|
لهذا المنبر الفضل الأكبر لكي تصل لما أنت عليه الآن ياعصام عبدالحفيظ !!
|
كنا نسير مسرعين بإحدى الشوارع المؤدية للقضارف وإذا بي أرى عربة بوكس ومصور يصور أحد العاملين بشركة دال وهو يحمل زكيبة من أعواد الذرة أو السمسم لاأدري كانت اللمحه سريعة جداً ولكني تبينت المصور إنة عصام عبدالحفيظ زميل المنبر طلبت من صديقي التوقف فقد كنا قد أتممنا شراء السمسم ولايوجد مانسرع لأجله ترجلنا وذهبت لتحية الرجل وأخبرته أنني أحد بورداب الخرطوم ولكنني كاتب مقل جداً وأضفت على ذلك أنني من أشد المعجبين بإبداعه كان الإستقبال فاتراً لدرجة تفوق قدرتي على الوصف وزاد على ذلك بقوله أنه لم يعد يكتب في المنبر بسبب سوء الإدارة وقلة أدب الأعضاء ... ثم أدار لي ظهره بدون أي وداع وقطع الطريق للجهة الأخرى حقيقةً تعجبت من هذا التعالي المبالغ به وهو الأمر الذي لم أتوقعه إطلاقاً من فنان ... يا أخي إن لم تستقبلني كزميل بورد كان عليك أن تستقبلني كمعجب على الأقل قابلت كثيراً من الشخصيات التي تعرفت عليها إسفيرياً ووجدت إختلافاً في سمات الكثيرين مما كنت أتوقعه وأستنتجه عن الشخصية من خلال الكتابة لكن إختلافاً كهذا لم يقابلني إطلاقاً السودانيين فيهم نوعية الواحد كان طبلو ليهو تسعة أنفار طوالي يكبر كومو ويعمل فيها الراسمه ما أثار حفيظتي هو إصرارة على تبخيس قيمة المنبر وأنه أصبح يكتب من خلال الفيس بوك فقط ذكرت له تميز نكهة المنتديات (أثناء عبورة الطريق) وجودة نوعية الأعضاء والمواضيع المطروقه لكنه إكتفى بهزة رأس وواصل طريقه ... لولا أن شيئاً بداخلي قد دفعني للإبتعاد لكنت لحقتة وصرخت بوجهه أن هذا المنبر كان له الدور الأكبر في تعريفك على الناس ونشرك بهذا الحجم هذا البوست ليس لإشفاء غليل ولكن فقط لإثبات حقوق
|
|
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: Ahmed musa)
|
احد اقاربنا مؤيد بتطرف للطريقة الختمية و السادة المراغنة ساله احد ابنائه لم لا يزور مظان الطريقة المعروفة في العاصمة و هو كثير الاختلاف اليها فقال له اخاف ان اجد القوم مشغولون بشئ فلا يحسنوا استقبالي فيقل حبي لهم
الفنان الراحل احمد المصطفى كان شديد الاعجاب بالفنان عبد الوهاب. لكنه لنفس السبب اعلاه لا يحرص على لقائه وجها لوجه
تلك حالات تعتري المبدعين و المشاهير كثيرا لا ابرر لها فهي تصرفات فظة وفي منتهى الجلافة لكن الافضل التعامل معهم من على بعد و الاحتفاظ بمسافة
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: Abdlaziz Eisa)
|
الأخ الفاضل عمر عبد الكريم ...
لا ادري ما هو فضل المنبر علي الفنان عصام عبد الحفيظ ؟
تزاملنا في فترة المرحلة الوسطي و استمرت العلاقة في الثانوى ...
و من يومها و نحن نطلق عليه عصام بيكاسو ...
عصام فنان بالفطره ... و انسان حساس ...
صدقني لم اقابله منذ العام 1978 تقريبا
ولكن كل دفعة تالته غرب الخرطوم الاميرية علي اتصال متواصل و لم اسمع اي شئ يسئ او يعيب عصام ...
هذا من ناحية ...
من ناحية اخري ما المغزي ان تاتي بهذا الامر هنا ان لم يكن من وحي غضب ...
وقد قمت بزج اسم المنبر دون داعي ...
ان كان قد قال سوء الادارة فهذا من حقه ...
و ان كان قد قال قلة ادب الاعضاء بمعناها التقريري لا اعتقد ان رجل مثل عصام يقصد التعميم ...
تحياتي و جل احترامي ...
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: ملهم كردفان)
|
Quote: إذن نحن في إنتظار الأخ عصام ليدلوا بدلوه في هذا الأمر فهو عضو في المنبر كما أن نافذة الفيس تتيح له المشاركه في حال عدم رغبته في التداخل المباشر |
العزيز ملهم ...
الا تري ان الواقعه .. واقعه شخصية وكان من واجب الاخ عمر التعامل معها بصفة شخصية بدلاً عن طرحها هنا ؟
هل نحن محكة اخلاقية مهامها تقويم الاعضاء ...؟
دعوا الرجل في شأنه ... ليقل ما يقل هو اكثر علما مني و منك عن لماذا تصرف هكذا ...
ولا احد يملك ان يطالبه بالتعليل و التفسير ...
