|
|
|
 Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: عبد الله شم)
|
عادة اكنفي منذ 2006 بالدعوة لاسقاط النظام فقط و لكن ارجو توضيح التالي
ثقتي في موسي هلال مغتصب نساء دارفور صفر في الميه
ثقتي في الكوز الصادق رئيس حزب الاسرة القومي و اكرر الاسرة تحت الصفر
و عليه ثقتي في من يتحالف مع رسول الكيزان المبعوث لفرتكة الحركة المسلحة لابد وان تهتز و علي امثال عرمان و غيرة ان يذهبو و يفسح المجال للشباب لقيادة الحراك السياسي
قمت و معي اناس كتيرون في مدة 8 شهور للبحث عن شعبية الحركة الشعبية بطرقنا الخاصة خارج النيل الازرق و كردفان و للاسف وجدنا التاييد لها يصب في خانة المعدوم في الخرطوم و الجزيرة و الشمال و الشرق
و عليه لا الحركة ولا الجبهة الثوريه ولا الصادق لهم وجود بين المناطق التي زكرتها
التغيير الان يقوده شباب كرهو الاحزاب و العنصرية و تجار الدين و تجار الحروب و الثورة حبلي و في حالة مخاض و الايام بيننا و سوف يولد قادة الثورة من رحم الثورة
و قسما قسما سوف نسقط النظام
https://www.facebook.com/groups/165502206870196/
| |
  
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: Mustafa Mahmoud)
|
عبدالله شم..
كيفك يا الحبيب..
الناس الفى الصورة دى..
هم الصادق وبته مريم وياسر عرمان ومالك عقار وناس الحركات المسلحة...
يعنى وآحد من ولاية جبال النوبة مافى...
ان شا الله حتى يكون اغريقى..
مافيشين..
واللى وصلنا من باريس..
أنه الصادق المهدى مجتهد فى أنه ولده عبدالرحمن يخلف عمر البشير..
ودى تبقى كيف ؟
أولا يقنع هو عمر البشير بالعفو عن عرمان ومالك عقار..
ويدوروا مفاوضات من جديد...
بالمقابل الحركة الشعبية شمال..
اللهى هم ناسنا يسلموا الجيش والسلاح الفى الحركة شمال للحكومة..
المقابل شنو؟
المقابل هو تعيين ياسر عرمان نائبا لرئيس الجمهورية...
ومالك عقار فى منصب رفيع فى الدولة..
وكان الله يحب المحسنين..
يعنى ولا حتى عبدالعزيز الحلو لذر الرماد فى العيون..
مافى...
يعنى للمرة المية بعد ألالف..
اقليم جبال النوبة...
يستخدموه للوصول الى السلطة..
وكلامنا الما بيتبلع دا..
كل مرة قاعد يطلع صاح..
للآسف الشديد...
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: مبارك عبدالرحمن احمد)
|
| Quote: بس فات عليك انو الرطاني دا ما صنع اية قرانية كاملة زي صلاح ادريس!! |
الأخ مبارك أردول بعد السلام
1- صلاح إدريس ليس الشخص الذي صنع آية قرأنية كما ذكرت.. دول جماعة 2 تانيين .. غايتو اركز حنحرش عليك أهل صلاح إدريس الرشاشات طبعاً ونقول ليهم اردول مع الصهاينة
2- ما تابى كلام بريمة... ناس حزب الامة .. ناس النيل الازرق .. ناس دار فور.. بعض جلابة الحركة.. كلهم موجودون في الصورة.. السؤال: أين جقود ومكوار وأنا ذاتي كمان؟
من فضلك زر قناتي في اليوتيوب واشترك فيها
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: مبارك عبدالرحمن احمد)
|
الاخ مبارك بعد السلام
كلامك عديل ولكن نحملك امانة نيابة عنا نحن سكان جبال النوبة لمن تعرف انهم من قيادات الحركة أننا نطالب بكرسيين مقابل كل كرسي يعطى لجلابة الحركة ياسر عرمان والتوم هجو
دار فور لها 3 ممثلين وجلابة الحركة ممثلين وحزب الامة ممثلين والنيل الازرق واحد فأين نحن ناس جبال النوبة؟
أمانة في عنقك لتوصلها لرئاسة الحركة الشعبية
من فضلك زر قناتي في اليوتيوب واشترك فيها
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: بريمة محمد)
|
سلام وّل ابا بريمة...
ابسط شئ توقعته بعد أعلان باريس أن يخرج علينا أبناء الجبال فى الحركة الشعبية شمال ببيان..
يوضح أستنكارهم لهذا التهميش المتعمد والغامض..
وكذلك ما تم الاتفاق عليه بشأن قضية جبال النوبة..
تلاحظ أن حتى عبدالعزيز الحلو لم يأت ذكره..
