|
Re: مازمبي، الهلال، فيتا كلوب، الزمالك.. (Re: keiga2000)
|
الأخ الفاضل كيجا أولاً لازم تعرف يا زول إنو نحنا أسياد لبن نقعد نقوم على كيفينا وإن شاء الله نتم الباقي موية ، وبياعين اللبن ديل أخير مننا في شنو يعني وأسأل كفتيرة شاي الصباح في أى كانون تقول ليك إنو رطل اللبن يساوي رطل إلا ربع وفي روايات أخر نص رطل والباقي بعض ماء وهلم. وهو ضرب من ضروب الغش التجاري الصريح ، وحبوبة لينا من العصر الطباشيري قالت فض فوها كان ما غشوك ما كان ربوك ، وهي في تقديري دعوة صريحة للغش والضحك على الدقون ، لكن ذات الحبوبة قالت بعد أن دنكلت السفة وحشرتها في أقصى اليسر من الفك السفلي يا ولدى الغش ما بربي القش ، طيب ما هو في قش بقوم براهو كده يعني (بروس) أها ده الرباهو منو الزمن ولا المسافة. بعدين هنا في كونترادكشن يا حبوبة نغش ولا ما نغش يعني نمارس غش التربية ولا نلبد في القش وما نقول كش صحيح أن أكثر المتشائلين لا يتوقعون فوز الجماعة لكن ربما يعملوا ما لا تتمناه لهم فالجنيات الزرق برغم المستوى والإمكانيات والماضي التليد قنعانين من الشغلانة بس في كل الأحوال الغرقان بتمسك بي قشة ، وقشة ما تعتر ليهم إن شاء الله . الواضح أن هذا البوست دخله الكثير من البشر ولم يترك بصمة أو تعليق إلا نفر قليل والباقيين ما بين متاوق ومعاين وكاحل لأسباب أي كانت أعقبها الشتات من البوست ، وما دمت قد أوردت بعضاً من حبوبات العصر الطباشيري فهؤلاء المتاوقين هم من "دخل القش وما قال كش". == أبو مصطفى لوك الصبر حتى صافرة النهاية وعندها يحق لك أن تغني حتى بدون مصاحبة آلات موسيقية وتقول بصوت عالي "الزعيم القلبي رادو"
|
|
|
|
|
|
|
العنوان |
الكاتب |
Date |
مازمبي، الهلال، فيتا كلوب، الزمالك.. | keiga2000 | 04-29-14, 10:31 AM |
Re: مازمبي، الهلال، فيتا كلوب، الزمالك.. | keiga2000 | 04-29-14, 11:16 AM |
Re: مازمبي، الهلال، فيتا كلوب، الزمالك.. | ياسر منصور عثمان | 04-29-14, 11:17 AM |
Re: مازمبي، الهلال، فيتا كلوب، الزمالك.. | keiga2000 | 04-29-14, 11:17 AM |
Re: مازمبي، الهلال، فيتا كلوب، الزمالك.. | abas | 04-29-14, 11:25 AM |
Re: مازمبي، الهلال، فيتا كلوب، الزمالك.. | keiga2000 | 04-29-14, 11:35 AM |
Re: مازمبي، الهلال، فيتا كلوب، الزمالك.. | ياسر منصور عثمان | 04-29-14, 12:06 PM |
Re: مازمبي، الهلال، فيتا كلوب، الزمالك.. | هشام المجمر | 04-29-14, 12:10 PM |
Re: مازمبي، الهلال، فيتا كلوب، الزمالك.. | keiga2000 | 04-30-14, 05:26 AM |
Re: مازمبي، الهلال، فيتا كلوب، الزمالك.. | keiga2000 | 04-30-14, 05:20 AM |
Re: مازمبي، الهلال، فيتا كلوب، الزمالك.. | almulaomar | 05-01-14, 06:59 AM |
Re: مازمبي، الهلال، فيتا كلوب، الزمالك.. | almulaomar | 05-01-14, 07:19 AM |
|
|
|