|
|
|
 Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: وضاحة)
|
Quote: جمال خضر والله بتبالغ كتلتنى بالضحك
ابو كضوم دا ما تفخوا اكتر من كده بطرشق
اصلوا منفوخ خلقة ههههههههههههههههههههه |
وضاحة إتضح لى من تعليقك أعلاه إنك لا تعرفين قدر الخبير فهو ثروة قومية يجب الحفاظ عليها
فهذا الرجل يمتلك من القدرات والإمكانيات والخبرات المهولة ما جعل دول العالم
الأول تتنافس فيما بينها لتفوز بخدماته ليكون أحد صناع القرار لديها وعُرض عليه أموالا يسيل لها اللعاب
وتفوق ما صُرف على ميسى ونيمار وهو يرفض بكل إباء وشمم ووضع كل خبراته فى خدمة السودان
وأهله وحكومته الرشيدة وأسهم إسهام مُقدر فى التطور والنمو والنهضة الشاملة التى شهدها السودان
خلال ربع قرن وأقل شئ نقدمه له هو أن تنحت له التماثيل التى توضع فى الأماكن العامة ويجب أن
يكون هناك شوارع بإسمه فى كافة ولايات السودان .( وهذه قطرة فى بحر عطائه)
| |
 
|
|
|
|
|
|
|
|
Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: بدر الدين الأمير)
|
Quote: جمال خضر رمضان خبير
بالله ما تفوت الفرصه دى على ناس دارفور اديهم خبر
عشان يتملو طلعت سيادته البهية ويعبوا الدنيا هتافات
اصلوا كبر حاقد على الخابور الوطنى ما حا يكلمهم..
احى انا ان شاء الله نسمع بخبر الخابور الوطنى ده كمان
وين الياور محمد عمر الفكى؟؟ |
ود الموج هذا الرمضان من أجمل الرمضانات التى مرت علي لان الخبير بذل الغالى والنفيس
فى سبيل أن تذخر خيمته الرمضانية بكل الخيرات المادية والروحية و ستنتشر هذه الخيم فى كافة
بقاع السودان وخصوصا مناظق النزاع وسيكون لدارفور القدح المعلى من تلك الخيام لأن منظمات
الخبير ستضع إستراتيجيات قريبة وبعيدة المدى من أجل إحلال السلام الدائم فى دارفور وسيترأس
الخبير وفد التفاوض لأن الخبير مُجمع عليه من قبل كل الحركات .
| |
|
|
|
|
|
|
|
|
|
Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: garjah)
|
Quote: اجدو الياور حقو راح في طهـور بت الكاشف جمال عصر عليهو شديد
جمال انتهز فرصة ان حيل الياور مهدود من العتالة واجهز عليه ولحقو نيمار |
بدر الدين الأمير أنا من شفتك تتحاوم جنب الخيمة وتتنصت عند بابها عرفت
ان غرضك غير شريف وهدفك هو بذر بذور الفتنة بين عتالة الخبير حتى ينفضوا
من حوله فتنفردوا به وتغتالوا شخصيته لكن نقول لك ولمن لف لفك تجدوها
عند الغافل ستظل جبهتنا الداخلية موحدة حول زعيمنا المفدى الخبير صلاح
بن غريبة وحبوبته ست النفر السيسى .
الله أكبر ولا نامت أعين الجبناء
| |
|
|
|
|
|
|
|
|
 Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: muntasir)
|
والله ما شاء الله وتبارك الله حظنا ناس كردفان عشان الخبير حيجينا يفتتح ويدشن لنا طريق بارا - أم درمان، لكن والله يا أهلنا في بارا مصيبتكم مصيبة معقولة بارا يحكمها الناظر (السير) محمد ود تمساح زانوق (زولا سنونه بروق في محكمة زانوق) ويغني ليها الراحل الشاعر عثمان خالد والشاعر محمد مريخة والشاعر التجاني مساعد والشاعر الدسوقي خالد ويكتب عنها الدبلوماسي الأستاذ فخرين الدين كرار ومنها شيخ السفراء الأستاذ حاج الفكي هاشم (يفتتح ويدشن) طريقها الخبير صلاح غريبة؟ الطريق دا طريق ولا سندالة؟
| |
|
|
|
|
|
|
|
|
|
Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: عبد الله شم)
|
قبل شوية ماشي على الشغل لقيت 6 باصات واقفة ومليانة ركاب، قايلها كشة جوازات
لكن
اتضح لي لها انهم ابناء الابيض البررة وهم في تدافع عفوي نحو المطار للتوجه الى الابيض لرؤية خبيرنا ومعاه بكري صاحبو.
