|
Re: ......إهداء للعرسان (تمبس & داليا ) ........ (Re: ابوعسل السيد احمد)
|
فرحة/ابو آمنة حامد
بين الريد والهوى ..عشنا ايامنا سوى ما قاسينا النوى ما أحلاك ياهوى ..الهم راح وانطوى عش ريدتنا استوى بين ايديه هنايا .. في عينيه منايا حققنا أحلامنا والعاشق عقبالو بيني وبينو حكاية ..أصلو ماليها نهاية وأحلام دنياية لو شفتوهو معاية ..خطو الحالم آية يروي محاسنو رواية كم ضوت دنياية ..نور دربي براية حققنا أحلامنا والعاشق عقبالو أنا بحبو اكتر ..ياما هواي بيكبر ياما مشاعري بتسكر حبو النامي الأخضر ..راعيناهو أزهر في قلبينا ونوّر والعذال كدناهم ..في لحظة نسيناهم حققنا أحلامنا والعاشق عقبالو الأحباب شافونا ..بالأفراح لاقونا هنونا وهنونا حبيناهم حبونا ..غنو معانا وشاركونا بالأحلام منونا يا عشاق عقبالكم .. قولولنا هنيالكم حققنا احلامنا والعاشق عقبالو قالو بتحبو قتا ليهم مالو ايدو علي ايدي الهنا مشينالو حققنا أحلامنا والعاشق عقبالو
| |
|
|
|
|
|
|
Re: ......إهداء للعرسان (تمبس & داليا ) ........ (Re: omer osman)
|
أول مرة اشوف لي عسكري رومانسي وبيغني كمان ...
العسكري الوحيــد الشفت ليهو يد في الغناء المرحوم اللواء معاش بتاع برنامج اغاني الحقيبة ( اظن اسمو ابراهيم عبد الكريم).. وحتي داك اهتم بالغناء حق كع كررع حقيبة ..
المهم هسع .. مبروك لصاحبتي دلوش والعزيز تمبس .. وربنا يتم على خيــر .. وبيت مال وعيال
| |
|
|
|
|
|
|
Re: ......إهداء للعرسان (تمبس & داليا ) ........ (Re: HAIDER ALZAIN)
|
Quote: أول مرة اشوف لي عسكري رومانسي وبيغني كمان ...
|
وووووووين يامعلم العساكر ديل ما اسياد الغناء زاتو ..... جريهم بي غناء وكل شيء بي موسيقي ونغمات ...... العسكري لمن
يكون ماشي بالخطوة المعتادة 21 بوصة كل خطوة بنزل بي كعبة الجزمة في اضانو بسمع صوت الطبلة العسكرية ....................
بعدين وين ليك مبارك المغربي عسكري ........ الحسين الحسن عسكري ..... ابوامنة حامد عسكري ...... عوض احمد خليفة صاحب روائع
اغاني عثمان حسين عسكري
| |
|
|
|
|
|
|
Re: ......إهداء للعرسان (تمبس & داليا ) ........ (Re: Nasr)
|
الحمد لله رب العالمين ذلك من فضل الله بيده الخير انه على كل شئ قدير فقط فلنتعلم كيف نشكره سبحانه وشكر النعمة من جنسها فهنيئا وبالرفاء والبنين جعله الله بيت سلام ومودة ورحمة وتقى وصلاح ورزقكم عز وجل الذرية الصالحة _______________ رب اوزعني ان اشكر نعمتك
| |
|
|
|
|
|
|
|