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: يحي قباني)
|
الوجيه قباني نعم الواقعه كانت شخصيه لكن قبل نزول هذا المنشور إذ أنها أصبحت عامه بعد هذا الاتهام الذي وجهه صاحب البوست في شكل مظلمه ولم نكن أبدا محكمه اخلاقيه ولكن نتمنى من الأخ عصام أن يجلي بعض الحقائق حتى نتعرف على جانب غائب عن ساحة إدراكنا وعصام كما تقدم هو شخصيه عامه نالت شهره وصلت إلى أعيننا عبر المنبر لذا كنت اامل في مواصلة المعرفه وانا استغرب أن ندعه وشأنه هكذا فقط لأنك تريد ذلك ياقباني إحترامي
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: ملهم كردفان)
|
Quote: لوجيه قباني نعم الواقعه كانت شخصيه لكن قبل نزول هذا المنشور إذ أنها أصبحت عامه بعد هذا الاتهام الذي وجهه صاحب البوست في شكل مظلمه ولم نكن أبدا محكمه اخلاقيه ولكن نتمنى من الأخ عصام أن يجلي بعض الحقائق حتى نتعرف على جانب غائب عن ساحة إدراكنا وعصام كما تقدم هو شخصيه عامه نالت شهره وصلت إلى أعيننا عبر المنبر لذا كنت اامل في مواصلة المعرفه وانا استغرب أن ندعه وشأنه هكذا فقط لأنك تريد ذلك ياقباني إحترامي |
ملهم يا زول يا جميل ...
اتمني ان ندعه و شأنه ... عصام رجل فنان و مرهف ... و له ظروفه التي قال فيها ما قال ...
فلنتركه بينه و بين اخينا عمر ...
و اعتقد جازما ان اخينا عمر خط هذا البوست وهو في حالة غضب من الامر ...
في نهاية الامر كل انسان حر ...
وانا هنا طالبا و ليس آمراً حتي لا تعتقد اني ( اريد ) ذلك ...
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: ملهم كردفان)
|
الاخ كاتب البوست
عضوية البورد ليست ميزة كما ان زمالته ليست كزمالة مدرسة او عمل ..هنا الناس موجودون فى واقع افتراضى ...و هذا الواقع الافتراضى زمالته لا تفرض اى سلوك معين تجاه الناس. الفنان عصام عبد الحفيظ ابن حلتنا و اعرفه منذ نعومة اظافره و هو شخص متواضع و فنان تشكيلى و مصور تخطت شهرته حدود السودان ..تشرف البورد بعضويته و مشاركته هنا و تصرفه معك لا اجده غريبا فهو لا يعرفك و حديثه عن البورد هو رايه الشخصى و فيه شئ من الصحة اذ ان العديد من الادباء و الفنايين هنا تمت الاساءة اليهم ممن هم لا يعرفون شيئا لا عن الفن ولا عن الادب و ممن ظنوا ان مجرد وجودهم مع فنانين فى هذا البورد ان الكتوف تلاحقت و ما فيش حد احسن من حد.
لذلك لا تدع الغضب يتملكك و يذ1هب سوء الظن بعيدا و اعرف ان البورد لم يصنع عصام عبد الحفيظ بل عصام هو الذى صنع نفسه بنفسه و عندما كان عصام يقيم العديد من المعارض خارج الحدود لم يكن هذا البورد موجودا.
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: محمد البشرى الخضر)
|
Quote: الأخ الفاضل عمر عبد الكريم ...
لا ادري ما هو فضل المنبر علي الفنان عصام عبد الحفيظ ؟
تزاملنا في فترة المرحلة الوسطي و استمرت العلاقة في الثانوى ...
و من يومها و نحن نطلق عليه عصام بيكاسو ...
عصام فنان بالفطره ... و انسان حساس ...
صدقني لم اقابله منذ العام 1978 تقريبا
ولكن كل دفعة تالته غرب الخرطوم الاميرية علي اتصال متواصل و لم اسمع اي شئ يسئ او يعيب عصام ...
هذا من ناحية ...
من ناحية اخري ما المغزي ان تاتي بهذا الامر هنا ان لم يكن من وحي غضب ...
وقد قمت بزج اسم المنبر دون داعي ...
ان كان قد قال سوء الادارة فهذا من حقه ...
و ان كان قد قال قلة ادب الاعضاء بمعناها التقريري لا اعتقد ان رجل مثل عصام يقصد التعميم ...
تحياتي و جل احترامي ...
|
Quote: تحياتي عمر نعم قد يكون للمنبر الفضل في تعريفك و انا وغيرنا بالفنان عصام لكن هذا الفضل علينا نحن الذين لم نكن نعرفه لا على عصام الفنان صاحب المعارض و المشاركات حتى خارج السودان و العديد ممن يعرفونه و فنه ولا ليسوا من قراء البورد
لا تعطي البورد أكبر من حجمه يا عزيزي |
خلاصة الخلاصة !
شكراً قباني وود البشرى ..
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: تيسير عووضة)
|
عاينو..
عصام فنان..أوكي ما اختلفنا..
عمر معجب بيهو وعايز يسلم عليهو.. ما فيها حاجة..
لكن أن يقابل عصام عمراً بفظاظة .. دي ما جميلة يا جماعة..
Being rude to someone who at least deserves compliment
بعدين.. إذا رأى عمر في المنبر (وشيجة) أو علاقة تربطه بعصام عبدالحفيظ غير إنهم سودانيين وبس..
فلا أرى غضاضة في أن يعرفه بأنه بوردابي..
ياخي كوننا بورداب دي قاعدين نقشر بيها عديل ..(هاك التلج ده)..
----
أوريكم شينة كيف من عصام..
زي لما تلاقي زول في حتة برة البلد.. وتجيهو بـ(شهمة) كدا..
وتقول ليهو ياخ أنا بالمناسبة من السودان (الشقيق)..
يقوم يقابلك ببرود ويزيد عليها إنه (السودان زاتو خليناهو)..عشان فيهو حكومة كعبة وشعب قليل أدب..
هنا إنت طوالي بتقوم تقول ليهو لو ما في عينو..بتقولها بطريقتك : السودان صاحب فضل عليك..
هذا..والله تعالى أعلم..
