|
أين خبيرنا الوطني يا بكري
|
لا لمحاربة الكلمة الصادقة لا لمحاربة نشر ثقافة الحقيقية ودحض الاشعاعات لا لمحاربة المرصد لا اتهم بكري بحظره لكن اخاطبه من باب كلم راع وكلكم مسئول عن رعيته يا بورداب الخرطوم طمنونا بالله خصوصاً وان بربار ذكر ان خبيرنا الوطني تعرض لسكة جعلته ينافس هايلي جيبري سيلاسي عند دخوله المنعطف الاخير يا بورداب القاهرة هل خبيرنا بطرفكم فقد طراكم في بوست سابق؟ يا عتالة المنبر ادعوكم الى اضراب مفتوح عن الطعام حتى ظهور خبيرنا الوطني بنفسه او ظهور دوبليره
|
|
|
|
|
|
|
|
Re: أين خبيرنا الوطني يا بكري (Re: محمد عمر الفكي)
|
أخونا محمد عمر الفكي كانت تأتيني رسائل على ايميلي الخاص بنشاط أصدقاء السياحة السودانية وكانت آخرها بتاريخ 2014/08/03م مادة للنشر بعنوان ( اصدقاء السياحة السودانية يحتفلون بعيد الفطر المبارك سياحيا ....) ومنذ ذلك التاريخ لم تصلني رسالة فيك الخير السألت عنه. والغائب عذره معاه وفي غيابو منتظرين ..
ويا مثبت العقل والدين ..
| |
|
|
|
|
|
|
Re: أين خبيرنا الوطني يا بكري (Re: mohmmed said ahmed)
|
أستاذنا الفكي .. اتحدث بصفتي قائد العتالة .. على مجلس الادارة الصوم احتجاجاً على اختفاء الخبير .. ثم بعد ذلك العتالة .. اين : جمال خضر وود الامير والمدير لأن العتالة عمل شاق ويحتاج الى لياقة بدنية .. نرجو إعفائهم من الصوم .. إذا أردت ان تأتي بالخبير .. فقط ( صحن روبيان ) والمشكلة تتحل ..
استاذنا الفكي واصل .. وشكرا لهذه الاستراحة ..
| |
|
|
|
|
|
|
Re: أين خبيرنا الوطني يا بكري (Re: علي عبدالوهاب عثمان)
|
استاذنا وحبينا علي ياخي والله غيبة الخبير طالت، لكن وبما اننا قاعدين في المملكة فنعتقد ان (من كتر الغيبات جاب الغنائم) وغنائم خبيرنا لا تخفي على احد فلربما ظهر لنا بخبر يجيب جلطة لزول وهو بذلك يفتح ابواب الرزق الواسعة للدكاترة الغلابة او يجيب سكري لزول فيوفر للبلد 12 ملعقة سكر في اليوم. قول الملعقة فيها 20 جرام، تقريباً يعني ربع كيلو في اليوم، يعني كيلو كل اربعة يوم، يعني 7 كيلو في الشهر يعني شوال ونص في السنة !!!!! كم انت عظيم يا خبيرنا اين العتالي عبدالماجد مصطفى؟
| |
|
|
|
|
|
|
Re: أين خبيرنا الوطني يا بكري (Re: محمد عمر الفكي)
|
أستاذنا الفكي هناك احتمالين : إما ان يكون محاصر بمياه الامطار .. أو مشغول بتوزيع الاغاثات على أهلنا الغلابة ..
أين مجلس الادارة شكراً الفكي .. والواحد كان مشتاق لبوست زي بعيد عن زحمة الحوش ..
| |
|
|
|
|
|
|
رد (Re: ناذر محمد الخليفة)
|
يا ناذر عليك الله بلغ الخبير تحيات جميع العتالة والمعجبين وقول له ود الفكي قال لك لما تكون شخصية عامة لها شعبيتها ومحبيها ومعجبيها وعتالتها ولما تكون خبير وطني اوحد لاشريك لك ولما تكون صاحب مرصد لدحض اشعاعات نبوية فما من حقك تعتكف لان لوطنك ولمرصدك ولمعجبيك حقا عليك. ورينا الزعلك منو ونحن نمعط ليش ريشو واذا كنت زعلان مننا فنحن اسفين يا صلاح. محمد سيد أحمد وود عيسى، اقيفو النشوف المصيبة الجابها ناذر وبرجع لكم. عتالة صفا عتالة انتباه حتى عودة الخبير مع تحميلنا لبورداب الخرطوم كامل المسئولية عن اي شيء يحدث للخبير لانه من الواضح انه بيمر بحالة اكتئاب حاد. يا ناذر اكان خايف الخبير دا يكون سعران، الاربعين يوم عدت، اخد حقن السعر ولا ما اخدهن؟
| |
|
|
|
|
|
|
Re: رد (Re: جمال خضر)
|
http://www.0zz0.com
وصلتنى هذه الصورة من مصدر سرى يعمل لحساب المرصد وقد ذكر لى إنها آخر صورة أُلتُقطت للخبير قبل
إختفائه وهو يكاد يجزم أن الخبير دُس له مخدر فى كوب الشاى الذى فى يده والذى قُدم له بواسطة الأخ ناذر
فهل لناذر علاقة بالإختطاف أم تصادف وجوده فى مكان الحادث ؟ هذا ما ستكشف عنه التحقيقات الجارية
من قبل المرصد .
| |
|
|
|
|
|
|
Re: رد (Re: جمال خضر)
|
Quote: رئيس بورداب عموم السودان |
الخبير ماشى كويس ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ يا بكرى بل راسكـ
| |
|
|
|
|
|
|
Re: رد (Re: مصطفى البشارى)
|
بدا القلق يساورني اخ جمال على خبيرنا وصحته وسلامته الشخصية، سوف اقوم باتصالات وجولات مكوكية مع جمعيات حقوق الانسان ومنظمات المجتمع الدولي وحزب الخُضر والامم المتحدة للكشف عن مكان اختفاء خبيرنا والتاكد من انه في صحة جيدة وفي اتم العافية. يا بشاري نحن خبيرنا دا منتظرين يبقى الامين العام لمنظمة الرمم المنتحرة وانت تجي تقول لي بكري؟
| |
|
|
|
|
|
|
Re: رد (Re: محمد عمر الفكي)
|
ود الفكي يا عمك ..
Quote: يبقى الامين العام لمنظمة الرمم المنتحرة |
اثنى الترشيح .. عشان نتشرشح كلنا
| |
|
|
|
|
|
|
Re: رد (Re: مصطفى البشارى)
|
خبيرنا الوطنى الليلة راح يا ناس فتشنا البلاد من حلفا لى مكناس ضهبانن نتاوق جاتنا ضربة راس وشحدنا الكريم نلقوهو دا المغاس
| |
|
|
|
|
|
|
Re: رد (Re: محمد عمر الفكي)
|
Quote: لا لمحاربة الكلمة الصادقة لا لمحاربة نشر ثقافة الحقيقية ودحض الاشعاعات لا لمحاربة المرصد |
والله ياهو الفضل، الحظر ده هامل ساي كده؟
بعدين الزول مشى وقال ليكم (حتشتاقو لي مش؟) ما كنت قايل في زول حيشتاق ليهو ..... لكن ود الفكي بيريد خناقو
| |
|
|
|
|
|
|
Re: رد (Re: محمد أبوالعزائم أبوالريش)
|
Quote: خبيرنا الوطنى الليلة راح يا ناس فتشنا البلاد من حلفا لى مكناس ضهبانن نتاوق جاتنا ضربة راس وشحدنا الكريم نلقوهو دا المغاس |
استاذنا جمال خضر .. والاستاذ ودالفكي .. إقتراح لمجلس : يتم تسجيل الشاعر محمد سيداحمد بمسمى ( شاعر الديوان الخبيري )
واصلوا .. صدقني بوست دمه خفيف ..
| |
|
|
|
|
|
|
رد (Re: علي عبدالوهاب عثمان)
|
Quote: بعدين الزول مشى وقال ليكم (حتشتاقو لي مش؟) ما كنت قايل في زول حيشتاق ليهو ..... لكن ود الفكي بيريد خناقو |
ابو العزائم والله ليك وحشة وشوقنا بحر والله لو ما خايف يحرجني قربت اضرب ليهو تلفون، كنا متونسين في امانة الله، غاب الخبير مشينا نقابض في البوستات الماكنة لمن لم فيني نبي الله محسن خالد طلعني ثمود ذات نفسه هههههههه اخير لنا خبيرنا نونسه ويونسنا. يا علي اقتراحك مقبول بشرط التطوع فقط، محمد سيد أحمد لو طمعان ليهو في راتب يمشي يدوبي في البطانة لمن تجيهو لوز لكن نحن ما عندنا ليهو قروش هههههههه.
| |
|
|
|
|
|
|
رد (Re: محمد عمر الفكي)
|
بالمناسبة يا علي وردني اعتراض على تعيين الاخ محمد سيد أحمد كشاعر للديوان الخبيري جيث ان المذكور متهم تحت المادة 130 قتل عمد للنبي احمد بن يوسف وايضا متهم بالتزوير في اوراق رسمية وانتحال شخصية كما ذكر نبي الله محسن خالد في بوسته بتاع نبي الله يحي. عليه الشاعر المقترح يجب ان يبرئ ساحته عشان نعينو هههههههه المنبر بقى هملة شئ انبياء وشئ خبراء واخر حاجة حنضل. يا بكري ما عندك جردقة عشان تتم الناقصة؟ بالمناسبة في البوست اياه انا ما ود الفكي انا ثمود ذات نفسو وكمان انا عضو المنبر صديق شنتير هههههههه احي يا مصاريني
| |
|
|
|
|
|
|
Re: رد (Re: محمد عمر الفكي)
|
غريبة بخير.. التقيته اليوم وهو يبلغكم تحياته وانتم موعودن بسيل من بوستات السياحة وحبوبته... حسب زعمه... شكرا ود الفكي
| |
|
|
|
|
|
|
Re: رد (Re: ود الباوقة)
|
محمد عمر وبقية الأخوة.
مصادري تقول أن صلاح غريبة متجدع في القاهرة وبيضرب في البيرة الساااااااقطة إستيلا.
| |
|
|
|
|
|
|
Re: رد (Re: محمد عمر الفكي)
|
يا محمد عمر شفتا المحن قتلنا النبى عديل يعنى ناس مصطفى مدثر وتبارك ما ركبو فيهم المصيبة دى الزول دا مغبون منى شديد خلاص هسا نشتكيهو وين الجنائية الدولية ذاتا شوية عليهو
يازول ادوبى فى البطانة شنو انا زول نوبى قلتا نجرب على راس غريبة الغلبان دا
| |
|
|
|
|
|
|
Re: رد (Re: mohmmed said ahmed)
|
يا محمد قالو البتقع من السماء بتحملها الواطة. المهم اقترح تكوين لجنة عليا لاستقبال اول بوست للخبير بعد عودته الظافرة الى ساحات ووغى المنبر
| |
|
|
|
|
|
|
Re: رد (Re: معاوية المدير)
|
يا بشاري كدي اقدر اتاخر، شناكلنا محدودة، معرضنا بشارع الجمهورية اما عمارة الضرائب، سلبلات حديثة من الالياف الضوئية ترحيب خاص بظهور السيد ود المدير عميد العتالة وعوداً حميداً. ظهور المدير بشارة خير بقرب اطلالة صاحب السمو الخبيري خبير البوست المفدى باعتباره من احد الحاشية المقربين والوحيد تقريباً الذي يتكرم صاحب السمو بالرد عليه شخصياً عليك الله ما تمشي علي اسم ثمود دا، انت بتباري لي في كلام محسن شفاه الله؟
| |
|
|
|
|
|
|
Re: رد (Re: مصطفى البشارى)
|
والله ما عارف يا مصطفى، البوست طويل وكله تضريبات وانا جني وجن الرياضيات فاكيد فادر دي ولا دا ما عارف بتكون مرت في جزء سابق من المسلسل التركي دا راجع الحلقات (قصدي الصفحات السابقة) انا سمعت انهم اخوان اولاد ابو
| |
|
|
|
|
|
|
Re: رد (Re: محمد عمر الفكي)
|
Quote: راجع الحلقات (قصدي الصفحات السابقة) |
يازول اراجع شنو !! انا جيت فى الصفحة العاشرة وراسى سخن
هسى اقعد اتشالق يطلعنى "جلمود" الاخ غير الشقيق لى ثمود
| |
|
|
|
|
|
|
Re: رد (Re: مصطفى البشارى)
|
واللة يا معاوية وكل الاخوة العتالة بحثت فى goole باوصاف الخبير ولم اجد الا وصفا لجماعة تبحث عن موصفات تطبق 2000 فى الماية على الخبير ، وقطع شك الجماعة سجلوا عشان كدا مختفى ، ودا الوصف :
Quote: ينبغي أن يتسم بصفات القوي الأمين والحفيظ والعليم، وأن يكون ليناً في غير ضعفٍ وقوياً من غير عنفٍ وجواداً في غير إسراف ومقتصداً في غير بخلٍ، وأضاف: (كذلك لا يصانع ولا يضارع ولا يعمل في عمل تجاري)، وشدد على أن مواصفات مرشح الرئاسة تتمثل في أن يأمن الأبرار ويخاف الفجار ولا يغلق بابه دون حاجات الناس، بجانب حُسن الخلق والمؤهل العلمي المناسب والوسطية والاعتدال وسعة الأُفق وقوة البصيرة ومبادرته وخبرته . |
واتمنى من الناطق الرسمى نفى النفى او تاكيد النفى كدا يا ود الفكى شوف الوصف دا
| |
|
|
|
|
|
|
Re: رد (Re: هاشم احمد ادم)
|
علقت عليهو بهناك يا هاشم في بوست فرانكلي قلت ليهم دا مرشح لرئاسة السودان ولا قبيلة جرهم اعتقد ان كاتب المواصفات هذه هو الخبير نفسه خطو واسلوبو ومهاراته اللغوية ظاهرات
| |
|
|
|
|
|
|
Re: رد (Re: محمد عمر الفكي)
|
Quote: خبير سوداني يقترح نقل العاصمة الي مكان آخر خبير سوداني يقترح نقل العاصمة الي مكان آخر اليوم 07:56 السودانية ـ الخرطوم نصح خبير دولي في مجال البيئة السلطات بنقل العاصمة السودانية الخرطوم إلي موضع أو مكان آخر أكثر تخطيطا وملائمة لعاصمة حضاريه وذلك تفاديا للانهيار الصحي والبيئي المحتمل علي غرار التجربة النيجيرية التي تم بموجبها نقل العاصمة من لاغوس إلي أبوجا بعد انهيار الوضع الصحي والبيئي فيها.
http://www.alsudaniya-sd.com/http://www.alsudaniya-sd.com/ |
محمد عمر والعتاولة ـ
قطع شك دا زولكم
الزول شغال بحوث في قضايا أستراتيجية وإنتو ما جايبن خبر دي رابطة معجبين ما شايفا شغلا
| |
|
|
|
|
|
|
Re: رد (Re: معاوية المدير)
|
الخبر الأكيد جابوهو ناس الهامش وخبير السجم لابد يكون بيهابش يا شايلو موس قاصد دقن قلقامش يا شد الرحال لحق الشباب فى داعش
سلام يا شباب....
| |
|
|
|
|
|
|
Re: رد (Re: محمد عمر الفكي)
|
يبدو أنهم يقصدون أنه يخيف الفجار والفجار ديل ياهم رهط محمد عمر ود الفكي أو ثمود كما قال النبي محسن
من عنوانك يا محمد عمر فهمت إنك بتتهم المهندس بكري أبو بكر بمحاولة إبعاد الخبير عن الكتابة في البورد
فأرجو أن تنفي هذا الكلام نفيا باينا بينونة كبرى حتى نعتقك
| |
|
|
|
|
|
|
Re: رد (Re: جعفر محي الدين)
|
يا مدير ما لقيت الخبير قلت امشي اشوف رسالة النبي دا يمكن تلفق معانا ود مكاوي والله ابياتك جميلات وقافيتهن سمحة تم تعيينك شاعراً ثانياً بالديوان الخبيري سؤال بالجنبة السنارة دي مغزوزة هنا ليها كم سنة، مشرك لشنو انت؟ يا شيخ جعفر انا لم اتهم سيد الحوش البودي الخور، انا سالته بكل ادب واحترام غايتو يا جعفر الفيك انعرفت، انت قايل إيجار الباسويرد دا ساهل؟ ولا اقبل عليكم باليوزر نيم حقى التاني بتاع شنتير؟
| |
|
|
|
|
|
|
Re: رد (Re: مصطفى البشارى)
|
الاخ الكريم مصطفى البشاري شكراً لك كثير .. مع أنني المسئول عن العتالة كنت نسيت أرفع البوست .. وها أنذا بكامل قواي عقلية ونظراً لحرصك على الخبير ووفائك لهذا الرمز الوطني فقد تنازلت لك عن وظيفتي رئيس العتالة وبهذا أسجل سابقة تاريخية لم يسجلها الرئيس عمر البشير .. وسوف أكون عتالياً مخلصاً ضمن المجموعة .. وعلى اعضاء مجلس الادارة جمال خضر وود الفكي اصدار خطاب تعيين للبشاري .. التحية لك اخي البشاري .. والله الواحد كان زهجان من زحمة العمل والمدارس .. لكن أذهبت عننا الكثير .. وين باقي الجماعة ..
| |
|
|
|
|
|
|
Re: رد (Re: علي عبدالوهاب عثمان)
|
الاخ الكريم / على عبد الوهاب
Quote: شكراً لك كثير .. مع أنني المسئول عن العتالة كنت نسيت أرفع البوست .. وها أنذا بكامل قواي عقلية ونظراً لحرصك على الخبير ووفائك لهذا الرمز الوطني فقد تنازلت لك عن وظيفتي رئيس العتالة وبهذا أسجل سابقة تاريخية لم يسجلها الرئيس عمر البشير .. وسوف أكون عتالياً مخلصاً ضمن المجموعة .. وعلى اعضاء مجلس الادارة جمال خضر وود الفكي اصدار خطاب تعيين للبشاري .. التحية لك اخي البشاري .. والله الواحد كان زهجان من زحمة العمل والمدارس .. لكن أذهبت عننا الكثير .. |
التحية ليك انت ياخ .. نحن الخبير ده ما بنفرط فيهو البتة "عجبتنى البتة دى" وعشان السابقة التاريخية دى بقوليك خليك زى ما انت .. واعتبرنى انا مساعد ياى والله يا حبيب نحن البوستات بتمرقنا من جو العمل والقرف النحن فيهو .. لى قرف ارفع .. بدرجة خبير وكده
Quote: وين باقي الجماعة .. |
غايتو ود الفكى ده او ثمود شايفو حااايم .. الباقيين علمى علمك
| |
|
|
|
|
|
|
Re: رد (Re: مصطفى البشارى)
|
اخي البشاري .. هناك تفريط من مجلس الادارة .. حقيقة مشكلة الخبير اصبحت مشكلة قومية والأمر اصبح محير ( وخاصة مع ناس داعش والنصرة ودولة الاسلام ) نداء أخير لمجلس الادارة ( ود الخضر ، وود الفكي ، ود المدير ، والامير في قطر ) اجتماع عاجل وإلا سوف نسحب منكم الثقة .. اذا لم تتصلوا بالاخوة بوردات الخرطوم والتأكد من وجوده على قيد الحياة ( بعيد عنه ) أو إرسال مندوب خاص الى الخرطوم للبحث عنه مع تحمل تكاليف السفر والاقامة في الفندق .. وأنا في جدة سوف أقوم بتقصي والبحث عنه من الحجاج الدستوريين ( حج خمسة نجوم ) ولمزيد من الاغراء فهو معزوم ( صحن روبيان ) في فندق قصر المدينة ..
اخي البشاري .. اذا المجلس لم يجتمع خلال اليوم .. سوف يكون هناك .. ربيع عتالي اسوة بالربيع العربي .. لتشكيل مجلس جديد
| |
|
|
|
|
|
|
Re: رد (Re: مصطفى البشارى)
|
Quote: اصدار خطاب تعيين للبشاري .. |
أخونا على عبد الوهاب لك التحية ومثلها لمصطفى البشارى عتالى لا يُشق له غبار
وقايم بالواجب وزيادة .
إنشغلنا بالبحث عن الخبير وقصرنا فى رفع البوستات التى تخصه غايتو لو ما ظهر
فى القريب العاجل الا ننزل صوره فى الجرايد ونطلب من الجميع تنشيط حملة البحث
عن الخبير الواحد ما قادر يستوعب منبر سودانيز بدون خبيرنا المُفدى .
الله يكضب الشينة ويعود خبيرنا سليما مُعافى ويردمنا بوستات لامن نعرف حاجة
| |
|
|
|
|
|
|
Re: رد (Re: جمال خضر)
|
بصراحة يا ريس جمال .. الخبير دا بقى زي قهوة الصباح والواحد إتعود عليه .. اول ما أفتح باب الحوش ابحث عن الخبير .. وغيابه اكد لي إنه الخبير ليه مساحة في الحوش لا يمكن ان يعوض .. شكراً للعودة ..
| |
|
|
|
|
|
|
Re: رد (Re: علي عبدالوهاب عثمان)
|
والله العظيم ثلاثاً وما طالبني حليفة الصباح دا جاي على الشغل اتذكرته وكنت ناوي اجي ارفع البوست دا، لكن سبحان الله انشغلت بموضوع ايران وملحقيتها الثقافية. كتر خيركم وحقيقة قلوب العتالة شواهد. يا ناذر ارمي لينا تلفون الخبير، ما فضل لينا الا نتصل بيهو وإنا لفاعلون
| |
|
|
|
|
|
|
Re: رد (Re: محمد عمر الفكي)
|
التحية للجميع .. اليوم الواحد فاضي ومتفرغ للخبير .. أبشرك اخي البشاري .. ودالفكي حيجيب خبر الخبير .. بدأت اجراءات البحث .. ما علينا إلا الصبر .. التحية لجميع العتالة ومجلس الادارة ..
| |
|
|
|
|
|
|
Re: رد (Re: علي عبدالوهاب عثمان)
|
يا عتالة المنبر الخبير قال لكم العندو اسكايب يتواصل معاي انا شخصياً ما عندي اسكايب كدي يا جمال اتوكل وجرب ههههههههههههههههه
| |
|
|
|
|
|
|
Re: رد (Re: مصطفى البشارى)
|
اخى على عبد الوهاب .. التحية ليك وانت مهموم بخبيرنا الذى لا يشق له غبار
ياخ وحات نظرى الخبير ده تحفة
| |
|
|
|
|
|
|
Re: رد (Re: معاوية المدير)
|
يا أخوان أبشركم يوم 31 أغسطس وردتني رسالة من جمعية أصدقاء السياحة وكان عندهم فعالية لكن هذه المرة لم يكن مرفق معها صور عشان نتأكد ليكم من أخونا صلاح موجود معاهم ولا لا .. بس اطمئنوا .. أكيد خبيرنا بخير طالما فعالياتهم شغالة (تش) وعنده الخبر اليقين في موضوع عزوفه عن المنبر ..
ويا مثبت العقل والدين ..
| |
|
|
|
|
|
|
Re: رد (Re: مصطفى البشارى)
|
الأخ الجميل / محمد عمر الفكي وكل الاخوان العتالة سلاااااااام الخبير قال لكم العندو اسكايب يتواصل معاي ههههههاااي وتاني هههههههااي والله زي ما قال الأخ مصطفى البشاري اسكايبي نهي نهي نهي نتواصل هنا في البوست دا خلاف كدا نهي نهي نهي قال اسكايبي قال قايلنا ما بنعرف سرور ولا كرومه هههههه
أبو كريم
| |
|
|
|
|
|
|
Re: رد (Re: mohmmed said ahmed)
|
هههههههههههههههههه محمد سيداحمد
الكورس ياهو الدورة وياهو التريننغ .. ما فوكا حاجة ياخ
Quote: غريبة ما بيزعل من العنف القانونى لكن دى فيها كرت احمر عديل |
كلو ولا ده .. اها انا خشمى وعندى
| |
|
|
|
|
|
|
Re: رد (Re: مصطفى البشارى)
|
Quote: اها اشوف ليك غريبة برضو بيكتب لربيع طبعا كزملاء فى مهنة الاعلام |
أخونا محمد سيداحمد .. شكراً على التطمين .. هذا خيط أتى به الاخ محمد سيداحمد يمكن متابعته اخي محمد سيداحمد بإسم معجبي الخبير اناشدك ان تبلغه بأننا في انتظاره .. بالله هو خريج جامعة وادي حوف .. احسن وادي ( خوف ) على العموم رغم كده هو خبير لا يشق له غبار التحية اخي سيداحمد
| |
|
|
|
|
|
|
Re: رد (Re: علي عبدالوهاب عثمان)
|
اخى على مساكاقمى
يازول جامعة شنو معهد وادى حوف للسيارات معهد سنتين بيخرج فنى سيارات
لكن الخبير اخد صفة المهندس الفخرية
| |
|
|
|
|
|
|
Re: رد (Re: مصطفى البشارى)
|
أخونا جمال معقولة ما بتعرف سرور كدي اسال أخونا ود الفكي ونزف ليكم هذه البشرى السارة ركز معانا يا جمال بالله الخبير موجود بالخرطوم ومشغول وما فاضي وبشكركم على السؤال عنه والعتالة
أبو كريم
| |
|
|
|
|
|
|
Re: رد (Re: الفاتح خليل الفكي)
|
يا ناس سلام عليكم بجيكم بالرد واحد واحد لكن خلوني ابدا مع المدعو مصطفى البشاري دا اذا تكررت منك هذه التلميحات الخبيثة والغير مقبولة فقدامنا واحد من حلين لا ثالث لهما يا نطردك من نقابة عتالة الخبير شر طردة ونرجع لبكري الباسوورد حقو يا عليك كفارة وهي التحدث مع الخبير عبر الاسكايب لمدة ساعة كاملة فشنو خالي بالك وخليك منضبط
| |
|
|
|
|
|
|
Re: رد (Re: مصطفى البشارى)
|
أخونا محمد عمر بالله ضاعف العقوبة لاخونا مصطفى البشاري خليها ساعتين في الاسكايبي ههههههه أخونا مصطفى البشرى دا بتاع برنامج قهوتنا كان في رمضان هههههههه
أبو كريم
| |
|
|
|
|
|
|
Re: رد (Re: الفاتح خليل الفكي)
|
يا جماعة خلوني اعرفكم بالرجل القامة في مجال العتالة مع الخبير وهو اول من حمل على كاهله رفع بوستات خبيرنا الوطني واول من اكتشف مواهب الخبير ونذر نفسه ووقته وماله وجهده في سبيل ان بوستات الخبير ما تغطس من الصفحة الاولى نهائيا (الحالة العم هشام هباني قاعد) هشام لما يجي المنبر، الصفحة الاولى دي بتبقى حقتو براهو ان ذلك الرجل هو كبيرنا ومعلمنا الاستاذ الشاعر معاوية المدير له منا كل التقدير والاحترام لذا نتساءل معه خبيرنا ما جاء؟ الاخ المليك المهموم بقضايا المغتربين وهمومهم وقضاياهم ومؤتمراتهم التي (يمثل بنا فيها خبيرنا الوطني خير تمثيل) رغم مشغولياته الكثيرة وهو يمثلنا كمتطوع ومافي مغترب يوم واحد دخل ايدو في جيبو وقالو هاك دا حق البنزين يا خبير (الفطور مضمون) اخينا المليك كتر خيرك الطمنتنا على الخبير الفاتح خليل اضم صوتي الى صوت الناطق الرسمي باسم الخبير واتساءل معه سرور وكرومة ديل منو؟ عتالة معانا؟ محمد سيد احمد انت يا قاتل الانبياء ما قلت لك تاني ما تجينا هنا؟ ما رسلت طلب صداقة للخبير بما انه عندكم صديق واحد مشترك؟ اخونا على عبد الوهاب يا خبير عليك الله عشان خاطر اخونا علي وعشان خاطر التلاتة الف وميتين وخمسين للبوست دا تعال راجع. علي دا بعد شوية خايفين تحصل ليهو مصيبة لو اتاخرت اكتر من كدة عليك الله عاين لحالتو بقيتو عسكري مباحث بس يفتش في الخيوط والابر هههههههههههه الفاتح من سبتمبر انت رديت رد مبهم حول سرور وكرومة، انا فهمي بسيط وما فهمت حاجة يا ريت تشرح لنا ثم ثانياً عرفت كيف الخبير في الخرطوم؟ ما قال ماشي يقعد رمضان في القاهرة؟!!!! ما مشى؟ وهل عندك تواصل معاهو بالتلفون او الاسكايب؟ تحياتي معشر العتالة
| |
|
|
|
|
|
|
Re: رد (Re: علي عبدالوهاب عثمان)
|
الأخ / محمد عمر انا عرفته الخبير في الخرطوم من فاعل خير قال لي انا متابع سودانيز وشايف في بوست مفتوح من أخونا ود الفكي بسأل عن خبيرنا وقال لي اطمنكم الخبير في الخرطوم بس مشغول بقضايا الوطن والمغتربين ههههه والحمد لله انا لا عندي تواصل مع الخبير لا بالتلفون ولا بعرف حاجة اسمها الاسكايبي هههههه غايتو انت لو عندك اسكايبي ادخل لينا عليهو وطمنا هههههههههههههههههههههاااي تحياتي واحترامي ،،،
أبو كريم
| |
|
|
|
|
|
|
Re: رد (Re: الفاتح خليل الفكي)
|
يا جماعة يعلم الله شاهدت البشرى السارة دى فى فيديو عديل فى الصفحة الأولى
لمن شفت الفيديو فركت عيونى وقرصت ودونى معقول القاعد أشوف فوقه ده
لكن لحسن حظ البرلوم تدحرج الفيديو سريعا وتوارى خلف الصفحات ولم ينتبه
الجماعة له وإلا لتم تخويره فى الحال .
| |
|
|
|
|
|
|
Re: رد (Re: جمال خضر)
|
Quote: يا جماعة يعلم الله شاهدت البشرى السارة دى فى فيديو عديل فى الصفحة الأولى
لمن شفت الفيديو فركت عيونى وقرصت ودونى معقول القاعد أشوف فوقه ده
لكن لحسن حظ البرلوم تدحرج الفيديو سريعا وتوارى خلف الصفحات ولم ينتبه
الجماعة له وإلا لتم تخويره فى الحال . |
الحاجة يا تجيبها عديل يا ما تذكرها من الاساس يا جيمي ، شغل الدغمسة والمجمجة دا ما بنفع معانا، افصح وابِن. يعني هسي نمش نحوس ونفتش الصفحات ولا كيف؟ يا الفاتح ان اتواصلت بالاسكايب عشان اطمن عليهو احتمال ما تطمنو علي انا في رقبتي
| |
|
|
|
|
|
|
Re: رد (Re: محمد عمر الفكي)
|
Quote: يعني هسي نمش نحوس ونفتش الصفحات ولا كيف؟ |
ده كلام صاح .. الرابط يا جمال .. حيلنا مهدود من العتالة ياخ
| |
|
|
|
|
|
|
Re: رد (Re: مصطفى البشارى)
|
Quote: يا جماعة خلوني اعرفكم بالرجل القامة في مجال العتالة مع الخبير وهو اول من حمل على كاهله رفع بوستات خبيرنا الوطني واول من اكتشف مواهب الخبير ونذر نفسه ووقته وماله وجهده في سبيل ان بوستات الخبير ما تغطس من الصفحة الاولى نهائيا (الحالة العم هشام هباني قاعد) هشام لما يجي المنبر، الصفحة الاولى دي بتبقى حقتو براهو ان ذلك الرجل هو كبيرنا ومعلمنا الاستاذ الشاعر معاوية المدير له منا كل التقدير والاحترام لذا نتساءل معه خبيرنا ما جاء؟ |
جزاك الله خير أخي ود الفكي وأعانك علي حفظ الحقوق ورفع الحقائق علي اسِنّة الرماح. لي عظيم الشرف في إكتشاف هذه الموهبة الفذة الما دايرة لذّة، والتي أخرجتها من بين مخالب الربيان وفطرات الشهر العظيم رمضان. لو لا تطرقك أخي ود الفكي لهذه الحقيقة لما ذكرتها ابداً بيد أني لا أُحب الأضواء والظهور علي شاشات التلفاز واللعلعة في الإزاعات. لا يفوتني في الختام أن ازجي جزيل شكري لخبيرنا لمجازاته لشخصي الضعيف بمدآخلة كادت تعصف بأطناب البورد جرا سبري لأغوار موهبته التي كادت أن تذرو بها الرياح.
محبتي للجميع...
| |
|
|
|
|
|
|
Re: رد (Re: محمد عمر الفكي)
|
هههههههااااي لو كدا يا ود الفكي ابعد بعيد حفاظاً على روحك وبعد كدا ما عندنا حل الا نخلي أخونا الجميل ود المدير يدخل لينا مع الخبير في الاسكايبي ويطمنا عليهو اصلو عندو مكانة خاصة عند الخبير ههههههه
أبو كريم
| |
|
|
|
|
|
|
Re: رد (Re: الفاتح خليل الفكي)
|
ود المدير ازيكـ ياخ ..
Quote: لا يفوتني في الختام أن ازجي جزيل شكري لخبيرنا لمجازاته لشخصي الضعيف بمدآخلة |
اوعدنا يااااااارب
| |
|
|
|
|
|
|
Re: رد (Re: الفاتح خليل الفكي)
|
يا ود المدير لك التحية .. من معرفتي للخبير عن قرب ومجالستي له .. فهو ضليع في المصطلحات العلمية والاعلامية .. ولكني أراك تستعرض اللغة من منطلق أنك شاعر .. فسوف يحتاج الخبير الى مستشار لسير غور ماذكرته ادناه .. لأن لغة الخبير لغة تطبيق وعمل .. لك التحية ..
Quote: لمجازاته لشخصي الضعيف بمدآخلة كادت تعصف بأطناب البورد جرا سبري لأغوار موهبته التي كادت أن تذرو بها الرياح. |
| |
|
|
|
|
|
|
Re: رد (Re: علي عبدالوهاب عثمان)
|
Quote: هههههههااااي لو كدا يا ود الفكي ابعد بعيد حفاظاً على روحك وبعد كدا ما عندنا حل الا نخلي أخونا الجميل ود المدير يدخل لينا مع الخبير في الاسكايبي ويطمنا عليهو اصلو عندو مكانة خاصة عند الخبير ههههههه
أبو كريم |
ههههههههههههههههههه، حلوة. والله صحي. وملعوبة كمان.
ممكن أدخل معاهو في صندوق، وإتنازل ليهو من الصرفة اللُولة كمان، لكن إسكايب نهي ثمّ نهي.
