|
Re: الهلال الحل بس فيتا (Re: عبد العزيز محمد عمر)
|
Quote: شن جاب الفتريتة ... مع الــ فيتا
يا خلي
يبدو انو انا وانت ما نتلاقى إلا في الاسلام ...
ههههههههههههه
|
يا عزو اهم شي التباين دا عشان يحصل الحراك علي قول ناس الموتمر الوطني
ههههههههههههههههههههه
| |
|
|
|
|
|
|
Re: الهلال الحل بس فيتا (Re: د. ياسر عبد القادر)
|
Quote: كلام منطقي جدا......لو لم يفز أو يتعادل علي أسوأ الفروض......إنتهي الامر |
دكتور ياسر
نقطة واحدة لا تكفي الهلال محتاج نقطتين وصعب يتعادل مع مازيمبي
عليه هزيمة فيتا فقط ليستمر
ولكي لا تتحول مباراة الزمالك الاخيرة بامدرمان الي اداء واجب
| |
|
|
|
|
|
|
Re: الهلال الحل بس فيتا (Re: khaleel)
|
ابو الخل
رمضان كريم وتصوم وتفطر علي خير نبداء تفنيد جميع الاحتمالات لمباراتي فيتا ومازمبي
اولا هزيمة الهلال من فيتا ومازمبي يودع الهلال البطولة ويعود للمحلي
تانيا الهزيمة والتعادل يظل امل الهلال باقي معتمدا علي نتائج الزمالك حتي مع الهلال
ثالثا الفوز والهزيمة يتأهل في حالة فوزه علي الزمالك مياشرة واذا تعادل مع الزمالك تاهله مرهون بنتائج المباريات الاخري
رابعا الفوز في المبارتين يتأهل الهلال مباشرة حتي ولو انهزم من الزمالك وهذا الاحتمال الوحيد الذي معه ربما يظفر بالبطولة
لكن يا ابو الخل بعد مباراة اهلي الخرطوم وطنا انفسنا للاسواء
وحتي لو تأهل الهلال للربع النهائي تجارب الهلال السابقة لا تبشر بخير
| |
|
|
|
|
|
|
Re: الهلال الحل بس فيتا (Re: أبوالزفت)
|
رمضان كريم اخي خليل تحليلك لنتائج متبقي مباريات الهلال غير واردة بالمرة ، اولا الهلال لا يستطيع الحصول على اي نقطة من الكنغو ثانيا اذا قدر للهلال التعادل سوف يكون امام مازنبي فيتا اخطر من مازنبي ، اذا انهزم وخرج من البطولة شكلو كدا الدوري الممتاز ما بتقدروا تعافروا فيه الا بركات الكردلة الجديدة تقف مع الهلال .
اخشى ان تفطر جماهير الهلال بهزيمة مذلة من الزبون الدائم الذي لا يرحم الا بالخمسات.
| |
|
|
|
|
|
|
Re: الهلال الحل بس فيتا (Re: بدر المعارف محمد المساعد)
|
Quote: رابعا الفوز في المبارتين يتأهل الهلال مباشرة حتي ولو انهزم من الزمالك وهذا الاحتمال الوحيد الذي معه ربما يظفر بالبطولة
لكن يا ابو الخل بعد مباراة اهلي الخرطوم وطنا انفسنا للاسواء
وحتي لو تأهل الهلال للربع النهائي تجارب الهلال السابقة لا تبشر بخير |
ابو الزفت
رمضان كريم وتصوم وتفطر علي خير
شفت من فرط في داره قل مقداره
يعني لو ما سيف مساوي عملت البنلتي الارعن دا
كان مشينا مرتاحين
| |
|
|
|
|
|
|
Re: الهلال الحل بس فيتا (Re: khaleel)
|
Quote: اخشى ان تفطر جماهير الهلال بهزيمة مذلة من الزبون الدائم الذي لا يرحم الا بالخمسات. |
سلامات يا بدر
ورمضان كريم
ما دام البرازيل اخدت سبعة القصة عادي في كرة القدم
لكن نحن في السودان عندنا تجار صحافة رياضية
| |
|
|
|
|
|
|
Re: الهلال الحل بس فيتا (Re: khaleel)
|
Quote: ما دام البرازيل اخدت سبعة القصة عادي في كرة القدم |
ودعمي رمضان كريم ـ ـ ده الكلام الـ قُلْتو لزوجتي يوم البرازيل اخدت سبعة قلت لها : اها شُفتي دي تاني السودانيين يمسكوها عصا كلما يتغلبوا يقولوا هي البرازيل اخدت سبعة ـ وده المبرر الجديد للخيبة المستوطنة. النهار ده ياخليل : رحت السفارة عاوز استخرج شهادة ميلاد لي ولدي في طريقي الي المكتب توقفت في سوق الآمِشْ عاوز اشتري حاجات غير مسمدة للاولاد اكان عيني تقع في الرِّجلة ولاول مرة من ماجيت بلاد العم سام ـ اها الليلة معزومين معانا ملاح رجلة بعد عشرين سنة.
| |
|
|
|
|
|
|
Re: الهلال الحل بس فيتا (Re: عبدالعزيز الفاضلابى)
|
رمضان كريم يا خليل
الله يستر على الهلال من يوم 27 يوليو .... الهلال يعانى من عدم الاستقرار الادارى و الفنى كما الزمالك بشمال الوادى و عدم الاستقرار دا سياثر سلبا على اداء الـ 11 لاعب .