تقديري الشديد للأخ الفنان عصام عبدالحفيظ..
وتقديري الشديد للأخ البوردابي عمر عبدالكريم ..
الأخوان هباني وأبو حتوت ما عندي معاكم خلاف..
..
..
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: محمد عبد الله الامين)
|
أ/ بشري الفاضل وطالما جاء اسمو هنا ... مره صديقي بحكي وهو مستغرب قال لي امس شايف أ/ بشرى الفاضل في بني مالك في قهوة قاعد مع الجماعه يتونسو ويضحكو !! قلت له طيب المشكلة شنوو ؟ قال ده زول مثقفاتي وكاتب كبير يقعد مع العوام ديل !! قلت ليهو الزول ده متواضع وطيب وود بلد اصيل ياااخ عشان كده بنحب لله .... ذي الحوت محمود عبد العزيز الله يرحموو ليه الناس بتحبو كده ؟؟ ما عشان تواضعو ده وببادل كل الناس بي مختلف الوانها وفهما الحب بي الحب ... عشان كده المشاهير والمثقفاتيا ديل ما يفكوها فينا .. هي ما ناقصة ..
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: يحي قباني)
|
Quote: اذا هي تجربة شخصية أخري ... |
و تجربة صاحب البوست هي ايضا شخصية بل معظم البوستات هنا شخصية فلا احد لديه تفويض من جماعة او حزب او حنى اسرته الصغيرة لا احد يريد تقييم تجربة الفنان الابداعية او اصدار حكم اخلاقي شامل ضد عبد الحفيظ انما احباط صادف شخص ما من مقابلة جافة من شخص فنان يفترض فه الحساسية في مثل هذه الامور و كما قال دهب كان يمكن ان يعتذر باقتضاب ان كان مشغولا او خارج مزاجه بقدر عشم صاحب البوست و حسن ظنه في الفنان جاء عتابه و المه لدرجة انزاله بوستا هنا و انا اظن ان عصام ان اطلع على البوست فسوف يكون اكثرنا الما
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: عاطف عمر)
|
Quote: هذا بوست جميل
وجه الجمال فيه أنه يبين لنا واحد من ( أعقد ) مشاكلنا وهى مشكلة ( أبلسة ) الخصوم أو ( أسطرة ) الأحباب |
تحية طيبة للجميع
قبل ما أقول ليك الداير أقولو ياعاطف خليني اول حاجة أقول كلمتين بخصوص الموضوع المطروح ...أنا لا سابق معرفة لي بكاتب الموضوع ولا بالمكتوب عنه ..لكن مادفعني للتداخل هو أن الناس هنا قد شهدت للأخ المكتوب عنه وهو الأخ عصام وهذه الشهادة قد أصبحت بمثابة لافتة دلالية لمن لا يعرف الرجل من أمثالي ..لكم التحية جميعا ً .
الحبيب عاطف عمر
ياشعلة الضياء من مدينة العلم والمعرفة {رفاعة} دوماً تتناول الأشياء من زاويتها الصحيحة جداً ..ودائماً بتوصل الفهم الصاح بأقصر الطرق
تعرف ياعاطف أنك بالعبارة المختصرة أعلاه فقد وضعت مقالاً يصلح لأن يكون مدخل قوي لرسالة دكتوراة لتخلص الرسالة في النهاية لأنك قد أعطيت كل ذي حق حقه في زمن ياعاطف أصبح الكثير منا يلوي عنق الحقيقة ويبخس للآخرين ولا يعجبه الزين والسمح للغير.
لك تحية خااااالصة
أسأل الله أن يزيدك وينفع بك عباده ياعاطف يا أخوي
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: معتصم سليمان)
|
حبيبنا الوريف معتصم تحيات ومحبات وكثير أشواق
Quote: الحبيب عاطف عمر
ياشعلة الضياء من مدينة العلم والمعرفة {رفاعة} دوماً تتناول الأشياء من زاويتها الصحيحة جداً ..ودائماً بتوصل الفهم الصاح بأقصر الطرق
تعرف ياعاطف أنك بالعبارة المختصرة أعلاه فقد وضعت مقالاً يصلح لأن يكون مدخل قوي لرسالة دكتوراة لتخلص الرسالة في النهاية لأنك قد أعطيت كل ذي حق حقه في زمن ياعاطف أصبح الكثير منا يلوي عنق الحقيقة ويبخس للآخرين ولا يعجبه الزين والسمح للغير.
لك تحية خااااالصة
أسأل الله أن يزيدك وينفع بك عباده ياعاطف يا أخوي |
ثقلت عند الله تعالى موازينك بالحسنات مثلما أثقلت في حسن الظن
وإذ يقول علماء التربية أن شخصية الإنسان تتشكل في سنين طفولته الخمس الأول ..... فإن مرحلة الدراسة الإبتدائية تأتي ( تثبيتاً ) وبناء ( علمياً ) فوق ( مداميك ) الأساس تلك وفي مرحلة الدراسة الإبتدائية ندين لأساتذة فطحل أسسوا وصاغوا ووجهوا ..... ولا نزال في كل ما تعلمنا - قل أو كثر - لا نزال بعض صنيعهم
من أجمل وأتقى هؤلاء الفطحل وأقربهم إلى قلوبنا يأتي ( أستاذ صالح ) .....
صالح سليمان بابكر .....
