|
Re: لكي لا ننسى...كجبار (Re: عماد شمت)
|
أخـى عماد تحياتى
عذاباتنا فاقت عذابات أى قوم على وجه البسيطة منذ ذلك اليوم المشئوم الذى وقف فيه الخديوى وقرر فيه بناء سد أسوان عام 1890 يعنى من قبل مية وأربع وعشرين سـنة، والنوبيين ماشافوا راحة ولا عرفـوا أى سعادة. تشريد وتهجيرأربعة مرات وأمراض ما ليها حد وموت بالمئات.
عذابات فاقت أطول مأساة فى التاريخ عملية تشريد سكان أميريكا الأصليين (الهنود) فيما يسمى بمسـار رحلة الدموع الإنكتب فيها الشعر والروايات وتغنت عن مأساتها أعظم الفنانين والتى لم تدم حتى عشـر سنين عذابات أهلنا. ونحن معاناتنا ليها قرن وربع. والجميع فى صمت "ولا من شاف ولا من درى"! وبعد كل دا يجوك يلوموا الضحايا ويتهمونهم كذبا بالعنصرية بدل ما يواسـوهم ويسـاندوهم، ويقولوا ليهم "ياسلام عليكم. أنتو رغم جراحاتكم ومآسيكم مازلتوا مترابطين ومتسـاندين. أنتو رمز للكرامة والسـمو الإنسـانى. لأنكم ظليتوا متجردين تبذلوا فى الجهد والعطاء من أجل الآخرين ومافى يوم أمتنيتوا على زول ولا قلتوا نحن أحسن من أى زول تانى فى السودان!"
لكن ياصديق دا دليل على الصمود الحضارى اللى سيبقى الأمة النوبية بإذن الله خالدة أبدا خلود النهر والله رغم موت الشـباب ديـل البيقطع القلب، لكين فى حاجة مهمة إنه نبه كل الأجيال الجديدة لعمق الجراح وطول الأسى والألم وخلاهم يغوصوا فى التاريخ الطويل لمآسـينا. ودا مهم جدا فى توحـيد المشاعر وزيادة التحـنان على بعضـنا والمواساة الجماعية والمسـاندة، البسميه كثيرين من الجهله "عنصرية". بالله عليكم أرحمونا. يعنى عنصرية فى الألم والعذابات؟ سـاندونا ولو بمناحـات فنية زى ماعملوا الناس الأمينين تجاه سـكان أمريكا الاصليين من اشعار ولوحات وأفلام.
http://www.sudaneseonline.com/board/380/msg/1325048134.html
مـانحن يانا زاتنا الخليل فرحنا نظم شـعر لأمة السودان ووردينا نزف جراحاتوا غنا من أجل السودان! ومدرسينا العلموا الناس فى كل ركن من السودان ومعاهم دكاترتنا ومهندسـينا وكل المهنين الإتجردوا وما إتوانوا فى تقديم العطاء لكل جزء من السودان بلا ترفع. وما قالوا ولو مرة أهلنا ولا مناطقنا أولى!
وللأرض والسـواقى والنخيل والأهل نقول ليهم أنتو فى القلب وفى الخاطر. وكجبار رغم الألم والوجعة حتكون رمز للصمود والشـموخ بإذن الله. ولا مرحبا بالسـدود:
كـجـبار قــرن وربـع مـن الصـمـود
ضراعى الينبتر لو إيديىَّ ما تسـندكـم وعـقلى اليطـير أن ما دوام فاكـركــم لسـانى الينقطع لو يوماتى ما مجـدكم وقلبى الـيقيف إن أركانه ما جـمعتكم ما من يوم إتولد جـواه كان مسـكـنكم وفى كجـبار تـانى إتولد مـع وقـفـتكم ما الليله الخـلوق شهدت على عزتكم شـافت صـمود زى الأربعة الفادينكم كان بـلانه أو من دال الفيها سـاقيتكم كان فريق سـمت مشـكيلة أو دفويكم ماالكـل أرضـنا الـياها أم تـاريخـكـم تطير السـدود الما فيها شى بينفـعكـم كل سـد بـنوه جـاب الدمـار شـردكـم مية سـنة وربعا وجع الجحيم شتـتكم ورغم العـذاب حب الأرض صمدكم وبالغالى وعـزيز كل نوبى بيآزركم وقسم أولادكم الفى الغربة ماناسـنكم ذرية عظام عزة رجال مسقية بنيتكم أصـل الحضارة وأسس العلوم منكـم إنتو الأسود وربى العـظـيم ينصركم
|
|
|
|
|
|
|
العنوان |
الكاتب |
Date |
لكي لا ننسى...كجبار | Kostawi | 03-30-14, 01:39 AM |
Re: لكي لا ننسى...كجبار | عبدالرحمن إبراهيم محمد | 03-30-14, 10:46 AM |
Re: لكي لا ننسى...كجبار | Elmosley | 03-30-14, 11:35 AM |
Re: لكي لا ننسى...كجبار | علي عبدالوهاب عثمان | 03-30-14, 01:19 PM |
Re: لكي لا ننسى...كجبار | علي عبدالوهاب عثمان | 03-30-14, 01:25 PM |
Re: لكي لا ننسى...كجبار | Kostawi | 03-30-14, 02:46 PM |
Re: لكي لا ننسى...كجبار | Medhat Osman | 03-30-14, 04:42 PM |
Re: لكي لا ننسى...كجبار | عماد شمت | 03-30-14, 10:55 PM |
Re: لكي لا ننسى...كجبار | عبدالرحمن إبراهيم محمد | 03-31-14, 02:56 PM |
Re: لكي لا ننسى...كجبار | عماد شمت | 03-31-14, 09:08 PM |
Re: لكي لا ننسى...كجبار | عبدالرحمن إبراهيم محمد | 04-01-14, 03:49 PM |
|
|
|