وعموما الهلال لا يمكن توقعه خصوصا الايام دى - ممكن يلعب كوره جميله ويجيب نتيجه مرضيه وممكن برضو يلحقونا مرحله البرزله .
تحياتى
| |
|
|
|
|
|
|
Re: الهلال الحل بس فيتا (Re: خالد عبد الحليم سعيد)
|
الأخ/ خليل .. رمضان كريم.
Quote: لكن نحن في السودان عندنا تجار صحافة رياضية |
للأسف هؤلاء هم كل بلاوي الكرة السودانية. بالنسبة لـ مباراتي الكنغو .. ممكن تطلعوا بنقطة من مازيمبي .. فيتا لا + نقاط مباراة الزمالك الراقد سلطة بإمدرمان.
| |
|
|
|
|
|
|
Re: الهلال الحل بس فيتا (Re: Mirghani Taitawi)
|
Quote: في طريقي الي المكتب توقفت في سوق الآمِشْ عاوز اشتري حاجات غير مسمدة للاولاد اكان عيني تقع في الرِّجلة ولاول مرة من ماجيت بلاد العم سام ـ اها الليلة معزومين معانا ملاح رجلة بعد عشرين سنة. |
ود عمي
الرجلة في العشاء وعليك الله تاكلا بالكسرة مع صحن سلطة ولازم يكون الجرجير فوق
ولو لقيت جنبها صحن شية وشطة تبقي حلا وحمار ( يوميات زول جعان في نهار رمضان ودرجة حرارة 42 )
طيب ما ناخد خمسة اسبانيا بطلة العالم واوربا اخدت خمسة (جنك بيش )
| |
|
|
|
|
|
|
Re: الهلال الحل بس فيتا (Re: khaleel)
|
Quote: لله يستر على الهلال من يوم 27 يوليو .... الهلال يعانى من عدم الاستقرار الادارى و الفنى كما الزمالك بشمال الوادى و عدم الاستقرار دا سياثر سلبا على اداء الـ 11 لاعب .
|
خالد عبد الحليم
حيياك الله
طبعا الهلال متعود علي الخسارة في رمضان حينما يلعب خارج السودان
عندو مشكلة تاريخية في مباريات رمضان خارج السودان
نامل ان ينتصر هذه المرة
تحياتي
| |
|
|
|
|
|
|
Re: الهلال الحل بس فيتا (Re: khaleel)
|
Quote: يا خلي لا تحلموا بعالم سعيد الهلال ودع البطوله منذ تعادله مع فيتا في الخرطوم الا تحصل معجزه بي خسارة فيتا والزمالك في ارضهم من مازيمبي ويفوز الهلال علي الزمالك في الخرطوم |
نعم احمد خضر
من فرط في داره قل مقدارو ومن البطولة طارو
دروبنا تتوه ونحن نتوه ونتوجع ونفتح للامل ابواب
| |
|
|
|
|
|
|
Re: الهلال الحل بس فيتا (Re: khaleel)
|
Quote: للأسف هؤلاء هم كل بلاوي الكرة السودانية.
بالنسبة لـ مباراتي الكنغو .. ممكن تطلعوا بنقطة من مازيمبي .. فيتا لا + نقاط مباراة الزمالك الراقد سلطة بإمدرمان. |
سلامات تيتاوي
نقطة واحدة تجعلنا تحت رحمة الاخرين اما تلاتة نقاط اما تعادلين
ويا ريت لو فوزين وتالت مع الزمالك عشان نلعب النهائي في امدرمان
(اطرد الاحلام يا جميل واصحي)
| |
|
|
|
|
|
|
Re: الهلال الحل بس فيتا (Re: فتحي الصديق)
|
Quote: يتا أخطر من مازيمبي يا خلي .. من الممكن أن يفوز الهلال على مازيمبي ,,لكن صعب يفوز على فيتا . وكلنا شفتا كثرة و خطورة هجمات فيتا , وقلة هجمات مازيمبي على مرمى الهلال في الخرطوم .