وياله من إسم وياله من ضياء
عند لفتك أرجو أن أتمكن من الكتابة عنه ذات يوم في موقع رفاعة
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: أبوبكر عباس)
|
عشان تكون في خلفية عن المتهم حسب رواية المدعي اول شي نجيب المعروضات هاك يا ملهم منو هو عصام عبد الحفيظ
دي مكتبته http://www.sudaneseonline.com/cgi-bin/sdb/2bb.cgi?board=157
و دة اطول بوست ليهو ( .. أبق قليلا ! ) ( .. أبق قليلا ! ) ودي مقتطفات منه
Quote: الى عماد عبدالله وايزبيلا , طلال عفيفى و خدر الى البعيد القريب فاضلابى الى اصدقاء الزمن الفلانى الى كل الذين تركوا لنا أثرا دائما نقتفيه الى ملائكة الروح .......
جرنى ومن ايام أثر للروح وظل يلازمنى ويسالنى بهدوء اين تركت السؤال اين تقيم روحك
وهل اتاك ..... زمن الحريق ام اجتاحتك الحيرة فصارت هى الهواء أهو زمن الروح المؤودة
فبدأت فى قراءة كتات (تقرير الى غريكو ) وكانت هذى السطور السطور ادناه
من نيكوس كازانتزاكى
( ثلاثة أنواع من الارواح, ثلاث صلوات :
1/ اناقوس بين يديك ياالهى فشدنى لئلا أتفسخ . 2/ لا تشدنى كثيرا يا الهى لئلا أتحطم. 3/ شدنى كثيرا ياالهى فمن سيهتم لتحطمى )
وواصلت القراءة
( وداعا !
امد يدى وامسك مزلاج الارض لافتح الباب وامضى , غير اننى اتردد لحظةصغيرة على العتبةالنيرة: عيناى وأذناى وأحشائى تجد انه من الصعب , وانه لمن اقسى الاشياء , ان تسلخ نفسها عن حجارة العالم وعشبه . يستطيع المرء ان يقول لنفسه انه مكتف وانه ينعم بالهدوء والسلام. ويستطيع القول انه لم يعد يحتاج لشىء, وانه قد ادى واجبه وانه مستعد للرحيل . لكن القلب يقاوم. يتمسك بالعشب والحجارة ويتوسل ( أبق قليلا ! )
وما زال فى النص باق
سلام
|
وشوف مداخلة الزميل بهنس عليه الرحمة ليهو
Quote: اولا صباح البوست مساء الود وانا نفسي من اصدقاء الزمن الفلاني ودخلت ليس جميلا هو الحنين جميلة هي الصور الدواخل في يده يحملها اما بعد كيف الرمله ساقت فيني كاميرا غبار لقيت صورة الحنين مطبوعه اه بمناسبة الرمله يحكون فيما طرف ان الراستا السوداني الراحل خضر بشير رحمه الله جلب كوما من الرمل امام منزله بغرض الترميم ولما اعجب اولاد الحله القعاد عليها الي اخريات الليل خرج اليهم وبنبرته المشهوره نهرهم قائلا0يلا قومو الرمله دي شيلوها معاكم جيبوها بكره الصباح0 |
وشوف ردو لي بهنس رحمه الله وغفر له
Quote: ازيك يا بنهس الزمن الهسى والفلانى مشيت وين تنضم الالحان .... وتبارى ورق البنات المقفى.... وتملاءه رسما ووردا وحكاوى .... ابق قليلا .... لاحكى عن الصدف وام الصدف
تعال ولا تكثرث قد يزرعون الوهم
لوهلة او الى حين
ولكن تبقى حقيقة واحدة نسكنها .... وستورق لقادمين ولبعض من نحن
وسلام
|
بالله عليك يا عمر عبد الكريم عشان بهنس دة بس موش كلنا ما نسلم علي بعض عشان الزمالة بس الزمالة البضيع زول هو في امس الحاجة للمساعدة ويضيع من ايدنا وما نشعر بيهو ودة اقل حق للزمالة انك تقيف معاي وانا محتاج ليك ؟ وفي نفس اللحظة تفتش لي الاعذار لو حسيت اني انشغلت عنك وانت في اتم عافية
ونرفع ليك رد الاستاذة سلمي الشبخ سلامة ( المقتضب)
Quote: Salma Salama · الأكثر تعليقا · Cedar Crest College يا كاتب هذا البوست خليك مع الحياة زول ما داير معاك انت ملاحقه ماالك ؟ بعدين منبر بكرى دا ما سوى ليهو زول لو ما الناس الكانوا فيهو ما كان بقى حتى .. بالمناسبة كان يكتب فى هذا المنبر اعداد مهولة من الفنانين والرسامين والشعراء والمفكرين اختفوا لانه بات محل غير انسانى بمعنى ان يشتمك فى صمة خشمك من يعتقد انه منوط به هذه الاساءة ، ثم انى التقيت عصام وبكرى فى السودان وكنت اعتقد انهم يعرفون بعض من عشرات الاعوام ، وتانى حاجة الناس ظروف ، فشنو ما بقول ليك حركة عصام دى لطيفة هو صحبى من سنة 82 وعنده قفلات زى اى زول وانت نفسك بكون عندك قفلات تكون ماعاوز تشوف زول حتى لو كان اقرب اصحابك ودى طبيعة البشر الما طبيعى الشتيمة لو شتمك حيكون زول ما عرفته تب ، عصام دا بنى ادم ما ملاك ومن كان منكم بلا خطئية فليرمها بحجر
|
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: الصادق الخالدى)
|
Quote: أولاً مع تحفظي على دواعي النشر و ( شيل الحال ) إلا أن الأخ عمر سرعان ما سحب هذا الموقف ( الخطأ ) من وجهة نظرة لكل شخصية الأخ عصام ...... وهنا أخطأ لأنه تجاوز الموقف إلى ( الأبلسة )
|
..
عاطف يا صديقي ...
هنا بيت القصيد ...
