|
|
|
 Re: فـــــــــــــــــــــــــــرحانة تركب (Re: Arif Nashed)
|
Quote: الزول الموهط ابو الرور انزيك
سمحة اللمة بيكم
وسمحة القدلة معاكم
يااااااااخي التكنلوجيا حيرتنا زاتو
اهاااااااااا يا خوي ناس فرحانة تركب راكبين في السرج بالمقلوب
الواحد قايكم بنمرة 5 تفحيط لامن غلت .
ابو التكنلوجيا زاتو
ونواصل |
كيف بالله الناس الموهطين فينا من هناك هه
وقبل ناس فرحانة
والركوب بدون سرج
كدي انت سبحان من اسرى بك من هناك الي هنا
حكاية اشبه ما تكون بوثبة ناس قاعة الصداقة
الفرق الوحيد بانو الوثبة الاولى مشاترة
اها ورينا وثبتك كانت كيف
؟؟
| |
 
|
|
|
|
|
|
|
|
Re: فـــــــــــــــــــــــــــرحانة تركب (Re: Asim Fageary)
|
Quote: يا ابو الروضة ..... سلام مربع ليك ولضيوفك ومرحب بأخونا عارف
لكن يا أبو الروضة عندي ملاحظة صغيرونة كدا .. ممكن .. عنوان البورد مالوا زكدا زي كلام قــلة الأدب ؟! |
سلام يا عاصم وكيف حالك
العنوان ما فيه اي قلة ادب
انا اول ما سمعت المثل ده كان من زول كبير في العمر اذكر كانوا بلعبوا الوست في ديوان مجاور لبيتنا وطبعاً
ناسك حرفا الحلة في الوست
ما كانوا بخلونا نلعب معاهم اصلاً
كنا بنشيل الكتشينة بتاعتم القديمة وبنلعب جنبهم
مرة كانوا ناقصين زول يربع ليهم الكشتينة
فقالوا لي تعال تم الكشتينة لما عمك فلان اجي
وطبعاً اخوك ما صدق انو حيمسك ورق مع مشايخ الوست والكبارات ديل
وزعوا الورق
وكانت التسمية على ما اذكر تبدأ بالعبد لله
فقالوا لي سمي
اخوك رفع الورق كده وقال ليييييييييييهم
عشـــــــــــــــــــــــــــــــــــــــٍرة دقة واحدة
اتلفت عمنا الصادق الله يطراهو بالخير فقال لي بضحكة كبيرة
هلا هلا فـــــــــــــــــــــــــــــرحانة تركب
وضج الديوان بالضحك
المهم اخوك ما سكت سال من معنى فرحانة تركب
قالوا بيضرب للزول البتحل الحاجات من نصها وبركب فيها
بدون سرج
وما بعرف الامور بتوديه وين
يعني في الاساس هي زولة ركبت عربية عزاء وقبل ما تسال في شنو
فكت الزغردوة وقالت ليهم بيت مال وعييال
والعنوان جاء كده لانو كان في حكاية بوست ومعمعة كده كان الاخ عارف احد ابطالها
وعنوان البوست اصلاً شرك
كان لازم يجيبو جاري من هنا
اها شفت انحنا ناس براءة فيما ذهبت اليه كيف
| |
|
|
|
|
|
|
|
|
|
Re: فـــــــــــــــــــــــــــرحانة تركب (Re: عبدالحفيظ ابوسن)
|
Quote: وشد اركب ماتنكب
ف شنو
الله يكفينا شر الشرك ما أكون وقعت فيهو |
يا زول قول بسم الله شرك شنو
انحنا جبنا سيرتك على ذكر بوست الترحيب بعارف
وطبعاً عارف ده صديق اسافير قديم ويستحق الضبيحة
وكمان قائد انقلابات اسفيرية
والله يطرا بالخير ناس عاشة ام تفه
| |
|
|
|
|
|
|
|
|
|
Re: فـــــــــــــــــــــــــــرحانة تركب (Re: فرح الطاهر ابو روضة)
|
| Quote: اهااااااااااااااااااااااا يا ابو ورطة الوهيط مالك بقيت تلخبط _ انا قلت ليك ما تفك باسوورديك ساكت كده من طرف انت مالك داقس كده _ بالذمة زول يقرا كلامك في بوست هل من حق معاوية شنو شنو كده ويقرا كلامك هنا في البوست ده بيصدق انك انت انت الطريطيط الاشتر تكتب جنس الكلام الفوق ده _ هسه بنادي ليك الجماعة يجو يمعطوك لامن تعرف حاجة _ قال فرحانة تركب قال |
زول النفاج كيف حالك ياخ
يعني هسي انت ما بتفق معاي في حكاية
(( لكل مقام مقال ))
وبرضه البوستات مقامات
وشن لمى بوستات شكر القمري ومطاردة الفئران
والله ابو المبالغة ذاتوووووووووووووووووو
او كما قال
عارف
| |
|
|
|
|
|
|
| |
فرح الطاهر ابو روضة
عادل البراري
Arif Nashed
Asim Fageary
ابراهيم الفاضل
علي دفع الله
عبدالحفيظ ابوسن
فيس بوك
تويتر
انستقرام
يوتيوب
بنتيريست