ماذا سيكتب مزمل عن حالة التسلل التي احتسبت ضد بشة ؟!

Quote: صبري طه لك التحيية ياخ وجيد انك طليت علينا من تاني ما كتر الغيبة ياخ وسلام مربع

Quote: ازيك يا صبري اكتب لينا سطرين عن حالة الطرد التي تعرض لها لاعب المريخ

Quote: لحظة رفع الكرة هناك مدافعان امام بشه يظهران بوضوح فى الاعادة وهذا يؤكد عدم التسلل وهذا لايمنع ان ننتظر رأى الخبير فيصل سيحة يوم الجمعة ان شاء الله

Quote: ليست هنالك هدف ملغي بل تعطيل هجمة خطرة بموجب راية خطأ من حكم الراية والحكم صفر قبل ان يلعب لاعب الهلال الكرة في المرمى لاعب الهلال لعب الكرة بعد صافرة الحكم ( فهنا يترك لتقدير الحكم منحه كرت اصفر ام لا )

Quote: هل سيعتبر هذه الحالة مجرّد خطأ حكم .. أم استهداف لفريق الهلال ؟!

كما ان هنالك ضربة جزاء واااااااااااااضحة في هذه المبارة لم يتم احتسابها ... ويمكن اضافتها ايضاً لحالات الاستهداف

ثم
ماذا انت قائل عن الهدف الفضيحة الذي احرزه بكري المدينة عندما كمل الكرة الي داخل المرمي قبل عبورها الخط ؟؟؟

ـــــــــ

Quote: إصدار الاحكام بتحيز مسألة ليست غريبة على الوسط الرياضي .. الا ان الغريب محاولة الباس التحيز ثوب الموضوعية !!! لا يوجد هناك في القانون اية إشارة لنوع وحجم الاعتداء على لاعب بعد توقف اللعب .. فالاشارة لحجم الاعتداء بضربة خفيفة او ثقيلة مسالة عجيبة وغريبة وأول مرة اسمع بيها .. من ناحية تانية .. عمر بخيت أحد أسوأ اللاعبين سلوكيا داخل الملعب .. ويتعمد الايذاء تماما .. وقد تعمد تماما انو يعفص فيصل موسى .. ولعيبة الكورة سيدركون الكلام ده كويس حال مشاهدتهم لفيديو الحالة .. رد فعل فيصل موسي غير مسؤول وغير احترافي ويستحق الطرد .. أي محترف مكانو كان ضخم مسالة اعتداء عمر بخيت وخلى الحكم يطردو .. الا انو -في السودان - صعب حكم يطرد لاعب من الهلال على اية حال ؟!! من ناحية تالته .. وحتى بلامنطقك وحكمك المتحيز الفوق .. والصورة امام الناس .. ايهما اشد إيذاء.. كوع فيصل موسى ولا عفصة بخيت ؟!!!! الكرة ليست تسللا .. وانا معاك انو مسالة خطيرة جدا انو الحكام يحتسبوا حالة تسلل ليست موجودة ضد الهلال !!! رايك في هدف الهلال شنو بالمناسبة ؟!! مودتي يا رشاشه ..

ثمّ ياخي لو إنت لعبت كورة حتعرف إنّو حتة التعفّص والمدافرات والملاكزات والدمس في الوش والدفع والحاجات دي كلها موجودة داخل الميدان .. وأي حاجة خفيفة منها الحكم يا أداك كارت أصفر يا أنذرك شفوي خاصة إذا كان التلاحم من كلا اللاعبين .. لكن لمّا تكون المسألة بقوة وخشونة بيحصل منها إيذاء الكارت الأحمر هنا حيقول ليك يا غُربتي ...

