شمارات حارة .. فى السوق .. وبخور تيمان !

Quote: بريمة يا عبقرينو .. عايزني أحلف ليه طيب ..وإنت تسألني كيف عرفت إنو الشمار دا بيخصني ؟ ماهو الكضبة دي فكاها واحد أهبل من حركة مناوي في الفيسبوك ..ونقلها واحد عبيط للبورد دا ..وأنا أثبت كضبها في ساعتها في الفيسبوك وهنا .. وردمتهم ردم لما تركتهم مبلسون .. ولما قعدوا يرسلوا في الأجاويد والوساطات .. مع إني برضه سترتهم ولم أكشف كل البلاوي والكضبات والوهمات . وهم عارفين كوييييس إنو في يدي في شنو .. لكن بس من حسن حظهم إنو عندي ضمير .. ........... وعلى العموم أنا بحلف وأقسم بالله العظيم إنو إنت كذاب وأنشاء الله أعدم أهلي كلهم .. لو ما كان حركة مناوي سعت لضمي إليها سعيا ..وكنت أحضر معظم أجتماعاتهم القيادية مجبرة ومجرد مجاملة مني .. ومن شدة إلحاحهم وحصارهم لما قربت تجيني حالة نفسية عديييييييل كدا . وأقسم إنو حتى إستقالة تراجي لم يكن لها أى علاقة بي ..وإنما لأنها إكتشفت قبليتهم وإنعدام المؤسسية داخل هذه الحركة ..ويئست من إصلاحهم .. خاصة بعد إقالتهم المهينة للقيادي المخلص إبراهيم أحمد إبراهيم . بعدين بأمانة كدا ..هم يلقوني وين .. هو أنا عبيطة ..إنت قايل .. عشان إنضم لحركة قبلية ذكورية ترفع شعار تحرير السودان قال..هو إحنا ناقصين بلاوي .. ومعقول بس ..يكون ما عندي ضمير ..لدرجة أرضى بمنصب عرض علي داخل حركة تهمش نساءها المنضمات ليها منذ إنشاءها .. حين لا أطمح حتى في رئاسة الحزب الذي أسسته ..؟ في حاجات سهلة جدا يا بريمة بالنسبة للبعض ..ووسائل غاية في السهولة للتسلق والصعود على أكتاف وظهور الآخرين .. ولو كنا أنا وتراجي من النوعية دي ...ما كنا ضيعنا ثانية واحدة معاكم هنا في الهردبيس دا .. كل يوم نتشتم وتشوه سمعتنا وسمعة اللي خلفونا .. تفتكر الجابرنا على كل دا شنو ؟ فكر فيها شوية .. دا لو كان عندك شوية مخيخ . +++++++++++++++ أها أنا حلفت يمينا مغلظة ، ورميت لك القفاز فالتقطه ...كان تقدر .