يعلم الله بنحبك ياصامدة يافاهمة يا د مريم

Quote: التحيه لك اخي الموصلي و التحيه لكل من قال لا بوجه الجلاد التحيه لمريم الشجاعه. ومعا لنصرتها ونصرة زوجها دانيال و اني.

(عدل بواسطة Elmosley on 05-17-2014, 11:09 PM)

Quote: يا استاذنا الموصلي والله ضربت افضل اشكال المواجهة والصمود لك التحية عرفت من تحب

Quote: الله يديك العافيه وكلام الشيخ السويدان واضح وضوح الشمس لكن هل يسمعون ان يستمروا في مسلسل شده الناس بمواضيع يخفون وراءها عمايلهم السودا من نهب لاموال الشعب وتخبط في سياساتهم

Quote: الموصلى الجميل جمعة مباركة اكيد ربنا حا ينصرة على الظلمة المجرمين تجار الدين شوهوا سمعتنا كا مسلمين وسودانين نعلة الله عليهم الحرامية الارزقية

Quote: يا سلام عليك يا موصلي بارك الله فيك لو وقف كل المشاهير في مجالات الفن والسياسة والثقافة نفس موقفك نشكل ترياق قوي ضد قوانين تكبل الحريات وتعيق الانسانية شكرا لك بهذا الموقف الانساني ودعوة عبرك لاهل الفنون بكل اشكالها ان ينحو نفس منحاك لان قيمة الانسان غالية

Quote: سلام يا أستاذ موصلي، يا سيدي، نتفق مع وصفك لمريم بالصمود ونقف مع حقها في الإختيار، لكن وصفك ليها بأنها "فاهمة" مبني على شنو؟ لو قلت لي المسيحية أحسن من الإسلام؛ بزعل منك!

(عدل بواسطة Elmosley on 05-26-2014, 02:38 PM)

Quote: 1. عشان ارتدت من الإسلام للمسيحية ؟ (بافتراض انو دي الحقيقة).

Quote: 2. ولا عشان نكرت أهلها (بافتراض انو هم أهلها)

Quote: ربنا يجعلة شفيعا لوالدية ويجبر كسركم وينزل السكينة والصبر علي قلوبكم انالله وانا الية راجعون 4 mins · Like

(عدل بواسطة Elmosley on 05-27-2014, 08:50 PM)

Quote: سلام تاني أستاذ الموصلي في رؤيتي الخاصة أنو قضية مريم دي قضية اجتماعية في الأساس، يعني القضية لو اتمسكت من جانب اجتماعي كان بكون أفيد لمريم وقضيتها، لكن للأسف لبست توب سياسي ودا ضر مريم وزوجها وقضيتهم. لأن معرفة أصل المشكلة هو كل العلاج، وأنا في رأيي أن قضية البنت دي في جوانب كتيرة مخفية لأسباب كتيرة أهمها الخجل والخوف من المجتمع، فالناس لو دايرة تعالج المشكلة تتواصل مع الناس اللي قالو دي بتنا، لأنو جانب الحكومة موضوع صدقني هين وبتحل لأنو الطرفين المتنازعين هم البنت والناس اللي بقولو دي بتنا، فالناس تركز في الجانبين أما الطرف التالت اللي هو الحكومة صدقني موضوعو بتحل. وشكراً يا محترم

(عدل بواسطة Elmosley on 05-29-2014, 00:23 AM)

Quote: يا الموصلي مبروك لينا ميلاد طفلة مريم و دانيال. ومعا حتي يمشوا بيتهم بسلام.

Quote: التحيه لك , أخى العزيز أستاذ الموصلى على موقفك الإنسانى النبيل .

Quote: السلام على من اتبع الهدى - قال تعالى: " بشر المنافقين بأن لهم عذابا أليما . الذين يتخذون الكافرين أولياء من دون المؤمنين . أيبتغون عندهم العزة فإن العزة لله جميعا".[النساء:138،139]. 2- وقال تعالى : " ترى كثيرا منهم يتولون الذين كفروا لبئس ما قدمت لهم أنفسهم أن سخط الله عليهم وفي العذاب هم خالدون . ولو كانوا يؤمنون بالله والنبي وما أنزل إليه ما اتخذوهم أولياء ولكن كثيرا منهم فاسقون" [المائدة:80 ، 81]. 3- وقال تعالى " ياأيها الذين آمنوا لا تتخذوا اليهود والنصارى أولياء بعضهم أولياء بعض ومن يتولهم منكم فإنه منهم إن الله لا يهدي القوم الظالمين . فترى الذين في قلوبهم مرض يسارعون فيهم …" كيف نحب اشخاص لا يحبهم الله ؟؟ تجادلون عنهم في الحياة الدنيا فمن يجادل الله عنهم يوم القيامة ؟؟؟ ......