و الاكثر حزناً هو من قاموا بتأييد الموقف ... و اعتبروا عصام مجرماً وهم لا يعرفونه و لم يكونوا حضور في الموقف ... __________________________________________________________________________ اما دفوعاتنا عنه ... فلم تكن فقط لاننا زملاء او اصدقاء ...
ولكنها كلمة حق .
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: الصادق الخالدى)
|
ياجماعة بالغتوا .. والله الواحد يشعر بمدي الإحباط الذي شعر به الأخ سيد البوست عمر عبد الكريم علي .. فكونه الزول يتوقف عديل من مشواره لرؤية شخص معجب بفنه بدون معرفة شخصية فإن ذلك يدل علي نفس شفيفة ودودة تحب الآخرين بلا مقابل .. وتوقف الأخ عمر مخصوص للسلام وتحية الأخ عصام موقف راقي وينم عن روح جميلة متواضعة .. لو كان عمر زول شايف نفسه وعنده شوية غرور لما اهتم بعصام ولا بغيره .. وأعتقد أن فتح البوست ناتج عن إحباط شديد بعد عشم كبير في ترحاب بشوش من عصام - فتبسمك في وجه أخيك صدقة ياخي - عموماً عصام إتلوَّم مع عمر ، وذلك لربما لأنه لم يقدر للأخ عمر عشمه حق قدره أو لم ينتبه لهذا الإنسان الحساس الذي توقف له خصيصاً من أجل التحية والتعارف .. لكين لربما كان بسبب أنه كان مشغولاً أو مهموماً بأمرٍ ما ..
لكين يا عمر بس لا أظن أن للمنبر فضل علي عصام عبدالحفيظ ..
لكن من جانب آخر : نعم هذا المنبر صنع بعض الشخصيات - أكيد أن القراء يعرفون الكثيرين من الأعضاء هنا من كثرة الإسبام الذي ينشرونه كل يوم بلا كلل أو ملل ..
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: الصادق الخالدى)
|
Quote: كان كدا بورداب الإمارات أحسن من الخرطوم، ود البشرى مرة لاقاني بالعين لأول مرّة؛ عزمني عشاء. |
بالعين يعني عيّنك عيّنك كدا ؟، إذاً أنت لسعيدُ. يا اخي أتمنى أن يقابلني ود البشرى زي مقابلة عصام لعمر عشان إتشعبط فيهو لحدي ما أقنعو إننا أكتر من أصحاب وأحباب، خليك من بورداب. لكن كان إتلاقينا أنا وود البشرى في الدنيا دي مقابلتو لي انا خابرا. يا عمر ما كان تخلي الزول، كان تلحقو وكلها دقيقتين والحال ينصلح. كان لحقتو والحيت عليهو علي الطلآق دا ما إنكسار مِنّك بل شهامة ورجالة وكنت حا تكون إنت الأخير، وكان هو سوف يطرد الشيطان الذي دخل بينكما.
ننتهز الفرصة ونتقدم بأسمى آيات الإحترام والتقدير لعلمنا السوداني بشرى الفاضل بكل الوانه الزآهية، ولكم جميعاً مودتي ومحبتي...
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: معاوية المدير)
|
الناس العندهم معرفة شخصية بالاخ عصام عبد الحفيظ طوالي جروا لاموا الاخ عمر وقالوا ليه مستحيل الزول دا يعمل كدة وطلعوا الاخ عمر غلطان ... لعدم معرفتهم بالاخ عمر على ما اعتقد ... في الطرف المقابل الناس الما بتعرف عصام ولأنهم محايدين في نظري بسبب عدم معرفتهم لعصام وعمر معا ... قبل فتح هذا البوست (عصام دهب مثلا) ... طوالي قالوا كلمة الحق في أنه عصام أخطأ في تصرفه تجاه عمر ... دا بافتراض انه رواية عمر صحيحة ... على المستوى الشخصي عندي موقفين مشابهات لموقف الاخ عمر ... أولهما ... درس معانا زميل في الثانوي وبعد ظهور نتائج الشهادة السودانية سمعت أنه جاب نسبة كبيرة ودخل بيها طب الخرطوم ... بعد حوالي سنة تقريبا قابلت ذلك الزميل الذي يعرفني حق المعرفة ولكن معاه مجموعة من الحناكيش قابلة طب جامعة الخرطوم ... فسلمت عليه بي (بشاشة) :) وفرحة ... ولكن قابلني مقابلة فاترة جدا ... وبكل برود قال لي أهلا وأداني ضهروا ... والموقف دي على الرغم من مرور سنوات كتيرة عليه ما زال عالقا في ذهني وما قادر انساه ... الموقف التاني في أحد مطاعم الخرطوم قابلت أحد مقدمي البرامج المشهورين وهو الان قد توفى (الله يرحمه) قابلته عند مغسلة الأيادي تحديدا ... وسلمت عليه بحرارة ... كيف حالك يا أستاذ ؟؟؟ وكان رده بارد ومحبط جدا ... بعض الناس لما يشتهروا (واعتقد السودانيين على وجه الخصوص) بيصابوا بالغرور وبيشوفوا انهم أكبر من باقي الناس العاديين ... في حين أنه لو جابوه في برنامج يقول ليك أنا نصير الفقراء والمهمشين ... نظام برسيتيج وكدة ... ولكن في قرارة نفسه بيعتقد أنه من صفوة المجتمع ... هذا والله أعلم ...