دا من ناحية ...
ومن ناحية لاعب المريخ المعفوص من عُمر بخيت لو إتشفتن كان ممكن يطرد عُمر بخيت .. قول لي كيف ... مع العفصة طوّالي كان يقعد يتلوّى بحيث يوحي للحكم بشدة الإيذاء .. يعني يفعل كما فعل عُمر بخيت تماماً .. شُفت كيف ؟ ودا الفرق بين الباسطة وأمبدّة

السؤال: ما هو الفرق بين الباسطة وأمبدة ؟

وأقول ليك حاجة عادي جداً ممكن الحكم يعتبر عفصة عُمر بخيت جات كدا عفواً وغير مقصودة .. يعني اندفاع من عمر بخيت !!

ثمّ يا حبيب .. لو أخرج الحكم الكارت الأحمر لعُمر بخيت برضو دا حسب تقديرو وما كان أنا قُلت بِغم !!

بمناسبة هدف الهلال لو أحرزه نزار حامد بمعنى لو عبرت الكُرة خط المرمى قبل أن يلمسها بكري المدينة على حسب ما بدا لي فالهدف صحيح .. أمّا إذا أحرزه بكري المدينة فهو تسلل وواضح كمان ...


ودمت بكل الود ،،،

Quote: المخالفة: يعاقب اللاعب فقط على وجوده في موقف تسلل في اللحظة التي يلمس الكرة أو يلعبها أحد أفراد فريقه وكان في رأي الحكم مشتركاً باللعب النشط الفعال من خلال: * التداخل في اللعب . أو * التداخل مع الخصم.أو * مستفيداً من فرصة وجوده في ذلك الموقف.

الفرق بين هذا اللاعب وبين بكري المدينة هو أنّه لم يركل الكُرة بعد عبورها لخط المرمى
وعبور الكُرة لخط المرمى يعني أنّها أصبحت خارجة عن اللعب !! فكيف ستحتسب حالة تسلل لكرة خارجة عن اللعب ؟

النجيضة: لم يستفد بكري من موقعه طالما أنّ الكرة أصبحت خارج اللّعب ...


ـــــــ

(عدل بواسطة صبري طه on 05-12-2014, 10:05 AM)

Quote: بالنسبة لحجم الاعتداء خفيف أو ثقيل ياخي دي حتى مذكورة في القانون في ثلاث حالات وهي: إهمال - تهوّر - قوة زائدة ... ممكن تشرح لي قوّة زائدة دي معناها شنو ؟ ولو ما كانت قوة زائدة الفرق بينها وبين القوة الزائدة شنو .. والفرق بين العنبة الرامية فوق بيتنا والرامية فوق بيتكم شنو ؟ دي أسئلة بسيطة كدا على السريع

Quote: اى اعتداء على لاعب في حال توقف اللعب عندو عقوبة واحده وهي الطرد ..

Quote: * التداخل مع خصم يعني منع الخصم من اللعب جعله يلعب الكرة بأعتراض واضح الخط رؤية الخصم او التحرك او عمل ايماءة أو حركة تكون وفقاً لرأي الحكم مضللة أو تصرف أنتباه الخصم

(عدل بواسطة محمد حيدر المشرف on 05-12-2014, 10:23 AM)

Quote: انت في موقف تسلل ولا لا ؟!! انت متداخل في اللعب ولا لا ؟!!

Quote: اكد الحكم المتقاعد عبد الرحمن درمة بان هدف اللاعب محمد احمد بشير بشه في شباك المريخ صحيح 100% و ان اللاعب لم يكن متسللا وان الحكم السمئول كان عصبيا اكثر من اللازم و اخرج بطاقات ملونة في حالات لا تستحق و ضرب مثلا بحالة عمر بخيتو قال درمة في حديثه لبرنامج دنيا الرياضة و الذي يعده و يقدمه باذاعة الخرطوم الزميل عبده محمد الحسن بان الحكم لو سجل الهدف الهلالي في مباراة القمة باسم اللاعب نزار فانه لا غبار عليه و سليما 100% اما ان قام الحكم باحتسابه و سجله باسم اللاعب لكري المدينة فان الهدف يعتبر تسللا اوضح من اللشمس و طالب لجنة التحكيم المركزية بتجهيز الحكام حتى لا يقعوا في الاخطاء القاتلة التي برزت في مباراة القمة الاخيرة http://www.cover-sd.com/news.php?action=showandid=50565