(عدل بواسطة Elmosley on 05-28-2014, 02:04 PM)
(عدل بواسطة Elmosley on 05-28-2014, 02:15 PM)

Quote: إلى قوله " ياأيها الذين آمنوا من يرتد منكم عن دينه فسوف يأتي الله بقوم يحبهم ويحبونه أذلة على المؤمنين أعزة على الكافرين يجاهدون في سبيل الله ولا يخافون لومة لائم ذلك فضل الله يؤتيه من يشاء والله واسع عليم …" الآيات ، [المائدة 51-57].

Quote: أما الطرف التالت اللي هو الحكومة صدقني موضوعو بتحل.

Quote: وهذا البوست مافتح الا لتوريط الحكومه يعني نكاية في الانقاذ يريدون اشعال فتنه دينيه يبيحون ماحرم الله نهارا جهارا والعياذ بالله ولا تدخلو علي المشركين في كنائسهم ومعابدهم فان السخطة تتنزل عليهم. وناس استاذ الموصلي يؤيدون و يريدون السخطه تتنزل علي بيوت المسلمين وهم يهللون ويكبرون لها

(عدل بواسطة Elmosley on 05-28-2014, 04:56 PM)
(عدل بواسطة Elmosley on 05-28-2014, 04:58 PM)

Quote: دي كلامي اللي قلتو أنو الحكومة موضوعها ساهل، الحكومة يا موصلي لقت في موضوع ردة مريم أو أبرار خريف أبو سعن تلهي بيه الناس من مرض البشير لقوات الدعم السريع والغلاء وغيره، شوف بالله الناس دي في زول مذكر حاجة اسمها الغلاء ومعاناة الغلابة المطحونين بسببه لا أكيد، الإنقاذ دي أو الأخوان المسلمون ديل ماعندهم أي غيرة على الدين يرتد من يرتد ويسلم من يسلم ولا يهمهم البهمهم بس حكمهم، يعني السودان كله لو ارتد مافارقة معاهم بشيء لكن لو قالو ليهم ارتداد زول واحد يعني زوال حكمكم يعدمو زي الترتيب.

Quote: يلا المواضيع الرئيسية في قضية مريم أو أبرار هي منو؟ أهلها منو؟ الحقيقة وين؟ الناس الفتحو قضية؟ معاناتهم بسبب فقد بتهم دي؟ وليه البت ما تجيب اثبات إنها ماعندها علاقة بالناس ديل؟ وين شهادة ميلادها الحقيقية وين شهاداتها المدرسية درست وين؟ وغيرها صدقني بعد يوم يومين ماف زول حيسأل ولا يجيب خبر مريم، وبكرة تسافر أميركا وتخلي أهلها المفترضين في عذاب نفسي وفي وضع اجتماعي سيء وتترتب على القضية دي آثار سيئة أقلاها باقي القبيلة والأسرة والمناطق ومناطق تانية في السودان يمنعو بناتهم تماماً من قراية الجامعة والسفر للخرطوم وبكرة نسمع ناس حي ووب يثكلو

(عدل بواسطة Elmosley on 06-03-2014, 03:03 AM)

Quote: اها في دي عزيزي يوسف بنختلف معاك ليه مريم تجيب شهادات اثبات اهلها ما يجبو هم شهادات وليه نصدق اخوها غير الشقيق ومانصدقها هي بعدين في النهايه زوله قالت للقاضي انا عمري ما كنت مسلمه ليه نحن بنحاول نخليها مسلمه حقو نخلي مصداقيتها محكومه بالله سبحانه وتعالى وليس البشر

Quote: سؤال أنا لو جيت قلت ليك انت ما يوسف الموصلي إنت جورج قرداحي حترد علي كيف وبشنو ؟؟ أخوانها وأهلها جابو ما يثبت شهادات وغيره، واعتقد أصدق دليل الصورة الجماعية معاهم ومعاها اختها اللي اتزوجت أنا برجح حكاية الاعتلال النفسي الحاصلة للبت دي أكتر من أي تفسير، ماف زول حاول يخليها مسلمة أهلها المفترضين هم القالو مسلمةوهي ما أثبتت أنها مسيحية من صغيرة يفترض تجيب شهادة ميلاد والمستندات اللي فيها ديانتها لو أصلاً مسيحي