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: قسم الفضيل مضوي محمد)
|
Quote: .. بعد حوالي سنة تقريبا قابلت ذلك الزميل الذي يعرفني حق المعرفة ولكن معاه مجموعة من الحناكيش قابلة طب جامعة الخرطوم ... فسلمت عليه بي (بشاشة) :) وفرحة ... ولكن قابلني مقابلة فاترة جدا ... وبكل برود قال لي أهلا وأداني ضهروا ... والموقف دي على الرغم من مرور سنوات كتيرة عليه ما زال عالقا في ذهني وما قادر انساه . |
تجربة شخصية اخري مع قسم الفضيل _______________________ ياخي الرجل قرا معاك و تعرفه حق المعرفه و اتغابي فوقك العرفه ...
من حقك تحزن و تزعل ...
لكن تلقي الزول في الشارع لا بعرفك لا بتعرفو ...
وداير تحاسبو نفس الحساب لمجرد انو ( كان ) عضو في المنبر و انت الآن عضو ؟
ما بتبقي يا قسم الفضيل ... حتي لو عمر جاب أردب سمسم ...:) ________________________________________________ * حناكيش طب جامعة الخرطوم دى ما كان ليها لازمه ...
قراية الطب في جامعة الخرطوم لا تحول الشخص الي حنكوش اوتامتيكياً يا قسم ...
شكلك اديتها حبة بهارات كده ... :)
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: يحي قباني)
|
تحياتي عمر
صعب الحكم من شخص محايد على موقفك دا
بس بشكل عام أنا بفتكر من المهم اختيار اللحظة المناسبة جدا عشان تقدم نفسك لزول ما بعرفك قبل كدا انت قلت اشتريت سمسمك وبقيت متفرغ للتعارف دا وعصام كان بيصور (ودا شغلو) يعني كان مشغول في نفس الوقت مدخلك ليهو ما كان إعجابك بفنه فقط انما كان حديث عن المنبر وهو زول متخذ موقف من المنبر (حسب روايتك) أنا بعتقد إنو اللحظة وظروفها ما كانت مناسبة
(بس برضو ما بعفي عصام من إنو كان ممكن يقدم ليك اعتذار بسبب شغلو)
ختاما المنبر دا فيهو 15 ألف عضو (حسب الراشح) فما تتوقع إنو كل هذا العدد بحبوا التوسع في العلاقات والمعارف والإجتماعيات الكبيرة في ناس كتير بتهيبوا الغريب ليس لسوء فيهم ولكن ممكن بطبعهم بتربيتهم بالمجتمع الهم عايشين فيهو الخ
أنا ما بعرف عصام كفرد لكن كشخصية عامة لا غبار عليه وزول مواقفو جيدة وصادقة
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: حمد عبد الغفار عمر)
|
الناس مسكت في الموضوع الميت وخلت المفيد بالله يا اخ عمر اسعار السمسم كيف في القضارف الايامات دي ؟.. وتجارة السمسم والحبوب الزيتية هل ذات عائد مجزي للافراد مقابل المنافسة مع الشركات الكبيرة التي تسيطر علي سوق الحبوب الزيتية ؟ ويا اريت تنورنا من خلال تجربتك الشخصية عن العمل الحر في هذا المجال ..وتدينا شوية تفاصيل عن خبايا تلك التجارة في الداخل والتصدير بالنسبة للسمسم . وما هو المجزي في هذا المجال .
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: saidahmed shami)
|
تحياتي وحترامي للجميع وآسف لعدم تمكني على الرد عليكم فرداً فرداً لأنو المشاركات غزيرة وهذا ن دل إنما يدل على مدى حب الكثيرين لعصام عبدالحفيظ ربما صغت البوست في لحظة إنفعال فأتى بهذه السخونة لكن يعلم الله أنني لاأستطيع أن أحمل ذرة حقد على أحد عصام رجل محترم وفنان مهذب وربما لم يجد طريقة للعالمية وهو الأمر الذي جعله بهذا الجفاء أو السخط والفتور تجاه الآخرين أنا شخصياً تعرفت على عصام وأعمالة الفنيه من خلال المنبر ويمكنكم الرجوع لمكتبة عصام في المنبر وشوفو نسبة مشاهدة بوستات عصام عشرات الآلاف من المشاهدات لو أن أي أحد ممن قرأوا البوستات دي كلم إثنين فقط من أصدقائه عن عصام شوفو الشهره والتعريف به حيكون قدر شنو ..
أما بالنسبه للناس السألو عن السمسم فأخبرهم بأن الإنتاج السنه دي ماشاء الله وفير للغايه والأسعار جيدة جداً (للتجار ماللمزارعين) سعر قنطار السمسم الأبيض النضيف جداً خالي تراب ومدفوع الزكاة والضرائب وكلو مابين 490 - 520 (السنه الفاتت زي الأيام دي كان بي أكثر من 900) فأي زول عندو فائض قروش وحابي يستثمر إستثمار سريع ومجزي ومخاطرو بسيطه عليه بالسمسم الأبيض وكمان لو الزول راس مالو كويس ممكن يخزن ويصدر .. بس بحتاج لإنو يودي السمسم الغربال ويخيشو من جديد ويرحلو لبورتسودان وفي الحالة دي طبعاً نسبة الأرباح بتزيد . سوق المحاصيل بالقضارف منظم جداً وأي حاجه فيهو واضحه ... ممكن الزول يخلي تاجر مسجل في السوق يشتري ليهو من خلال المزاد ... أو ممكن تشتري السمسم من خارج السوق وتخزنو طوالي ، بس في حالة شراء السمسم من برة السوق لازم تتأكد من إنك تفتش كل الشوالات البتشتريها واحد واحد وتتأكد من جودة السمسم جوة الشوال لأنو لم يجي التصدير مافي زول بشتري سمسم مانضيف نهائي يعني ممكن تشتري 100 قنطار ولمن يجي البيع وتمرق السمسم الكعب تكتشف إنو الكويس والصالح للبيع فقط 80 قنطار ، وممكن تستعين بفتاشين في العملية دي ، ولو عندك وكيل جيد يشتري ليك وثقتك فيهو جيدة بترتاح من المسائل دي كلها .