(عدل بواسطة صبري طه on 05-13-2014, 07:36 AM)

Quote: - اللاعب ده كان في موقف تسلل ولا لا ؟!.. - اتحرك في اتجاه الكورة ولا لا ؟! - حركتو في اتجاه الكورة دي تداخل في اللعب ولا لا ؟!! اديك كمان تكييف فلسفي للقانون.. هل من الممكن أن وجود هذا اللاعب في موقع التسلل منع وجود لاعب من المريخ في الحته دي ؟!! هل من الممكن ان وجود هذا اللاعب في موقع التسلل أفضى بلاعبي المريخ للتفكير في نصب مصيدة تسلل له ؟!! تحدث عن فلسفة القانون ولماذا يعتبر هذا اللاعب مشاركا باللعب ولا اتحدث عما حدث لذلك بدأت الأسئلة ب (هل من الممكن) وده كلو محاولة لتفسير القانون الواااااضح جدا انو تحرك اللاعب في اتجاه الكورة تداخلا في اللعب ..

Quote: يا عزيزي لو تابعت كويس بتلقى مثلاً صبري لعب باص لود المشرف .. قام ود المشرف لاحظ لي نفسو في موقف تسلل فترك الكرة تمضي فاستفاد منها ود البشرى وانفرد بالمرمى وأحرز منها هدفاً .. حالات زي دي لو ما صادفتك معناها لا عندك حديدة ولا يحزنون

Quote: يا طارق حرسي .. دي لو ما صورتك .. ممكن تتبرأ منها .. عشان تاني ما تجي المولد بدري

بالله راجع الفيديو مرة ومرتين وثلاثة مرات

الكورة تسلل واااااااضح وما فيها كلام
سيب المكابرة و قول الحقيقة
بكري كمل الكورة وللا لا ؟
بكري تداخل في الكورة وللا لا ؟
وفي الحالتين ... بكري كهرباء ده تسلل
وعلي بالحلال بكري بتاعكم ده لو لاعب براااااااااهو في الملعب يكون تسلل

Quote: د . محمد حسن ده كله كوم التقريشة موقعها شنو؟

مودتي

Quote: قلت: فترك الكرة تمضي .. ترك شنو ؟! ترك الكرة .. ترك شنو ؟!! ترك الكرة يا صبري .. هسع تصور انو ود المشرف ما ترك الكرة .. بل جرى وراها جرى من لا يخشى الفقر .. سارق ولا ما سارق يا صبري .. سارق ولا ما سارق ؟!! يا زول كلمة واااحده بس .. سارق ولا ما سارق .. هل يختلف الحال لو قدر ما جرى وراها لاكن ود البشرى زميلو الما كان سارق هو الحصل الكورة .. يعني هن الاتنين جارين على الكرة .. ويقوم حكم الراية والحكم والجمهور والأمة والعالمين يكونوا منتظرين منو البلمس الكورة اول ود البشرى ولا ود المشرف .. لو لمسها ود البشرى فعادي .. ولو لمسها ود المشرف فسارق ؟!! ده كلام ده يا صبري ؟!!

فيا ابن العم المدافع وقف عديل كدا لأنّ روماريو (الذي لم يستفد من الكرة) في موقف تسلل


بس أوعاك تقول لي روماريو لم يشغل انتباه المُدافع

Quote: يعني خليت الفيديو ومشيت للصورة

Quote: الكورة تسلل واااااااضح وما فيها كلام سيب المكابرة و قول الحقيقة بكري كمل الكورة وللا لا ؟ بكري تداخل في الكورة وللا لا ؟ وفي الحالتين ... بكري كهرباء ده تسلل وعلي بالحلال بكري بتاعكم ده لو لاعب براااااااااهو في الملعب يكون تسلل

تواجد بكري ما عندو أيّ تأثير في عبور الكُرة لخط المرمى ...
ولو لم يكن بكري موجوداً الكُرة حتكون قون قون .. أها هنا الحكم حينقض الهدف على أيّ أساس ؟