|
Re: صباح الخير رمضان كريم اذا خير لك بكرى حسن صالح ام بكرى ابوبكر من ترشحه للرئاسة . (Re: محمد احمد القاضي)
|
غايتو يا محمد احمد القاضي بتبالغ
ورمضان كريم
وباين رمضان ده دخل في العضم من اول يوم
حسه مسح جوخك ده ما فات المعلق في بوست فوق عن مسح الجوخ من قبل المثقفين ولا ما عارفه شنو كده هههههههه.
المهم يا اخونا
نفترض انت جادي
يا اخي بكري ابوبكر يبرأ و يستبرأ بتقارنه بالسفاحين و ساكفي دماء الابرياء ديل ليه؟!
بكري ابوبكر شاب سوداني متفوق ودخل جامعة الخرطوم لما كان عندها شنة ورنه
وتخرج واضاف لتجربته تجربة الاقامه في الغرب
وربطه لنفسه بالعمل الاعلامي جعله متطلع بشكل نهم علي اعلامهم الغربي وهو اعلام ذاته ما ساهل يعادل عشرات الماجسيرات و الدكتوراه.
وزول عصامي و شغال بعرق جبينه
يحب شعبه لدرجة فكر يجمعهم في مكان افتراضي مثل هذا
يكرم من يزول مدينته و يبحث عن الناس لو زارهم مدنهم و دولهم
تقارنه ببكري السطلنجي ده ليه؟! الخاوي الفارغ العسكري الما منضبط في عسكريته حتي!
حرام عليك؟؟؟كل القاسم المشترك ياهو اسم بكري؟! يا اخي ما تخلي الزول يحرد اسمه حتي.
الله يسامحك.
| |
|
|
|
|
|
|
|