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: يحي قباني)
|
Quote: الناس مسكت في الموضوع الميت وخلت المفيد بالله يا اخ عمر اسعار السمسم كيف في القضارف الايامات دي ؟.. وتجارة السمسم والحبوب الزيتية هل ذات عائد مجزي للافراد مقابل المنافسة مع الشركات الكبيرة التي تسيطر علي سوق الحبوب الزيتية ؟ ويا اريت تنورنا من خلال تجربتك الشخصية عن العمل الحر في هذا المجال ..وتدينا شوية تفاصيل عن خبايا تلك التجارة في الداخل والتصدير بالنسبة للسمسم . وما هو المجزي في هذا المجال . |
ايوة دا المفيد
اساسي ما قصرت والله
نأمل تنويرنا باسعار السمسم وكيفية تخزينه ومدة التخزين والعائد بعد التخزين
الارباح وكدا
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: Kostawi)
|
ودالمدير حبابك
Quote: بالعين يعني عيّنك عيّنك كدا ؟، إذاً أنت لسعيدُ. يا اخي أتمنى أن يقابلني ود البشرى زي مقابلة عصام لعمر عشان إتشعبط فيهو لحدي ما أقنعو إننا أكتر من أصحاب وأحباب، خليك من بورداب. لكن كان إتلاقينا أنا وود البشرى في الدنيا دي مقابلتو لي انا خابرا |
صدقني حا تندم أخير ليك ودالبشرى بتاع البورد دا زول ذكي وظريف ولذيذ البي بره داك حا يطلع عينك ويبراك ويغالط في روحك دي فما تكوسوا وانا متاكد حتى لو كوستو ما حا تلاقاه ولو لقيتو حا تندم
لو جيت بي جاي تلفوني عندك حا ابسطك جنس انبساط وأوريك البلد دي من منظور تاني تعال بي الاتحاد وانزل في أبوظبي واديني سلك بس
----
غايتو الناس الموهبيين والفنانين ديل ما بنقربهم ولا بنفتش ليهم
وعصام عبدالحفيظ اشتهر عشان شيوعي والشيوعيين اي موهوب ولا فنان عندهم ببقوه حاجة كبيرة وبرفعوه عصام عبدالحفيظ قابلتو في دبي ولو ما جا براهو سلم علي ما كنت مشيت ليه بالنسبة لرسومات كتشكيلي ما شفت حاجة وبالنسبة لصورو شفت جزء منهم وعادية منتهي العادية وما فيها أي ابهار أو فن وأي مبتدئ ممكن يعمل أجمل منهم ودا عن رائي ما تبخيس لفن عصام او ابتذالو فقد يكون يكون فاتني شيئ من ابداعه ما عرفتو
لكن برضه زي ما قلت ممكن زول عادي بس يكون شيوعي الشيوعيين يعملو ليه قبة ويشيخوه ويبقوه حاجة كويسة وهو اي كلام ما شيوعين عواليق وكضابين
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: عبدالعزيز حسين عبدالرحيم)
|
والله ياعبدالعزيز ده ردم شين :):) وياودالباوقه كل البنوك عندها مخازن على أعلى مستوى جوار سوق المحصول مباشرةً سعر تخزين الشوال مابين 50 قرش إلى 1 جنيه للشهر (في ناس مابخزنو ليك لو كميتك قليله (أقل من 400 شوال) ) لو حابي تصدر سعر الطن لحدي مايصل بورتسودان 12 مليون ونص (ده بعتمد على سعر القنطار) في حالة داير تخزن ممكن تخزن وتبيع في زمن الندرة (من فبراير وإنت ماشي) في الشهور بكون أغلب المحصول إتباع والمصدرين بحتاجو سمسم وسعرو برتفع عموماً هي تجارة مربحه للغايه ومخاطرها قليله مشكلتها إنها بتحتاج راس مال جيد (يعني لو عندك أقل من 200 مليون مافي داعي زول يخش في الموضوع ده)
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: عمر عبد الكريم علي)
|
Quote: والله ياعبدالعزيز ده ردم شين :):)
|
لا ردم ولاحاجة كدي أبقى شيوعي شوف ما يبقوك أحسن سمسمنجي في الدنيا ويطلعوا ليك سمسمك بلور وتبر ودا الحاصل عصام عبدالحفيظ مصور متواضع وتصويرو منتهى العاديه ومابستخدم شيئ من تكنينك التصوير لكن عنده شهره وأعماله ما تستاهل يتعمل ليها معرض لأنه في ناس أحرف منه وأعمالهم اجمل منه في المنبر دا وبره
الشيوعيين الموهب ولا المبدع لمن يكون منهم بعملوا ليه دعاية كبيرة عاين زي محجوب شريف بي سجعة المتواضع وكوجانه في بعض الكتابات مسمنو شاعر الشعب الشوعيين عامل فيها ارباب الابداع واسياده كان الشعب دا غنم خليك من المبدعين ياخ في السياسين عاين ليهم بقدسوا عبدالخالق محجوب ومنحوه لقب الشهادة عديييييل كدا هو عبارة مقامر سلطة شيوعي انقلب على الشرعية وجاب نميري وخان نميري وانقلب عليه يعني عاوز نميري يديهو الاوسمة والنياشين بعدين اتسبب في مقتل كتير من الابرياء أمال انت قايل شهداء بيت الضيافة ديل ماتوا ساي ما اكييد تعليمات من عبدالخالق في حالة فشل الانقلاب تصفية الضباط
ياخ خليك من دا كله هسع عاين في البورد دا اكبر كضاب في البورد هو الشيوعي معاوية عبيد عاين ليه مطلعنو صاحب المصادر والصادق الامين
بالنسبة لطنقعه عصام عليك وتستاهل وشمتان فيك عادي شيوعي وأنت قايلهم عندهم شنو غير الطنقعة الفارغة فاكنها في روحهم عشان كدا تاني لمن تمشي تتجلبط ليك في زول ولا تندلق فيه اتاكدا انه ما شيوعي تأكد حا يرحب بيك لكن الشيوعيين ديل عفص ليهم ودوسهم شوفهم ما يجوك جارين براهم واحسن حاجة تريح راسك وتطلع الشوعييين ديل من البشرية زاتو يعني لو شفت شيوعي اعتبر نفسك شفت بهيمة مثلا صدقني حا ترتاح
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: عبدالعزيز حسين عبدالرحيم)
|
السلام عليكم ..