الغريبة، لقيت سعوديين راكبين في الباص 
اخي جمال
لا تلتفت لعربي اربجي فهو كما قلت يريد الوقيعة بيننا نحن معشر العتالة حتى يخلو له الجو بجوار الخبير، هو الخبير هين؟ زول بسوق معاهو نائب رئيس جمهورية لافتتاح طريق؟
الافتتاح دا ما تعملوهو بتفحيط هينو زد اكس ووقفو الخبير دا في نص الزلط عشان نشوف الزلط دا كيف مع الفرامل. يتجر فيهو ولا ابو الشهيق؟
| |
|
|
|
|
|
|
|
|
|
Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: dardiri satti)
|
| Quote: الله لا كسب النايب الاول الملصق في خبيرنا و عامل زي قصة القرادة و الجمل |
يا أسامة ياخي جملتك دي مبهمة!
بعدين حكوة الجمل والقرادة دي موغلة في العامية وبعرفوها بس عوام الناس. وبصراحة
ما من اللياقة أن تأتي بعبارات شعبية من الشاكلة دي لسعادة الخبير الغريبة.
لتعميم الفائدة سأروي قصة القرادة والجمل:
يروى أن أحد اليهود قبل هجرتهم من مصر كان بنضف حوض السباحة التابع للفرعون رمسيس. وبعد غضب الفرعون على اليهود وقرر قتلهم فهرب جميع اليهود من بطشه بما فيهم عامل حوض السباحة.. وحينذاك حدثت معجزة إنفلاق البحر وبسببها نجا اليهود. ويحكى أن مجموعة منهم بعد نجاتهم كانوا متكلين في قوز رملة بتونسوا في ضوء القمرة، قوم يا الزول الكان شغال مع رمسيس نظر للجماعة "أنا ورمسيس كنا بنعوم مع بعض ورمسيس قال لي وانا قلت لرمسيس، .. وهكذا"، فزجره أحد سادتهم وقال ليهوا "ويحك يا رجل رمسيس شنوا الأنت بتنضم معاهوا!! أنت زي القرادة القاعدة في مؤخرة الجمل وتفاخر بين القراد " أنا والجمل مشينا الإهرامات، أنا والجمل مشينا وادي الملوك، أنا والجمل مشينا ... الخ"
ويقال أن السامري يومها ضحك لحدي ما إنقلب قرد.
| |
|
|
|
|
|
|
|
|
|
Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: محمد عمر الفكي)
|
والله فعلاً كلام مضحك ..!! بالله الكلام ده طالع من واحد مقتنع إنو خبير وطني ... لك الله يا وطني !!!
* قال إيه قال تحت نظر السلطات والبلديه هههههاااااااا هو بالله في سلطات ولا في بلديه .. !!؟؟؟؟
* وكمان قال دون احترام حرمة المقابر يعني الأموات ديل يا ربي ح يتضايقو من ريحة الدخان ولا شنو ؟؟؟؟
*أما الجزء القطع مصارينك من الضحك قال إيه قال : ودون فرز أنواع القمامه .. !!
ياخي والله خبيركم ده خبير تحفه .. بالله عليكم هسي منو المختل عقلياً الزول الكاتب الكلام ده ولا الزول البجمع في القمامه ؟؟؟؟
والله خبيركم ده يوم إقتل ليه زول بالمغسه ...!!
| |
|
|
|
|
|
|
|
|
|
رد (Re: جمال خضر)
|
يا جمال
سلام عليكم
مراسل المرصد لم يكن مهنياً في نقله للأخبار فقد اغفل عن عمد خبر المظاهرات المليونية المحتجة على قدوم النائب الاول بصحبة الخبير لتدشين الطريق قائلين ان حضور الخبير يغني عن وجود اي شخصية سيادية اخرى
للاسف وردني سقوط عدد من الجرحى نتمنى لهم عاجل الشفاء.
تكفل الخبير بعلاج الجرحي ومنهم حالتين حرجتين تم نقلهم بطائرة خاصة على نفقة الخبير للعلاج بالقاهرة. وقد امتدت انسانية الخبير عندما تكفل بقروش الداية التي ولدت مرة اثناء استقبالها لسعادته وتم اطلاق اسم صلاح على المةلود.
| |
|
|
|
|
|
|
|
|
|
Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: جمال خضر)
|
Quote: يا جمال
سلام عليكم
مراسل المرصد لم يكن مهنياً في نقله للأخبار فقد اغفل عن عمد خبر المظاهرات المليونية المحتجة على قدوم النائب الاول بصحبة الخبير لتدشين الطريق قائلين ان حضور الخبير يغني عن وجود اي شخصية سيادية اخرى
للاسف وردني سقوط عدد من الجرحى نتمنى لهم عاجل الشفاء.