واذا كان عبدالعزيز مريض ويتعالج فى أمريكا الان..
فأين جقوت مقوار ؟
نفس هذا الخطأ تكرر مرات ومرات...
ففى مؤتمر القضايا المصيرية فى أسمرا سنة 1995...
والذى رسم فيه التجمع الوطنى الديمقراطى دستورا مؤقتا للمرحلة الانتقالية..
وبمناقشة قضايا حق تقرير المصير...
لم يكن فى القاعة أى شخص من الولاية..
وتم ترحيل دانيال كودى الى نيروبى فى نفس اليوم..
ومنع سليمان رحال وبعض ابناء الولاية من حضور الجلسات !
لذلك فصلت أبييى عن جبال النوبة..
وكتب عن جبال النوبة وابييى والنيل الآزرق بأنهم يمكن أن يلجأوا للمطالبة بتحسين أوضاعهم ! (الفقرة 38)...
ثم نأتى لنيفاشا..
ونتابع قصة تسليم ملف جبال النوبة لجون قرن فى مؤتمر all nuba conference فى كودا...
ليتفاوض بأسم أهالى جبال النوبة !
النتيجة أن الجنوب حصل على كامل حقوقه...
وخرجنا نحن بخفى حنين..
وبسؤال ابناء جبال النوبة فى الحركة عن نتائج نيفاشا..
كان ردهم ( جون قرن ضغطووووه عشان كدا ما قدر يآخد لينا حقنا ) !
بذمتك هل سمعت بمثل هذا الضيم وأهدار الكرامة ؟!
الان تتم التوقيعات والاتفاقيات يمين شمال..
فى غياب تام لابناء المنطقة الذين يحاربون فى الحركة الشعبية..
وقد تركوا الحبل على القارب لياسر عرمان..
يا أخى أنا فى حيرة من أمرى ؟!
ما الذى اصاب أهل جبال النوبة فى الحركة الشعبية ؟!
ولمذا يصرون اصرارا لا رجعة فيه...
فى( مرمطة ) كرامتنا فى التراب ؟!
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: الصادق اسماعيل)
|
الآخ الصادق اسماعيل..
الناس دى ما جابت أى شخص من الولاية...
ولا حتى الموجودين معاها فى فرنسا..
و أن شاء الله حتى اغريقى تاجر..
يعرف مشاكل الولاية وأحتياجاتها ومتطلباتها أكتر من ياسر عرمان..
الذى حّول الولاية وأهلها الى سلعة تباع وتشترى مع أى توقيع أو أتفاق..
السبب وآضح جدا....
وهو أنه الناس دى بتفتكر أنه مافى أى انسان فى الولاية ليه حق يعّبر عن قضيته...
وما علينا ألا أن نقبل بالمقسوم..
وكلوه من الحركة الشعبية البتلعب بينا زى البيضة والحجر...
ودايرة الصراحة...
أحنا نستاهل اللى خلينا الحركة تلعب بينا اللعب دا كله..
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: تبارك شيخ الدين جبريل)
|
الاخ تبارك..
أحنا بنقصد أى زول من الولاية..
من جميع المكونات والآثنيات..
أى شخص يعرف قضية الولاية جد الجد ويعرف يعبر عنها ويعرف احنا عايزين شنو..
لكن فى مؤتمر القضايا المصيرية غيبونا ناس التجمع سنة 95..
وكانت النتيجة فصل أبيى من الولاية..
ثم غيبونا من نيفاشا..
والنتيجة صفر كبير..
وهسى فى باريس تفتكر فى زول حينصفنا ؟
كلامنا دا كووووله معناه أنه أهل الولاية هم اليعبروا عنها ويقولوا احنا عايزين شنو..
وخاصة انهم هم الحاملين السلاح..
أما مالك عقار.
فدا ما بيعرف النيل الآزرق خليك جبال النوبة..
الصادق المهدى..
فدا سبب مصايبنا..
ياسر عرمان فدا البيلعب بى مصائرنا زى كورة الشراب..
ودا كل الموضوع يا تبارك...
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: تبارك شيخ الدين جبريل)
|
بريمه سلام
لاحظ ياسر عرمان كتب لك شنو بباس ورد مبارك اردول:
Quote:
نحن قاعدين ي بريمة
وعارفيين نيتك خبيثة
يعني ما حبا في النوبة لانو عندك بوست مجاور تشتم فيه الرطانة واللي نوبة حقينك (دول) من ضمنهم
بس فات عليك انو الرطاني دا ما صنع اية قرانية كاملة زي جمال الوالي !