طلب مني الاخ عصام عبد الحفيظ نقل ما كتبه في صفحته في الفيس بوك هنا نسبة لأنه لا يمتلك باصويرد في المنبر حاليا وها أنذا أفعل ..
Quote: عمر عبد الكريم علي وهذا الموضوع نقلا من سودانيزاونلاين
وهى آخر مداخله كتبها صديقى الاسفيرى العزيز والذى كنت قد التقيته صدفه وانا احمل الكاميرا واعمل بحقول السمسم بمدينه القضارف ولكنه كتب بوست بسودانيزاونلاين عن اننى تجاهلته وقابلته ببرود بعد تعريفه لى بنفسه واقعيا اولا اعتذر اشد الاعتذار ان كنت خالفت ادب الترحاب لكن والله المصور مرات بى ييكون وكانوا فى حلقه زار اثناء العمل ويقتضى ذلك قدرا كبير من التركيز اثناء العمل وعليه الانتباه للضوء فى كل ثانيه ولهذا اجد نفسى دائم الحرج ان لم انتبه ولحظتها مقابلتى للصديق العزيز عمر كانت عصرا وعلينا اكمال العمل قبل المغرب
واعتذر ايضا ان مسه منى اى غضب او ذره حزن بسبب لقاء القضارف
واعتذر ايضا لجميع عضويه سودانيزاونلاين عن الغياب فهم جميعهم اصدقاء وان ابتعدت عن الكتابه فى المنبر لفتره لاسباب عندها علاقه بالوقت ومشاريع تاخذ وقتى ولهم كل الود والمحبه !! |
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: ناذر محمد الخليفة)
|
Quote: وهى آخر مداخله كتبها صديقى الاسفيرى العزيز والذى كنت قد التقيته صدفه وانا احمل الكاميرا واعمل بحقول السمسم بمدينه القضارف ولكنه كتب بوست بسودانيزاونلاين عن اننى تجاهلته وقابلته ببرود بعد تعريفه لى بنفسه واقعيا اولا اعتذر اشد الاعتذار ان كنت خالفت ادب الترحاب لكن والله المصور مرات بى ييكون وكانوا فى حلقه زار اثناء العمل ويقتضى ذلك قدرا كبير من التركيز اثناء العمل وعليه الانتباه للضوء فى كل ثانيه ولهذا اجد نفسى دائم الحرج ان لم انتبه ولحظتها مقابلتى للصديق العزيز عمر كانت عصرا وعلينا اكمال العمل قبل المغرب
واعتذر ايضا ان مسه منى اى غضب او ذره حزن بسبب لقاء القضارف
واعتذر ايضا لجميع عضويه سودانيزاونلاين عن الغياب فهم جميعهم اصدقاء وان ابتعدت عن الكتابه فى المنبر لفتره لاسباب عندها علاقه بالوقت ومشاريع تاخذ وقتى ولهم كل الود والمحبه
|
دا تعامل راقي ومحترم
شكراً ليك يا عصام وشكراً لصاحب البوست وهاهو عشمه في عصام يَصْدُق
| |
|
|
|
|
|
|
Re: لهذا المنبر الفضل الأكبر لكي تصل لما أنت عليه الآن ياعصام عبدالحفيظ !! (Re: ناظم ابراهيم)
|
Quote: عمر عبد الكريم علي وهذا الموضوع نقلا من سودانيزاونلاين
وهى آخر مداخله كتبها صديقى الاسفيرى العزيز والذى كنت قد التقيته صدفه وانا احمل الكاميرا واعمل بحقول السمسم بمدينه القضارف ولكنه كتب بوست بسودانيزاونلاين عن اننى تجاهلته وقابلته ببرود بعد تعريفه لى بنفسه واقعيا اولا اعتذر اشد الاعتذار ان كنت خالفت ادب الترحاب لكن والله المصور مرات بى ييكون وكانوا فى حلقه زار اثناء العمل ويقتضى ذلك قدرا كبير من التركيز اثناء العمل وعليه الانتباه للضوء فى كل ثانيه ولهذا اجد نفسى دائم الحرج ان لم انتبه ولحظتها مقابلتى للصديق العزيز عمر كانت عصرا وعلينا اكمال العمل قبل المغرب
واعتذر ايضا ان مسه منى اى غضب او ذره حزن بسبب لقاء القضارف
واعتذر ايضا لجميع عضويه سودانيزاونلاين عن الغياب فهم جميعهم اصدقاء وان ابتعدت عن الكتابه فى المنبر لفتره لاسباب عندها علاقه بالوقت ومشاريع تاخذ وقتى ولهم كل الود والمحبه |
كنت متوقع إنك سترد .. وكنت أكثر توقعاً لردك هاكذا ..
عميق إحترامي يا فنان ...
| |
|
|
|
|
|
|
|