|
الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
|
 Re: ألف مبروك للإبنة رزان إبنة الشقيق وعضو البورد عبداللطيف بكري (Re: عبد اللطيف بكري أحمد)
|
Quote:
ياسلام يا ابو الحسن،،
تشكراتي وتقديري على إطلاق هذه الفرحة على الهواء
وحقيقي افرحتني روزا بهذا النجاح المميز،،
ستكمل رزان بإذن الله دراستها الجامعية في جامعة ترنت بنوتنجهام وستتخصص في الفاينانس،،
ربنا يدينا واياكم فاينانس مميز ولي بلدنا زاتو ، وعقبال نفرح معاك بتخريج جوز اللوز احمد وفاطمة،،
|
والله يا عبدو فرحتي ما أظنها أقل من فرحتك، فكلنا ركاب سرج واحد
سرج الفرقة والعذاب من أجل الأبناء وها نحن بفضل من الله نجني ثمار الغربة والشتات...
حقيقي فرحتى مش لرزان بس وإنما أكبر لكما أنت وأم خالد الله يديها العافية ويصبرها ويعينها على الغربة والشتات وكذلك أم سارة...
ما قلت لي الكرامة متين، (مشتهي لي مرارة كرج كرج)
عارفك ح تقول لي مرارة في عينك.....  ...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
 
|
|
|
|
|
|
|
 Re: ألف مبروك للإبنة رزان إبنة الشقيق وعضو البورد عبداللطيف بكري (Re: صديق الموج)
|
الشكر الجزيل والامتنان لكل من:
اخوان واخوات رزان (يمكن نطلع من هنا بمهر كمان هههههههه)
اعمام وعمات رزان
خالات واخوال رزان
جدود رزان (هم اتنين بس) لكن الجمع شنو ماعارفو هههههههه عارفين رقبتهم ،،
وفرحي بمشاركتكم لا تحدها الحدود
وياريت كل يوم نسمع مايفرح ويشرفنا من ابنائنا وبناتكم في هذا الزمن العصيب،،
شكراً لكلٍ منكم بلاعدد ونردها ليكم في مناسباتكم الاسعد من كدا يارب،،
| |
|
|
|
|
|
|
|
|
|
Re: ألف مبروك للإبنة رزان إبنة الشقيق وعضو البورد عبداللطيف بكري (Re: ياسر السر)
|
العزيز / صلاح عباس فقيري : كتر خيرك ، وربنا يتقبل دعواتك ،،
المبدع / الفاتح ميرغني : نبارك ليك الحج ياخ وكت ابيت تتحرك هههههه،، سلمت ياحبوب!!
الحبيب أبو حسين / أهنئك والله من جوة قلبي للتفوق الباهر أيضاً للأبن محمد عادل الذي أختير من ضمن برنامج (الموهوبين بالمملكة) ودا والله نجاح يحتاج ذبيحة لكن البقول بغم منو ،
وكمان تقوق الإبن حسين للدخول للجامعة ، ماشاء الله ولاقوة إلا بالله ، تحياتي وتبريكاتي للأخت سماية أيضا ،،
الشقيق / أحمد الشايقي : آمين يارب وعقبال نفرح بالأمورة ريما وولي العهد الحسن الأول وجديدهم يارب ،،
العزيزة / رشا سالم :آي والله صدقتي ، نتيجة أدخلت في نفوس الأسرة بهجة كبيرة ، ومشاركتكم لينا فرح آخر ودليل لتآلف الوجدان السوداني وتلقائيتو في تبني أفراح البعض بكل صدق.
حبيبنا أسامة العوض/ بارك الله فيك وأفرحك بنجاح من تحب وجعل دنيانا مفعمة بكل مفرح بعد أن حاصرتنا الإحن والشدائد،، أشكرك والله ياحبيب،،
| |
|
|
|
|
|
|
|
|
|
Re: ألف مبروك للإبنة رزان إبنة الشقيق وعضو البورد عبداللطيف بكري (Re: عبد اللطيف بكري أحمد)
|
الصادق الصديق:
Quote:
والله ماشاء الله تبارك الله
مبروك يا الحبيب نجاح بنتك
هي بت منو ياخ - ما بنتك انت يا راقي
وبالتأكيد والدتها مثلك لأن الله قال الطيبون للطيبات
أسأل الله أن يديم عليك نعمه يا ابو روزا (كما سميتها انت)
ويديم عليك نعمة الصحة والعافية والنجاح في كل شيء انت تصبو اليه |
أقول شنو عاد تاني؟؟؟ ربي يجعلني عند حسن ظنك ويتقبل دعواتك الصادقة ويحقق لك مثلها وأكثر أضعاف اضعاف!!