|
المهم تلاتة نقاط من الكنغو يا فتحي
من فيتا من مازيمبي من الجن الاحمر \
| |
|
|
|
|
|
|
Re: الهلال الحل بس فيتا (Re: khaleel)
|
يؤدي فريق الهلال السوداني في السادسة من مساء الغد بتوقيت السودان مباراته الأولى في الجولة الثانية لبطولة دوري أبطال أفريقيا، وهي المباراة الرابعة في البطولة. وقد سبق أن أدى الهلال ثلاث مباريات في الجولة الأولى لدوري أبطال أفريقيا مع فرق مازيمبي - الزمالك ثم فيتا الكنغولي. واستعد الفريقان للمباراة بقوة حيث ظلا في حالة تجارب متواصلة مصحوبة بمباريات خاضها الفريقان في دوري بلدهما بجانب أداء الفريقين بعض المباريات الودية من أجل اختبار عناصر جديدة يمكن أن تشارك في مباراة الغد. لعب الهلال ثلاث مباريات في الجولة الأولى لدوري أبطال أفريقيا جاءت كالآتي: أولاً: التقى بفريق مازيمبي في استاد الخرطوم وحقق الهلال الفوز 1/صفر. لقاء الهلال الثاني أداه بالقاهرة أمام فريق الزمالك ليخسر الهلال المباراة. اللقاء النهائي في الجولة الأولى أداه الهلال في استاد الخرطوم أمام فيتا كلوب وانتهى اللقاء بالتعادل 1/1. فيتا كلوب والنتائج التي لعبها في الجولة الأولى: التقى فيتا في أولى مبارياته بفريق الزمالك بأرضه وفاز فيتا 2/1. مباراة فيتا الثانية له مع خصمه اللدود مازيمبي بالكنغو وفيها فاز مازيمبي 1/صفر. مباراة فيتا الأخيرة في الجولة الأولى كانت مع الهلال في استاد الخرطوم وانتهت المباراة بالتعادل 1/1. قبل أن تنطلق مباريات الجولة الثانية لدوري أبطال أفريقيا جاء ترتيب فرق المجموعة الأولى التي شارك الهلال كالآتي: مازيمبي يتصدر المجموعة برصيد 6 نقاط بفوزه في مباراتين على الزمالك وفيتا وخسارته أمام الهلال. الهلال احتل المرتب الثاني برصيد 4 نقاط بالفوز على مازيمبي والتعادل مع فيتا والخسارة أمام الزمالك متساوياً مع فيتا إلا أن التفوق جاء لصالح الهلال بفارق الأهداف. فيتا أحتل المركز الثالث برصيد 4 نقاط بالفوز على الزمالك والتعادل مع الهلال. الزمالك جاء في المركز الأخير برصيد 3 نقاط كسبها بالفوز الذي حققه على الهلال مع خسارته أمام مازيمبي وفيتا كلوب.
| |
|
|
|
|
|
|
Re: الهلال الحل بس فيتا (Re: صديق الموج)
|
Quote: يا تفوز يا ترجع تكابس في الممتاز |
ياهو ده الحل ولا غيره .. واللقمة الماتقدر تشيلها بايدكـ وتاكلها لن يطعمك الآخرين لها فرط الهلال من الاول واستهتر في ملعبه فلن يحقق شيئا في ملاعب الاخرين انما هو محض بحث عن مبررات وشماعات اخير للهلال اليجي يكابس في كورتنا المحلية دي ويفرح فرح الغشيم بالفوز على الفرق الضعيفه .. فرحه غشيم تناسب الهلال طمم بطنا والله يا ابو خليل الهلال ده وكل كورتنا خلتنا كرهنا الكوره كل ما تمرق من حفرة تدخل في حفرة اعمق من التي سبقتها
| |
|
|
|
|
|
|
Re: الهلال الحل بس فيتا (Re: صديق الموج)
|
Quote: فرط الهلال من الاول واستهتر في ملعبه فلن يحقق شيئا في ملاعب الاخرين انما هو محض بحث عن مبررات وشماعات اخير للهلال اليجي يكابس في كورتنا المحلية دي ويفرح فرح الغشيم بالفوز على الفرق الضعيفه .. فرحه غشيم تناسب الهلال طمم بطنا والله يا ابو خليل الهلال ده وكل كورتنا خلتنا كرهنا الكوره كل ما تمرق من حفرة تدخل في حفرة اعمق من التي سبقتها |
هلا جيمي
تفريط بالجملة والقطاعي وظهرت موضة جديدة
حكاية الهزيمة في اخر عشرة دقائق
اماما فيتا مرتين وامام الزمالك مرتين
وظلت ركلة الجزاء ماركة مسجلة للهلال ان لم يفعلها مساوي يفعلها سامي
وقصة ونهايتا لسه
| |
|
|
|
|
|
|
Re: الهلال الحل بس فيتا (Re: khaleel)
|
Quote: فيتا بطعم الفراولــــــــــــــــة فيتا بطعم البرتقــــــــــــــــــــــــــــــــــــال اتنين فيتا للهـــــــــــــــــــــــــــــــــــــــــــــــــــــــــــــــــــــــــــــــــــــلال الحك بس فيتا..الحك بس فيتا..الحك بس فيتا..الحك بس فيتا..الحك بس فيتا |
خالي صديق الموج التمهيدي
سيكافا متين قالو الوالي برضو
دافع مصاريف سيكافا الجديدة
| |
|
|
|
|
|
|
|