|
Re: رمضان السنة ملالة (Re: حمد عبد الغفار عمر)
|
Quote: كل سنة وانت طيب يا عباس
ياخ دا شدة ما ملالة العصيدة غلبنا نأكلا
ياخ من الحر التلاجة كتمت تب وصوتها بقى نايص رغم إنها جديدة تقريبا أمس لما شفتها بالحالة دي
فتحت شباك المطبخ ومكيف الصالون (بذار ساي ) عشان التلاجة ما تفرطق لينا في رمضان كلو ولا التلاجة تبوظ في رمضان فعلا زي الساعة 4 لقيتا ليك اشتغلت تش . صحيت الساعة 10 ماشي الشغل ألقى ليك الشباك مقفول والمطبخ مولع نار
سألت الشابة حرمنا قالت لي الشبك أنا قفلتو لأنو بدخل الضب . يا ناااااااااااااااااس وقعدت أردح جنس ردحي الليلة أول يوم أردح في رمضان أحي أنا يا الضب ، الضب في ناس بياكلو تبوظ التلاجة عشان الضب ما يدخل وطبعا اتخيلت ليك في السخانة دي تمشي تجيب كهربائي وكمبرسون وفريون
النصيحة زي ما قال صاحب طه جعفر رمضان السنة دي بعمل نفسيات |
حمد عبدالغفار سلام يا حبيبنا وكا عام وانت بخير عبرك تحياتنا للخلوق طه جعفر طول مختفي رمضان السنه الما بكون جلي ليهو يوم او شرب بي الغلط اكون راجل متحزم ((كما تقول حبوبتنا صفيه)) رمضان محتاج فتوة تفتش لينا عن وقت مستقطع فيهو أو قضاء وكفارة في الشتاء ما سمعته بي كتاب الامير الوليد بن طلال القضي فيهو صلاة 3 شهور فايته عليهو في ليلة واحده
تعليقات ظريفه وبطالع في الموضوع علي النت واحد حسابيا قال صلاة 3 شهور 1530 ركعه لو قلنا كل ركعه دقيقه عايز ليهو 25 ساعه...لا حولااااااااااة شوف طال عمرو خراط ((كذاب)) كيف واحد قال لو طال عمرو شاف ليهو مسكين وقام بتاجيرو لمدة 3 شهور إصلي ليهو الاوقات في مواعيدا واداهو قروش كان عمل فايده واحتمال اجيهو أجر أكثر زمن كنا عذابة والناس بتتونس بالليل علي ايقاع الكبابي واحد صاحبنا (( ظريفه صاحبنا)) بتاع طشه اول كاس بتجرس منو طوالي اقول ليك الزول لو لقي ليهو واحد إأجرو لي اول كاس رمضان من شدة ملالة خلق مهن اضافية لي البغسلو العربات الهندي البغسل العربات في شركتنا اقول ليك (( سديق بعد نهاية دوام أنا شغل سيارة 20 دقيقه ودور مكيف بي 50 ريال في الشهر)) كونو العربية تكون بارده وانت ماشي البيت نهاية الدوام افضل من الغسيل.
| |
|
|
|
|