البعيد القريب / يحيى قباني : تعرف ياحبيب ، أنا قاعد أقول لأولادي انو رزان دي بحكم تخصصها في الإدارة المالية حتكون هي التوب في السلم الوظيفي وصاحبة الرصيد
الأكبرفي البنوك ، فلازم الزول يكسر ليها تلج من الآن : هي أمنت على كدا ووعدت بأن تكون هداياها لنا في شكل فاوتشر تذاكر سفر وفنادق
وورلد وايد ، فبالله شنو : شوف لي الحتة إياها وذات الشرفة المطلة ، خمسة نجوم ماتشيل هم ، معانا وزيرة المالية زاتها ،،، ههههههههه ،، تسلم ياحبيب
الخال حمزاوي : شتيلة القرير الرايقة ، وهي مزيج من القرير / الرياض ورمل الدروب في كردفان تتجلى الآن في غابات روبن هوود بهذا السلاح النافذ،، شكرا ياخال!!
عادل الباهي : كتر خيرك ياصديقي ويارب أشاركك فرحة أكبر منها وقعاً في نفسك ومناسبات أخرى أسعد وأسعد تعقبها ،،
| |
|
|
|
|
|
|
|
|
|
Re: ألف مبروك للإبنة رزان إبنة الشقيق وعضو البورد عبداللطيف بكري (Re: عبدالمجيد المقابل)
|
الأخ العزيز / حمد عبد الغفار ، بارك الله فيك وتقديري بلاحدود ،،، ان شاء الله ربنا يكتب لينا لقاء آخر في رمضان الفينا دا بإذن الله،،
ود الباوقة : ممتن كثير لك أخي العزيز عمر ، وربنا يفرحنا بكل الأبناء والبنات ،، (اجتهد لينا في الوظيفة من هسي) ماتبقى خوة كي بورد ساي ،،
الشغيل ،، بارك الله فيك ياحبيب ويجزيك كل الخير ،، حرك لينا شباب القروب ديل للعضة ، أعمام البت أوانطة ساي؟؟
الأستاذة / مهيرة ، باكر الله فيك وسعيد بمرورك هنا ومتابع إحتفائك الدائم بمثل هذه المواقف المفرحة ،، ربنا يفرحك كمان وكمان وامنياتي لك بموفور الصحة والسعادة،،
اخي حسين ديقول : تسلم ياحبيب وربنا يتقبل دعاءك وكل أمنياتي لك وللأسرة الكريمة،،
| |
|
|
|
|
|
|
|
|
|
Re: ألف مبروك للإبنة رزان إبنة الشقيق وعضو البورد عبداللطيف بكري (Re: عبد اللطيف بكري أحمد)
|
العريس خالد عبد الله محمود ،، شكري وتقديري ياحبيب ، كيف مع الكاس البايخ لغاية هسي دا؟؟ انا طبعا فريقي هو فرنسا منذ بلاتيني : بنزيمة يمضي قدماً لتحقيق نبوءتي بإختياره أفضل لاعب في العالم عن قريب !!
رزان ناذر : أشكرك بالنيابة عن رزان وأشكر بابا ناذر وكل الأسرة ، وياحبيب أوعك تجينا يدك فاضية ،،
نعمات عماد / جوزيتي كل الخير وتقبل الله دعواتك وأفرحك بنجاح وتفوق كل من هم في حياتك يارب ،،
أخي كمال ادريس : آمين آمين ، وربنا يجزيك كل الخير ونفرح معك بكل ماهو جميل في حياتك والأسرة الكريمة،،
أبو حيدر الموج : والله ما أعظمها من نعمة ، له الحمد وله الثناء وربنا يوفقهم جميعا أبناء السودان في كل انحاء الدنيا،،
| |
|
|
|
|
|
|
| |
Al-Shaygi
الفاتح ميرغني
ABUHUSSEIN
أحمد الشايقي
رشا سالم
أسامة العوض
الصادق صديق سلمان
يحي قباني
عادل الباهي عبدالرازق
حمد عبد الغفار عمر
مهيرة
حسين ديقول
خالد عبد الله محمود
ناذر محمد الخليفة
نعمات عماد
كمال ادريس
صديق الموج
saidahmed shami
SHIBKA
عبد الله شم
ياسر السر
الصادق خليفة
بله محمد الفاضل
ismeil abbas
محمود أحمد أبوشرا
محمد المرتضى حامد
د.محمد حسن
عبدالمجيد المقابل
Elmosley
فيس بوك
تويتر
انستقرام
يوتيوب
بنتيريست