نواصل في عنوان البوست
انت مؤكد
تكره هذا التقارب
الذي سيعزلكم
ويضعف مساحات تلاعب حلافائك
وسيعجل بالتغيير
الذي سيفقدك الامتيازات التي كنت تستثمر فيها
ونحن نقول نقول وواعيين
دعنا نقلع الضرس الواجعنا دا
بعدها نستطيع الاكل والبلع
ووممكن نعزمكم معنا حينها شهامة ساي او ونسة في ضرانا
وال Photo session ما بخدم
البخدم والسؤال هو
هل نحن موجودين في مرحلة ما بعد اسقاط النظام ام لا؟
هل التغييير الذي سيحدثه حتى لو(الجن الاحمر) سيتجاوزنا وسيجعلنا مهمشين؟
ام سيحترمنا كمواطنيين متساويين في الحقوق والواجبات ؟
ويقيم العدالة في كل البلد
دي المكنكة التي لا تعرفها
تقبل تحياتي
أردول
|
يا عرمان يا مستهبل قاعدين وين؟!
قال نحن قاعدين…ههههههههههههه
اهل اردول لابع بيهم كورة انت.
ويا الصادق اسماعيل بطل استهبال
لا الحمر ولا البرتي حاملين سلاح زي نوبة الجبال
وزي ما ذكر لك كانتونا ولا عضويتهم داخل الحركه الشعبيه تعادل نوبة الجبال.
فملاذا الموت لهم و الكاميرات و الجعصه للاخرين؟!
لمصحلة من تفعل هذا يا الصادق اسماعيل؟!
لمصحة من تعتم عل كلمة الحق عن تهميش النوبه الواضح في الحركه الشعبيه؟!
حينما نآتي لقوائم القتلي
نجد
كل الاسماء اسمائهم
ووقت التوقيع باسم الحركه نجد كل الموقعين جلابه ايعقل هذا بس؟!
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: مبارك عبدالرحمن احمد)
|
إردول،
زول دا دقة قديمة
Quote: Dr. Ushari Ahmad Mahmud KHALIL
Personal information
• Nationality: Sudanese
Education
• PhD (Sociolinguistics) 1979; Georgetown University; Washington DC, USA
Professional experience
• 2011- June 2012 : Associate Professor at Addis Ababa University, Department of Linguistics
• 2010 : UNICEF Consultant in Yemen (Evaluation of the program for combating child smuggling)
• 2008-2009: Visiting Scholar at Cornell University in the USA (work on child protection, law, and judicial practice)
• 2004- 2006: Director of ZAW for Humanitarian Consulting and the International Institute for Humanitarianistics
–a joint set-up which I established for the provision of training, consulting, and studies in child protection,
trafficking in persons, domestic violence, law in social work, humanitarian action, and human rights.
• From 1996 to 2006: I held various positions and undertook several assignments with the United Nations Children’s
Fund (UNICEF) in Sudan, Kenya, Burundi, Saudi Arabia, the United Arab Emirates, and Yemen.
• Main areas of work with UNICEF: child protection, humanitarian action, sexual and gender-based violence,
the disarmament, demobilization, and reintegration of child soldiers; children in situations of slavery; children
in situations of trafficking in begging (Saudi Arabia) and in camel racing (United Arab Emirates); and children
in cross-border movement.
• 1989 – 1991: In administrative detention in Darfur for publishing a report on a massacre and on slavery in Sudan.
• 1979-1989: University lecturer at Khartoum University; Head of the Department of Sudanese and African Languages;
Director of Research in the Khartoum International Institute for Arabic. Focus on Sudanese languages
and on sociolinguistic issues in Sudan and in the Arab world.
Awards
• One Year Grant for undertaking independent research at Cornell University in the USA 2009.
• Human Rights Monitor 1990: Human Rights Watch
• Oak Human Rights Fellow. One semester at Colby College 2002
Address and Contact Details
• Dr. Ushari Khalil, Department of Training and Research-iHACS
• 0115 509 809 (Addis Ababa, Ethiopia) |
ما عندو إختصاص فى القضايا السياسية .. الزول أختصاصة فى محاربة الجريمة ضد الأطفال .. شنو جاى تتشوبر به هنا ...؟
بريمة
(عدل بواسطة بريمة محمد on 08-13-2014, 12:23 PM)
(عدل بواسطة بريمة محمد on 08-13-2014, 12:25 PM)
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: بريمة محمد)
|
بخصوص السؤال النوبة ما هم الحركة ولا الحركة هي النوبة !
ثانيا كلامك
/////
حسى لو تنازعنا فى حتت منو فينا نوباوى .. والله ممكن أقلعها منك .. أنت ما بتعرفنى أنا منو ..
