|
انتوووأ شنووو قصة اللوترى "الحائمة دى"....يعنى البلد كلها عايزة تمشى أمريكا
|
صابنى التعجب و الآندهاش و الجميع يتسابقون للذهاب لامريكا كانه الدولة الوحيدة الباقية فى العالم و كاننا صرنا فلسطسودانيون و ليست لنا بلاد و لا اصل و لا فصل و لا صوماسودانيون و ليست لنا اى بلد و لا تاريخ و لا جغرافية.....و المنبر كلو لوترى و فائزين و خاسرين و صايرين خبراء فى كيفية تهجير ما تبقى من البلد الى امريكا.
يا اخوانا......ياخى ما نجيب أمريكا دى لعندينا و نرتاح ما دام اصلوا الجماعة الحاكمنين ديل زاتم كان لاقين طريقة كانوا هاجروا لامريكـــا بما غنمــــوا فى 25 سنة من اللقف الممنهج و المنظم حتى لم يتبقى شــــئ ليلقفوووهوأ.
25 سنة ضاعت من عمرنا و عمر كل من عاشها و هو يطمع و يحلم بان يستقر فى بلده عزيز مكرم فى كل شئ و ها نحنا اصبحنا كمن فقد وطن عزيزاً و نحلم بوطن بديل....حتى لو فى الصين......
عجبى........د
صديق القاعد بعيد
|
|
|
|
|
|
|
|
دق خروج نهائي وتعال شوف الاسباب عن قرب (Re: Siddig A. Omer)
|
صديق سلام، ملفك يقول إنك دخلت عالم المسنين وبديت تنظر للآخرة أكثر من نظرك للدنيا، والشباب ديل لسه صغار، ملانين أحلام وطموحات، والجنسية الأمريكية(حاليا) وضعها في الخليج أفضل من دكتور سوداني الجنسية ، ناهيك أن يكون يحمل شهادة جامعية، المهم الناس تحافظ على عقيدتها المسلمة السمحة، وحيثما تولوا فثم وجه الله. وعشان تعرف الناس طالعه مالها... دق خروج نهائي وشيل حقوقك وتعال لبلدنا السمحة دي أقعد فيها. تحياتي وتقديري لناس المدينة عرب
| |
|
|
|
|
|
|
Re: دق خروج نهائي وتعال شوف الاسباب عن قرب (Re: قصي محمد عبدالله)
|
تحية للاخ صديق وطولنا من بوستاتك. يبدو انك فعلا قاعد بعيد. تخيل واحد بي ماجستير اداب لغة انجليزية قاعد في البلد دي وصابر صبر عجيب السنة دي بالذات قدم لي جامعة سعودية وللاسف اخدوهو لكن والله لمن الناس عرفتو اتعاقد بي كم بحنسو فيهو والتلفونات تتطاقش وهو قال عديييل انا ما داير مع البلد دي . ( المرتب يتجاوز الخمس الف ريــال بقليل). انا بي نفسي اتكلمت معاهو قريب ساعة وقلت ليهو على الاقل شوف حتة غير التعوسية دي لكن لمن يحكي ليك الحاصل ليهو تقرب تقطع ليهو تذكرة اسي دي. داير تعرف الناس بتهاجر ليه ؟ شوف طيور الله الفي السماء دي لمن الحتة البكونو قاعدين فيها ( تنشف نشاف شديد بقومو يلمو عدتهم ويمشو عكسها طوالي ) .
الاسباب كتيرة اولها ( الاحباط وعدم الامان ) . ودي
| |
|
|
|
|
|
|
Re: دق خروج نهائي وتعال شوف الاسباب عن قرب (Re: مهدي صلاح)
|
يا مهددددددى (طبعاً مسن و تمتام كممممممان).......طبعاً قصــــى دها راجل حاقد ذى عمر البسير و ما عندو حاجة غير افتش البروفايلات ( االتقول شغال فى الجوازات)...
Quote: ونحن - معشر الشعب الفضل - نتفرج
|
يامان تعال معانا هنا حيث قطر و القروش مطر.......(طبعاً دى رشوة عشان ما تتطلع البروفايل للخارج) احسن تتخارج انته.......
صديق القاعد بعيد ت: 55872612-974+ الدوحة - قطر
| |
|
|
|
|
|
|
Re: دق خروج نهائي وتعال شوف الاسباب عن قرب (Re: Siddig A. Omer)
|
تحياتي أ.صديق
Quote: خلاص يا قصى ياخى خلينا نتفق.... نهجر الحكومة.....اها رايك شنووووو؟؟؟ |
هههههههه تهجر أعضاء حزب واسرهم حكموا لمدة ربع قرن من الزمان بعد الحكم! يعني تكوين (فجأة كده) دولة كيزانية جديدة، وقد تكون مجاورة للسودان القديم، ودي في حد ذاتها فيها خطورة للباقين في السودان الاصل وهم: حبة شيوعيين و بعثين و أنصار المهدي، وشوية كيزان متحللين! والباقي أسر المغتربين الداقين خروج نهائي. نسأل الله أن يرد غربة جميع السودانين سالمين غانمين، والبلد أكثر رخاء وسلما وأمنا. تحياتي وتقديري
| |
|
|
|
|
|
|
Re: دق خروج نهائي وتعال شوف الاسباب عن قرب (Re: Siddig A. Omer)
|
سلامات يا صديق بالله اخبار الخور شنو؟ سلامات الخور ولفان وسوق واقف والكورنيش،،، انت شكلك ليك زمن من البلد ... داديك من بيت الكلاوي؛ الزول الكان بياخد مرتب 5000 جنيه يا صديق مرتبو دا في 2010 كان بيساوي تقريبا 2500 دولار دا عشان يجي يغترب في قطر مفروض على الاقل يعرضوا عليهو 10000 ريال عشان يفكر يطلع من البلد الليلة دي نفس الزول دا مرتبو دا بقى بيساوي 500 دولار يعني بقى ما تامي 2000 ريال في نفس الوكت اي حاجة بتشتريها اتضاعفت 500 and#1642; يعني الزول دا كان اديتو 5000 ريال في قطر بيجيك جاي جري بي حساب خاطئ للاسف انو بقى بياخد ما يعادل 10000 جنيه دا كلو بالاضافة لحالة الاحباط المهولة البقت مخيمة على الناس وعجزهم المذل انهم يزيلوا الكابوس الجاثم ليهو ربع قرن دا
| |
|
|
|
|
|
|
|