1- قوليهو هل في محاولة علاج بدون جراحة؟ ولو رفضت الجراحة نهائيا ماذا سيحث؟
2- اسالو عن فوايد الجراحة ومخاطرها وتعقيداتها وعن معدلات النجاح واحتمالات الوفاة
3- اخد راي جراح اخر اكثر خبرة وتاهيلا , فربما يقرر الاول الجراحة بينما يعالج الاني الموضوع بالعقاقير او الحمية او التمارين.
اللجوء الى بدائل عن الجراحة مهم ويمكن اللجوء اليه في حالة العمليات الغير ضرورية كعمليات اسئصال الرحم وجراحة المرارة , إستئصال اللوزتين ,البواسير مرض , دوالي الوريد , الفتاق وجراحة الظهر
*كلم الدكتور طوالي لو حسيت بانك مهمل او اتكلم معاك كلام محبط او لو فرض عليك حمية كنوع من العلاج وعملليك اضطرابات في حياتك لغاية ما قدرت تواصل فيها. لابد يكون طبيبك جدير بثقتك. لو ما ربطتك بيو علاقة طيبة فطوالي شوف دكتور تاني.
اثبتت الدرسات انو المريض ثقافة واطلاع المريض بيكون ليها فوائد كتيرة. والمريض المثقف بيقدر يلقى فوائد اكتر من المرضى الغير مثقفين وبيتكلم قدام الدكتور بطريقة مرتبة وجيدة. وبرضو بيشفى سريع وبيعاني اقل وبيحتاج لعلاجات اقل. دي كانت جهود قليلة من جانبك جابت ليك فوائد كبيرة.
كيف تختار الطبيب المناسب؟ 1- اختار طبيب عمومي كتير من الناس بيشتتو عنايتهم الطبية بين الاخصائيين فمجرد اصابتك بطفح جلدي بسيط ما ممكن تمشي طوالي لاخصائي جلدية, كذلك مجرد التهاب في البول ما تمشي بيهو لاخصائي مسالك بوليه وضربة بسيطه في كعب القدم ما تمشي ببيها لاخصائي العظام..الخ. بعض النساء يستخدمن طبيب امراض النساء والولادة البتابعن معاهو كطبيب عمومي ويستشيروهو في اشياء غير تخصصه. طبيك المنتظم البتمشي ليهو طوالي مفروض يكون طبيب الاسرة بتاعتكم عشان بيكون عارف كل تفاصيل اسرتكم وتاريخكم المرضي او يكون اخصائي باطنية ومتابع مسارك المرضي وهو البيحدد ليك متين تلجأ لاخصائي اخر. 2- اختار الطبيب بتاعك وانت نصيح..قبل تمرض يعني لمن تكون عيان ومقلق ما بكون عندك زمن ولا طاقة تكرسها في انك تجد طبيب كويس.
3- اعمل لستة بكل المتاح..اتصل بالمستشفى المحلي وافضل يكون مستشفى تعليمي او مستشفى يسمح بتنويم المرضى واسال عن الاطباء المقيمين واطباء الاسرة واعرف ان كان عندهم عيادا خاصة حوالين المستشفى. خلي الصيدلي الجنبكم يعمليك توصية بالدكاترة الممكن تمشي ليهم او اسال الثقات من زملاءك في العمل او اصدقاءك او جيرانك.
4- قيّم الدكاترة من الحالة العامة لسلوكهم : فمثلا البيطلب فحوصات غالية او خطرة او البيظهر انو مستعجل في وصف المضادات الحيوية او المهدئات او الادوية القوية.
5- ابحث بشدة عن الذين يستخدمون الطب الوقائي: فالطبيب قد يستفسر عن الحمية التى تتبعها او عاداتك في التدخيك او الشراب والمخاطر المحتمل تعرضك ليها وبسالك عن هواياتك ثم يشوف التوصيات المناسبة ليك. بما ان اغلب الامراض الخطيرة لا علاج لها ,لذلك تبقى الوقاية من الامراض هي الهدف الاهم للعناية الطبية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة