|
Re: الي قائد الامه وحارسها الامين /سيادة الرئيس المشير عمر البشير (Re: عمر عثمان عبد الوهاب)
|
بعض الاخوه المقيمين من الجاليات العربية يتصلون لمعايدة اهاليهم في بلدانهم ينهي مكالمته وقلبه متقطع ويلطم ويبكي وحالتو حاله مما يجري في بلدانهم من تقتيل وحروبات ودمار
نحن نتصل يحكون لك عن رائحة الدعاش والمطر الرزاز ولمةالاهل وتسلم بحميميه علي ده وعلي ده في اجواء عيد ملؤها البهجة والسرور تحس بالعيد وطعمه وانت بعيد عن الاهل
فشكرا لله وشكرا سيدي الرئيس
علي نعمة الامن والامان اولا واخيرا
اللهم ادمها علينا وعلي كل اصقاع بلادي وعلي اهلنا الطيبين
والله نستاهل.
| |
|
|
|
|
|
|
Re: الي قائد الامه وحارسها الامين /سيادة الرئيس المشير عمر البشير (Re: osama fadlalla)
|
Quote: بعض الاخوه المقيمين من الجاليات العربية يتصلون لمعايدة اهاليهم في بلدانهم ينهي مكالمته وقلبه متقطع ويلطم ويبكي وحالتو حاله مما يجري في بلدانهم من تقتيل وحروبات ودمار
|
نبارك ليك العيد وربنا يواليك برحمتو وينور بصيرتك
في سودانا ده برضو في ناس بيتصلوا علي اهلهم وقلوبهم بتتقطع وما بنوموا ومرات التلفونات ما بتصلهم لانهم جوة الكراكير خايفين من القصف... او في معسكرات الجوع يشتهوا الخبز الناشف
قلنا نذكرك ليهم يمكن ماك عارفهم او يمكن السودان وناسو عرفتك ليهو عرفة كبر او ماك معتبرهم ... اتا معذور لكن سيدك الرئيس ده البعذرو شنو
كل سنة وناس السودان كافة بخير
| |
|
|
|
|
|
|
Re: الي قائد الامه وحارسها الامين /سيادة الرئيس المشير عمر البشير (Re: سيف النصر محي الدين)
|
ما في فايده يا سيف اخوي ... الواحد لامن يكون مفصول من واقعوا ومركب مكنة اجنبي عايش بجثتوا في السودان بتجي ردودو بالطريقة دي...
هسي عليك الله عاين لردو بتاع امش اسال اهلهم ده يا سيف ده رد زول منو فايده .. ده انتقائي في تعريفو لكلمة اهل زاتا في عضمها .. والشفع تحت الكراكير الجابوهم ود دفع الله فوق ... زولك ده جافل ومستعري منهم...
احنا يا سيف عندنا المحن
| |
|
|
|
|
|
|
Re: الي قائد الامه وحارسها الامين /سيادة الرئيس المشير عمر البشير (Re: عمر عثمان عبد الوهاب)
|
قال عمر
Quote: نصبو انفسهم ثوار ورفعو السلاح في وجة الدوله وخرجو عن القانون وشكلو عصابات للنهب المسلح |
العميد عمر البشير سارق سلطة بليل نهب مسلح بجنازير الدبابات (نهب البلد بعصابة من الإسلاميين) لم ينهب بنكا أو متجرا ولكن أكثر من ذلك نهب بلدا بأكمله وتسبب في إطالة أمد حرب قاتلة ومدمرة وفقدنا بسببها ملايين من البشر وفقدنا ثلت الوطن وبتروله وأرضه وماءه
لم يتوقف عمر البشير عن النهب المسلح فترك البلد هاملة للمفسدين من كلة ملة ونحلة وفقدنا غير الجنوب (وحلايب والفشقة ومثلت لامي) السكة الحديد التي كانت قاطراتها تجوب البلاد من واو إلي بورتسودان ومن حلفا إلي الدمازين ومن كسلا إلي نيالا
وفقدنا أيضا الخطوط الجوية السودانية فمن كم طاشر طيارة لم تعد هناك طيارة واحدة (وما زال هناك مدراء ومجلس إدارة وموظفين يستلمون مرتباتهم شهريا)
وفقدنا الخطوط البحرية السودانية فمن 16 باخرة لم تعد هناك ولا باخرة (وما زال هناك مدراء ومجلس إدارة وموظفين يستلمون مرتباتهم شهريا)
وفقدنا مشروع الجزيرة درة إقتصادنا القومي وفقدنا البوستة والتلغراف والنقل النهري والنقل الميكانيكي
ثم أننا لم نر أمانا منذ مجئ سارق السلطة عمر البشير فغير حروب الجنوب دورت حروب في النيل الأزرق وكردفان ودارفور ومازالت مدورة ويعيش الآن الملايين من البشر السودانيين في الكهوف والمعسكرات وتحث القصف اليومي من الأنتنوف
ورغم أخبار الفساد التي تحدث عنها عمر البشير شخصيا في الخطوط الجوية والبحرية وفي شركة الأقطان وفي السكر وفي الأراضي وفي المخدرات المستوردة وعيك ما تعدش
رغم ذلك لم نر شخصا واحدا يقدم لمحاكمة بتهم الفساد البينة كما الشمس في رابعة النهار
سرق البشير السلطة بتهمة فساد الحكومة المنتخبة ديمقراطيا وحاول محاكمة بعض أشخاص لا يحبهم الأسلاميين فقدموا عثمان عمر (الوزير في الحكومة المنتخبة) بتهمة الفساد هل تصدقوا أنه ومن بين كل الوزراء في الديمقراطية هذا الوزير زمان (عثمان عمر) هو وزير الآن في حكومة البشير ؟؟؟؟؟
في مناسبة هذا العيد أدعوا معي لعن الله القاتل سارق السلطة عمر البشير وحشره الله في النار مع نيرون وهولاكو وهتلر والحجاج بن يوسف
| |
|
|
|
|
|
|
Re: الي قائد الامه وحارسها الامين /سيادة الرئيس المشير عمر البشير (Re: الصادق اسماعيل)
|
Quote:
والشفع تحت الكراكير الجابوهم ود دفع الله فوق ... زولك ده جافل ومستعري منهم... |
الحمد لله ود دفع الله جابه ليك صوره فوتوغرافية
ان كان من شخبطاتو ماكان في زول فهم منها حاجة
ومافي سوداني ود امو وابوهو بستعر من بني جلدته
اذا كان الجنوبيين وعمايلهم معانا مااستعرينا منهم وحتي بعد انفصالهم يظلون سودانيين واخوه طالما حكمو العقل كدوله جاره
بس فتش علي الدخل الاطفال ديل الكراكير منو؟؟ ومصلحتو شنو؟؟
وحتعرفو لامحاله
| |
|
|
|
|
|
|
|