ونحن زاتنا على كيفنا نقول دايرين اصحابنا واخوانا معانا هنا داا ,, شول ودينق والبينو وزكريا وكوولهم .. دايرن نكون معاهم في نفس الحته ..
وبما انو المنبر دا ديموقراطي , فاااا من حق كل زول برضو يفتح بوست يقول دا دايرنو ودا ما دايرنو ,, من حق بكري ان يدخن .. ومن حقنا ان نتنفس هواء نظيفا .. انتو يا جنابو ما درسوكم ديموغراطيه ؟؟ (^_^)
01-10-2011, 08:28 AM
omer osman
omer osman
تاريخ التسجيل: 06-09-2007
مجموع المشاركات: 15218
اتمنى ان يستمر الجميع سويا الجغرافيا لن تمنعنا من التواصل بشكل طبيعى وحميم..لن نجعل احد يشعر بالغربة وسطنا من جديد..ربما كان الانفصال درسا لنا وربما عدنا مرة اخرى لنصبح وطنا واحدا تحياتى لك اخى عمر وبقية الشاب مرحبا بكمايضا
01-10-2011, 08:47 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: ولاحيلة لنا غير التمني والتمني ثم مزيد من التمني والتمني ..........
حبابك يامحمد عوض
صدقت والله..التمنى ده احنا بغنى ليهو عديل..من ثغار بنقول..يارب بتمنى انك تدينى شينو وشينو..مرحلة لا يمكننا ان نقفز فوقها..والله بعد مرات..بحس اننا اكتر عبيد محيرين لى الله ذاتو..
استغفر الله
01-10-2011, 08:44 AM
omer osman
omer osman
تاريخ التسجيل: 06-09-2007
مجموع المشاركات: 15218
جنابو عمر والله دخلت هنا عشان أقول تمام سعادتك لكن لقيت الحكاية فيها انفصال وفصل وبورد هنا وبورد بهناك وموافقة وممانعة خلينا نمرق من هنا ونشوف الحاصل شنو ونجي نقد في ضل الحيطة بتاعتك دي (أقصد شجرة المنجة الهندية)
01-10-2011, 08:49 AM
omer osman
omer osman
تاريخ التسجيل: 06-09-2007
مجموع المشاركات: 15218
يشوف العوج وبقطعا في حنانو ويسكت ...خطأ طبي يودي القبور (هذا حال الدنيا) ...محسوبيه وتمرير أجنده (لبعيه خفيه) وعلى عينو (المواطن ) ياتاجر (يمنطق نفسو) بي (نفسو) ويقول هي الدنيا كلها ماشه كدا ....و و و و و ...وماتوري وشك وقعر الحيطه أمشي
البلد (أقصد ناس البلد) دي إلا يجيبو ليها حاوي ...شان تنعدل
الغريب في الأمر إنو المواطنين ديل أكتر شعوب العالم معرفه وفهما وتفتيحه وسفرا وتجاربا وبرضو يعملو فيها رايحين ...وينظرووو من بعيد
01-10-2011, 09:34 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
في الدفاع الشعبي مولانا مصطفى سكّو قال التعلمجي قال ليهم : اقول ليكم نطوا فوق تنطوا .. انزلوا تنزلوا .. خليكم في الهواء تخليكم في الهواء .. مصطفى قال ليهو : نخلينا في الهواء ! انحنا اكياس نايلون !! هههههههها
اسي شكلنا حا نكون معلقين كدا في الهواء !!! بس ان شاء الله نكون كلنا ..
عشان نكون كلنا في الهواء سوا ..
محبتي الاكيدة يا عمر
01-10-2011, 11:07 AM
omer osman
omer osman
تاريخ التسجيل: 06-09-2007
مجموع المشاركات: 15218
مصطفى زول جميل جدا وزي ما قلت سريع بديهو وفطن .. وعلى فكرة حكى لينا كتير جدا عن المعسكر وقطع مصارينا بالضحك .. مرة سالتو قلت ليهو : انتو كم نفر في الخيمة بتكونوا قال لي نحنا سبعة ، وتمنية بالزير . وفي نفس المعسكر كان صاحبنا وجارنا عماد الدين ميرغني عبد الحميد قنصل السودان بواشنطن ..
شفت الفرتيك دا كيف !!!
01-10-2011, 04:51 PM
SHIBKA
SHIBKA
تاريخ التسجيل: 01-14-2009
مجموع المشاركات: 5759
Quote: كان الضابط قال (الحيطة) دي (شجرة منقة) تقولوا شنو ؟
نقول : كمان هندية ياسعادتك ............ (من اقوال التعلمجي عباس)
رحم الله تعلمجيــة الشرطة ..
دينى وايمانى والجيش ما فيهو حليفـة .. ضابط فى ام الكلالـى يقول الحيطة دى شجرة منقــة قبال ما يتم كلامــو كل واحد من المستجدين بيكون شال ليهو منقايــة ختاها فى جيبو والتانية فى خشمو .. ( بيكونو فرتقو الحيطة منقايـة منقايـة ) ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة