|
Re: من غير لف ولا دوران،،، حقروا بي السيد الصادق.... (Re: معاوية المدير)
|
داير من يقنعني بانو اهانة الراجل الكبير ده... رغم عدم المامي بتفاصيل السياسة ... انو دي تمثيلية لترفيعه لبطل قومي ياناس الله شافوه بي العين وله عرفوه بالعقل... والله الراجل ده لانو طيبان الجماعة الشواطين ديل حاقرين بيهو اقنعيني يانعمات انو دي بروفات مسرحية وغتتات ،،،اقنعيني... لا القاها منكم لا منهن ولا من جنياتو... بس انا عافي منو ومن بنياتو... بناااات اعجبن...
| |
![Edit](https://sudaneseonline.com/db/icon_edit.gif)
|
|
|
|
|
|
Re: من غير لف ولا دوران،،، حقروا بي السيد الصادق.... (Re: نعمات عماد)
|
ياخي الديمقراطية دي سمحة خلاس ماعونة ماهل ...وملاحها بعشي السيد الصادق كان جائي ندوة في نادي اساتذة ج الخرطوم اول العهد الديمقراطي شابة زميلتنا ،،هسع بتكتب اظنها في المنبر ده.. وهو داخل ،،،سمعتو كلام ذي السم... سمع وتبسم وقال ليها نحن جينا هنا عشان نسمع جنس كلامك ده... ولا امن ولا مدافره.. البنت تاني اخدت فرصة وقالت انتقاداتها... ونحن مرقنا من البلد من يومنا داك ترانا... فهل ؟ تنكر في عهده للديمقراطية هل خان استحقاقاتها هل تنكر لسيادة وحرمة القانون... من حفر للتجربه وله؟ هل يصدق راشد انه كان يحفر ليدفن لنفسه... لم اري احد سعي الجبهجية لتصغيره واغتيال شخصه مثله والله لاني انصاري ولا امة ولا سياسي حتي بس الحق حق موجعني اهانتو واعتقالو مثلما ووجعني اذلال واعتقال وتعذيب كل شريف اطلقو سراحه نعم للديمقراطية وسيادة حكم القانون حاكمو الفسساد والفاسدن
| |
![Edit](https://sudaneseonline.com/db/icon_edit.gif)
|
|
|
|
|
|
Re: من غير لف ولا دوران،،، حقروا بي السيد الصادق.... (Re: نعمات عماد)
|
غايتو يا نعمات يا بنت عمي... جزيرتنا انسرقت وانهدت وقيدت الجريمة ضد مجهول... الصحة مرضت وماتت ،وقيد القاتل ضد مجهول... الديمقراطية لحقت امات طه القانون وسيادته عيييك الفساد والحرمنة سؤالي ،،هل لسيد صادق ايما يد في كل هذ ؟ هل سرق ؟ قتل ؟ ارهب ؟ سمح مالكم علي الراجل... شوفو فيلكم ...
| |
![Edit](https://sudaneseonline.com/db/icon_edit.gif)
|
|
|
|
|
|
Re: من غير لف ولا دوران،،، حقروا بي السيد الصادق.... (Re: عبدالعزيز عثمان)
|
ال نقول لك يا زول يا طيبان زولك قاعد في السودان وبتصرف كاننا في السويد 16 سنه معافره مع نميري لحد ما جاءت الانتفاضه - ملاوه مع الجيش وناس فضل الله وتاج الدين سنتين سنتين في الانتقاليه ويجي يوم قلبها نسيبو يدسه !!!!!!!!! مالك ما شايف مرسي يلاوي ويقاوي وهو علي باطل هبة سبتمبر 200 ماتو ما قال ال نطلع ---- طرد الشباب من الجامع ---شباب ود نوباوي المغصه كاتلاهو وحات الله عندي خطابات من شباب ودنوباوي يعاتبو الصادق لو قريتو الزعل يشقك حقرو بي عبدالرحمن شكيناهو لي الله نسيبو شكيناهو لي الله ولي الشيطان سيدو
| |
![Edit](https://sudaneseonline.com/db/icon_edit.gif)
|
|
|
|
|
|
Re: من غير لف ولا دوران،،، حقروا بي السيد الصادق.... (Re: عبدالعزيز عثمان)
|
المحترمة اخلاص... هسع الزول ده قال كلام ناخدو بي وشو الواضح... قال لا لسلاح خارج القانون ولقوات غير الرسمية وان يخضع ده وهذه للنظم والقوانين في حراميه دايرين يهدو المعبد وكتالين كتله لابدين دايرين انفشوا في الزول نقول للراجل القال كلمة الحق علي كيفك دبر حالك ولا نقول ليهو الشعب الطيب معاك في المكره ده... للافارقة مثل يقول... اطرد اولا الذئب الذي يريد اكل الدجاجة،،ثم بعدها تعال لتنصح الجدادة ،،تكون حريصة ومفتحه...-مسودن-
| |
![Edit](https://sudaneseonline.com/db/icon_edit.gif)
|
|
|
|
|
|
Re: من غير لف ولا دوران،،، حقروا بي السيد الصادق.... (Re: سامي عطا المنان)
|
سامي عطاالمنان،،ياقريبي ويابن ام... قلت انك انت هو،،ولم اتبين الا الان... اولا ،،احييك وارحب بك،تحية تليق بشخصك المهذب المحترم.. ولاشك ،في انك بوعيك وثقافتك ومبدئيتك تمثل اضافة للمنبر.. اب عشر خلها هسع فقد غدت اب عشر المحتلة ،وليست الغربية.. ولا شك سنلتقي في سياحات كثيرة ان عشنا وسط هذي الهببايات... شكرا لتشريفنا بالعبور بجيك ف ماسينجر..
| |
![Edit](https://sudaneseonline.com/db/icon_edit.gif)
|
|
|
|
|
|
|