|
|
 شجرة المؤتمر الوطني (الدمس السعودي) ..... هي السبب في مشكلة مياه الخرطوم ... (صور)
|
ورد في اخبار اليوم : الخرطوم تحمل شجرة الدمس مسئولية ازمة المياه
ورصدت 4،6مليون جنيه لمعالجة الازمة في اسبوع....
شجرة الدمس....
ومعروف بالدمس السعودي
لأنه جابوه من السعودية حيث تزرع في الصحراء
اسمها التاني الشريش الكويتي...
.وهي شجر زينة اصلها من امريكا الشمالية ...
واكتر شئ في ولاية فلوريدا....
شجرة جنها موية ..
بتمد جذورها جوة انابيب الموية تشربها كلها..
.وبعدها بتفقل الانابيب...
.....
=================================
ما يغشكم منظر الشجر الأخضر ..
دا شجر جابوه ناس المؤتمر الوطني السودان
إسم الشجرة: المؤتمر الوطني
وسموه المؤتمر الوطني ..
لأنه شجر طفيلي
وبتقوم بسرعة
وضار ...
وفعلا بيقفل أنابيب المياه ..
وأنا كلفتني
وقت
وملائين
عشان اعالج الضرر السببته للبييت والمواسير
ناس المؤتمر الوطني زرعوا
لينا شجرة المؤتمر الوطني
حول البيوت (للزينة)
ولما دمرت المواسير والجنينة والحيط..
قلنا نقلعها..
ما بتتقلع بأخوي وأخوك
لازم تصريح من الغابات
لقطع الشجرة الضارة
أخدنا يومين عشان نلقي مكتب الغابات
ولما لقيناه
قالوا لينا :
1. جيبوا شهادة البحث
2. شهادة من طبيب انه الشجر دا ما بعمل ليكم حساسية !!!!
3. رسوم 350 !!!
عشان يدوني التصديق بس ...
وأنا أجيب ناس يقلعوها لي !!!
( ياربي كان بقلعوها كان دفعوني كم ؟)
الروووووووووووووووب
انا مالي ومالها ...
الزرعنا
يقلعنا....
كسرة: أهلي قالوا لي قامت تاني
|
|
 
|
|
|
|
أحمد التجانى حمودى
فيس بوك
تويتر
انستقرام
يوتيوب
بنتيريست