام صاحب عباس وانا حضرت بوش عرس ابوهو والله جد هههههههه عشان كدا انا داير سليمان القرشي دا امش اشوف بعينو عشان اضبحو ليهو خروف واشيل خروفو معاهو . . معتصم يا حبيب العتامنة اتشرفت بزيارتك ياخي تحياتي واحترامي ومحبة شديدة خلاس وليتني التقيك عشان زيارتك دي وهاك اقرأ البوست دا بمهلة العتامنة قريتي التي أحببت
| |
|
|
|
|
|
|
|