|
Re: كورال المؤتمر السودانى في إحتفالية تأبين الشهيد سوميت (Re: سيف اليزل سعد عمر)
|
كلمات أحمد البلال فضل تلحين عثمان عجبين
سبعة ونص وتلاتة دقايق كل الشارع يطلع بره زمن الطلبة ، حس الجلبة البمرقو فيهو اولاد العامة المجبورين ، ما الناس مضطرة
نمرق شان البرجع يسكن احلي بلد مليانة مسرة نمرق شان ما نمرق منها سارقين خيرها وضرعها الدرة نمرق شان ما يحي الباقي ، نحنا نعيش يانموت بالمرة هوي ، هوي ياانت خيل جلادك في خط ستة تمرق ولا تخش تنزرة ، تبقي ذي الصبيان الفالحة ولا تخب تندس بقفاهن في الحالتين حا تضوق المرة امرق ، امرق وقول للما داير يمرق يرفع ايدو وينده سيدو ، انشاالله يالله الضرا البلد ينضرا
المسئول من ناس الهامش ابان حظن دايما طرة والاطراف القطر عرقن خيرهم خدرو بيهو الصرة بياااان رقم اربعة مننا نحنا باسم المحنة المي مستورة بسم الكسرو كنتيناتهم وختو مكانهم ميدان كورة بسم البشربو من نيل الله يدفعو يوماتي الفاتورة بسم العلم القجو مدارسو في كل مكان والبندر خضر وكتر جيل الصي والهامش منتظرين جيل السبورة نمرق او ما نقعد نمرق اذن المرقة دي حاجة ضرورة تسقط وانت اساسا مين هتلر او يوحنا الكوري حتة واحد جانا مغبر شايل ليو ديكين في لوري ولا خلاص يا اب كرشن نضفت وضقت زوادة البيت السوري وفيلا رقم ستاشر ناصية والترخيص تصديق كافوري
زغردي يا ام احمد وقولي انه صباح يوم بكرة جميل ابدا ما حا نطعن ضلك وها ود عينا في وش الفيل يسقط حكم الجاير وظالم ونشهد باكر عرس النيل ترحل ونرجع ذي ما كنا اخوة في ارض المليون ميل والف تعازي ورحمة عليك ياخيرة بلدي شهيد وكتيل ماتو بسبب الجونا الماتم منتظرين للفاتحة نشيل قولي معاي يا ام تسقط ودمعك ما يبل المنديل يسقط حكم الجاير وظالم ونشهد باكر عرس النيل ترحل ونرجع ذي ماكنا اخوة في ارض المليون ميل ارحل
| |
|
|
|
|