////
هسع الجاب الكلام دا شنو انت قايل النزاع على الاصل العرقي دا كمان زي الملاواة في حوش بكري كمان! وماذا يفيد حتى لو كنت انت نوباوي ؟
انا قاعد اناقش فكار الضحلة وليس انتمائك العرقي ... وانت كم مرة تريد جر الناس للمستنقع العرقي بايحاءاتك الكثيرة
الحركة خربت الولاية!!!
انت مبسوط حدادى مدادي من النظام وبتدافع عنه باستماتة ولا تخشى في ذلك لومة لائم
ونحن غيرك ذلك فهذا النظام فاسد وجائر علينا جميعا يجب انتزاعه
جاي تخلينا نبارك ليهو زيك!!!
؟؟؟؟
.. نحن أصلاً فى الولاية ناس مساكين ..
شعب يستجدى قوته من خشاش الأرض والزراعة .. كان بإمكاننا نكونوا لابدين وسط جبالنا وبين سهول ووديان الولاية .. وزول يجئ يقتلنا مافى ..
لكن جاءت الحركة وبسببها فقدنا كل عزيز ونفيس ..
؟؟؟؟
الحرية قبل الخبز ي زول
طيب انت لو زول مسكين ما تقعد في مسكنتك دي ووقت البلد تروق تعال
مالك قاعد تتفنجط وتول نوبة الجبال وين ووين؟
//////
أخرجوا من الولاية وشوفوا ليكم ولاية أخرى ..
//////////////
بالله نمشي وين يا فالح ؟
اردول
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: بريمة محمد)
|
البيقرأ كلام بريمة وتراجي وتاور بيفتكر الآتي:
النوبة شعب مستضعف ويمتاز بروح القطيع ويمكن لأي جعلي مثل عرمان أن يلعب بيهم الكورة.
والنوبة ساذجين لذلك فتنظيم الحركة الشعبية يفعل بهم ما يريد
النوبة لا يعرفون حقوقهم لدرجة أن بريمة محمد بتاع سودانيزاونلاين بيطالب بحقوقهم.
النوبة ما في زول بيسال عنهم اللهم إلا كان تراجي وبريمة.
النوبة يؤيدون مطالب بريمة وتراجي وينصوبنهم متحدثين رسميين بإسم النوبة
النوبة يا جماعة ما بعرفوا الكلام
النوب حطب ووقود للنار، بيحاربوا وبيموتوا وهم ما عارفين قضيتهم وبيحاربوا وبيموتوا عشان ياسر عرمان وعقار
مش قلنا ليكم النوبة ساذجين وما ناقشين ابو النوم.
الكلام الفوق دا يا هو دا الدايرين توصلوهوا للناس
ولا قاعدين ليكم فوق رأي
| |
|
|
|
|
|
|
|
|
|
Re: نوبة الجبال حطب ووقود نار الحرب .. لا بواكى لهم فى صورة andquot;إعلان باريسandquot; ! (Re: الصادق اسماعيل)
|
الصادق اسماعيل...
الكلام الكتبته فوق دا..
كوووووله غلط فى غلط فى غلط...
وأفتكر من حق أى انسان يعبر عن رايه فى الموضوع البيهمه..
ودا ما معناه استصعاف لآصحاب الشأن..
ومعنى كلامك دا الناس ما تكتب الا ما يرضى الحركة الشعبية..
خير شر...
استضعاف اصحاب الشأن يا الصادق اسماعيل..
هو أنك تستخدم علاقاتك فى الحركة الشعبية..
زى علاقة ياسر عرمان بدكتور جون قرنق..
وتتحكم فى قضية بوضع اليد..
وتتحدث باسم اصحاب الحق..
بعد أن تستخدم كل الحيل لاستبعادهم..
زى ما بيعمل ياسر عرمان...
و افتكر منصب امين عام الجبهة الثورية ما بيديه كل الحق دا...
بل والfans بتاعينه يقولوا ليك النوبة غصبا عنهم يقبلوا بالوضع دا !
النوبة عمرهم ما كانوا ضعاف...
أو اغبياء...
أو ينقصهم من العنصر البشرى شئ..
والنوبة هم الشعوب الآصلية فى السودان..
ألا لو عايزين تزورا تاريخ السودان...
ودونك تاريخ السودان أمشى اقراه كويس..
والبيحصل حاليا...
ما هو ألا اقصى درجات الصبر وضبط النفس من النوبة..
وكل أول وليه آخر..
هو دا مستوى فهمك للشأن العام السودانى ؟
| |
|
|
|
|
|
|
| |
بريمة محمد
nour tawir
عبد الله شم
Mustafa Mahmoud
مبارك عبدالرحمن احمد
cantona_1
كمال الدين يوسف
الصادق اسماعيل
تبارك شيخ الدين جبريل
Tragie Mustafa
Elbagir Osman
Deng
فيس بوك
تويتر
انستقرام
يوتيوب
بنتيريست