اكرمك الله يا ابو كريم، وخسمتك تعفيني...
| |
|
|
|
|
|
|
Re: رد (Re: معاوية المدير)
|
Quote: ان اتواصلت بالاسكايب عشان اطمن عليهو احتمال ما تطمنو علي انا في رقبتي |
كان بودى أدق سدرى واتحزم وأخش ليكم مع الخبير إسكايبى عديل كده لكن للأسف الباسوورد
ضايع منى ليهو يومين كده وقدر ما فتشت ليهو ما لميت فيهو .
| |
|
|
|
|
|
|
Re: رد (Re: جمال خضر)
|
الأخ الجميل / ود المدير عفيناك من الدخول مع الخبير في الاسكايبي لكن لو عندك ماسنجر حاول ادخل لينا معه ههههههههههههههههه معقولة يا جماعة كل العتالة مافي واحد عندو اسكايبي يطمنا على الخبير
أبو كريم
| |
|
|
|
|
|
|
Re: رد (Re: مصطفى البشارى)
|
على يا قريبلى
تلقوها عند الغافل
اتواصل مع غريبة فى الفيس
بغدين كل شوية تجينى اخبار جمعية السياحة واتحاد المراة والليلة العضة فى القاعة وبكرة الفتة فى الساحة
لا يفتح الله
| |
|
|
|
|
|
|
Re: رد (Re: قسم الفضيل مضوي محمد)
|
يا محمد سيد احمد انت الخبير دا تحين مو صاحبك؟ شايف لك صورة وانت متصور جنبه ياخي انت سلمت على الخبير؟ والله حقو يتبركو بيك يا جماعة انا غايتو حسادة طاقة الزول الاسمو قسم الفضيل زيها اصلو ما وقع في عيني يا زول قول بسم الله نحن (العتالة) وخبيرنا دا بقينا روح واحدة في جسدين وحبوبتو دي حبوبتنا نحن ذاتنا (بمثابة ام العتالة) ومستحيل تقول كلام زي دا خبيرنا راجع راجع، اصلو منبر بكري دا لنوع خبيرنا ونوعنا إدمان عديل خبيرنا سوف يرجع وحتشوف بعينك، ولما يرجع بالسلامة الا تشوف لك بلد مننا حتلقى كل واحدة ساكك بالشنكل حقو وود المدير شخصياً مشرك لك بالسلبة امرق وتاني ما تجينا هنا
| |
|
|
|
|
|
|
Re: رد (Re: قسم الفضيل مضوي محمد)
|
بما أننى من المهتمين بسلامة خبيرنا النووى الاستراتيجى.. وأعتبره ثروة قومية نادرة.. أطالب بتقديم بلاغ للانتربول.. للبحث عنه.. فقد شغل اختفاءه شعب السودان.. وأصبح حديث المدينة..
| |
|
|
|
|
|
|
Re: رد (Re: nour tawir)
|
يا استاذة نور عليك بمنظمات حروق الانسان ومنظمة الرمم المنتحرة والايسيسكو واليونسكو وناس المتاحف وحزب الخضر وناس البيئة عشان نعرف مصير خبيرنا يا ود المدير نور دي بعد كدا استحقت شنكل، مداخلتين تاني بنديها السلبة
عوض الحسن من نواحي الفيسبوك
Quote: يكون إتشيع ولحقوه أمات طه مع ناس المركز الثقافي الأيراني..؟؟؟؟؟؟؟؟ |
ياخي فال الله ولا فالك خبيرنا دا زول ملتزم وما بتاع فتن وقلاقل دينية باختصار زول بهجة وزول فرايحي زي عتالته
| |
|
|
|
|
|
|
Re: رد (Re: محمد عمر الفكي)
|
يا محمد عمر كان بالصور اتا هسا عندى صور ة مع سمو الشيخ سلطان حاكم الشارقة والامام الصادق المهدى
كان ديل يبقو اصحابى بتحمل صحوبية الخبير
| |
|
|
|
|
|
|
Re: رد (Re: mohmmed said ahmed)
|
Quote: Awad Alhassan · الأكثر تعليقا · Elementare يكون إتشيع ولحقوه أمات طه مع ناس المركز الثقافي الأيراني..؟؟؟؟؟؟؟؟ |
أأوزو بالله.
عليك نور يا نور. كما قال ود الفكي، أنت علي أعتاب السلبة...
| |
|
|
|
|
|
|
Re: رد (Re: معاوية المدير)
|
Quote: على يا قريبلى
تلقوها عند الغافل
اتواصل مع غريبة فى الفيس
بغدين كل شوية تجينى اخبار جمعية السياحة واتحاد المراة والليلة العضة فى القاعة وبكرة الفتة فى الساحة
لا يفتح الله |
اخوي محمد سيداحمد ما دام انت عارف الخبير بحب العضة والفتة ( انت تكون قريب منه ) يمكن كنت معانا في جدة .. لمن تكون في مناسبة والعشاء بوفيه تلقاه قافل الصف عند ( صحن الروبيان ) يا جماعة العتالة بدون وجود الخبير غير ممتع .. يا قريبي الزول ده وحشنا شديد .. ولكن يبدو ان هناك قصور من مجلس الادارة ( الفكي والخضر والمدير والامير ) والبشاري وسيداحمد والاستاذة النور .. المهم الموجودين في اوربا ( شوفوا لينا طائرة بدون طيار للكشف عن مكان غريبة .. صوره متاحة في القوقل بالكوم ) يلا يا ناس اوربا وامريكا .. خلوا ايدكم معانا ..
| |
|
|
|
|
|
|
Re: رد (Re: علي عبدالوهاب عثمان)
|
http://www.0zz0.com
http://www.0zz0.com
يا جماعة الخبير ده لسه ما جمع ؟ لا بد من إرسال وفد رفيع المستوى للخرطوم للتحقيق فى لغز إختفاء الخبير .
| |
|
|
|
|
|
|
|