تكفل الخبير بعلاج الجرحي ومنهم حالتين حرجتين تم نقلهم بطائرة خاصة على نفقة الخبير للعلاج بالقاهرة. وقد امتدت انسانية الخبير عندما تكفل بقروش الداية التي ولدت مرة اثناء استقبالها لسعادته وتم اطلاق اسم صلاح على المةلود. |
أخونا محمد الفكى مراسل المرصد أُصيب وأُدخل الى المستشفى وما زال يتلقى العلاج وقد ذكر لى أن فى جُعبته الكثير من الأخبار
بما فيها ما ذكرته من مظاهرات ضد النائب الأول أما بخصوص تكفل الخبير بعلاج الجرحى فى الداخل والخارج والتكفل بكل مستلزمات
الولادة لنلك المرأة فقد رفض الخبير رفضا باتا أن نُعلن عن ذلك الخبر لأنه يعتبر ذلك واجبا عليه وليس منة على أحد وطبعا الخبير
ظل على الدوام يصرف على المحتاجين واليتامى فى تكتم شديد .
كسرة
بخصوص المرأة التى وضعت أثناء الحشد فقد وضعت توأم ولدين وأسمت أحدهم صلاح والآخر غُريبة .
| |
|
|
|
|
|
|
|
|
|
Re: الابيض تتأهب عن بكرة ابيها لاستقبالي والنائب الاول لتدشين بداية العمل في طريق بارا/امدرمان (Re: جمال خضر)
|
Quote: ه حتى نُفحم المتربصين بالخبير
أمثال الموج وبدر الدين ومن لف لفهم |
جمال انا لا ياخى لكن بدر الدين الامير ده يحسد حبوبة صلاح غريبة على حمار منكيرها
الله يقرفه ياخى زول حاقد ومتربص بس، لكن غريبه ده مش يفتح طريق ده فتح
مرارتنا وجاب لينا شلل اطفال وتبول لا اردى وزهايمر فى الجنا جداد
بكرى ده فى رمضان ما يعمل لينا اوكازيون ويخلينا ناخد راحتنا شويه ويسمح لينا نفتح
الملف الخلفى والله كان شفتو شوف انتو و الخابور حقكم ده يا علوج،،،
| |
|
|
|
|
|
|
|
|
رد (Re: kamal omer)
|
ساكت يا كمال من باب واذا خاطبهم الجاهلون قالو سلاما
نحن كا ما جهلا بنعتل لسعادتو؟
| |
|
|
|
|
|
|
|
|
|
Re: رد (Re: محمد عمر الفكي)
|
Quote: جمال انا لا ياخى لكن بدر الدين الامير ده يحسد حبوبة صلاح غريبة على حمار منكيرها
الله يقرفه ياخى زول حاقد ومتربص بس، لكن غريبه ده مش يفتح طريق ده فتح
مرارتنا وجاب لينا شلل اطفال وتبول لا اردى وزهايمر فى الجنا جداد
بكرى ده فى رمضان ما يعمل لينا اوكازيون ويخلينا ناخد راحتنا شويه ويسمح لينا نفتح
الملف الخلفى والله كان شفتو شوف انتو و الخابور حقكم ده يا علوج،،، |
وراء كل عظيم حبوبة عظيمة علشان كده نجد المتربصين يتحينون الفرص للنيل
من خبيرنا الذى نفديه بدمائنا وأرواحنا عشان كده نرجو من حرس الخبير تفتيش
أى شخص يريد مقابلته سوا اكان ذلك فى الخيمة أو فى مكتبه ويجب ألا يُترك على
إنفراد مع أى شخص وما يخمكم الموج و الأمير بمعسول الكلام فهما أكتر الأشخاص
إستهدافا لزعيمنا لذا يجب الا يكلماه الا من خلف حجاب فخبيرنا ثروة قومية لا يمكن
تعويضها .
| |
|
|
|
|
|
|
| |
صلاح غريبة
سليمان القرشي
خالد زين العابدين حاج نور
اسامة محمد ابوبكر
بدر الدين الأمير
جمال خضر
وضاحة
صديق الموج
Deng
garjah
أحمد التجاني ماهل
عبد الله شم
محمد عمر الفكي
mohmmed said ahmed
هشام المجمر
Osama Mirghani
عبد الحميد فخر الدين
Ahmed Alim
ابوحراز
جعفر محي الدين
Othman Al-Hasan Babikir
Hololy
cantona_1
aosman
kamal omer
فيس بوك
تويتر
انستقرام
يوتيوب
بنتيريست